Hyundai Creta-Alcazar ಅಡ್ವೆಂಚರ್ ಎಡಿಷನ್ ಬಿಡುಗಡೆ... ರಗಡ್ ಲುಕ್‌ನಲ್ಲಿ ಮಿಂಚಿದ ಎಸ್‌ಯುವಿಗಳು!

ಹ್ಯುಂಡೈ ಮೋಟಾರ್ ಇಂಡಿಯಾ ಲಿಮಿಟೆಡ್ (HMIL), ಇಂದು ತನ್ನ ಅತ್ಯಂತ ಜನಪ್ರಿಯ ಎಸ್‌ಯುವಿಗಳಾದ CRETA - ALCAZAR ನ ಅಡ್ವೆಂಚರ್ ಆವೃತ್ತಿಗಳನ್ನು ಬಿಡುಗಡೆ ಮಾಡಿದೆ. ಹೊಸ ಅನುಭವಗಳನ್ನು ಅನ್ವೇಷಿಸಲು ಮತ್ತು ಅಳವಡಿಸಿಕೊಳ್ಳಲು ಇಷ್ಟಪಡುವವರಿಗಾಗಿ ಅಡ್ವೆಂಚರ್ ಆವೃತ್ತಿಯನ್ನು ವಿನ್ಯಾಸಗೊಳಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ.

ಹೊಸ ಎಡಿಷನ್‌ಗಳ ಬೆಲೆ ನೋಡುವುದಾದರೆ, ಹ್ಯುಂಡೈ ಕ್ರೆಟಾ ಅಡ್ವೆಂಚರ್ ಆವೃತ್ತಿಯು 15.17 ಲಕ್ಷ ರೂ. ನಿಂದ ಆರಂಭವಾಗಿ 17.89 ಲಕ್ಷ ರೂ.(ಎಕ್ಸ್‌ ಶೋರೂಂ)ವರೆಗೆ ಇದೆ. ಅಲ್ಕಜಾರ್ ಅಡ್ವೆಂಚರ್ ಬೆಲೆ ನೋಡುವುದಾದರೆ, 19.03 ಲಕ್ಷ ರೂ.ನಿಂದ ಆರಮಭವಾಗಿ 21.23 ಲಕ್ಷ ರೂ. (ಎಕ್ಸ್‌ ಶೋರೂಂ) ಇದೆ. ಅಡ್ವೆಂಚರ್ ಲುಕ್‌ಗಾಗಿ ಬ್ಲಾಕ್ ಇಂಟೀರಿಯರ್, ತಿಳಿ ಹಸಿರು ಇನ್‌ಟೇಕ್‌ಗಳು, ವಿಶೇಷ ಅಡ್ವೆಂಚರ್ ಸೀಟ್‌ಗಳನ್ನು ನೀಡಲಾಗಿದೆ.

ಡಿಸೈನ್ ಬಗ್ಗೆ ಹೇಳುವುದಾದರೆ, ಅಡ್ವೆಂಚರ್ ಎಡಿಶನ್ ಅನ್ನು ಹೊಸ ರೇಂಜರ್ ಖಾಕಿ ಬಣ್ಣದೊಂದಿಗೆ ಪರಿಚಯಿಸಲಾಗಿದೆ. CRETA ಮತ್ತು ALCAZAR ನಲ್ಲಿನ ಅಡ್ವೆಂಚರ್ ಆವೃತ್ತಿಯು ಗ್ರಾಹಕರಿಗೆ ಅಡ್ವೆಂಚರ್ ಲೈಫ್‌ಸ್ಟೈಲ್‌ಗಾಗಿ ನಿರ್ದಿಷ್ಟ ಗ್ಯಾಜೆಟ್‌ಗಳು ಮತ್ತು ವೈಶಿಷ್ಟ್ಯಗಳೊಂದಿಗೆ ಒರಟಾಗಿ ಕಾಣುವ ಬಾಹ್ಯ ವಿನ್ಯಾಸವನ್ನು ಹೊಂದಿದೆ. ಇತರ SUV ಗಳಿಗಿಂತ ಭಿನ್ನವಾಗಿ ರಸ್ತೆ ಉಪಸ್ಥಿತಿಯನ್ನು ನೀಡುತ್ತದೆ ಎಂದು ಹ್ಯುಂಡೈ ಹೇಳಿಕೊಂಡಿದೆ.

CRETA ಮತ್ತು ALCAZAR ಅಡ್ವೆಂಚರ್ ಆವೃತ್ತಿಗಳು 21 ವಿಶಿಷ್ಟ ವೈಶಿಷ್ಟ್ಯಗಳನ್ನು ಹೊಂದಿವೆ. ಅವುಗಳನ್ನು ನೋಡುವುದಾದರೆ ಡ್ಯುಯಲ್ ಕ್ಯಾಮೆರಾದೊಂದಿಗೆ ಡ್ಯಾಶ್‌ಕ್ಯಾಮ್, ರಗ್ಡ್ ಡೋರ್ ಕ್ಲಾಡಿಂಗ್, 3D ಡಿಸೈನರ್ ಅಡ್ವೆಂಚರ್ ಮ್ಯಾಟ್ಸ್, ಫೆಂಡರ್ ಮೇಲೆ ಅಡ್ವೆಂಚರ್ ಸಿಂಬಲ್, ಸ್ಪೋರ್ಟಿ ಮೆಟಲ್ ಪೆಡಲ್‌ಗಳು, ಹ್ಯುಂಡೈ ಲೋಗೋದೊಂದಿಗೆ ಮುಂಭಾಗದ ಕಪ್ಪು ಗ್ರಿಲ್, ಹಿಂಭಾಗ ಡಾರ್ಕ್ ಕ್ರೋಮ್ ಹುಂಡೈ ಲೋಗೋ ಇದೆ.

ಇವಿಷ್ಟೇ ಅಲ್ಲದೇ, ಡಾರ್ಕ್ ಕ್ರೋಮ್ ನಲ್ಲಿ CRETA ಮತ್ತು ALCAZAR ಅಕ್ಷರಗಳು, ಕಪ್ಪು ಸ್ಕಿಡ್ ಪ್ಲೇಟ್ (ಮುಂಭಾಗ ಮತ್ತು ಹಿಂಭಾಗ), ಕಪ್ಪು ಬದಿಯ ಸಿಲ್, ಕಪ್ಪು ರೂಫ್ ರೈಲ್ಸ್ ಮತ್ತು ಶಾರ್ಕ್-ಫಿನ್ ಆಂಟೆನಾ, ಕಪ್ಪು ಫಾಗ್ ಲ್ಯಾಂಪ್ ಡಿಸೈನ್ (ALCAZAR), ಕಪ್ಪು ORVM, ಡೋರ್ ಹ್ಯಾಂಡಲ್ ಮತ್ತು ಕಪ್ಪು C-ಪಿಲ್ಲರ್ ಗಾರ್ನಿಶ್ (CRETA), ಕಪ್ಪು ಟೈಲ್ ಗೇಟ್ (ಅಲ್ಕಾಜರ್), ಕಪ್ಪು ಬಣ್ಣದ ಅಲಾಯ್ ವೀಲ್‌ಗಳನ್ನು ಪಡೆದಿವೆ.

ಪವರ್‌ಟ್ರೇನ್ ಬಗ್ಗೆ ನೋಡುವುದಾದರೆ, ಕ್ರೆಟಾ ಅಡ್ವೆಂಚರ್ ಅನ್ನು 1.5 ಲೀ ಪೆಟ್ರೋಲ್ ಮ್ಯಾನುವಲ್ ಹಾಗೂ 1.5 ಲೀ ಪೆಟ್ರೋಲ್ IVT ನಂತೆ ಎರಡು ಪವರ್‌ಟ್ರೇನ್‌ನಲ್ಲಿ ನೀಡಲಾಗುತ್ತಿದೆ. ಅಲ್ಕಾಜಾರ್ ಅಡ್ವೆಂಚರ್ ಅನ್ನು ನಾಲ್ಕು ಪವರ್‌ಟ್ರೇನ್ ಆಯ್ಕೆಗಳಲ್ಲಿ ನೀಡಲಾಗುತ್ತಿದ್ದು, 1.5 ಲೀ T-GDi ಪೆಟ್ರೋಲ್ 6MT, 1.5 ಲೀ. T-GDi ಪೆಟ್ರೋಲ್ 7DCT, 1.5 ಲೀ. ಡೀಸೆಲ್ 6MT, 1.5 ಲೀ. ಡೀಸೆಲ್ 6AT ಆಯ್ಕೆಗಳಲ್ಲಿ ನೀಡಲಾಗುತ್ತಿದೆ.

ಹೊಸ CRETA ಮತ್ತು ALCAZAR ಅಡ್ವೆಂಚರ್ ಎಡಿಷನ್ ಬಿಡುಗಡೆ ಕುರಿತು ಪ್ರತಿಕ್ರಿಯಿಸಿದ ಹ್ಯುಂಡೈ ಮೋಟಾರ್ ಇಂಡಿಯಾ ಲಿಮಿಟೆಡ್‌ನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ತರುಣ್ ಗಾರ್ಗ್, "ಭಾರತದಲ್ಲಿ ಹ್ಯುಂಡೈ' ಎಸ್‌ಯುವಿ ಪದಕ್ಕೆ ಸಮಾನಾರ್ಥಕವಾಗಿದೆ. ನಮ್ಮ ಎಸ್‌ಯುವಿ ಪೋರ್ಟ್‌ಫೋಲಿಯೊ ಇಂದು ಉದ್ಯಮದಲ್ಲಿ ವಿಶಾಲವಾಗಿದೆ ಎಂದರು.

ಇಂದು ನಮ್ಮ SUV ಗಳು ಅಡ್ವೆಂಚರ್ ಮತ್ತು ಅಲೆದಾಡುವ ಮನೋಭಾವವನ್ನು ಹುಟ್ಟುಹಾಕುವುದರ ಜೊತೆಗೆ ನಮ್ಮ ಗ್ರಾಹಕರ ಆಕಾಂಕ್ಷೆಗಳನ್ನು ಮೀರಿಸುತ್ತದೆ. ಎಪಿಟೋಮೈಸ್ ಮಾಡುವ ಅನ್ವೇಷಣೆ ಈ ಆಕಾಂಕ್ಷೆಗಳು ಅಡ್ವೆಂಚರ್ ಆವೃತ್ತಿಯ ರಚನೆಗೆ ಕಾರಣವಾಯಿತು. ಈಗ ನಮ್ಮ ಅತ್ಯಂತ ಪ್ರೀತಿಯ SUV ಗಳಾದ CRETA ಮತ್ತು ALCAZAR ಗಾಗಿ ಈ ವಿಶೇಷ ಆವೃತ್ತಿಯನ್ನು ಪರಿಚಯಿಸಲು ನಾವು ಸಂತೋಷಪಡುತ್ತೇವೆ ಎಂದರು.

ಸದ್ಯ ಹ್ಯುಂಡೈ ಬ್ರಾಂಡ್ ಭಾರತದಲ್ಲಿ ಸ್ಟ್ರಾಂಗ್ ಮಾಡೆಲ್ ಲೈನ್ ಅಪ್‌ನೊಂದಿಗೆ 13 ಕಾರುಗಳನ್ನು ಒಳಗೊಂಡಿದೆ. ಗ್ರಾಂಡ್ i10 NIOS, i20, i20 N-ಲೈನ್, ಔರಾ, ಎಕ್ಸಟರ್, ವೆನ್ಯೂ, ವೆನ್ಯೂ N-ಲೈನ್, ವೆರ್ನಾ, ಕ್ರೆಟಾ, ಅಲ್ಕಾಜರ್, ಟ್ಯೂಸಾನ್, ಕೋನಾ ಎಲೆಕ್ಟ್ರಿಕ್ ಮತ್ತು ಇತ್ತಿಚಿನ ಹೊಸ ಎಲೆಕ್ಟ್ರಿಕ್ SUV ಐಯಾನಿಕ್ 5 ಮಾದರಿಗಳನ್ನು ಮಾರಾಟ ಮಾಡುತ್ತಿದೆ.