Maruti Alto K10: ಗ್ಲೋಬಲ್ NCAP ಕ್ರ್ಯಾಶ್ ಟೆಸ್ಟ್‌ನಲ್ಲಿ ಕೇವಲ 2 ಸ್ಟಾರ್ ಗಳಿಸಿದ ಆಲ್ಟೊ ಕೆ10

Global NCAP ಭಾರತದಲ್ಲಿ ಮಾರಾಟವಾದ ಕೆಲವು ಹೊಸ ಮಾದರಿಗಳ ಕ್ರ್ಯಾಶ್ ಟೆಸ್ಟ್ ಫಲಿತಾಂಶಗಳನ್ನು ಬಿಡುಗಡೆ ಮಾಡಿದೆ. ಅವುಗಳಲ್ಲಿ ಆಲ್ಟೊ K10 ಕೂಡ ಇದ್ದು, ಈ ಹ್ಯಾಚ್‌ಬ್ಯಾಕ್‌ನ ಒಟ್ಟಾರೆ ಸುರಕ್ಷತಾ ರೇಟಿಂಗ್‌ಗಳ ಬಗ್ಗೆ ಮಾತನಾಡಲು ಹೆಚ್ಚಾಗೇನೂ ಇಲ್ಲದಿದ್ದರೂ, ಕಳೆದ ವರ್ಷ ಪರೀಕ್ಷಿಸಲಾದ ಇತರ ಮಾರುತಿ ಕಾರುಗಳಿಗೆ ಹೋಲಿಸಿಕೊಂಡರೆ ಉತ್ತಮವೆಂದೇ ಹೇಳಬಹುದು.

ಮಾರುತಿ ಸುಜುಕಿ ಕಾರುಗಳು ಮೊದಲಿನಿಂದಲೂ ಸುರಕ್ಷತೆಯಲ್ಲಿ ಹಿಂದುಳಿದಿವೆ. ಕಳೆದ ವರ್ಷ ಪರೀಕ್ಷಿಸಲಾದ ಮಾರುತಿ Swift, S-Presso ಮತ್ತು Ignis ನಂತಹ ಅದರ ದೊಡ್ಡ ಮಾದರಿಗಳಿಗೆ ಹೋಲಿಸಿಕೊಂಡರೆ ಆಲ್ಟೊ K10 ಜೊತೆಗೆ ಪರೀಕ್ಷಿಸಲ್ಪಟ್ಟ ವ್ಯಾಗನ್ R ಗಿಂತ ಆಶ್ಚರ್ಯಕರವಾಗಿ ಆಲ್ಟೋ K10 ಉತ್ತಮವಾಗಿದೆ. ಈ ಪ್ರವೇಶ ಮಟ್ಟದ ಹ್ಯಾಚ್‌ಬ್ಯಾಕ್ 34 ರಲ್ಲಿ 21.67 ಅಂಕಗಳೊಂದಿಗೆ ಎರಡು-ಸ್ಟಾರ್ ವಯಸ್ಕ ಪ್ರಯಾಣಿಕರ ಸುರಕ್ಷತೆಯ ರೇಟಿಂಗ್ ಅನ್ನು ಪಡೆದುಕೊಂಡಿದೆ.

ಬಾಡಿಶೆಲ್ ಸಮಗ್ರತೆ:
ಆಲ್ಟೊ K10 ನ ಬಾಡಿಶೆಲ್ ಸಮಗ್ರತೆಯನ್ನು ಸ್ಥಿರವಾಗಿ ರೇಟ್ ಮಾಡಲಾಗಿದೆ, ಅಂದರೆ ಇದು ಗ್ಲೋಬಲ್ NCAP ಕ್ರ್ಯಾಶ್ ಟೆಸ್ಟ್ ವೇಗ 64kmph ಗಿಂತ ಹೆಚ್ಚಿನ ಲೋಡ್ ಅನ್ನು ತಡೆದುಕೊಳ್ಳುವ ಸಾಮರ್ಥ್ಯವನ್ನು ಹೊಂದಿದೆ. ಇನ್ನು ಮಕ್ಕಳ ರಕ್ಷಣೆಗೆ ಬಂದಾಗ, ಆಲ್ಟೊ K10, 49 ಅಂಕಗಳಿಗೆ 3.52 ಅಂಕಗಳೊಂದಿಗೆ ZERO ಸ್ಟಾರ್‌ಗಳನ್ನು ಪಡೆದುಕೊಂಡಿದೆ. 18 ತಿಂಗಳ ಮಗುವಿಗೆ, ವಯಸ್ಕ ಸೀಟ್‌ಬೆಲ್ಟ್ ಅನ್ನು ಬಳಸಿಕೊಂಡು ಹಿಂಭಾಗಕ್ಕೆ ಎದುರಾಗಿರುವ ಮಕ್ಕಳ ಸಂಯಮ ವ್ಯವಸ್ಥೆಯನ್ನು (CRS) ಸ್ಥಾಪಿಸಲಾಗಿದೆ.

ಇದು ತಲೆಗೆ "ಉತ್ತಮ" ರಕ್ಷಣೆ ಮತ್ತು ಎದೆಗೆ "ದುರ್ಬಲ" ರಕ್ಷಣೆಯನ್ನು ಪಡೆಯಿತು. ಮೂರು ವರ್ಷ ವಯಸ್ಸಿನ ಮಗುವಿಗೆ, ವಯಸ್ಕ ಸೀಟ್‌ಬೆಲ್ಟ್ ಅನ್ನು ಬಳಸಿಕೊಂಡು ಮುಂದೆ ಎದುರಿಸುತ್ತಿರುವ ಮಕ್ಕಳ ಸಂಯಮ ವ್ಯವಸ್ಥೆಯನ್ನು (CRS) ಸ್ಥಾಪಿಸಲಾಗಿದೆ. ಇಲ್ಲಿ, ತಲೆಯು ಪ್ರಭಾವಕ್ಕೆ ಒಳಗಾಗುತ್ತದೆ ಮತ್ತು ಗಾಯಗಳ ಹೆಚ್ಚಿನ ಅಪಾಯದಲ್ಲಿದೆ. Alto K10 ಜೊತೆಗೆ ISOFIX ಚೈಲ್ಡ್-ಸೀಟ್ ಆಂಕರ್‌ಗಳನ್ನು ಮಾರುತಿ ನೀಡದ ಕಾರಣ ಮಕ್ಕಳ ರಕ್ಷಣೆಗಾಗಿ ಸೈಡ್ ಇಂಪ್ಯಾಕ್ಟ್ ಪರೀಕ್ಷೆಯನ್ನು ನಡೆಸಲಾಗಿಲ್ಲ.

ಮುಂಭಾಗದ ಕ್ರಾಷ್ ಪರೀಕ್ಷೆ:
ಮುಂಭಾಗದ ಕ್ರಾಷ್ ಪರೀಕ್ಷೆಯಲ್ಲಿ, ಚಾಲಕ ಮತ್ತು ಸಹ-ಪ್ರಯಾಣಿಕ (ಡಮ್ಮಿ) ಇಬ್ಬರೂ ತಮ್ಮ ತಲೆ ಮತ್ತು ಕುತ್ತಿಗೆಗೆ "ಉತ್ತಮ" ರಕ್ಷಣೆ ಮತ್ತು ಅವರ ಎದೆಯ ಮೇಲೆ "ಕಡಿಮೆ" ರಕ್ಷಣೆಯನ್ನು ಪಡೆದಿದ್ದಾರೆ. ಚಾಲಕನ ಬಲ ತೊಡೆ ಮತ್ತು ಮೊಣಕಾಲು "ದುರ್ಬಲ" ರಕ್ಷಣೆಯನ್ನು ಪಡೆದುಕೊಂಡಿದೆ. ಬಲ ಮೊಳಕಾಲುಗಳ ಮೇಲಿನ ರಕ್ಷಣೆಯನ್ನು "ಕಡಿಮೆ" ಎಂದು ರೇಟ್ ಮಾಡಲಾಗಿದೆ. ಹಾಗೆಯೇ ಚಾಲಕನ ಎಡ ತೊಡೆ, ಮೊಣಕಾಲು ಮತ್ತು ಮೊಳಕಾಲುಗಳು "ಕಡಿಮೆ" ರಕ್ಷಣೆಯನ್ನು ಪಡೆದುಕೊಂಡಿವೆ.

ಸಹ-ಪ್ರಯಾಣಿಕರ ತೊಡೆಗಳು ಮತ್ತು ಮೊಣಕಾಲುಗಳು ಕೇವಲ "ಕಡಿಮೆ" ರಕ್ಷಣೆಯನ್ನು ಹೊಂದಿದ್ದವು, ಆದರೆ ಸಹ-ಪ್ರಯಾಣಿಕರ ಟಿಬಿಯಾಸ್‌ನಿಂದ ಪಡೆದ ರಕ್ಷಣೆಯನ್ನು "'ಸಮರ್ಪಕ" ಎಂದು ರೇಟ್ ಮಾಡಲಾಗಿದೆ. ಸೈಡ್ ಇಂಪ್ಯಾಕ್ಟ್ ಪರೀಕ್ಷೆಯಲ್ಲಿ, ಚಾಲಕನ ತಲೆ ಮತ್ತು ಸೊಂಟವು "ಉತ್ತಮ" ರಕ್ಷಣೆಯನ್ನು ಹೊಂದಿದೆ. ಎದೆಯ ರಕ್ಷಣೆಯನ್ನು "ದುರ್ಬಲ" ಎಂದು ರೇಟ್ ಮಾಡಲಾಗಿದೆ. ಆಲ್ಟೊ ಕೆ 10 ನಲ್ಲಿ ಕರ್ಟನ್ ಮತ್ತು ಸೈಡ್ ಏರ್‌ಬ್ಯಾಗ್‌ಗಳ ಕೊರತೆಯಿಂದಾಗಿ, ಸೈಡ್ ಪೋಲ್ ಇಂಪ್ಯಾಕ್ಟ್ ಪರೀಕ್ಷೆಯನ್ನು ನಡೆಸಲಾಗಿಲ್ಲ.

ಸುರಕ್ಷತಾ ವೈಶಿಷ್ಟ್ಯಗಳು:
ಆಲ್ಟೊ ಕೆ10 ಡ್ಯುಯಲ್ ಫ್ರಂಟ್ ಏರ್‌ಬ್ಯಾಗ್‌ಗಳು, ಇಬಿಡಿಯೊಂದಿಗೆ ಎಬಿಎಸ್, ಫ್ರಂಟ್ ಸೀಟ್ ಬೆಲ್ಟ್ ರಿಮೈಂಡರ್‌ಗಳು ಮತ್ತು ರಿಯರ್ ಪಾರ್ಕಿಂಗ್ ಸೆನ್ಸಾರ್‌ಗಳಂತಹ ವೈಶಿಷ್ಟ್ಯಗಳನ್ನು ಪಡೆಯುತ್ತದೆ. ಹ್ಯಾಚ್‌ಬ್ಯಾಕ್‌ನ ಉನ್ನತ ರೂಪಾಂತರಗಳು ಇಂಪ್ಯಾಕ್ಟ್ ಸೆನ್ಸಿಂಗ್ ಡೋರ್ ಅನ್‌ಲಾಕ್, ಸೆಂಟ್ರಲ್ ಡೋರ್ ಲಾಕ್ ಮತ್ತು ಸ್ಪೀಡ್ ಸೆನ್ಸಿಂಗ್ ಆಟೋ ಡೋರ್ ಲಾಕ್‌ನಂತಹ ವೈಶಿಷ್ಟ್ಯಗಳನ್ನು ಸಹ ಪಡೆಯುತ್ತವೆ. ಆಲ್ಟೊ ಕೆ10 ಬೆಲೆ ರೂ.3.99 ಲಕ್ಷದಿಂದ ರೂ.5.95 ಲಕ್ಷ (ಎಕ್ಸ್ ಶೋರೂಂ) ವರೆಗೆ ಹೋಗುತ್ತದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಮೆಂಟ್ ಮಾಡುವುದನ್ನು ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ತಪ್ಪದೆ ಶೇರ್ ಮಾಡಿ.