ಪೆಟ್ರೋಲ್ ಮಾದರಿ ಬಿಡುಗಡೆ ಮುನ್ನವೇ ಸಿಎನ್‌ಜಿ ಕಿಟ್‌ನೊಂದಿಗೆ ಮಾರುತಿ ಫ್ರಾಂಕ್ಸ್ ಟೆಸ್ಟಿಂಗ್

2023 ಆಟೋ ಎಕ್ಸ್‌ಪೋದಲ್ಲಿ ಮಾರುತಿ ಸುಜುಕಿ ಅನಾವರಣಗೊಳಿಸಿದ ಫ್ರಾಂಕ್ಸ್ ಮಾದರಿಯು ಹಲವು ನಿರೀಕ್ಷೆಗಳನ್ನು ಹುಟ್ಟುಹಾಕಿದೆ. ಈ ನಡುವೆ ಕಂಪನಿಯು ಫ್ರಾಂಕ್ಸ್‌ನ CNG ಆವೃತ್ತಿಯ ಬಗ್ಗೆ ಯಾವುದೇ ಅಧಿಕೃತ ಹೇಳಿಕೆ ನೀಡಿರಲಿಲ್ಲ. ಆದರೇ ಫ್ರಾಂಕ್ಸ್ ಸಿಎನ್‌ಜಿ ಇತ್ತೀಚೆಗೆ ಹೊರಸೂಸುವಿಕೆ ಪರೀಕ್ಷಾ ಸಾಧನಗಳೊಂದಿಗೆ ಪುಣೆಯ ರಸ್ತೆಗಳಲ್ಲಿ ಕಾಣಿಸಿಕೊಂಡಿದೆ.

ಈ ಮೂಲಕ CNG ಆವೃತ್ತಿಯು ಅಭಿವೃದ್ಧಿ ಹಂತದಲ್ಲಿದೆ ಎಂದು ಸೂಚಿಸುತ್ತಿದೆ. ಮಾರುತಿಯು ಈ ಪರೀಕ್ಷಾ ಹಂತವನ್ನು ವೇಗವಾಗಿ ಮುಗಿಸಿದಲ್ಲಿ ಫ್ರಾಂಕ್ಸ್ 1ನೇ ದಿನದಿಂದಲೇ CNG ಆಯ್ಕೆಯನ್ನು ಪಡೆಯಬಹುದು. ಫ್ರಾಂಕ್ಸ್ ಪೆಟ್ರೋಲ್ ಆವೃತ್ತಿಯ ಬಿಡುಗಡೆಯನ್ನು ಏಪ್ರಿಲ್‌ನಲ್ಲಿ ನಿರೀಕ್ಷಿಸಲಾಗಿದೆ. 11,000 ರೂಪಾಯಿಗಳ ಟೋಕನ್ ಮೊತ್ತಕ್ಕೆ ರೂಪಾಂತರಗಳಿಗೆ ಬುಕಿಂಗ್ ಕೂಡ ತೆರೆಯಲಾಗಿದೆ. ಸದ್ಯ ಬುಕಿಂಗ್‌ಗಳು ಕೂಡ ಹೆಚ್ಚಾಗುತ್ತಿದ್ದು, ಕಾರಿನ ಮೇಲೆ ಭಾರೀ ನಿರೀಕ್ಷೆಗಳಿವೆ.

ಮಾರುತಿ ಫ್ರಾಂಕ್ಸ್‌ಗೆ ಸಿಎನ್‌ಜಿ ಆಯ್ಕೆಯನ್ನು 1.2-ಲೀಟರ್ ಕೆ-ಸರಣಿ ಡ್ಯುಯಲ್ ಜೆಟ್, ಡ್ಯುಯಲ್ ವಿವಿಟಿ ಎಂಜಿನ್‌ನೊಂದಿಗೆ ನೀಡಲಾಗುತ್ತದೆ. ಪೆಟ್ರೋಲ್‌ನಲ್ಲಿ ಚಾಲನೆಯಲ್ಲಿರುವಾಗ, ಎಂಜಿನ್ 89.73 ಪಿಎಸ್ ಗರಿಷ್ಠ ಶಕ್ತಿ ಮತ್ತು 113 Nm ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಫ್ರಾಂಕ್ಸ್‌ನ CNG ರೂಪಾಂತರಗಳೊಂದಿಗೆ ಈ ಪವರ್ ಕಡಿಮೆಯಾಗಿರುತ್ತದೆ. 1.2-ಲೀಟರ್ ಎಂಜಿನ್ 5MT ಮತ್ತು 5AMT ಟ್ರಾನ್ಸ್‌ಮಿಷನ್ ಆಯ್ಕೆಯನ್ನು ಹೊಂದಿದ್ದರೆ, ಫ್ರಾಂಕ್ಸ್ CNG ಕೇವಲ 5MT ಅನ್ನು ಹೊಂದಿರುತ್ತದೆ.

ಫ್ರಾಂಕ್ಸ್‌ನ ಎರಡನೇ ಎಂಜಿನ್ ಆಯ್ಕೆಯು 1.0-ಲೀಟರ್ ಟರ್ಬೊ ಪೆಟ್ರೋಲ್ ಮೋಟಾರ್ ಆಗಿದೆ. ಇದು 100 PS ಮತ್ತು 147.6 Nm ಟಾರ್ಕ್ ಅನ್ನು ಹೊರಹಾಕುತ್ತದೆ. ಟ್ರಾನ್ಸ್ಮಿಷನ್ ಆಯ್ಕೆಗಳು 5-ಸ್ಪೀಡ್ ಮ್ಯಾನ್ಯುವಲ್ ಮತ್ತು 6AT ಅನ್ನು ಒಳಗೊಂಡಿವೆ. ಈ ಎಂಜಿನ್ ಆಯ್ಕೆಯು ಡೆಲ್ಟಾ + ರೂಪಾಂತರದೊಂದಿಗೆ ಲಭ್ಯವಿರುತ್ತದೆ. ಡೆಲ್ಟಾ+ ಟರ್ಬೊ ಎಂಜಿನ್‌ನೊಂದಿಗೆ ಮ್ಯಾನ್ಯುವಲ್ ಟ್ರಾನ್ಸ್‌ಮಿಷನ್ ಅನ್ನು ಮಾತ್ರ ಹೊಂದಿದ್ದರೆ, ಝೀಟಾ ಮತ್ತು ಆಲ್ಫಾ ಟ್ರಿಮ್‌ಗಳು ಎಂಟಿ ಮತ್ತು ಎಟಿ ಆಯ್ಕೆಯನ್ನು ಹೊಂದಿರುತ್ತವೆ.

Fronx CNG ಮಾರುತಿಯ ಫ್ಯಾಕ್ಟರಿ-ಅಳವಡಿಕೆಯ S-CNG ಕಾರುಗಳೊಂದಿಗೆ ಬರುವ ಎಲ್ಲಾ ಪ್ರಯೋಜನಗಳನ್ನು ಪಡೆಯುತ್ತದೆ. ಇದು ಇಂಟೆಲಿಜೆಂಟ್ ಇಂಜೆಕ್ಷನ್ ಸಿಸ್ಟಮ್, ರೀ-ಟ್ಯೂನ್ಡ್ ಸಸ್ಪೆನ್ಷನ್, ಸಿಎನ್‌ಜಿ ಮತ್ತು ಪೆಟ್ರೋಲ್ ನಡುವೆ ಆಟೋ-ಸ್ವಿಚ್, ಫ್ಯೂಯಲ್ ಇಂಡಿಕೇಟರ್ ಮತ್ತು ಎನ್‌ಜಿವಿ ರೆಸೆಪ್ಟಾಕಲ್‌ನಂತಹ ಅಂತರ್ಗತ ನವೀಕರಣಗಳ ಶ್ರೇಣಿಯನ್ನು ಒಳಗೊಂಡಿದೆ. ಸುಧಾರಿತ ಬಾಳಿಕೆ ಮತ್ತು ಕ್ರ್ಯಾಶ್‌ವರ್ತಿನೆಸ್, ಸಿಎನ್‌ಜಿ ಉಪಕರಣಗಳ ತುಕ್ಕು ಮತ್ತು ಸೋರಿಕೆ-ನಿರೋಧಕ ವಿನ್ಯಾಸ ಮತ್ತು ಇಂಧನ ತುಂಬುವ ಪ್ರಕ್ರಿಯೆಯಲ್ಲಿ ಆಟೋ ಎಂಜಿನ್ ಕಡಿತಗೊಳಿಸುವುದರೊಂದಿಗೆ ಸುರಕ್ಷತೆಯನ್ನು ಹೆಚ್ಚಿಸಲಾಗಿದೆ.

CNG ಫ್ರಾಂಕ್ಸ್ ವೈಶಿಷ್ಟ್ಯಗಳು
ಫ್ರಾಂಕ್ಸ್‌ಗಾಗಿ CNG ಆಯ್ಕೆಯನ್ನು ಡೆಲ್ಟಾ ಮತ್ತು ಡೆಲ್ಟಾ+ ಟ್ರಿಮ್‌ಗಳೊಂದಿಗೆ ನೀಡಬಹುದು. ಇದರ ಪ್ರಮುಖ ಬಾಹ್ಯ ಮುಖ್ಯಾಂಶಗಳನ್ನು ನೋಡುವುದಾದರೆ LED ಮಲ್ಟಿ-ರಿಫ್ಲೆಕ್ಟರ್ ಹೆಡ್‌ಲ್ಯಾಂಪ್‌ಗಳು, LED DRL ಗಳು, ಫಾಲೋ-ಮಿ ಹೋಮ್ ಫಂಕ್ಷನ್‌ನೊಂದಿಗೆ ಆಟೋಮ್ಯಾಟಿಕ್ ಹೆಡ್‌ಲ್ಯಾಂಪ್, ಅಲಾಯ್ ವೀಲ್‌ಗಳು, ಶಾರ್ಕ್ ಫಿನ್ ಆಂಟೆನಾ, ಟರ್ನ್ ಬೈ ಟರ್ನ್ ಇಂಡಿಕೇಟರ್‌ಗಳೊಂದಿಗೆ ಬಾಡಿ ಕಲರ್ಡ್ ORVM ಗಳು ಮತ್ತು UV ಕಟ್ ವಿಂಡೋ ಗ್ಲಾಸ್‌ಗಳನ್ನು ಒಳಗೊಂಡಿರುತ್ತದೆ.

ಒಳಗೆ, ಮಾರುತಿ ಫ್ರಾಂಕ್ಸ್ ಸಿಎನ್‌ಜಿ ಡ್ಯುಯಲ್-ಟೋನ್ ಥೀಮ್, ಪ್ರೀಮಿಯಂ ಫ್ಯಾಬ್ರಿಕ್ ಸೀಟ್‌ಗಳು, ಎಂಜಿನ್ ಪುಶ್ ಸ್ಟಾರ್ಟ್/ಸ್ಟಾಪ್, ಸ್ಟೀರಿಂಗ್ ಮೌಂಟೆಡ್ ಕಂಟ್ರೋಲ್‌ಗಳು, ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್, ಟಿಲ್ಟ್ ಅಡ್ಜಸ್ಟಬಲ್ ಸ್ಟೀರಿಂಗ್ ವೀಲ್, ಎಲೆಕ್ಟ್ರಿಕಲಿ ಅಡ್ಜೆಸ್ಟ್ ಮಾಡಬಹುದಾದ ORVM ಗಳು, ಸ್ಮಾರ್ಟ್‌ಪ್ಲೇ ಪ್ರೊ, ವೈರ್‌ಲೆಸ್ ಜೊತೆಗೆ 7-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಅನ್ನು ಹೊಂದಿರುತ್ತದೆ. ಹಾಗಯೇ Android Auto ಮತ್ತು Apple CarPlay ಜೊತೆಗೆ ವಾಯಿಸ್ ಕಮಾಂಡ್ ಫೀಚರ್ ಕೂಡ ಇರಲಿದೆ.

ಸುರಕ್ಷತೆಯ ವಿಷಯಕ್ಕ ಬಂದರೇ ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಪ್ರೋಗ್ರಾಂ, ಹಿಲ್ ಹೋಲ್ಡ್ ಅಸಿಸ್ಟ್, ಡ್ಯುಯಲ್ ಫ್ರಂಟ್ ಏರ್‌ಬ್ಯಾಗ್‌ಗಳು, ಇನ್ಫೋಗ್ರಾಫಿಕ್ ಡಿಸ್ಪ್ಲೇಯೊಂದಿಗೆ ಹಿಂಭಾಗದ ಪಾರ್ಕಿಂಗ್ ಸೆನ್ಸರ್‌ಗಳು, ರಿಯರ್ ಡಿಫಾಗರ್, ಆಂಟಿ-ಥೆಫ್ಟ್ ಸೆಕ್ಯುರಿಟಿ ಸಿಸ್ಟಮ್, ISOFIX ಚೈಲ್ಡ್ ಸೀಟ್ ರೆಸ್ಟ್ರೆಂಟ್ ಸಿಸ್ಟಮ್ ಒಳಗೊಂಡಿರುತ್ತದೆ. ಫ್ರಾಂಕ್ಸ್ ಪ್ರಾಥಮಿಕವಾಗಿ ಟಾಟಾ ನೆಕ್ಸಾನ್, ಕಿಯಾ ಸೋನೆಟ್, ಹ್ಯುಂಡೈ ವೆನ್ಯೂ, ಮಹೀಂದ್ರಾ XUV300, ನಿಸ್ಸಾನ್ ಮ್ಯಾಗ್ನೈಟ್ ಮತ್ತು ರೆನಾಲ್ಟ್ ಕಿಗರ್‌ಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ. ಮಾರುತಿಯ ಹೊಸ ಕಾರುಗಳಲ್ಲಿ, ಫ್ರಾಂಕ್ಸ್ ಗ್ರ್ಯಾಂಡ್ ವಿಟಾರಾದಷ್ಟು ಯಶಸ್ವಿಯಾಗಬಹುದೇ ಎಂದು ನೋಡಬೇಕಿದೆ.

Source: Rushlane
Link: https://www.rushlane.com/maruti-fronx-cng-spied-emission-testing-pune-12460510.html