ಮಾರುತಿ ಕಾರು ಸುರಕ್ಷಿತವಲ್ಲ ಎಂದವರಿಗೆ ಉತ್ತರ: ಹೊಸ ಸುರಕ್ಷತಾ ಫೀಚರ್ ಪಡೆದ ಈ ಕಾರಿನ ಬೇಸ್ ವೆರಿಯೆಂಟ್

ಜನಪ್ರಿಯ ಮತ್ತು ದೇಶದ ಅತಿದೊಡ್ಡ ಕಾರು ತಯಾರಕ ಕಂಪನಿಯಾದ ಮಾರುತಿ ಸುಜುಕಿ ಇಂಡಿಯಾ ಲಿಮಿಟೆಡ್ (MSIL) ಭಾರತೀಯ ಮಾರುಕಟ್ಟೆಯಲ್ಲಿ ದಶಕಗಳಿಂದ ಪಾರುಪತ್ಯ ಸಾಧಿಸುತ್ತಿದೆ. ಮಾರುತಿ ಸುಜುಕಿ ಭಾರತದಲ್ಲಿ ಪಾರುಪತ್ಯ ಮುಂದುವರೆಸಲು ಹೊಸ ಕಾರುಗಳನ್ನು ಪರಿಚಯಿಸುತ್ತಿವೆ. ಇದರ ಭಾಗವಾಗಿ ನಿನ್ನೆ ಮಾರುತಿ ಸುಜುಕಿ ತನ್ನ ಬಹುನಿರೀಕ್ಷಿತ ಮಾರುತಿ ಸುಜುಕಿ ಇನ್ವಿಕ್ಟೋ (Maruti Suzuki Invicto) ಕಾರನ್ನು ಬಿಡುಗಡೆಗೊಳಿಸಿತು.

ಮಾರುತಿ ಸುಜುಕಿ ಕಂಪನಿಯು ಈ ಹೊಸ ಇನ್ವಿಕ್ಟೋ ಕಾರಿನ ಎಂಟ್ರಿ ಲೆವೆಲ್ Zeta Plus ರೂಪಾಂತರವು ಈಗ ಹಿಂಭಾಗದ ಸೀಟ್‌ಬೆಲ್ಟ್ ರಿಮೈಂಡರ್ ನೊಂದಿಗೆ ಬರುತ್ತದೆ. ಇದರಿಂದ ಈ ಮಾದರಿಯ ಬೆಲೆಯು ರೂ.3,000 ರಷ್ಟು ದುಬಾರಿಯಾಗಿದೆ. ಇದೀಗ ಮಾರುತಿ ಸುಜುಕಿ ಇನ್ವಿಕ್ಟೊ ಕಾರಿನ ಆರಂಭಿಕ ಬೆಲೆಯು ಎಕ್ಸ್ ಶೋ ಪ್ರಾರಂಭಿಕ ರೂ.24.82 ಲಕ್ಷದಿಂದ ಪ್ರಾರಂಭವಾಗುತ್ತದೆ.

ಹಿಂದಿನ ಸೀಟ್‌ಬೆಲ್ಟ್ ರಿಮೈಂಡರ್ ಅನ್ನು ಬಿಡುಗಡೆಯ ಸಮಯದಲ್ಲಿ ಟಾಪ್-ಸ್ಪೆಕ್ ಮಾರುತಿ ಸುಜುಕಿ ಇನ್ವಿಕ್ಟೊ ಆಲ್ಫಾ ಪ್ಲಸ್ ಟ್ರಿಮ್‌ನಲ್ಲಿ ಮಾತ್ರ ನೀಡಲಾಗಿತ್ತು. ಈ ಫೀಚರ್ ಈಗ ಎಲ್ಲಾ ಹೊಸ ಕಾರುಗಳಲ್ಲಿ ಕಡ್ಡಾಯವಾಗಿದೆ. ಹಿಂದಿನ ಪ್ರಯಾಣಿಕರು ತಮ್ಮ ಸೀಟ್‌ಬೆಲ್ಟ್‌ಗಳನ್ನು ಧರಿಸದಿದ್ದಾಗ ಈ ಫೀಚರ್ ಸೀಟ್ ಬೆಲ್ಟ್ ಧರಿಸಲು ಹೇಳುತ್ತದೆ. ಮಾರುತಿ ಸುಜುಕಿ ಇನ್ವಿಕ್ಟೊ ಝೀಟಾ ಪ್ಲಸ್ ರೂಪಾಂತರವನ್ನು ಏಳು ಮತ್ತು ಎಂಟು ಆವೃತ್ತಿಗಳಲ್ಲಿ ನೀಡಲಾಗುತ್ತದೆ.

ಟೊಯೊಟಾ ಇನೋವಾ ಹೈಕ್ರಾಸ್ ಆಧಾರಿತ ಹೊಸ ಮಾರುತಿ ಸುಜುಕಿ ಇನ್ವಿಕ್ಟೋ ಕಾರನ್ನು ಟೊಯೊಟಾದ ಬಿಡದಿ ಸ್ಥಾವರದಲ್ಲಿ ತಯಾರಿಸಲಾಗುತ್ತದೆ. ಟೊಯೊಟಾ ಇನೋವಾ ಕಾರಿನ ಆಧರಿತ ಮಾರುತಿ ಸುಜುಕಿ ಇನ್ವಿಕ್ಟೋ ಕೂಡ ಇನೋವಾ ರೀತಿಯಲ್ಲೇ ಹೊಸ ಸಂಚಲನ ಸೃಷ್ಟಿಸುವ ಸಾಧ್ಯತೆಗಳಿದೆ. ಇನ್ವಿಕ್ಟೋ ಮಾರುತಿ ಸುಜುಕಿಯ ನೆಕ್ಸಾ ಡೀಲರ್‌ಶಿಪ್‌ನಲ್ಲಿ ಎಂಟನೇ ಕಾರು ಮಾದರಿಯಾಗಿದೆ. ಈ ಹೊಸ ಮಾರುತಿ ಕಾರಿಗೆ ಭಾರತದಲ್ಲಿ ಭಾರೀ ಬೇಡಿಕೆಯನ್ನು ಪಡೆದುಕೊಂಡಿದೆ.

ಮಾರುತಿ ಸುಜುಕಿ ಇನ್ವಿಕ್ಟೋ ಕಾರು ನೆಕ್ಸಾ ಬ್ಲೂ, ಮಿಸ್ಟಿಕ್ ವೈಟ್, ಮೆಜೆಸ್ಟಿಕ್ ಸಿಲ್ವರ್ ಮತ್ತು ಸ್ಟಿಲರ್ ಬ್ರೌನ್ಸ್ ಎಂಬ ನಾಲ್ಕು ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಿದೆ. ಮಾರುತಿ ಇನ್ವಿಕ್ಟೋ ಭಾರತದಲ್ಲಿ ಟೊಯೊಟಾ ಮತ್ತು ಮಾರುತಿ ಸುಜುಕಿ ನಡುವೆ ಪ್ರಸ್ತುತ ಇರುವ ಬ್ಯಾಡ್ಜ್-ಸ್ವಾಪಿಂಗ್ ಒಪ್ಪಂದದ ಇತ್ತೀಚಿನ ಪುನರಾವರ್ತನೆಯಾಗಿದೆ. ಮಾರುತಿ ಸುಜುಕಿಯ ಹೊಸ ಇನ್ವಿಕ್ಟೊ ಕಾರು ಕೂಡ ರಿಬ್ಯಾಡ್ಜ್ ಮಾಡಲಾದ ಟೊಯೊಟಾ ಇನೋವಾ ಹೈಕ್ರಾಸ್ ಆಗಿದೆ.

ಜನಪ್ರಿಯ ಇನೋವಾ ಹೈಕ್ರಾಸ್‌ಗಿಂತ ಭಿನ್ನವಾಗಿ, ಹೊಸ ಮಾರುತಿ ಸುಜುಕಿ ಇನ್ವಿಕ್ಟೋ ಕೇವಲ ಒಂದು ಪವರ್‌ಟ್ರೇನ್ ಆಯ್ಕೆಯೊಂದಿಗೆ, ಸ್ಟ್ರಾಂಗ್ ಹೈಬ್ರಿಡ್‌ನೊಂದಿಗೆ ನೀಡಲಾಗಿದೆ. ಮಾರುತಿ ಸುಜುಕಿಯ ಹೈಬ್ರಿಡ್ ಸೆಟಪ್ ಅಟ್ಕಿನ್ಸನ್ ಸೈಕಲ್ ಪೆಟ್ರೋಲ್ ಎಂಜಿನ್ ನೊಂದಿಗೆ e-CVT ಗೇರ್‌ಬಾಕ್ಸ್‌ಗೆ ಜೋಡಿಸಲಾದ NIMH ಬ್ಯಾಟರಿ ಪ್ಯಾಕ್‌ನೊಂದಿಗೆ ಎಲೆಕ್ಟ್ರಿಕ್ ಮೋಟರ್ ಅನ್ನು ಒಳಗೊಂಡಿದೆ. ಈ ಕಾರಿನಲ್ಲಿ ಸಂಯೋಜಿತ ಹೈಬ್ರಿಡ್ ಸಿಸ್ಟಂ 184 bhp ಪವರ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಇನ್ನು ಈ ಕಾರು 9.5 ಸೆಕೆಂಡುಗಳಲ್ಲಿ 0-100 ಕಿ.ಮೀ ವೇಗವನ್ನು ಪಡೆದುಕೊಳ್ಳುತ್ತದೆ. ಮಾರುತಿ ಸುಜುಕಿ ಇನ್ವಿಕ್ಟೋ ಕಾರು ಬರೊಬ್ಬರಿ 23.24 ಕಿ.ಮೀ ಮೈಲೇಜ್ ಅನ್ನು ನೀಡುತ್ತದೆ. ಈ ಮಾರುತಿ ಇನ್ವಿಕ್ಟೋ ಕಾರಿಗೆ ಸಂಸ್ಥೆಯ ನೆಕ್ಸಾ ಸರಣಿಯ ವಿಶಿಷ್ಟ ಲುಕ್ ಅನ್ನು ನೀಡಲಾಗಿದೆ. ಇದಕ್ಕಾಗಿ ಈ ಹೊಸ ಎಂಪಿವಿಯಲ್ಲಿ ಹೊಚ್ಚಹೊಸ ಗ್ರಿಲ್ ಅನ್ನು ನೀಡಿದೆ. ಇದು ಸುಜುಕಿ ಬ್ಯಾಡ್ಜ್‌ಗೆ LED ಹೆಡ್‌ಲೈಟ್‌ಗಳನ್ನು ಸಂಪರ್ಕಿಸುವ ಕ್ರೋಮ್ ಸ್ಲ್ಯಾಟ್‌ಗಳನ್ನು ಹೊಂದಿದೆ.

ಮುಂಭಾಗ ಮತ್ತು ಹಿಂಭಾಗದ ಬಂಪರ್‌ಗಳಂತೆ ಹೆಡ್‌ಲ್ಯಾಂಪ್‌ಗಳು ಮತ್ತು ಡಿಆರ್‌ಎಲ್‌ಗಳನ್ನು ಸಹ ಮರು ನವೀಕರಿಸಲಾಗಿದೆ. ಕಾರಿನ ಒಳಭಾಗಲ್ಲಿ ಐಷಾರಾಮಿ ಅಂಶಗಳನ್ನು ಹೊಂದಿದ್ದು, ಪ್ಲಶ್ ಅಪ್ಹೋಲ್ಸ್ಟರಿಯನ್ನು ಹೊಂದಿದೆ. ಇದರೊಂದಿಗೆ ಡ್ಯಾಶ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇಗೆ ಬೆಂಬಲದೊಂದಿಗೆ 10.1-ಇಂಚಿನ ಇನ್ಫೋಟೈನ್‌ಮೆಂಟ್ ಯುನಿಟ್ ಹೊಂದಿದೆ. ಇನ್ನು ಈ ಕಾರಿನಲ್ಲಿ ಡ್ರೈವರ್ ಸೀಟ್ 8-ವೇ ಎಲೆಕ್ಟ್ರಿಕಲ್ ಹೊಂದಾಣಿಕೆ ಮತ್ತು ಎರಡನೇ ಸಾಲು ಕ್ಯಾಪ್ಟನ್ ಸೀಟ್‌ಗಳನ್ನು ಹೊಂದಿದೆ.

ಇನ್ನು ದೊಡ್ಡ ಪನೋರಮಿಕ್ ಸನ್‌ರೂಫ್, ಪ್ರೀಮಿಯಂ ಆಡಿಯೊ ಸಿಸ್ಟಮ್, ಮತ್ತು ಸುಜುಕಿ ಕನೆಕ್ಟ್ ಸೂಟ್‌ನೊಂದಿಗೆ ಹಲವು ಫಿಚರ್ಸ್ ಗಳಿವೆ. ಈ ಕಾರಿನಲ್ಲಿ ಸಂಯೋಜಿತ ಹೈಬ್ರಿಡ್ ಸಿಸ್ಟಂ 184 bhp ಪವರ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇನ್ನು ಈ ಕಾರು 9.5 ಸೆಕೆಂಡುಗಳಲ್ಲಿ 0-100 ಕಿ.ಮೀ ವೇಗವನ್ನು ಪಡೆದುಕೊಳ್ಳುತ್ತದೆ. ಮಾರುತಿ ಸುಜುಕಿ ಇನ್ವಿಕ್ಟೋ ಕಾರು ಬರೊಬ್ಬರಿ 23.24 ಕಿ.ಮೀ ಮೈಲೇಜ್ ಅನ್ನು ನೀಡುತ್ತದೆ. ಇದರಿಂದ ಹೆಚ್ಚಿನ ಗ್ರಾಹರನ್ನು ಸೆಳೆಯಬಹುದು.