ಕಾರು ಖರೀದಿಸುತ್ತಿದ್ದೀರಾ? ದೀಪಾವಳಿ ಡಿಸ್ಕೌಂಟ್... ಈ ಕಾರುಗಳಿಗೆ ಉತ್ತಮ ಆಫರ್ ಇದೆ ನೋಡಿ

ಹಬ್ಬದ ಸೀಸನ್‌ನಲ್ಲಿ ತಮ್ಮ ಮಾರಾಟವನ್ನು ಹೆಚ್ಚಿಸಿಕೊಳ್ಳಲು ಮಾರುತಿ ಸುಜುಕಿ ತನ್ನ ಮಾಡೆಲ್ ಲೈನ್-ಅಪ್ ಮೇಲೆ ಈ ತಿಂಗಳು ಭಾರೀ ರಿಯಾಯಿತಿಗಳನ್ನು ವಿಸ್ತರಿಸುತ್ತಿದೆ. ಅರೆನಾ ಮತ್ತು ನೆಕ್ಸಾ ಮೂಲಕ ವಾಹನ ತಯಾರಕರು ಮಾರಾಟ ಮಾಡುತ್ತಿರುವ ಯಾವೆಲ್ಲಾ ಕಾರುಗಳು ಈ ತಿಂಗಳಲ್ಲಿ ಎಷ್ಟು ರಿಯಾಯಿತಿ ಪಡೆದಿವೆ ಎಂಬುದನ್ನು ಇಲ್ಲಿ ನೋಡೋಣ.

ಮಾರುತಿ ಇಗ್ನಿಸ್ (ನೆಕ್ಸಾ): ಮಾರುತಿ ಸುಜುಕಿಯು ಇಗ್ನಿಸ್‌ನಲ್ಲಿ 70,000 ರೂ.ವರೆಗಿನ ಪ್ರಯೋಜನಗಳನ್ನು ನೀಡುತ್ತಿದೆ. ರೂ. 35,000 ನಗದು ಲಾಭವನ್ನು ಒಳಗೊಂಡಿದ್ದರೇ, ಹೆಚ್ಚುವರಿಯಾಗಿ ರೂ. 25,000 ವರೆಗಿನ ವಿನಿಮಯ ಬೋನಸ್ ಮತ್ತು ರೂ. 10,000 ದಷ್ಟು ಕಾರ್ಪೊರೇಟ್ ಪ್ರಯೋಜನವನ್ನು ಒಳಗೊಂಡಿರುತ್ತದೆ. ಇದು ಮ್ಯಾನುವಲ್ ಮತ್ತು ಎಎಂಟಿ ಟ್ರಿಮ್‌ಗಳಿಗೆ ಅನ್ವಯಿಸುತ್ತದೆ.

ಮಾರುತಿ ಬಲೆನೊ: ಮಾರುತಿ ಸುಜುಕಿ ಬಲೆನೊ ಮೇಲೆ ಈಗ ರೂ. 20,000 ವರೆಗಿನ ಮುಂಗಡ ನಗದು ಪ್ರಯೋಜನವನ್ನು ನೀಡಲಾಗುತ್ತಿದೆ. ಜೊತೆಗೆ ರೂ. 25,000 ವಿನಿಮಯ ಬೋನಸ್ ಅನ್ನು ನೀಡಲಾಗುತ್ತದೆ. ಇದಲ್ಲದೆ, ಖರೀದಿಯ ಮೇಲೆ ಕಾರ್ಪೊರೇಟ್ ರಿಯಾಯಿತಿ ಅನ್ವಯಿಸುತ್ತದೆ. ಬಲೆನೊ ಪ್ರಸ್ತುತ 1.2L ಪೆಟ್ರೋಲ್‌ನೊಂದಿಗೆ 5-ಸ್ಪೀಡ್ MT ಮತ್ತು 5-ಸ್ಪೀಡ್ AMT ಟ್ರಾನ್ಸ್‌ಮಿಷನ್ ಆಯ್ಕೆಗಳೊಂದಿಗೆ ಲಭ್ಯವಿದೆ.

ಮಾರುತಿ ಸಿಯಾಜ್: ಬ್ರ್ಯಾಂಡ್‌ನ ಸಿ-ಸೆಗ್ಮೆಂಟ್ ಸೆಡಾನ್ - ಮಾರುತಿ ಸುಜುಕಿ ಸಿಯಾಜ್, ರೂ. 38,000 ವರೆಗಿನ ಪ್ರಯೋಜನಗಳನ್ನು ಪಡೆಯುತ್ತದೆ. ಇದು ರೂ. 10,000 ನಗದು ಲಾಭ, ರೂ. 25,000 ವಿನಿಮಯ ಬೋನಸ್ ಮತ್ತು ರೂ. 3,000 ಕಾರ್ಪೊರೇಟ್ ಬೋನಸ್ ಅನ್ನು ಒಳಗೊಂಡಿದೆ. Ciaz 1.5L NA ಪೆಟ್ರೋಲ್ ನೊಂದಿಗೆ ಮಾರಾಟದಲ್ಲಿದೆ.

ಮಾರುತಿ ಸುಜುಕಿ ಜಿಮ್ನಿ: ಎಲ್ಲರೂ ಕಾಯುತ್ತಿದ್ದ ಬಹುನಿರೀಕ್ಷಿತ ಬೆಲೆ ಕಡಿತವು ಅಂತಿಮವಾಗಿ ಜಾರಿಯಲ್ಲಿದೆ. ಜಿಮ್ನಿ ಈಗ ಒಟ್ಟು ರೂ. 1 ಲಕ್ಷ ರಿಯಾಯಿತಿಯೊಂದಿಗೆ ಮಾರಾಟದಲ್ಲಿದೆ. ಇದು 50,000 ರೂಪಾಯಿಗಳ ವಿನಿಮಯ ಬೋನಸ್ ಮತ್ತು 50,000 ರೂಪಾಯಿಗಳ ಮುಂಗಡ ನಗದು ಪ್ರಯೋಜನವನ್ನು ಒಳಗೊಂಡಿದೆ.

ಮಾರುತಿ ಆಲ್ಟೊ ಕೆ10 (ಅರೇನಾ): ಮಾರುತಿ ಸುಜುಕಿ ಆಲ್ಟೊ ಕೆ10 ಖರೀದಿಸಿದರೆ ಒಟ್ಟು ರೂ. 49,000 ಉಳಿಸಬಹುದು. ಕಂಪನಿಯು 15,000 ರೂ. ವಿನಿಮಯ ಬೋನಸ್ ಜೊತೆಗೆ ರೂ. 30,000 ವರೆಗಿನ ನಗದು ಪ್ರಯೋಜನವನ್ನು ವಿಸ್ತರಿಸುತ್ತಿದೆ. ಆಯ್ದ ಟ್ರಿಮ್‌ಗಳಲ್ಲಿ ರೂ. 4,000 ಕಾರ್ಪೊರೇಟ್ ಬೋನಸ್ ಅನ್ನು ಸಹ ಪಡೆಯಬಹುದು.

ಮಾರುತಿ ವ್ಯಾಗನ್-ಆರ್: ಈ ಹ್ಯಾಚ್‌ಬ್ಯಾಕ್ ರೂ. 20,000 ವರೆಗಿನ ಎಕ್ಸ್‌ಚೇಂಜ್ ಬೋನಸ್ ಮತ್ತು ರೂ. 25,000 ವರೆಗಿನ ಮುಂಗಡ ನಗದು ರಿಯಾಯಿತಿಯೊಂದಿಗೆ ಮಾರಾಟದಲ್ಲಿದೆ. ಇದಲ್ಲದೆ, ಖರೀದಿಯ ಮೇಲೆ ರೂ. 4,000 ಕಾರ್ಪೊರೇಟ್ ಬೋನಸ್ ಅನ್ವಯಿಸುತ್ತದೆ. ವ್ಯಾಗನ್ಆರ್ ಅನ್ನು 1.0L ಪೆಟ್ರೋಲ್ ಅಥವಾ 1.2L ಪೆಟ್ರೋಲ್ ಎಂಜಿನ್‌ನೊಂದಿಗೆ ಖರೀದಿಸಬಹುದು. ಹಾಗೆಯೇ CNG ಟ್ರಿಮ್‌ನೊಂದಿಗೂ ಲಭ್ಯವಿದೆ.

ಮಾರುತಿ ಸೆಲೆರಿಯೊ: 20,000 ರೂಪಾಯಿಗಳ ವಿನಿಮಯ ಬೋನಸ್ ಸೆಲೆರಿಯೊ ಶ್ರೇಣಿಯ ಮೇಲೆ ಅನ್ವಯಿಸುತ್ತದೆ, ಜೊತೆಗೆ ರೂ 35,000 ನಗದು ರಿಯಾಯಿತಿ ಮತ್ತು ರೂ 4,000 ರ ಕಾರ್ಪೊರೇಟ್ ಲಾಭ. ಆದಾಗ್ಯೂ, AMT ರೂಪಾಂತರಗಳು ನಗದು ರಿಯಾಯಿತಿಯನ್ನು ಪಡೆಯುವುದಿಲ್ಲ. ಅಲ್ಲದೆ, ಸೆಲೆರಿಯೊ ಸಿಎನ್‌ಜಿ ಟ್ರಿಮ್‌ಗಳಲ್ಲಿಯೂ ಲಭ್ಯವಿದೆ. ಅಲ್ಲದೆ, ಇದು 25.24 kmpl ನಷ್ಟು ಮೈಲೇಜ್ ಅನ್ನು ಪಡೆಯುತ್ತದೆ.

ಮಾರುತಿ ಸ್ವಿಫ್ಟ್: 10 ಲಕ್ಷದೊಳಗಿನ ಹ್ಯಾಚ್‌ಬ್ಯಾಕ್ ಈ ಮಾರುತಿ ಸುಜುಕಿ ಸ್ವಿಫ್ಟ್, ರೂ. 20,000 ವಿನಿಮಯ ಬೋನಸ್ ಜೊತೆಗೆ ರೂ. 25,000 ನಗದು ರಿಯಾಯಿತಿಯನ್ನು ಒಳಗೊಂಡಿರುವ ರೂ.49,000 ವರೆಗಿನ ಪ್ರಯೋಜನಗಳೊಂದಿಗೆ ಹೊಸ ಮಾರುತಿ ಸ್ವಿಫ್ಟ್ ಲಭ್ಯವಿದೆ. ಆಯ್ದ ಟ್ರಿಮ್‌ಗಳಲ್ಲಿ ರೂ. 4,000 ಕಾರ್ಪೊರೇಟ್ ರಿಯಾಯಿತಿ ಲಭ್ಯವಿದೆ.

ಮಾರುತಿ ಡಿಜೈರ್: ಡಿಜೈರ್ ಕೂಡ ಒಂದು ಪೆಪ್ಪಿ ಕಾರ್ ಆಗಿದ್ದು, ಪ್ರಸ್ತುತ ಇದು ಕೇವಲ 10,000 ರೂಪಾಯಿಗಳ ವಿನಿಮಯ ಬೋನಸ್‌ನೊಂದಿಗೆ ಲಭ್ಯವಿದೆ. ದುಃಖಕರವೆಂದರೆ, ಡಿಜೈರ್‌ನಲ್ಲಿ ಬ್ರ್ಯಾಂಡ್ ಯಾವುದೇ ನಗದು ಪ್ರಯೋಜನವನ್ನು ನೀಡುತ್ತಿಲ್ಲ. ಅಲ್ಲದೆ, ಈ ವಿನಿಮಯ ಬೋನಸ್ ಪೆಟ್ರೋಲ್ ಟ್ರಿಮ್‌ಗಳಿಗೆ ಮಾತ್ರ ಸೀಮಿತವಾಗಿದೆ.