Maruti Wagon R ಖರೀದಿಸುವ ಮುನ್ನ ಇದು ತಿಳಿದಿರಲಿ... ಸದ್ದಿಲ್ಲದೆ ಪ್ರಮುಖ ಫೀಚರ್ ತೆಗೆದ ಕಂಪನಿ!

ಭಾರತದಲ್ಲಿ ಮಧ್ಯಮ ವರ್ಗದವರಿಗೆ ಬಡ್ಜೆಟ್‌ನಲ್ಲಿ ಸಿಗುವ ಜನಪ್ರಿಯ ಕಾರುಗಳಲ್ಲಿ ಮಾರುತಿ ವ್ಯಾಗನ ಆರ್‌ ಕೂಡ ಒಂದು. ಆದ್ರೆ ಕಂಪನಿಯು ಇದೀಗ ಯಾವುದೇ ಮಾಹಿತಿ ನೀಡದೇ ಇದರ ಟಾಪ್‌ ವೇರಿಯೆಂಟ್‌ನಿಂದ ಒಂದು ವೈಶಿಷ್ಟ್ಯವನ್ನು ತೆಗೆದುಹಾಕಿದೆ. ಈ ಕಾರನ್ನು ಖರೀದಿಸಲು ಯೋಜಿಸಿದ್ದವರು ಮೊದಲು ಇದರ ಬಗ್ಗೆ ತಿಳಿಯಿರಿ.

ಪ್ರಸ್ತುತ, ಈ ಹ್ಯಾಚ್‌ಬ್ಯಾಕ್ ಅನ್ನು LXi, VXi, ZXi ಮತ್ತು ZXi Plus ಎಂಬ ನಾಲ್ಕು ರೂಪಾಂತರಗಳಲ್ಲಿ ನೀಡಲಾಗುತ್ತದೆ. ಹಾಗೆಯೇ ಇವುಗಳ ಜೊತೆಗೆ ಎರಡು ಪವರ್‌ಟ್ರೇನ್ ಆಯ್ಕೆಗಳೊಂದಿಗೆ ಈ ಮಾದರಿಯ ಆರಂಭಿಕ ಬೆಲೆಯು ರೂ. 5.54 ಲಕ್ಷ (ಎಕ್ಸ್ ಶೋ ರೂಂ) ಇದೆ.

ಇದು ಬಡ್ಜೆಟ್ ಸ್ನೇಹಿ ಆಗಿರುವುದರಿಂದಲೇ ಕಂಪನಿಯ ಅತಿ ಹೆಚ್ಚು ಮಾರಾಟವಾಗುವ ಕಾರು ಎಂಬ ಖ್ಯಾತಿ ಕೂಡ ಪಡೆದಿದೆ. ಇದಲ್ಲದೆ, Maruti Wagon R ಭಾರತದಲ್ಲಿ ಪೆಟ್ರೋಲ್ ಮತ್ತು CNG ಆಯ್ಕೆಗಳಲ್ಲಿಯೂ ಲಭ್ಯವಿದೆ. ಪೆಟ್ರೋಲ್ ಆಯ್ಕೆಯಂತೆ ಸಿಎನ್‌ಜಿ ಆಯ್ಕೆಗೂ ದೇಶದ ಜನರಲ್ಲಿ ಉತ್ತಮ ಸ್ವಾಗತ ದೊರೆಯುತ್ತಿದೆ.

ಇಂತಹ ಮಾದರಿಗೆ ಇದೀಗ ಮಾರುತಿಯು ಹಿಂಭಾಗದಲ್ಲಿ ಒದಗಿಸಲಾದ ಡಿಫಾಗರ್ ವೈಪರ್ ಅನ್ನು ತೆಗೆದುಹಾಕಿದೆ. ಈ ವೈಶಿಷ್ಟ್ಯವನ್ನು ಟಾಪ್ ಸ್ಪೆಕ್ ರೂಪಾಂತರದಲ್ಲಿ ಮಾತ್ರ ನೀಡಲಾಗಿತ್ತು ಎಂಬುದು ಗಮನಿಸಬೇಕಾದ ಸಂಗತಿ. ಅಂದರೆ ಈ ವೈಶಿಷ್ಟ್ಯವನ್ನು ಟಾಪ್-ಸ್ಪೆಕ್ ZXi ಪ್ಲಸ್ ಮ್ಯಾನುವಲ್ ಮತ್ತು ಆಟೋಮ್ಯಾಟಿಕ್ ರೂಪಾಂತರಗಳಲ್ಲಿ ಮಾತ್ರ ನೀಡಲಾಗಿತ್ತು.

ಈ ವೈಶಿಷ್ಟ್ಯವನ್ನು ತೆಗೆದುಹಾಕುವುದನ್ನು ಹೊರತುಪಡಿಸಿ, ವ್ಯಾಗನ್ R ನ ವೈಶಿಷ್ಟ್ಯಗಳ ಪಟ್ಟಿಯಲ್ಲಿ ಬೇರೆ ಯಾವುದನ್ನೂ ಬದಲಾಯಿಸಲಾಗಿಲ್ಲ. ವ್ಯಾಗನ್ ಆರ್‌ 1.2-ಲೀಟರ್ ಮತ್ತು 1.0-ಲೀಟರ್ NA ಪೆಟ್ರೋಲ್ ಎಂಜಿನ್‌ ಆಯ್ಕೆಗಳಲ್ಲಿ ಬರುತ್ತದೆ. ಮೊದಲನೆಯದನ್ನು 89bhp ಮತ್ತು 113Nm ಟಾರ್ಕ್ ಉತ್ಪಾದಿಸಲು ಟ್ಯೂನ್ ಮಾಡಲಾಗಿದೆ.

ಹಾಗೆಯೇ ಎರಡನೆಯದು 66bhp ಮತ್ತು 89Nm ಗರಿಷ್ಠ ಟಾರ್ಕ್ ಅನ್ನು ಹೊರಹಾಕುತ್ತದೆ. ಇದರ ಜೊತೆಗೆ 5-ಸ್ಪೀಡ್ ಮ್ಯಾನುವಲ್ ಮತ್ತು AMT (AGS) ಘಟಕದಿಂದ ನಿರ್ವಹಿಸಲಾಗುತ್ತದೆ. ಇದಲ್ಲದೆ, 1.0-ಲೀಟರ್ ಪೆಟ್ರೋಲ್ ಎಂಜಿನ್ ಕಂಪನಿಯು ಅಳವಡಿಸಿದ CNG ಕಿಟ್‌ನ ಆಯ್ಕೆಯೊಂದಿಗು ಸಹ ಬರುತ್ತದೆ ಎಂಬುದನ್ನು ಗಮನಿಸಬೇಕು.

ಕಂಪನಿಯು 1999 ರಿಂದ ಈಕಾರನ್ನು ಮಾರಾಟ ಮಾಡುತ್ತಿದೆ. ಅಂದಿನಿಂದ, ವ್ಯಾಗನ್ಆರ್ ಭಾರತದಲ್ಲಿ ಅಗಾಧ ಪ್ರತಿಕ್ರಿಯೆಯನ್ನು ಪಡೆಯುತ್ತಿದೆ. ವ್ಯಾಗನ್ಆರ್ ಅನೇಕ ಭಾರತೀಯರ ನೆಚ್ಚಿನ ವಾಹನವಾಗಿದ್ದು, ಈ ಕಾರನ್ನು ಖರೀದಿಸಿದವರು ಮತ್ತೆ ಮತ್ತೆ ಖರೀದಿಸಲು ಬರುತ್ತಿದ್ದಾರೆ ಎಂದು ಕಂಪನಿ ಹೇಳಿಕೆ ನೀಡಿದೆ. ಇತ್ತೀಚೆಗೆ 30 ಲಕ್ಷ ಯುನಿಟ್ ಮಾರಾಟದ ಮೂಲಕ ದಾಖಲೆ ಕೂಡ ನಿರ್ಮಿಸಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ.