ಎದುರಾಳಿಗಳ ನಿದ್ದೆಗೆಡಿಸಲು ಎಲೆಕ್ಟ್ರಿಕ್ ಅವತಾರ ತಾಳಿದ ಮಹೀಂದ್ರಾ ಥಾರ್: ಇಂಟಿರಿಯರ್ ಬಹಿರಂಗ

ಆಫ್-ರೋಡ್ ಎಸ್‍ಯುವಿ ಅಂದರೆ ನಮ್ಮ ಮನಸ್ಸಿಗೆ ಬರುವ ಮೊದಲ ಎಸ್‍ಯುವಿಗಳಲ್ಲಿ ಮಹೀಂದ್ರಾ ಥಾರ್ (Mahindra Thar) ಕೂಡ ಒಂದು. ಜನಪ್ರಿಯ ಮಹಿಂದ್ರಾ ಥಾರ್ ಎಲೆಕ್ಟ್ರಿಕ್ ಅವತಾರದಲ್ಲಿ ಮಾರುಕಟ್ಟೆ ಪ್ರವೇಶಿಸಲಿದೆ. ಇತ್ತೀಚೆಗೆ ದಕ್ಷಿಣ ಆಫ್ರಿಕಾದ ಕೇಪ್ ಟೌನ್‌ನಲ್ಲಿ ನಡೆದ ಫ್ಯೂಚರ್‌ಸ್ಕೇಪ್ ಈವೆಂಟ್‌ನಲ್ಲಿ ಭಾರತೀಯ ಎಸ್‌ಯುವಿ ಸ್ಪೆಷಲಿಸ್ಟ್ ಮಹೀಂದ್ರಾ ಥಾರ್.ಇ (Mahindra Thar.e) ಅನ್ನು ಅನಾವರಣಗೊಳಿಸಿತು.

ದಕ್ಷಿಣ ಆಫ್ರಿಕಾದಲ್ಲಿ ಈ ಮಹೀಂದ್ರಾ ವಿಷನ್ ಥಾರ್.ಇ ಐಕಾನಿಕ್ ಥಾರ್ ಎಸ್‌ಯುವಿಯ ಪೂರ್ವವೀಕ್ಷಣೆಯಾಗಿದೆ. ಮುಂಬರುವ ಎಲೆಕ್ಟ್ರಿಕ್ ಯುಟಿಲಿಟಿ ವೆಹಿಕಲ್‌ಗಳ ಜೊತೆಗೆ ಬೊಲೆರೊ, ಸ್ಕಾರ್ಪಿಯೊ ಮತ್ತು ಎಕ್ಸ್‌ಯುವಿ ಸರಣಿಯ ಇವಿ ಆವೃತ್ತಿಗಳು ಸೇರಿದಂತೆ ಸಂಸ್ಥೆಯ ಇತರ ಎಲೆಕ್ಟ್ರಿಕ್ ವಾಹನಗಳಂತೆ ಮಹೀಂದ್ರಾ ವಿಷನ್ ಥಾರ್.ಇ ಕೂಡ ಮಹೀಂದ್ರಾ ಕಂಪನಿಯ ಮುಂದಿನ ಬಹುನಿರೀಕ್ಷಿತ ಎಸ್‍ಯುವಿಯಾಗಿದೆ. ಹೊಸ ಮಹೀಂದ್ರಾ ವಿಷನ್ ಥಾರ್.ಇ ಕಸ್ಟಮೈಸ್ ಮಾಡಿದ INGLO-P1 ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದೆ.

ಇದೀಗ ಮಹೀಂದ್ರಾ ಕಂಪನಿಯು ಮಹೀಂದ್ರಾ ವಿಷನ್ ಥಾರ್.ಇ ಐಕಾನಿಕ್ ಥಾರ್ ಎಸ್‌ಯುವಿ ಒಳಬಾಗ ಚಿತ್ರಸಮೇತ ಮಾಹಿತಿಗಳನ್ನು ಬಹಿರಂಗಪಡಿಸಿದೆ. ಈ ಎಸ್‍ಯುವಿಯ ಒಳಭಾಗದಲ್ಲಿ ಡ್ಯಾಶ್‌ಬೋರ್ಡ್ ಅದರ ಫ್ಲಾಟ್ ವಿನ್ಯಾಸದೊಂದಿಗೆ ಎದ್ದು ಕಾಣುತ್ತದೆ, ಟಚ್‌ಸ್ಕ್ರೀನ್ ಡಿಸ್ ಪ್ಲೇಯನ್ನು ಸಂಯೋಜಿಸುತ್ತದೆ. ಉದ್ದವಾದ ಸೆಂಟರ್ ಕನ್ಸೋಲ್ ವಿಶಿಷ್ಟವಾದ ಗೇರ್ ಲಿವರ್ ಮತ್ತು ಭೂಪ್ರದೇಶ-ಆಧಾರಿತ ಡ್ರೈವ್ ಮೋಡ್ ಕಂಟ್ರೋಲ್ ಗಳನ್ನು ಹೊಂದಿದೆ.

ಈ ಲೈಫ್ ಸ್ಟೈಲ್ ಆಫ್-ರೋಡ್ ಎಲೆಕ್ಟ್ರಿಕ್ ಎಸ್‌ಯುವಿಯ ಗಮನಾರ್ಹ ಹೈಲೈಟ್ ಎಂದರೆ ಫ್ಲಾಟ್ ಟಾಪ್ ಮತ್ತು ಬಾಟಮ್‌ನೊಂದಿಗೆ ಮಲ್ಟಿ-ಫಂಕ್ಷನ್, ಮೂರು-ಸ್ಪೋಕ್ ಸ್ಟೀರಿಂಗ್ ವೀಲ್. ಮೌಂಟೆಡ್ ಕಂಟ್ರೋಲ್‌ಗಳು ಮತ್ತು ಮಧ್ಯದಲ್ಲಿರುವ 'Thar.e' ಲೋಗೋ ಆಕರ್ಷಣೆಯನ್ನು ಹೆಚ್ಚಿಸುತ್ತದೆ. ಇನ್ನು ಇದರಲ್ಲಿ ಚದರ ಮಾದರಿ ಮತ್ತು ಗಟ್ಟಿಮುಟ್ಟಾದ ಗ್ರ್ಯಾಬ್ ಹ್ಯಾಂಡಲ್‌ಗಳನ್ನು ಹೊಂದಿರುವ ಬಕೆಟ್ ಸೀಟುಗಳನ್ನು ಒಳಗೊಂಡಿವೆ. ಇನ್ನು ಒಳಬಾಗದಲ್ಲಿ ಸ್ಪೋರ್ಟಿ ಲುಕ್ ನೀಡಲು ವಿರಳವಾದ ಕೆಂಪು ಇನ್ಸರ್ಟ್ ಗಳನ್ನು ಹೊಂದಿವೆ.

ಹೊಸ INGLO-P1 ಪ್ಲಾಟ್‌ಫಾರ್ಮ್ ಥಾರ್‌ನ ಸಿಲೂಯೆಟ್ ಅನ್ನು ಅದರ ಎಲೆಕ್ಟ್ರಿಕ್ ಅವತಾರ್‌ಗೆ ಸಂಯೋಜಿಸಲು ಸಹಾಯ ಮಾಡುತ್ತದೆ. ಮಹೀಂದ್ರಾ ವಿಷನ್ ಥಾರ್.ಇ ಮಾದರಿಯು 2,775mm ಮತ್ತು 2,975mm ನಡುವಿನ ವೀಲ್‌ಬೇಸ್ ಅನ್ನು ಹೊಂದಿದೆ. ಇನ್ನು ಈ ಐಕಾನಿಕ್ ಎಸ್‍ಯುವಿಯ ಎಲೆಕ್ಟ್ರಿಕ್ ಆವೃತ್ತಿಯು ಅದರ ಡಿನೋ ಬರ್ನಿಂಗ್ ಎಂಬ ಸಹೋದರ ಮಾದರಿಗೆ ಹೋಲಿಸಿದರೆ ಕಡಿಮೆ ಓವರ್‌ಹ್ಯಾಂಗ್‌ಗಳನ್ನು ಹೊಂದಿರಲಿದೆ.

ಈ ಹೊಸ ಎಸ್‍ಯುವಿಯು ಹೆಚ್ಚಿನ ಗ್ರೌಂಡ್ ಕ್ಲಿಯರೆನ್ಸ್ ಅನ್ನು ಹೊಂದಿರುತ್ತದೆ ಎಂದು ಮಹೀಂದ್ರಾ ಹೇಳಿಕೊಂಡಿದೆ. ಥಾರ್.ಇ ಮಾದರಿಯು ಸಂಸ್ಥೆಯ ಇತರ ಮುಂಬರುವ ಎಲೆಕ್ಟ್ರಿಕ್ ವಾಹನಗಳ ಮಾದರಿಗಳಂತೆ ಇವಿ ದೈತ್ಯ ಬಿಲ್ಡ್ ಯುವರ್ ಡ್ರೀಮ್ಸ್‌ನಿಂದ 80kWh LFP ಕೆಮಿಸ್ಟ್ರಿ ಬ್ಲೇಡ್ ಲಿಥಿಯಂ-ಐಯಾನ್ ಬ್ಯಾಟರಿ ಪ್ಯಾಕ್ ಅನ್ನು ಹೊಂದಿದೆ. RWD ಆವೃತ್ತಿಯಲ್ಲಿ, ಎಲೆಕ್ಟ್ರಿಕ್ Thar.e ಮಾದರಿಯು 228 bhp ಪವರ್ ಮತ್ತು 380 Nm ಟಾರ್ಕ್ ಉತ್ಪಾದಿಸುತ್ತದೆ.

ಇಲ್ಲವಾದರೆ, ಫೋಕ್ಸ್‌ವ್ಯಾಗನ್‌ನಿಂದ ಪಡೆದ 282 bhp ಮತ್ತು 535 Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿರುವ ಎಲೆಕ್ಟ್ರಿಕ್ ಸ್ಪಿನ್ನರ್‌ನಿಂದ ನಿಯಂತ್ರಿಸಲಾಗುತ್ತದೆ. ಫೋರ್-ವೀಲ್-ಡ್ರೈವ್ ಆವೃತ್ತಿಯು ಮುಂಭಾಗದ ಆಕ್ಸಲ್‌ನಲ್ಲಿ ಹೆಚ್ಚುವರಿ 107 bhp ಪವರ್ ಮತ್ತು 135 Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನ್ ಹೊಂದಿರಲಿದೆ.

ಇನ್ನು ಮಹೀಂದ್ರಾ ವಿಷನ್ ಥಾರ್.ಇ ಅದರ ವಿನ್ಯಾಸದ ದೃಷ್ಟಿಯಿಂದ ಥಾರ್ ವಿನ್ಯಾಸವನ್ನು ಭವಿಷ್ಯದಲ್ಲಿ ತರುತ್ತದೆ ಮತ್ತು ಆ ಒರಟಾದ ವಿನ್ಯಾಸವನ್ನು ಉಳಿಸಿಕೊಂಡಿದೆ, ಇದು ಎಸ್‌ಯುವಿಯ ICE ಆವೃತ್ತಿಯನ್ನು ಆಫ್-ರೋಡಿಂಗ್ ಸಮುದಾಯದ ಪ್ರಿಯತಮೆಯನ್ನಾಗಿ ಮಾಡಿದೆ. ವಿಷನ್ ಥಾರ್.ಇ ಮಾದರಿಯ ವಿನ್ಯಾಸದ ಬಗ್ಗೆ ಹೇಳುವುದಾದರೆ, ವಿನ್ಯಾಸದ ದೃಷ್ಟಿಯಿಂದ ಥಾರ್ ವಿನ್ಯಾಸವನ್ನು ಫ್ಯೂಚರಿಸ್ಟಿಕ್ ಆಗಿದೆ. ಈ ಹೊಸ ಮಾದರಿಯು ತನ್ನ ಒರಟಾದ ವಿನ್ಯಾಸ ಶೈಲಿಯನ್ನು ಹೊಂದಿದೆ.

ಮಹಿಂದ್ರಾ ಥಾರ್ ಎಸ್‌ಯುವಿಯ ICE ಆವೃತ್ತಿಯನ್ನು ಆಫ್-ರೋಡಿಂಗ್ ಸಮುದಾಯ ಮೆಚ್ಚಿನ ಮಾದರಿಯಾಗಿದೆ. ಥಾರ್ ಒರಟಾದ ಮತ್ತು ರಗಡ್ ವಿನ್ಯಾಸವು ಕೂಡ ಹಲವಾರು ಗ್ರಾಹಕರನ್ನು ಸೆಳೆಯಲು ಒಂದು ಕಾರಣವಾಗಿದೆ. ಈ ಮಹೀಂದ್ರಾ ಥಾರ್‌ನ ಎಲೆಕ್ಟ್ರಿಕ್ ಆವೃತ್ತಿಯನ್ನು ಯಾವಾಗ ಪ್ರಾರಂಭಿಸಲಾಗುವುದು ಎಂಬುದರ ಕುರಿತು ಮಹೀಂದ್ರಾ ಯಾವುದೇ ವಿವರಗಳನ್ನು ಇನ್ನು ಬಹಿರಂಗ ಮಾಡಿಲ್ಲ.