ಮಾರುಕಟ್ಟೆಯಲ್ಲಿ ಬಿರುಗಾಳಿ ಎಬ್ಬಿಸಲು ಬರುತ್ತಿದೆ ಟೊಯೊಟಾ ಇನೋವಾ ಹೈಕ್ರಾಸ್ ಆಧಾರಿತ ಮಾರುತಿ ಕಾರು

ದೇಶದ ಅತಿದೊಡ್ಡ ಕಾರು ತಯಾರಕ ಕಂಪನಿಯಾದ ಮಾರುತಿ ಸುಜುಕಿ ಇಂಡಿಯಾ ಲಿಮಿಟೆಡ್ (MSIL) ಟೊಯೊಟಾ ಇನ್ನೋವಾ ಹೈಕ್ರಾಸ್ ಆಧಾರಿತ ಹೊಸ ಎಂಪಿವಿಯನ್ನು ಬಿಡುಗಡೆಗೊಳಿಸಲಿದೆ. ಭಾರತದಲ್ಲಿ ಬ್ರಾಂಡ್‌ನಿಂದ ಟ್ರೇಡ್‌ಮಾರ್ಕ್ ಮಾಡಲಾದ ಹೆಸರನ್ನು ಮಾರುತಿ ಸುಜುಕಿ ಎಂಗೇಜ್ (Maruti Suzuki Engage) ಎಂದು ಹೆಸರು ನೀಡಬಹುದು ಎಂದು ಹೇಳಲಾಗುತ್ತಿದೆ.

ಟೊಯೊಟಾ ಇನ್ನೋವಾ ಹೈಕ್ರಾಸ್ ಆಧಾರಿತ ಮಾದರಿಯು ಮಾರುತಿ ಸುಜುಕಿ ಕಂಪನಿಯ ಪ್ರಮುಖ ಎಂಪಿವಿಯಾಗರಲಿದೆ. ಈ ಹೊಸ ಎಂಪಿವಿಯನ್ನು Nexa ಪ್ರೀಮಿಯಂ ಡೀಲರ್‌ಶಿಪ್‌ಗಳ ಮೂಲಕ ಮಾತ್ರ ಮಾರಾಟ ಮಾಡಲಿದೆ. ಮಾಸಿಕ ಮಾರಾಟ ಸಂಖ್ಯೆಗಳು ಇನೋವಾ ಹೈಕ್ರಾಸ್‌ನಷ್ಟು ಹೆಚ್ಚಿರುವುದಿಲ್ಲ ಏಕೆಂದರೆ ಇದು ಒಂದು ಪ್ರಮುಖ ಕೊಡುಗೆ ಎಂದು ಪರಿಗಣಿಸಬಹುದು. ಇದು ನಿಸ್ಸಂದೇಹವಾಗಿ ಲೈನ್ಅಪ್ನಲ್ಲಿ XL6 ಮೇಲಿನ ಸ್ಥಾನದಲ್ಲಿರುತ್ತದೆ.

ಮಾರುತಿ ಸುಜುಕಿ ಎಂಗೇಜ್ ಮಾರುತಿ ಸುಜುಕಿಗೆ ಸರಬರಾಜು ಮಾಡಿದ ಮೊದಲ ಕ್ರಾಸ್-ಬ್ಯಾಡ್ಜ್ ಟೊಯೋಟಾ ಆಗಿರುತ್ತದೆ. ಇದು ADAS-ಆಧಾರಿತ ಡ್ರೈವರ್ ಅಸಿಸ್ಟ್ ಮತ್ತು ಸುರಕ್ಷತಾ ವೈಶಿಷ್ಟ್ಯಗಳೊಂದಿಗೆ ಸಜ್ಜುಗೊಂಡ ಮೊದಲ ಮಾರುತಿ ಸುಜುಕಿ ಇಂಡಿಯಾ ಲಿಮಿಟೆಡ್ ಕಂಪನಿಯ ಮಾದರಿಯಾಗಿರುತ್ತದೆ. ಮಾರುತಿ ಸುಜುಕಿ ಪ್ರಮುಖ ಎಂಪಿವಿಯ ಮುಂಭಾಗದ ಗ್ರಿಲ್ ಇತ್ತೀಚೆಗೆ ಬಿಡುಗಡೆಯಾದ ಫ್ರಾಂಕ್ಸ್ ಕಾಂಪ್ಯಾಕ್ಟ್ ಎಸ್‍ಯುವಿ ಕೂಪ್ ಮತ್ತು ಗ್ರ್ಯಾಂಡ್ ವಿಟಾರಾ ಮಿಡ್ ಸೈಜ್ ಎಸ್‍ಯುವಿಯಿಂದ ಸ್ಫೂರ್ತಿ ಪಡೆಯುತ್ತದೆ.

ಟ್ವಿನ್ ಹಾರಿಜಾಂಟಲ್ ಕ್ರೋಮ್ ಬಾರ್‌ಗಳಲ್ಲಿ ಒಂದು ಗ್ರಿಲ್‌ನೊಳಗೆ ಸೀಮಿತವಾಗಿದ್ದರೆ ಇನ್ನೊಂದು ಟೊಯೊಟಾ ಇನೋವಾ ಹೈಕ್ರಾಸ್‌ನಂತೆಯೇ ಕಾಣುವ ಚೂಪಾದ ಎಲ್ಇಡಿ ಹೆಡ್‌ಲ್ಯಾಂಪ್‌ಗಳನ್ನು ಸಂಪರ್ಕಿಸಲು ಹೊರಕ್ಕೆ ವಿಸ್ತರಿಸುತ್ತದೆ. ಮಾರುತಿ ಸುಜುಕಿ ಬ್ಯಾಡ್ಜ್ ಅನ್ನು ಡ್ಯುಯಲ್ ಸ್ಲ್ಯಾಟ್‌ಗಳ ಮೇಲೆ ಇರಿಸಲಾಗುತ್ತದೆ. ಈ ಎಂಗೇಜ್ ಇನ್ನೋವಾ ಹೈಕ್ರಾಸ್‌ನ ಹಿಂದಿನ ವಿನ್ಯಾಸವನ್ನು ಉಳಿಸಿಕೊಳ್ಳುತ್ತದೆ.

ಜಪಾನೀ ಸಹೋದರರಲ್ಲಿ ಕಂಡುಬರುವ ಅದೇ ಅಲಾಯ್ ವ್ಹೀಲ್ ಗಳು ಸಹ ಇರುತ್ತವೆ ಎಂದು ನಾವು ನಿರೀಕ್ಷಿಸಬಹುದು. ಮಾರುತಿ ಸುಜುಕಿ ಎಂಗೇಜ್ ಎಂಪಿವಿಯು TNGA-C ಪ್ಲಾಟ್‌ಫಾರ್ಮ್‌ ಅನ್ನು ಆಧಾರವಾಗಿರುತ್ತದೆ. ಏಕೆಂದರೆ ಫ್ರಂಟ್-ವೀಲ್ ಡ್ರೈವ್ ಮೊನೊಕಾಕ್ MPV 2.0 ಲೀಟರ್ ನಾಲ್ಕು ಸಿಲಿಂಡರ್ ಪೆಟ್ರೋಲ್ ಅಥವಾ 2.0 ಲೀಟರ್ ಸ್ಟ್ರಾಂಗ್ ಹೈಬ್ರಿಡ್ ಪೆಟ್ರೋಲ್ ಎಂಜಿನ್‌ ಅನ್ನು ಹೊಂದಿರುತ್ತದೆ.

ಈ ಹೊಸ ಎಂಪಿವಿಯ ಒಳಭಾಗವು ಟೊಯೊಟಾ ಇನ್ನೋವಾ ಹೈಕ್ರಾಸ್‌ಗೆ ಹೋಲುತ್ತದೆ ಆದರೆ ಕೆಲವು ಸಣ್ಣ ಅಪ್ಹೋಲ್ಸ್ಟರಿ ಮತ್ತು ವಿಷಯಾಧಾರಿತ ಬದಲಾವಣೆಗಳನ್ನು ನಿರೀಕ್ಷಿಸಬಹುದು. ಇನ್ನು ಟೊಯೊಟಾ ಕಿರ್ಲೋಸ್ಕರ್ ಮೋಟಾರ್ (TKM) ತನ್ನ ಇನೋವಾ ಕ್ರಿಸ್ಟಾ ಮತ್ತು ಇನೋವಾ ಹೈಕ್ರಾಸ್ ಎಂಪಿವಿ ಮಾದರಿಗಳನ್ನು 8-ಸೀಟುಗಳ ಆವೃತ್ತಿಯಾಗಿ ಬಿಡುಗಡೆಗೊಳಿಸುವ ಯೋಜನೆಯಲ್ಲಿದ್ದರು. ಆದರೆ 8-ಸೀಟುಗಳ ವಾಹನಗಳನ್ನು ಖಾಸಗಿ ವಾಹನಗಳಾಗಿ ನೋಂದಾಯಿಸುವುದನ್ನು ನಿಷೇಧಿಸಲು ಭಾರತ ಸರ್ಕಾರ ನಿರ್ಧರಿಸಿದೆ.

ಭಾರತ ಸರ್ಕಾರ ನಿರ್ಧರಾವು ಟೊಯೊಟಾ ಕಂಪನಿಯ ಯೋಜನೆಯ ಮೇಲೆ ಪರಿಣಾಮ ಬೀರಬಹುದು. ಸರ್ಕಾರದ ಹೊಸ ನಿರ್ಧಾರದ ಪ್ರಕಾರ, 8 ಸೀಟುಗಳ ವಾಹನಗಳನ್ನು ವಾಣಿಜ್ಯ ಉದ್ದೇಶಗಳಿಗಾಗಿ ಅಥವಾ ಟ್ಯಾಕ್ಸಿಗಳಾಗಿ ಮಾತ್ರ ನೋಂದಾಯಿಸಬಹುದು, ಖಾಸಗಿ ವಾಹನಗಳಾಗಿ ಅಲ್ಲ. ಭಾರತ ಸರ್ಕಾರದ ಒಡೆತನದ ಪರಿವಾಹನ್ ವೆಬ್‌ಸೈಟ್, ಮೇ 22, 2023 ರಿಂದ ಎಂಟು ಅಥವಾ ಅದಕ್ಕಿಂತ ಹೆಚ್ಚಿನ ಆಸನಗಳನ್ನು ಹೊಂದಿರುವ ವಾಹನಗಳ ನೋಂದಣಿ ವಿನಂತಿಗಳನ್ನು ಖಾಸಗಿ ವಾಹನಗಳಾಗಿ ಸ್ವೀಕರಿಸುವುದನ್ನು ನಿಲ್ಲಿಸಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡಲು ಮರೆಯದಿರಿ.

Source: Carwale