ಹೊಸ ವರ್ಷದಲ್ಲಿ ಆಕರ್ಷಕ ವಿನ್ಯಾಸದಲ್ಲಿ ಮಿಂಚಲಿದೆ ಜನಪ್ರಿಯ ಸ್ವಿಫ್ಟ್ ಕಾರು

ಸುಜುಕಿ ಸ್ವಿಫ್ಟ್ ಕೂಲ್ ರೆವ್ ಕಾನ್ಸೆಪ್ಟ್ ಅನ್ನು 2024ರ ಟೋಕಿಯೋ ಆಟೋ ಸಲೂನ್ ನಲ್ಲಿ ಪ್ರದರ್ಶಿಸಲಿದೆ. ವಿಶೇಷತೆ ಏನೆಂದರೆ, ಸ್ಟ್ಯಾಂಡರ್ಡ್ 2024ರ ಸ್ವಿಫ್ಟ್‌ಗೆ ಹೋಲಿಸಿದರೆ ಸುಜುಕಿ ಸ್ವಿಫ್ಟ್ ಕೂಲ್ ರೆವ್ ಕಾನ್ಸೆಪ್ಟ್ ((Suzuki Swift Cool Rev concept) ಕಾಸ್ಮೆಟಿಕ್ ಬದಲಾವಣೆಗಳನ್ನು ಮಾತ್ರ ಪಡೆಯುತ್ತದೆ.

ಸುಜುಕಿ ಸ್ವಿಫ್ಟ್ ಕೂಲ್ ಯೆಲ್ಲೋ ರೆವ್ ಕಾನ್ಸೆಪ್ಟ್ ಕಾಸ್ಮೆಟಿಕ್ ಬದಲಾವಣೆಗಳೊಂದಿಗೆ ಮಾತ್ರ ಬರಲಿದೆ. ಆಟೋ ಎಕ್ಸ್‌ಪೋ ಮುಂದಿನ ವರ್ಷ ನಡೆಯದೇ ಇರಬಹುದು ಆದರೆ ಟೋಕಿಯೋ ಆಟೋ ಸಲೂನ್ ಜಪಾನ್‌ನಲ್ಲಿ ನಡೆಯುತ್ತದೆ, ಅಲ್ಲಿ ಹಲವಾರು ವಾಹನ ತಯಾರಕರು ಭಾಗವಹಿಸುತ್ತಾರೆ. ಸುಜುಕಿ ಅವರು ತಮ್ಮ ಹೊಸ 2024ರ ಸ್ವಿಫ್ಟ್‌ನೊಂದಿಗೆ ಇರುವುದಾಗಿ ಘೋಷಿಸಿದ್ದಾರೆ. ಜಪಾನಿನ ತಯಾರಕರು ಸ್ವಿಫ್ಟ್‌ನ ಕಾನ್ಸೆಪ್ಟ್ ಆವೃತ್ತಿಯನ್ನು ಪ್ರದರ್ಶಿಸುತ್ತಾರೆ ಅದನ್ನು 'ಕೂಲ್ ಯೆಲ್ಲೋ ರೆವ್' ಎಂದು ಕರೆಯಲಾಗುತ್ತದೆ.

ಹೊಸ ಪರಿಕಲ್ಪನೆಯು ಸ್ಟ್ಯಾಂಡರ್ಡ್ 2024 ಸ್ವಿಫ್ಟ್‌ಗಿಂತ ಕಾಸ್ಮೆಟಿಕ್ ಬದಲಾವಣೆಗಳನ್ನು ಮಾತ್ರ ಪಡೆಯುತ್ತದೆ ಎಂದು ತೋರುತ್ತಿದೆ. ಬ್ಲ್ಯಾಕ್ ರೂಫ್ ಮತ್ತು ಡೆಕಾಲ್‌ಗಳೊಂದಿಗೆ ಕೂಲ್ ಯೆಲ್ಲೋ ಮೆಟಾಲಿಕ್ ಬಣ್ಣದ ಫಿನಿಶಿಂಗ್ ಅನ್ನು ಹೊಂದಿದೆ. 'ಫೋರ್ತ್ ಜನರೇಷನ್ ಸ್ವಿಫ್ಟ್' ಎಂದು ಹೇಳುವ ಹೊಸ ಗ್ರಾಫಿಕ್ಸ್ ಬದಿಯಲ್ಲಿದೆ. ಸುಜುಕಿಯು ಗ್ರಿಲ್ ಮತ್ತು ಫಾಗ್ ಲ್ಯಾಂಪ್ ಹೌಸಿಂಗ್‌ಗಾಗಿ ಗ್ಲಾಸ್ ಬ್ಲ್ಯಾಕ್ ಅನ್ನು ಬಳಸುತ್ತಿದೆ ಆದರೆ ಮುಂಭಾಗದ ಸ್ಪ್ಲಿಟರ್ ಮ್ಯಾಟ್ ಬ್ಲ್ಯಾಕ್ ಆಗಿದೆ.

ಈ ಮಾರುತಿ ಸ್ವಿಫ್ಟ್ ಕೂಲ್ ಯೆಲ್ಲೋ ರೆವ್ ಕಾರಿನ ಹೆಡ್‌ಲ್ಯಾಂಪ್‌ಗಳು ಮತ್ತು ಟೈಲ್ ಲ್ಯಾಂಪ್‌ಗಳು ಸಹ ಸ್ಮೋಕ್ ಎಫೆಕ್ಟ್ ಪಡೆದಂತೆ ತೋರುತ್ತಿದೆ. 2024ರ ಸುಜುಕಿ ಸ್ವಿಫ್ಟ್‌ನ ಹೊರಭಾಗ ಮತ್ತು ಒಳಭಾಗವನ್ನು ನವೀಕರಿಸಿದೆ. ಆದರೆ ಇದು ತನ್ನ ಸಾಂಪ್ರದಾಯಿಕ ಸಿಲೂಯೆಟ್ ಅನ್ನು ಉಳಿಸಿಕೊಂಡಿದೆ. ಹೊರಭಾಗವು ಈಗ ಹೊಸ LED ಟೈಲ್ ಲ್ಯಾಂಪ್‌ಗಳು ಮತ್ತು ಹೆಡ್‌ಲ್ಯಾಂಪ್‌ಗಳನ್ನು ಪಡೆಯುತ್ತದೆ.

ಸ್ವಿಫ್ಟ್ ಕಾರಿನ ಒಳಭಾಗದಲ್ಲಿ ಈಗ ಬಲೆನೊದಿಂದ ಪ್ರೇರಿತವಾಗಿದೆ ಮತ್ತು ಇದು ಹೊಸ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಮತ್ತು ಹೊಸ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಅನ್ನು ಒಳಗೊಂಡಿದೆ. ಇನ್ನು ಸುಜುಕಿ ನ್ಯೂ ಜನರೇಷನ್ ಸ್ವಿಫ್ಟ್ ಹ್ಯಾಚ್‌ಬ್ಯಾಕ್ ಅನ್ನು ತಾಯಿನಾಡು ಜಪಾನ್ ನಲ್ಲಿ ಪರಿಚಯಿಸಿದೆ. ಹೊಸ ಸುಜುಕಿ ಸ್ವಿಫ್ಟ್ (Suzuki Swift) ಕಾರುಪರಿಷ್ಕೃತ ಸ್ಟೈಲಿಂಗ್ ಮತ್ತು ಹೊಸ ಇಂಜಿನ್ ಆಯ್ಕೆಗಳೊಂದಿಗೆ ನವೀಕರಿಸಿದ ಒಳಾಂಗಣದೊಂದಿಗೆ ಬರುತ್ತಿದೆ.

2024ರ ಮಾರುತಿ ಸ್ವಿಫ್ಟ್ ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಲಿರುವ ಬಹುನಿರೀಕ್ಷಿತ ಕಾರುಗಳಲ್ಲಿ ಒಂದಾಗಿದೆ. ಮಾರುತಿ ಸ್ವಿಫ್ಟ್ ಕಾರಿನ ಮುಂಭಾಗದಲ್ಲಿ ನವೀಕರಿಸಲಾಗಿದೆ. ಈ ಹೊಸ ಮಾರುತಿ ಸ್ವಿಫ್ಟ್ ಕಾರಿನ ಮುಂಭಾಗದಲ್ಲಿ ಚಿಕ್ ಗ್ರಿಲ್, ಎಲ್-ಆಕಾರದ ಎಲ್ಇಡಿ ಡೇಟೈಮ್ ರನ್ನಿಂಗ್ ಲೈಟ್ಸ್ (ಡಿಆರ್ಎಲ್ ಗಳು), ಸಿ-ಆಕಾರದ ಎಲ್ಇಡಿ ಟೈಲ್ ಲ್ಯಾಂಪ್ಗಳು, ಕ್ಲ್ಯಾಂಪ್-ಶೆಲ್ ಹುಡ್ ಮತ್ತು 16-ಇಂಚಿನ ಅಲಾಯ್ ವ್ಹೀಲ್ ಗಳೊಂದಿಗೆ ಎಲ್ಇಡಿ ಹೆಡ್ ಲೈಟ್ ಗಳನ್ನು ಹೊಂದಿವೆ.

ಈ ಸ್ವಿಫ್ಟ್ ಕಾರು 13 ಬಣ್ಣಗಳ ಆಯ್ಕೆಗಳೊಂದಿಗೆ ಬರುತ್ತದೆ. ಇದರ ಸಿಂಗಲ್-ಟೋನ್ ಬಣ್ಣಗಳ ಆಯ್ಕೆ ಫ್ರಾಂಟಿಯರ್ ಬ್ಲೂ, ಕೂಲ್ ಹಳದಿ, ಫ್ಲೇಮ್ ಆರೆಂಜ್, ಕಾರವಾನ್ ಐವರಿ, ಪ್ಯೂರ್ ವೈಟ್, ಪ್ರೀಮಿಯಂ ಸಿಲ್ವರ್, ಸ್ಟಾರ್ ಸಿಲ್ವರ್ ಮತ್ತು ಸೂಪರ್ ಬ್ಲ್ಯಾಕ್ ಆಗಿದೆ. ಇನ್ನು ಡ್ಯುಯಲ್-ಟೋನ್ ಬಣ್ಣಗಳ ಆಯ್ಕೆ ಫ್ರಾಂಟಿಯರ್ ಬ್ಲೂ, ಬರ್ನಿಂಗ್ ರೆಡ್, ಕೂಲ್ ಯೆಲ್ಲೋ ಮತ್ತು ಪ್ಯೂರ್ ವೈಟ್ ಅನ್ನು ಒಳಗೊಂಡಿವೆ.

ಸುಜುಕಿ ಸ್ವಿಫ್ಟ್ ಆಪಲ್ ಕಾರ್‌ಪ್ಲೇ ಮತ್ತು ಆಂಡ್ರಾಯ್ಡ್ ಆಟೋದೊಂದಿಗೆ ತೇಲುವ 9-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಯೂನಿಟ್, ಕ್ಲೈಮೆಂಟ್ ಕಂಟ್ರೋಲ್, ಸ್ಟಾರ್ಟ್-ಸ್ಟಾಪ್ ಬಟನ್, 360-ಡಿಗ್ರಿ ಕ್ಯಾಮೆರಾ ಮತ್ತು ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್ (ADAS) ನಂತಹ ಅತ್ಯಾಧುನಿಕ ಫಿಚರ್ಸ್ ಗಳನ್ನು ಹೊಂದಿವೆ. ಈ ಹೊಸ ಸ್ವಿಫ್ಟ್ ಕಾರು 1.2-ಲೀಟರ್ ಪೆಟ್ರೋಲ್ 3-ಸಿಲಿಂಡರ್ ಎಂಜಿನ್ ಮತ್ತು 1.2-ಲೀಟರ್ 3-ಸಿಲಿಂಡರ್ ಪೆಟ್ರೋಲ್-ಹೈಬ್ರಿಡ್ ಎಂಜಿನ್ ಆಯ್ಕೆಗಳೊಂದಿಗೆ ಲಭ್ಯವಿದೆ.

ಈ ಎಂಜಿನ್‌ಗಳು 80 bhp ಪವರ್ ಮತ್ತು 108Nm ಟಾರ್ಕ್ ಅನ್ನು ಉತ್ಪಾದಿಸುತ್ತವೆ. ಈ ಎಂಜಿನ್ ಗಳೊಂದಿಗೆ 5-ಸ್ಪೀಡ್ ಮ್ಯಾನುವಲ್ ಮತ್ತು CVT ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಆಯ್ಕೆಗಳೊಂದಿಗೆ ಆಯ್ಕೆ ಮಾಡಬಹುದು. ಇನ್ನು ಜಪಾನ್-ಸ್ಪೆಕ್ ಸ್ವಿಫ್ಟ್ ಆಫ್-ರೋಡ್ ಉತ್ಸಾಹಿಗಳಿಗೆ 4WD ರೂಪಾಂತರವನ್ನು ಸಹ ನೀಡುತ್ತದೆ. ಜಪಾನ್‌ನಲ್ಲಿ ನ್ಯೂ ಜನರೇಷನ್ ಸ್ವಿಫ್ಟ್ ಮೂರು ರೂಪಾಂತರಗಳಲ್ಲಿ ಲಭ್ಯವಿದೆ.