Click it and Unblock the Notifications
ಕಡಿಮೆ ಬೆಲೆಗೆ ಓಲಾದಿಂದ 2024 ರಲ್ಲಿ ಮೊದಲ ಅತ್ಯಾಧುನಿಕ ಇವಿ ಕಾರಿನ ಬಿಡುಗಡೆ
ಭಾರತದಲ್ಲಿ ಪ್ರಸ್ತುತ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಮಾರಾಟದಲ್ಲಿ ಅಗ್ರಸ್ಥಾನದಲ್ಲಿರುವ ಓಲಾ ಎಲೆಕ್ಟ್ರಿಕ್ ತನ್ನ ಸಾಮರ್ಥ್ಯಕ್ಕೂ ಮೀರಿ ಇದೀಗ ಇವಿ ಕಾರು ವಲಯಕ್ಕೆ ಲಗ್ಗೆಯಿಡುತ್ತಿದೆ. ಈಗಾಗಲೇ ಓಲಾ ಎಲೆಕ್ಟ್ರಿಕ್ ಕಾರಿನ ಬಗ್ಗೆ ಬಹಿರಂಗಪಡಿಸಿರುವ ಸಿಇಒ ಭವಿಷ್ ಅಗರ್ವಾಲ್, ನಿರೀಕ್ಷಿತ ಬಿಡುಗಡೆ ವರ್ಷವನ್ನು ಇದೀಗ ಬಹಿರಂಗಪಡಿಸಲಾಗಿದೆ.
ಕಂಪನಿಯು 2024 ರ ದ್ವಿತೀಯಾರ್ಧದಲ್ಲಿ ತನ್ನ ಮೊದಲ ನಾಲ್ಕು ಚಕ್ರದ ವಾಹನವನ್ನು ತಲುಪಿಸುವ ಹಾದಿಯಲ್ಲಿದೆ ಎಂದು ಓಲಾ ಮುಖ್ಯ ಹಣಕಾಸು ಅಧಿಕಾರಿ ಜಿ.ಆರ್. ಅರುಣ್ ಕುಮಾರ್ ಬಹಿರಂಗಪಡಿಸಿದ್ದಾರೆ. "ಸಾಫ್ಟ್ವೇರ್, ಸುರಕ್ಷತಾ ವ್ಯವಸ್ಥೆಗಳು, ಎಲೆಕ್ಟ್ರಾನಿಕ್ಸ್, ಸೆಲ್ಗಳು, ಡ್ರೈವ್ ಟ್ರೈನ್ನಂತಹ ಭಾಗಗಳು ಇವಿಗಳಲ್ಲಿ ಬಹಳಷ್ಟು ಸಾಮಾನ್ಯ ವಿಷಯವಾಗಿದೆ." ಇವೆಲ್ಲವೂ ನಮ್ಮ ದ್ವಿಚಕ್ರ ವಾಹನದಲ್ಲಿ ಅಳವಡಿಸಿರುವ ಅನುಭವವಿರುವುದರಿಂದ "ನಾವು ಈಗಾಗಲೇ ಶೇ 30 -40 ರಷ್ಟು ಮುಗಿಸಿದ್ದೇವೆ ಎಂದು ಭಾವಿಸುತ್ತೇವೆ."
ಓಲಾ ತಯಾರಕರು ಮತ್ತು ಕಂಪನಿ ವಿನ್ಯಾಸದ ಮುಂದುವರಿದ ಹಂತಗಳ ಮೇಲೆ ಕೇಂದ್ರೀಕರಿಸಿದ್ದು, ಅದರ ದ್ವಿಚಕ್ರ ವಾಹನ ಉತ್ಪನ್ನಗಳಲ್ಲಿ ನಿಯೋಜಿಸಲಾದ ಕೆಲವು ತಂತ್ರಜ್ಞಾನದ ಹಂಚಿಕೆಯಿಂದ ಪ್ರಯೋಜನ ಪಡೆಯುತ್ತಿದೆ. ಈಗಾಗಲೇ ನಾವು ಪ್ರಮಾಣಿತ ರೇಂಜ್ ಹಾಗೂ ಸುರಕ್ಷಿತ ಫೀಚರ್ಸ್ ಮತ್ತು ಅತ್ಯಾಧುನಿಕ ತಂತ್ರಜ್ಞಾನವನ್ನು ನಮ್ಮ ಉತ್ಪನ್ನಗಳಲ್ಲಿ ಬಳಸಿದ್ದೇವೆ. ಹಾಗೆಯೇ ನಮ್ಮ ಮುಂಬರುವ ಇವಿ ಕಾರಿನಲ್ಲೂ ಅತ್ಯಾಧುನಿಕ ತಂತ್ರಜ್ಞಾನವನ್ನು ಬಳಸಲಿದ್ದೇವೆ ಎಂದು ಇಂಡಿಯಾ ಎನರ್ಜಿ ವೀಕ್ ಫೋರಮ್ನಲ್ಲಿ ಕುಮಾರ್ ಹೇಳಿದರು.
ಓಲಾ ಸಂಸ್ಥಾಪಕ ಭವಿಶ್ ಅಗರ್ವಾಲ್ ಪ್ರಕಾರ, ಕಂಪನಿಯು ತನ್ನ ಮೊದಲ ಕಾರಿಗೆ $ 50,000 (ಸುಮಾರು 41 ಲಕ್ಷ ರೂ.) ಕ್ಕಿಂತ ಕಡಿಮೆ ಬೆಲೆಯನ್ನು ನಿಗದಿಪಡಿಸುವ ಗುರಿಯನ್ನು ಹೊಂದಿದೆ. ಕಡಿಮೆ ವೆಚ್ಚದಲ್ಲಿ ಲಿಥಿಯಂ-ಐಯಾನ್ ಸೆಲ್ಗಳು ಮತ್ತು ಬ್ಯಾಟರಿಗಳಂತಹ ಘಟಕಗಳನ್ನು ತಮ್ಮಲ್ಲಿಯೇ ತಯಾರಿಸುತ್ತದೆ. Ola ಟೆಸ್ಲಾ Inc., ಹ್ಯುಂಡೈ ಮೋಟಾರ್ ಕಂ. ಮತ್ತು ಭಾರತದ ಎಲೆಕ್ಟ್ರಿಕ್-ವಾಹನ ಮಾರುಕಟ್ಟೆಯಲ್ಲಿ ಸ್ಥಳೀಯ ಪ್ರತಿಸ್ಪರ್ಧಿಗಳಾದ ಟಾಟಾ ಗ್ರೂಪ್ನೊಂದಿಗೆ ಸ್ಪರ್ಧಿಸುವ ಗುರಿಯನ್ನು ಹೊಂದಿದೆ.
ಸ್ಥಳೀಯ ಸ್ಥಾವರಗಳ ಮೂಲಕ ಅಂತಿಮವಾಗಿ 100 ಗಿಗಾವ್ಯಾಟ್ ಗಂಟೆಗಳ ಬ್ಯಾಟರಿ-ಸೆಲ್ ಉತ್ಪಾದನಾ ಸಾಮರ್ಥ್ಯವನ್ನು ತಲುಪಿಸುವ ಗುರಿಯಲ್ಲಿ ಓಲಾ ಪ್ರಗತಿ ಸಾಧಿಸುತ್ತಿದೆ. "ನಾವು 18 ರಿಂದ 24 ತಿಂಗಳುಗಳಲ್ಲಿ ಸುಮಾರು 10 ಗಿಗಾವ್ಯಾಟ್ ಗಂಟೆಗಳವರೆಗೆ ಮತ್ತು 36 ತಿಂಗಳುಗಳಲ್ಲಿ 20 ಗಿಗಾವ್ಯಾಟ್ ಗಂಟೆಗಳವರೆಗೆ ತಲುಪುವ ಗುರಿ ಹೊಂದಿದ್ದೇವೆ." ಹಾಗೆಯೇ ಓಲಾ ತನ್ನದೇ ಆದ ಬಳಕೆಗೆ ಹೆಚ್ಚುವರಿಯಾಗಿ, ವಾಹನಗಳು, ಗ್ರಿಡ್ ಬ್ಯಾಲೆನ್ಸಿಂಗ್ ಅಥವಾ ಶಕ್ತಿಯ ಸಂಗ್ರಹಣೆಗಾಗಿ ಇತರ ಕಂಪನಿಗಳಿಗೆ ಲಿಥಿಯಂ-ಐಯಾನ್ ಕೋಶಗಳನ್ನು ಮಾರಾಟ ಮಾಡಬಹುದು ಎಂದು ಅವರು ಹೇಳಿದರು.
ಇಂದು ಹೊಸ ವಾಹನ ಕುರಿತ ಘೋಷಣೆ
ಆನ್ಲೈನ್ ಕ್ಯಾಬ್ ಅಗ್ರಿಗೇಟರ್ ಸೇವೆಯಾಗಿ ತನ್ನ ವ್ಯವಹಾರವನ್ನು ಪ್ರಾರಂಭಿಸಿದ ಓಲಾ, ಈಗ ಎಲೆಕ್ಟ್ರಿಕ್ ವಾಹನಗಳ ಉತ್ಪಾದನೆಯಲ್ಲಿ ತನ್ನ ಸಾಮರ್ಥ್ಯವನ್ನು ಸಾಭೀತುಪಡಿಸಿದೆ. ಓಲಾ ಕಂಪನಿ ಬರುವವರೆಗೂ ಎಲೆಕ್ಟ್ರಿಕ್ ಸ್ಕೂಟರ್ಗಳಿಗೆ ಜನರಲ್ಲಿ ನೀರಸ ಸ್ವಾಗತವಿತ್ತು. ಆದರೆ ಇಂದು ಎಲೆಕ್ಟ್ರಿಕ್ ಸ್ಕೂಟರ್ ಮಾರಾಟವು ಪೆಟ್ರೋಲ್ ಸ್ಕೂಟರ್ಗಳಿಗೆ ಪೈಪೋಟಿ ನೀಡುತ್ತಿದೆ. ಆರಂಭದಲ್ಲಿ ಬೆಂಗಳೂರಿನಲ್ಲಿ ಸಣ್ಣದಾಗಿ ಆರಂಭಿಸಿದ ಸಂಸ್ಥೆ ಈಗ ದೊಡ್ಡ ಮಟ್ಟಕ್ಕೆ ಬೆಳೆದಿದೆ.
ಓಲಾ ಎಲೆಕ್ಟ್ರಿಕ್ ಇಂದು (ಫೆಬ್ರವರಿ 9) ಹೊಸ ಪ್ರಕಟಣೆಗಳನ್ನು ಬಿಡುಗಡೆ ಮಾಡಲಿದೆ. ಇದರಲ್ಲಿ ಓಲಾ ಎಸ್1 ಏರ್ ಎಲೆಕ್ಟ್ರಿಕ್ ಸ್ಕೂಟರ್ ಗಿಂತ ಕಡಿಮೆ ಬೆಲೆಗೆ ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಪರಿಚಯಿಸುವ ಕುರಿತು ಘೋಷಣೆಯಾಗುವ ನಿರೀಕ್ಷೆಯಿದೆ. ಪ್ರಸ್ತುತ, S1 ಏರ್ ಎಲೆಕ್ಟ್ರಿಕ್ ಸ್ಕೂಟರ್ ಓಲಾ ಎಲೆಕ್ಟ್ರಿಕ್ನ ಉತ್ಪನ್ನಗಳಲ್ಲಿ ಅತ್ಯಂತ ಅಗ್ಗವಾಗಿದೆ. Ola S1 ಏರ್ ಎಲೆಕ್ಟ್ರಿಕ್ ಸ್ಕೂಟರ್ ಬೆಲೆ ಕೇವಲ 85,000 ರೂ. ಇತರೆ 2 ಉತ್ಪನ್ನಗಳ Ola S1 ಎಲೆಕ್ಟ್ರಿಕ್ ಸ್ಕೂಟರ್ ಬೆಲೆ 1.10 ಲಕ್ಷ ಮತ್ತು Ola S1 Pro ಎಲೆಕ್ಟ್ರಿಕ್ ಸ್ಕೂಟರ್ ಬೆಲೆ 1.28 ಲಕ್ಷ. ಇದೆ.
S1 ಏರ್ ಅನ್ನು Ola Electric ನ S1 Pro ಮತ್ತು S1 ಎಲೆಕ್ಟ್ರಿಕ್ ಸ್ಕೂಟರ್ಗಳ ಅಡಿಯಲ್ಲಿ ಇರಿಸಲಾಗಿದೆ. ಇದಕ್ಕಿಂತ ಕಡಿಮೆ ಬೆಲೆಯಲ್ಲಿ ಹೊಸ ಸ್ಕೂಟರ್ ಬಿಡುಗಡೆ ಮಾಡುವ ಬಗ್ಗೆ ಓಲಾ ಎಲೆಕ್ಟ್ರಿಕ್ ಕಂಪನಿ ಘೋಷಣೆ ಮಾಡುವ ನಿರೀಕ್ಷೆಯಿದ್ದು, ಕಡಿಮೆ ಬೆಲೆಗೆ ಗುಣಮಟ್ಟದ ಎಲೆಕ್ಟ್ರಿಕ್ ಸ್ಕೂಟರ್ ಬರಲಿದೆ ಎಂದು ಕಾಯುತ್ತಿರುವವರಲ್ಲಿ ಉತ್ಸಾಹ ಹೆಚ್ಚಿದೆ. ಇದರೊಂದಿಗೆ ಓಲಾ ಎಲೆಕ್ಟ್ರಿಕ್ ಕೆಲವು ಪ್ರಮುಖ ಪ್ರಕಟಣೆಗಳನ್ನು ಇಂದು ಬಿಡುಗಡೆ ಮಾಡಬಹುದು ಎಂದು ವರದಿಗಳು ತಿಳಿಸಿವೆ.
Continue with Google