ಅಗ್ಗದ ಬೆಲೆಯಲ್ಲಿ ಬರಲಿದೆ ಹೊಸ ರೆನಾಲ್ಟ್ ಕ್ವಿಡ್ ಎಲೆಕ್ಟ್ರಿಕ್ ಕಾರು: ಟಾಟಾಗೆ ಶುರುವಾಗಿದೆ ಆತಂಕ

ಇತ್ತೀಚೆಗೆ ಎಲೆಕ್ಟ್ರಿಕ್ ವಾಹನಗಳು ಭಾರೀ ಬೇಡಿಕೆಯನ್ನು ಪಡೆದುಕೊಳುತ್ತಿದೆ. ಹೆಚ್ಚಿನ ಜನರು ಎಲೆಕ್ಟ್ರಿಕ್ ವಾಹನಗಳ ಕಡೆ ಮುಖ ಮಾಡುತ್ತಿದ್ದಾರೆ. ಇದರಿಂದ ಹಲವು ಜನಪ್ರಿಯ ವಾಹನ ತಯಾರಕ ಕಂಪನಿಗಳು ಎಲೆಕ್ಟ್ರಿಕ್ ವಾಹನಗಳ ಉತ್ಪಾದನೆಗೆ ಹೆಚ್ಚಿನ ಪ್ರಾಮುಖ್ಯತೆಯನ್ನು ನೀಡುತ್ತಿದೆ. ಸದ್ಯ ಭಾರತೀಯ ಮಾರುಕಟ್ಟೆಯ ಎಲೆಕ್ಟ್ರಿಕ್ ಕಾರುಗ ವಿಭಾಗದಲ್ಲಿ ಟಾಟಾ ಮೋಟಾರ್ಸ್ ಪಾರುಪತ್ಯ ಸಾಧಿಸುತ್ತಿದೆ.

ಇದರ ನಡುವೆ ಜನಪ್ರಿಯ ಕಾರು ತಯಾರಕ ಕಂಪನಿಯಾದ ರೆನಾಲ್ಟ್ ಕೂಡ ಭಾರತೀಯ ಮಾರುಕಟ್ಟೆಯ ಎಲೆಕ್ಟ್ರಿಕ್ ವಿಭಾಗವನ್ನು ಪ್ರವೇಶಿಸಲು ಸಜ್ಜಾಗುತ್ತಿದೆ. ರೆನಾಲ್ಟ್ ಕಂಪನಿಯು ತನ್ನ ಕ್ವಿಡ್ ಎಲೆಕ್ಟ್ರಿಕ್ ಕಾರನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಿದೆ. ಹತ್ತು ಲಕ್ಷಕ್ಕಿಂತ ಕಡಿಮೆ ಬೆಲೆಯಲ್ಲಿ ಹೊಸ ರೆನಾಲ್ಟ್ ಎಲೆಕ್ಟ್ರಿಕ್ ಕಾರು 2025ರಲ್ಲಿ ಬಿಡುಗಡೆಯಾಗಬಹುದು ಎಂದು ಹೇಳಲಾಗುತ್ತಿದೆ. ಈ ರೆನಾಲ್ಟ್ ಎಲೆಕ್ಟ್ರಿಕ್ ಕಾರುಕ್ವಿಡ್ ಆರ್ಕಿಟೆಕ್ಚರ್ ಅನ್ನು ಆಧರಿಸಿದೆ.

ಹೊಸ ರೆನಾಲ್ಟ್ ಕ್ವಿಡ್ ಎಲೆಕ್ಟ್ರಿಕ್ ಕಾರು (Renault Kwid EV) ಭಾರತದಲ್ಲಿ ಮಾರಾಟವಾಗುತ್ತಿರುವ ಸಾಮಾನ್ಯ ಕ್ವಿಡ್ ಕಾರಿಗಿಂತ ಸ್ವಲ್ಪ ಭಿನ್ನವಾಗಿ ಕಾಣುವ ನಿರೀಕ್ಷೆಸುತ್ತೇವೆ. ಜೊತೆಗೆ ಬಂಪರ್‌ಗಳು, ಲೈಟ್‌ಗಳು ಮತ್ತು ಗ್ರಿಲ್‌ಗಳನ್ನು ಹೆಚ್ಚು ಎಲೆಕ್ಟ್ರಿಕ್ ಕಾರಿನ ರೀತಿ ನೋಡಲು ಬದಲಾಯಿಸಲಾಗಿದೆ. ಕ್ವಿಡ್ ಎಲೆಕ್ಟ್ರಿಕ್ ಕಾರು ಪ್ರಸ್ತುತ ಚೀನಾ ಮತ್ತು ಯುರೋಪ್‌ನಲ್ಲಿ ಡೇಸಿಯಾ ಮತ್ತು ಡಾಂಗ್‌ಫೆಂಗ್‌ನಂತಹ ವಿವಿಧ ಹೆಸರಿನಲ್ಲಿ ಮಾರಾಟವಾಗುತ್ತಿದೆ.

ಭಾರತೀಯ ಗ್ರಾಹಕರ ಆಕರ್ಷಿಸುವ ಅತ್ಯಂತ ಕಡಿಮೆ ವೆಚ್ಚ, ಶಾಲವಾದ ಒಳಾಂಗಣ ಮತ್ತು ಕ್ರಾಸ್ಒವರ್ ನೋಟಗಳ ಸಂಯೋಜನೆಯಾಗಿರುತ್ತದೆ. ಇತರ ಮಾರುಕಟ್ಟೆಗಳಲ್ಲಿ ಮಾರಾಟವಾಗುವ ಕ್ವಿಡ್ ಎಲೆಕ್ಟ್ರಿಕ್ ಕಾರು ಸಾಮಾನ್ಯ ಕಾರಿನ ಮಾದರಿಯಿಂದಗ ಮನಾರ್ಹ ಬದಲಾವಣೆಗಳನ್ನು ಪಡೆಯುತ್ತದೆ. ಈ ಕಾರಿನ ಹಿಂಭಾಗದಲ್ಲಿ ಇರುವ ಇಂಧನ ಟ್ಯಾಂಕ್ ಅನ್ನು ತೆಗೆದುಹಾಕಲಾಗಿದೆ. ಈ ಎಲೆಕ್ಟ್ರಿಕ್ ಕಾರು ಫ್ಲಾಟ್ ಫ್ಲೋರ್ ಅನ್ನು ಸ್ಥಾಪಿಸಲಾಗಿದೆ ಮತ್ತು ಸ್ವಲ್ಪ ಬಲಪಡಿಸಿದ ನಂತರ, ಫ್ಲಾಟ್, ಭಾರವಾದ ಬ್ಯಾಟರಿಯನ್ನು ಇರಿಸಲಾಗುತ್ತದೆ.

ಇನ್ನು ಈ ರೆನಾಲ್ಟ್ ಎಲೆಕ್ಟ್ರಿಕ್ ಕಾರಿನಲ್ಲಿ ಹೆಚ್ಚುವರಿಯಾಗಿ ಸಸ್ಪೆಕ್ಷನ್ ಅನ್ನು ಸಹ ಬದಲಾವಣೆಗಳನ್ನು ಮಾಡಲಾಗುತ್ತದೆ ಇದರಿಂದ ಅದು ಹೆಚ್ಚುವರಿ ಲೋಡ್ ಅನ್ನು ತೆಗೆದುಕೊಳ್ಳಬಹುದು.ರೆನಾಲ್ಟ್‌ನ ಸಣ್ಣ ಎಲೆಕ್ಟ್ರಿಕ್ ಕಾರು ಭಾರತೀಯ ಮಾರುಕಟ್ಟೆಯಲ್ಲಿ ಟಾಟಾ ಮೋಟಾರ್ಸ್‌ನ ಟಿಯಾಗೋ ಇವಿ, ಸಿಟ್ರನ್ eC3 ಮತ್ತು ಎಂಜಿ ಕಾಂಪ್ಯಾಕ್ಟ್ ಎಲೆಕ್ಟ್ರಿಕ್ ಕಾರುಗಳಿಗೆ ಪೈಪೋಟಿ ನೀಡುತ್ತದೆ. ಈ ಎಲೆಕ್ಟ್ರಿಕ್ ಕಾರು ಡೇಸಿಯಾ ಸ್ಪ್ರಿಂಗ್ ಅನ್ನು ಆಧರಿಸಿದೆ, ಇದು ಭಾರತದಲ್ಲಿ ತಯಾರಿಸಲಾದ ರೆನಾಲ್ಟ್ ಕ್ವಿಡ್ ಅನ್ನು ಆಧರಿಸಿದೆ.

ಇನ್ನು ಬ್ರೆಜಿಲ್ ದೇಶದಲ್ಲಿ ಮಾರಾಟವಾಗುತ್ತಿರುವ ರೆನಾಲ್ಟ್ ಕ್ವಿಡ್ ಕಾರಿನ ಬಗ್ಗೆ ಹೇಳುವುದಾದರೆ, ಈ ಕಾರು ನೊರೊನ್ಹಾ ಗ್ರೀನ್, ಗ್ಲೇಸಿಯರ್ ಪೋಲಾರ್ ವೈಟ್ ಮತ್ತು ಡೈಮಂಡ್ ಸಿಲ್ವರ್ ಎಂಬ ಮೂರು ಬಣ್ಣಗಳ ಆಯ್ಕೆಗಳಲ್ಲಿ ಮಾರಾಟವಾಗುತ್ತಿದೆ. ಕ್ವಿಡ್ ಇವಿ ಮತ್ತು ಒಳಗೆ ಇರುವ ಸಾಮಾನ್ಯ ಮಾದರಿಯ ನಡುವಿನ ಪ್ರಮುಖ ವ್ಯತ್ಯಾಸಗಳೆಂದರೆ ಇವಿ-ನಿರ್ದಿಷ್ಟ ಸಲಕರಣೆ ಕ್ಲಸ್ಟರ್ ಮತ್ತು ಹಿಂದಿನ ನಾಲ್ಕು-ಸ್ಪೋಕ್ ಸ್ಟೀರಿಂಗ್ ವೀಲ್ ಆಗಿದೆ.

ಇದು ಇಂಡಿಯಾ-ಸ್ಪೆಕ್ ಕ್ವಿಡ್‌ನಂತಹ ಅದೇ ವೃತ್ತಾಕಾರದ ಗೇರ್ ಸೆಲೆಕ್ಟರ್ ಅನ್ನು ಸಹ ಪಡೆಯುತ್ತದೆ. ಇನ್ನು ರೆನಾಲ್ಟ್ ಕ್ವಿಡ್ ಇ-ಟೆಕ್ ಕಾರಿನ ಒಳಭಾಗದಲ್ಲಿ 7-ಇಂಚಿನ ಟಚ್‌ಸ್ಕ್ರೀನ್ ಸಿಸ್ಟಮ್, ಎಲ್ಲಾ ಪವರ್ ವಿಂಡೋಗಳು, ಮ್ಯಾನ್ಯುವಲ್ ಎಸಿ ಮತ್ತು ವಾಯ್ಸ್ ಕಾಮೆಂಡ್ ಗಳನ್ನು ಹೊಂದಿವೆ. ಈ ರೆನಾಲ್ಟ್ ಕ್ವಿಡ್ ಇ-ಟೆಕ್ ಎಲೆಕ್ಟ್ರಿಕ್ ಕಾರಿನಲ್ಲಿ 26.8kWh ಬ್ಯಾಟರಿ ಪ್ಯಾಕ್‌ ಅನ್ನು ಹೊಂದಿದೆ.

ಈ ಕಾರಿನಲ್ಲಿರುವ ಎಲೆಕ್ಟ್ರಿಕ್ ಮೋಟಾರ್‌ 65 ಬಿಹೆಚ್‍ಪಿ ಪವರ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಕಾರು ಇಕೋ ಮೋಡ್‌ನಲ್ಲಿ, ಬ್ಯಾಟರಿ ಬಾಳಿಕೆಯನ್ನು ಅತ್ಯುತ್ತಮವಾಗಿಸಲು ಇದು 44 ಬಿಹೆಚ್‍ಪಿ ಪವರ್ ಉತ್ಪಾದಿಸುತ್ತದೆ. ರೆನಾಲ್ಟ್ ಕ್ವಿಡ್ ಇ-ಟೆಕ್ ಕಾರಿನಲ್ಲಿ ಸುರಕ್ಷತೆಗಾಗಿ, ಕಿಟ್ ಬ್ರೇಕ್ ಅಸಿಸ್ಟ್, ಹಿಲ್-ಸ್ಟಾರ್ಟ್ ಅಸಿಸ್ಟ್, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್, ಆರು ಏರ್‌ಬ್ಯಾಗ್‌ಗಳು ಮತ್ತು ಟೈರ್ ಪ್ರೆಶರ್ ಮಾನಿಟರಿಂಗ್ ಜೊತೆಗೆ ಎಬಿಎಸ್ ಅನ್ನು ನೀಡಲಾಗಿದೆ.

ಈ ಎಲೆಕ್ಟ್ರಿಕ್ ಕಾರಿನಲ್ಲಿ 4.1 ಸೆಕೆಂಡುಗಳಲ್ಲಿ 0-50 ಕಿ.ಮೀ ವೇಗವನ್ನು ಪಡೆದುಕೊಳ್ಳುತ್ತದೆ. ರೆನಾಲ್ಟ್ ಕ್ವಿಡ್ ಕಾರು 977 ಕೆಜಿ ತೂಕವನ್ನು ಹೊಂದಿದೆ. ಈ ಎಲೆಕ್ಟ್ರಿಕ್ ಕಾರು ಬ್ಯಾಟರಿಗಳನ್ನು ಚಾರ್ಜ್ ಮಾಡುವ ಪುನರುತ್ಪಾದಕ ಬ್ರೇಕಿಂಗ್‌ನೊಂದಿಗೆ ಬರುತ್ತದೆ. ರೆನಾಲ್ಟ್‌ನ ಎಲೆಕ್ಟ್ರಿಕ್ ಹ್ಯಾಚ್ ಅನ್ನು 7kW ವಾಲ್‌ಬಾಕ್ಸ್ ಚಾರ್ಜರ್ ಅಥವಾ ಡಿಸಿ ಫಾಸ್ಟ್ ಚಾರ್ಜರ್‌ಗಳೊಂದಿಗೆ ಚಾರ್ಜ್ ಮಾಡಬಹುದು. ಯುರೋಪ್‌ನಲ್ಲಿ ಡೇಸಿಯಾ ಸ್ಪ್ರಿಂಗ್ ಎಂಬ ಹೆಸರಿನಲ್ಲಿ ಕ್ವಿಡ್ ಎಲೆಕ್ಟ್ರಿಕ್ ಕಾರು ಮಾರಾಟವಾಗುತ್ತಿದೆ.