ಪಾಕಿಸ್ತಾನದ ಅವಸ್ಥೆ ನೋಡಿ ಕಾಲ್ಕಿಳಲು ಸಜ್ಜಾದ ಜನಪ್ರಿಯ ಸುಜುಕಿ ಕಂಪನಿ!

ದೇಶದ ಅತಿದೊಡ್ಡ ಕಾರು ತಯಾರಕ ಕಂಪನಿಯಾದ ಮಾರುತಿ ಸುಜುಕಿ ಇಂಡಿಯಾ ಲಿಮಿಟೆಡ್ (MSIL) ಭಾರತೀಯ ವಾಹನ ಮಾರುಕಟ್ಟೆಯಲ್ಲಿ ಮಾರಾಟದಲ್ಲಿ ಪಾರುಪತ್ಯ ಸಾಧಿಸಿದೆ. ಮಾರುತಿ ಸುಜುಕಿ ಕಳೆದ ಮೂರು ದಶಕಗಳಿಗೂ ಹೆಚ್ಚು ಕಾಲ ಪ್ರತಿ ಮಾಸಿಕ ಪ್ರಯಾಣಿಕ ಕಾರು ಮಾರಾಟ ಪಟ್ಟಿಯಲ್ಲಿ ಪ್ರಾಬಲ್ಯ ಹೊಂದಿದೆ.

ಮಾರುತಿ ಸುಜುಕಿ ಇಂಡಿಯಾ ಲಿಮಿಟೆಡ್ (MSIL) ಕಂಪನಿಯು ಭಾರತೀಯ ಮಾರುಕಟ್ಟೆಯಲ್ಲಿ ಹೊಸ ಕಾರುಗಳನ್ನು ಪರಿಚಯಿಸುತ್ತಿದೆ. ಇದು ಈಗಾಗಲೇ ಸ್ಪರ್ಧಿಸುತ್ತಿರುವ ವಿಭಾಗಗಳಲ್ಲಿ ತನ್ನ ಮುನ್ನಡೆಯನ್ನು ಮುಂದುವರೆಸಲು ಮತ್ತು ಹೆಚ್ಚಿನ ಮಾರುಕಟ್ಟೆ ಪಾಲನ್ನು ಪಡೆದುಕೊಳ್ಳಲು ಹೊಸ ವಿಭಾಗಗಳನ್ನು ಪ್ರವೇಶಿಸುತ್ತಿದೆ. ಆದರೆ ಪಾಕಿಸ್ತಾನದಲ್ಲಿ ಈ ಬ್ರ್ಯಾಂಡ್ ಸುಜುಕಿ ಮೋಟಾರ್ ಆಗಿದೆ.

ಸುಜುಕಿ ಮೋಟಾರ್, ಸ್ಟಾಕ್ ಫೈಲಿಂಗ್‌ನಲ್ಲಿ, ಭಾಗಗಳು ಮತ್ತು ಬಿಡಿಭಾಗಗಳ ಕೊರತೆಯಿಂದಾಗಿ ಪಾಕಿಸ್ತಾನದಲ್ಲಿರುವ ತನ್ನ ಕಾರ್ಖಾನೆಯನ್ನು ತಾತ್ಕಾಲಿಕವಾಗಿ ಮುಚ್ಚುತ್ತಿರುವುದಾಗಿ ಹೇಳಿದೆ ಎಂದು ಡಾನ್ ವರದಿ ಮಾಡಿದೆ. 2022ರ ಮೇ ತಿಂಗಳಲ್ಲಿ ಸ್ಟೇಟ್ ಬ್ಯಾಂಕ್ ಆಫ್ ಪಾಕಿಸ್ತಾನ್ (SBP) ಪರಿಚಯಿಸಿದ ಕಾರ್ಯವಿಧಾನಕ್ಕೆ ಇದು ಕಾರಣವಾಗಿದೆ. ಸಂಪೂರ್ಣವಾಗಿ ನಾಕ್ಡ್-ಡೌನ್ (CKD) ಕಿಟ್‌ಗಳ ಆಮದು ಮಾಡಿಕೊಳ್ಳಲು ಪೂರ್ವಾನುಮತಿ ತೆಗೆದುಕೊಳ್ಳುವುದನ್ನು ಕಡ್ಡಾಯಗೊಳಿಸುತ್ತದೆ.

ಈ ವ್ಯವಸ್ಥೆಯು ರವಾನೆಗಳ ಕ್ಲಿಯರೆನ್ಸ್ ಮೇಲೆ ಪ್ರತಿಕೂಲ ಪರಿಣಾಮ ಬೀರಿದೆ ಎಂದು OEM ಹೇಳಿದೆ. ಇದರಿಂದಾಗಿ ಕಡಿಮೆ ದಾಸ್ತಾನು ಮಟ್ಟಗಳು ಉಂಟಾಗುತ್ತವೆ. ಪಾಕ್ ಸುಜುಕಿ ತನ್ನ ಮೋಟಾರ್‌ಸೈಕಲ್ ಮತ್ತು ಕಾರುಗಳ ಘಟಕದಲ್ಲಿ ಜೂನ್ 22 ರಿಂದ ಜುಲೈ 8 ರವರೆಗೆ ಮುಚ್ಚಿರುತ್ತದೆ. ಇದಕ್ಕೂ ಮೊದಲು, ಕಂಪನಿಯು ಆಗಸ್ಟ್ 2022 ರಿಂದ 75 ದಿನಗಳವರೆಗೆ ತನ್ನ ಸ್ಥಾವರವನ್ನು ಮುಚ್ಚಿತ್ತು.

ಸುಜುಕಿ ಆಲ್ಟೊ, ವ್ಯಾಗನ್ಆರ್ ಮತ್ತು ಸ್ವಿಫ್ಟ್‌ನಂತಹ ಮಾದರಿಗಳನ್ನು ದೇಶದಲ್ಲಿ ಮಾರಾಟ ಮಾಡುತ್ತದೆ. ಈ ವರ್ಷದ ಏಪ್ರಿಲ್‌ನಲ್ಲಿ ಮಾರಾಟವಾದ 1,474 ಯುನಿಟ್‌ಗಳಿಗೆ ಹೋಲಿಸಿದರೆ ಕಂಪನಿಯು 2023 ರ ಮೇ ತಿಂಗಳಲ್ಲಿ 2,958 ವಾಹನಗಳನ್ನು ಮಾರಾಟ ಮಾಡಿದೆ. ಕಳೆದ ಆರ್ಥಿಕ ವರ್ಷದ ಇದೇ ಅವಧಿಯಲ್ಲಿ 134,270 ಯುನಿಟ್‌ಗಳಿಂದ FY23 ರಲ್ಲಿ 54% ರಷ್ಟು 62,354 ಯುನಿಟ್‌ಗಳಿಗೆ ಭಾರೀ ಕುಸಿತವನ್ನು ಕಂಡಿದೆ.

ವರದಿಗಳ ಪ್ರಕಾರ, SBP ಯಿಂದ ಹೊಸ ಲೆಟರ್ ಆಫ್ ಕ್ರೆಡಿಟ್ (LC) ತೆರೆಯುವಿಕೆಯ ಮೇಲಿನ ನಿರ್ಬಂಧವು ಸ್ಥಳೀಯ ಅಸೆಂಬ್ಲರ್‌ಗಳಿಂದ ಸಂಪೂರ್ಣವಾಗಿ ನಾಕ್-ಡೌನ್ ಕಿಟ್‌ಗಳ ಆಮದನ್ನು ಪ್ರತಿಕೂಲ ಪರಿಣಾಮ ಬೀರಿದೆ. ಇದು ಕಳೆದ ಆರ್ಥಿಕ ವರ್ಷದ ಇದೇ ಅವಧಿಯಲ್ಲಿ $1.558 ಶತಕೋಟಿಯಿಂದ FY23 ರಲ್ಲಿ $712 ಮಿಲಿಯನ್‌ಗೆ 54% ರಷ್ಟು ಕುಸಿತವನ್ನು ಅನುಭವಿಸಿದೆ.

ಇದಲ್ಲದೆ, ಆಟೋ ಹಣಕಾಸು ನಿಧಾನವಾಗಿರುವುದರಿಂದ ಪಾಕಿಸ್ತಾನದಲ್ಲಿ ಆಟೋ ಉದ್ಯಮವು ಭಾರೀ ಕುಸಿತವನ್ನು ಕಂಡಿದೆ. ಮಾರ್ಚ್‌ನಲ್ಲಿ ಶೇ.7ರಷ್ಟಿದ್ದ ಬಡ್ಡಿದರವನ್ನು ಈಗ ಶೇ.21ಕ್ಕೆ ಹೆಚ್ಚಿಸಲಾಗಿದೆ. ಇದರಿಂದ ಮಾರುಕಟ್ಟೆಯಲ್ಲಿ ನಾಲ್ಕು ಚಕ್ರದ ವಾಹನಗಳ ಬೇಡಿಕೆ ಮತ್ತಷ್ಟು ಕಡಿಮೆಯಾಗಿದೆ. ಹೀಗಾಗಿ, ಮಾರಾಟದ ಕುಗ್ಗುವಿಕೆ ಕಾರ್ ಅಸೆಂಬ್ಲರ್‌ಗಳು ಘಟಕಗಳು ಸ್ಥಗಿತಗೊಳಿಸುವ ಚಿಂತನೆ ಮಾಡಲು ಮತ್ತೊಂದು ಕಾರಣವಾಗಿದೆ. ಇದು ನೇರವಾಗಿ ಮತ್ತು ಪರೋಕ್ಷವಾಗಿ ಜನರ ಉದ್ಯೋಗದ ಮೇಲೆ ಪರಿಣಾಮ ಬೀರಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ಒದಗಿಸುತ್ತೇವೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡಲು ಮರೆಯದಿರಿ.