ಆರಾಮದಾಯಕ ಆಸನಗಳ 7 ಅತ್ಯುತ್ತಮ ಅಗ್ಗದ ಬೆಲೆಯ ಕಾರುಗಳು: ದೂರದ ಪ್ರಯಾಣಕ್ಕೆ ಬೆಸ್ಟ್!

ಹೊಸ ಕಾರನ್ನು ಖರೀದಿಸುವ ಮುನ್ನ ನಾವು ಬೆಲೆ, ಅದರ ಪವರ್-ಪರ್ಫಾಮೆನ್ಸ್, ಮೈಲೇಜ್, ಡಿಸೈನ್, ಸುರಕ್ಷತೆ, ವೈಶಿಷ್ಟ್ಯಗಳಂತಹ ಹಲವಾರು ವಿಷಯಗಳನ್ನು ಪರಿಶೀಲಿಸುತ್ತೇವೆ. ಆದರೆ ಆರಾಮದಾಯಕ ಸೀಟ್‌ಗಳ ಬಗ್ಗೆ ವಿಚಾರಿಸುವುದು ತೀರಾ ಕಡಿಮೆ, ಏಕೆಂದರೆ ಆಸನಗಳು ಎಲ್ಲಾ ಕಾರುಗಳಲ್ಲೂ ಒಂದೇ ರೀತಿಯಲ್ಲಿರುತ್ತವೆ ಎಂದು ಭಾವಿಸುವವರೆ ಹೆಚ್ಚು.

ಆದರೆ ಇದು ತಪ್ಪು ಆಯಾ ಕಾರುಗಳು ತನ್ನದೇ ಆದ ಇಂಟೀರಿಯರ್ ವಿಶಾಲತೆಯನ್ನು ಆದರಿಸಿ ಆರಾಮದಾಯಕ ಆಸನಗಳನ್ನು ಒಳಗೊಂಡಿರುತ್ತವೆ. ಹಾಗಾಗಿ ನೀವು ನಗರ ಮತ್ತು ಹೆದ್ದಾರಿಗಳಲ್ಲಿ ಸಾಕಷ್ಟು ಸಮಯವನ್ನು ಕಳೆಯುವಂತವರಾಗಿದ್ದರೇ ಆರಾಮದಾಯಕ ಆಸನಗಳಿಗೆ ಆದ್ಯತೆ ನೀಡಬೇಕು. ಈ ನಿಟ್ಟಿನಲ್ಲಿ ಆರಾಮದಾಯಕ ಸೀಟ್‌ಗಳನ್ನು ಒದಗಿಸುವ 7 ಅತ್ಯುತ್ತಮ ಬಜೆಟ್ ಕಾರುಗಳನ್ನು ಇಲ್ಲಿ ನೋಡೋಣ.

ನಿಸ್ಸಾನ್ ಮ್ಯಾಗ್ನೈಟ್ (Nissan Magnite): ಭಾರತೀಯ ಮಾರುಕಟ್ಟೆಯಲ್ಲಿ ಅತ್ಯಂತ ಕೈಗೆಟುಕುವ SUV ನಿಸ್ಸಾನ್ ನಿಸ್ಸಾನ್ ಮ್ಯಾಗ್ನೈಟ್ ಆಗಿದೆ. ಇದು ಸಬ್-4M SUV ಆಗಿದ್ದು, ಬಹು ಎಂಜಿನ್ ಆಯ್ಕೆಗಳೊಂದಿಗೆ ನೀಡಲಾಗುತ್ತದೆ. ನಗರ ಚಾಲನೆ ಮತ್ತು ಹೆದ್ದಾರಿಗಳಲ್ಲಿ ಉತ್ತಮವಾಗಿ ಬೆಂಬಲಿಸುವ ಆರಾಮದಾಯಕ ಆಸನಗಳನ್ನು ಹೊಂದಿದೆ. ನಿಸ್ಸಾನ್ ಮ್ಯಾಗ್ನೈಟ್ ರೂ. 5.99 ಲಕ್ಷದ ಆರಂಭಿಕ ಎಕ್ಸ್ ಶೋ ರೂಂ ಬೆಲೆಯಲ್ಲಿ ಖರೀದಿಗೆ ಲಭ್ಯವಿದೆ.

ಹ್ಯುಂಡೈ ಎಕ್ಸ್‌ಟರ್ (Hyundai Exter): ಹ್ಯುಂಡೈನ ಮೈಕ್ರೋ-ಎಸ್‌ಯುವಿ ಎಕ್ಸ್‌ಟರ್ ಅದ್ಭುತವಾದ ಆಸನಗಳನ್ನು ಹೊಂದಿದೆ. ಇದು ಉತ್ತಮ ಇಂಟೀರಿಯರ್ ಮತ್ತು ಉನ್ನತ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ. ಕಂಪನಿಯು ಎಕ್ಸ್‌ಟರ್ ಅನ್ನು ಆರಂಭಿಕ ಎಕ್ಸ್ ಶೋ ರೂಂ ಬೆಲೆ ರೂ. 6.12 ಲಕ್ಷಕ್ಕೆ ನೀಡುತ್ತಿದೆ. ಪೆಟ್ರೋಲ್ ಮತ್ತು ಸಿಎನ್‌ಜಿ ಆಯ್ಕೆಗಳಲ್ಲಿಯೂ ಎಕ್ಸ್‌ಟರ್ ಲಭ್ಯವಿದ್ದು, ಸನ್‌ರೂಫ್‌ನೊಂದಿಗೆ ಬರುತ್ತದೆ.

ಮಹೀಂದ್ರಾ ಎಕ್ಸ್‌ಯುವಿ300 (Mahindra XUV300): ಈ ಸಬ್-4M SUV ಅತ್ಯುತ್ತಮವಾದ ಇನ್-ಕ್ಯಾಬಿನ್ ಸೌಕರ್ಯ, ವೈಶಿಷ್ಟ್ಯಗಳು, ಉತ್ತಮ ಸುರಕ್ಷತೆ ಮತ್ತು ಚಾಲನಾ ಅನುಭವದೊಂದಿಗೆ ಅತ್ಯಂತ ಆರಾಮದಾಯಕ ಸೀಟುಗಳೊಂದಿಗೆ ಬರುತ್ತದೆ. ಆದರೂ ಈ SUV ಅಷ್ಟು ಜನಪ್ರಿಯವಾಗಿಲ್ಲ, ಇದು ಖಂಡಿತವಾಗಿಯೂ ಮೆಚ್ಚುಗೆಗೆ ಅರ್ಹವಾದ ಕಾರು ಎಂಬುದು ನಮ್ಮ ಅನಿಸಿಕೆ. ಮಹೀಂದ್ರಾ XUV300 ರೂ. 7.99 ಲಕ್ಷ ಆರಂಭಿಕ ಎಕ್ಸ್ ಶೋ ರೂಂ ಬೆಲೆಯಿದೆ.

ಹೋಂಡಾ ಅಮೇಜ್ (Honda Amaze ): ಹೋಂಡಾ ಅಮೇಜ್ ಒಂದು ಪ್ರವೇಶ ಮಟ್ಟದ ಬಜೆಟ್ ಸಬ್-4M ಸೆಡಾನ್ ಆಗಿದ್ದು, ಇದು ವಿಶಾಲವಾದ ಮತ್ತು ಮೆತ್ತನೆಯ ಆಸನಗಳನ್ನು ಹೊಂದಿದೆ. ಇದು ತನ್ನ ವಿಭಾಗದಲ್ಲಿ ಆಸನ ಸೌಕರ್ಯವನ್ನು ಅತ್ಯುತ್ತಮವಾಗಿ ನೀಡುತ್ತದೆ. ಹೋಂಡಾ ಅಮೇಜ್ ಅನ್ನು ರೂ. 7.15 ಲಕ್ಷದ ಆರಂಭಿಕ ಎಕ್ಸ್ ಶೋ ರೂಂ ಬೆಲೆಯನ್ನು ಹೊಂದಿದೆ.

ಸಿಟ್ರನ್ ಸಿ3 (Citroen C3): ಉತ್ತಮ ಸಸ್ಪೆನ್ಷನ್ ಮತ್ತು ಆರಾಮದಾಯಕ ಆಸನಗಳ ಸಂಯೋಜನೆಯ ಕಾರುಗಳನ್ನು ತಯಾರಿಸಲು ಸಿಟ್ರನ್ ಜಾಗತಿಕವಾಗಿ ಹೆಸರುವಾಸಿಯಾಗಿದೆ. ನೀವು ಎತ್ತರದ ಹ್ಯಾಚ್‌ಬ್ಯಾಕ್‌ ಹಾಗೂ ಆರಾಮದಾಯಕ ಆಸನಗಳು ಮತ್ತು ಉತ್ತಮ ಸವಾರಿ ಗುಣಮಟ್ಟವನ್ನು ಬಯಸಿದರೆ, ಸಿಟ್ರನ್ C3 ಹ್ಯಾಚ್‌ಬ್ಯಾಕ್‌ಗಿಂತ ಹೆಚ್ಚಿನದನ್ನು ನೋಡಬೇಡಿ. ಸಿಟ್ರನ್ C3 ಅನ್ನು 6.16 ಲಕ್ಷ ಆರಂಭಿಕ ಎಕ್ಸ್ ಶೋ ರೂಂ ಬೆಲೆಗೆ ನೀಡಲಾಗುತ್ತಿದೆ.

ಮಾರುತಿ ಸುಜುಕಿ ಸಿಯಾಝ್ (Maruti Suzuki Ciaz): ಆರಂಭಿಕ ಬೆಲೆ ರೂ 9.40 ಲಕ್ಷ (ಎಕ್ಸ್ ಶೋರೂಂ) ದೇಶದಲ್ಲಿ ಅತ್ಯಂತ ಕೈಗೆಟುಕುವ ಸಿ-ಸೆಗ್ಮೆಂಟ್ ಸೆಡಾನ್ ಆಗಿದೆ. ಈ ಕಾರು ಮುಂಭಾಗ ಮತ್ತು ಹಿಂಭಾಗದ ನಿವಾಸಿಗಳಿಗೆ ಸೂಪರ್ ಆರಾಮದಾಯಕ ಆಸನಗಳನ್ನು ನೀಡುತ್ತದೆ ಮತ್ತು ರಾಜಕಾರಣಿಗಳು ಮತ್ತು ಅಧಿಕಾರಶಾಹಿಗಳಿಗೆ ಅಂಬಾಸಿಡರ್‌ನ ಆದ್ಯತೆಯ ಉತ್ತರಾಧಿಕಾರಿಯಾಗಿದೆ.

ಕಿಯಾ ಕ್ಯಾರೆನ್ಸ್ (Kia Carens): ಕಾರೆನ್ಸ್ ಕಿಯಾದ ಎಂಟ್ರಿ ಲೆವೆಲ್ ಎಂಪಿವಿ ಆಗಿದ್ದು, ಆರಂಭಿಕ ಬೆಲೆ ರೂ.10.44 ಲಕ್ಷ (ಎಕ್ಸ್ ಶೋ ರೂಂ)ವಿದೆ. ವಾಹನ ಜಗತ್ತಿನಲ್ಲಿ MPV ಗಳು ಆರಾಮದಾಯಕ ಸೀಟುಗಳನ್ನು ನೀಡಬೇಕೆಂಬುದು ನಿಯಮವಾಗಿದೆ. Kia Carens ಈ ನಿಟ್ಟಿನಲ್ಲಿ ಸಾಕಷ್ಟು ಉತ್ತಮವಾಗಿದೆ. ಎರಡು ಆಸನ ಆಯ್ಕೆಗಳೊಂದಿಗೆ ಬರುತ್ತದೆ. ಒಂದು 6-ಆಸನದ ವಿನ್ಯಾಸ ಇನ್ನೊಂದು 7-ಆಸನದ ವಿನ್ಯಾಸದೊಂದಿಗೆ ಅತ್ಯುತ್ತಮವಾದ ಆಸನ ಸೌಕರ್ಯವನ್ನು ನೀಡುತ್ತದೆ.