ಎಲೆಕ್ಟ್ರಿಕ್ ವಲಯದಲ್ಲಿ ಹೊಸ ಅಲೆ ಎಬ್ಬಿಸಲು 'ಟಾಟಾ'ದೊಂದಿಗೆ ಕೈಜೋಡಿಸಿದ 'ಎಥರ್'

ಭಾರತದ ಪ್ರಮುಖ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ತಯಾರಕರಲ್ಲಿ ಒಂದಾದ ಎಥರ್ ಎನರ್ಜಿ, ಇವಿ ವಲಯದಲ್ಲಿ ವಿಶೇಷ ತರಬೇತಿ ನೀಡಲು ಟಾಟಾ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಸ್ಕಿಲ್ಸ್ (IIS) ನೊಂದಿಗೆ ಪಾಲುದಾರಿಕೆಗೆ ಮುಂದಾಗಿದೆ. ಈ ಸಹಯೋಗವು ಭಾರತದಲ್ಲಿ EV ಮಾರುಕಟ್ಟೆಯ ಹೆಚ್ಚುತ್ತಿರುವ ಬೇಡಿಕೆಗಳನ್ನು ಪೂರೈಸಲು ನುರಿತ ಉದ್ಯೋಗಿಗಳನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿದೆ. ಎಥರ್ ಎನರ್ಜಿಯ ಉದ್ಯಮದ ಜ್ಞಾನವನ್ನು TATA IIS ನ ಕೌಶಲ್ಯ ಅಭಿವೃದ್ಧಿಗೆ ಸಮರ್ಪಿಸುವ ಮೂಲಕ, ಈ ಪಾಲುದಾರಿಕೆಯು EV ತಂತ್ರಜ್ಞಾನ ಮತ್ತು ಬ್ಯಾಟರಿ ವಿಶೇಷತೆಯಲ್ಲಿ ಸಮಗ್ರ ಕೋರ್ಸ್‌ಗಳನ್ನು ನೀಡಲಿದೆ ಎಂದು ಪ್ರಕಟಣೆಯಲ್ಲಿ ಎಥರ್ ತಿಳಿಸಿದೆ.

ಭಾರತದಲ್ಲಿ EV ವಲಯವು ವೇಗವಾಗಿ ಬೆಳೆಯುತ್ತಿದೆ, ತಂತ್ರಜ್ಞಾನದಲ್ಲಿನ ಪ್ರಗತಿ ಮತ್ತು ಹೆಚ್ಚುತ್ತಿರುವ ಗ್ರಾಹಕರಿಂದ ಇವಿಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಇತ್ತೀಚಿನ ಅಧ್ಯಯನದ ಪ್ರಕಾರ, ಉದ್ಯಮವು ಗಮನಾರ್ಹವಾದ ಕೌಶಲ್ಯ ಅಂತರವನ್ನು ಎದುರಿಸುತ್ತಿದೆ. ಓಂದೆಡೆ EV ಗಳ ಬೇಡಿಕೆ ಹೆಚ್ಚುತ್ತಿದ್ದರೇ, ಇತ್ತ ಎಲೆಕ್ಟ್ರಿಕ್ ವಾಹನ ವ್ಯವಸ್ಥೆಗಳು ಮತ್ತು ಬ್ಯಾಟರಿ ತಂತ್ರಜ್ಞಾನಗಳಲ್ಲಿ ನಿರ್ದಿಷ್ಟವಾಗಿ ತರಬೇತಿ ಪಡೆದ ತಂತ್ರಜ್ಞರ ಕೊರತೆಯಿದೆ.

Ather Energy ಮತ್ತು TATA IIS ನಡುವಿನ ಈ ಪಾಲುದಾರಿಕೆಯು ತಾಂತ್ರಿಕ ಜ್ಞಾನವನ್ನು ಒಳಗೊಂಡಿರುವ ಸಮಗ್ರ ತರಬೇತಿಯನ್ನು ನೀಡುವ ಮೂಲಕ ಈ ಅಂತರವನ್ನು ಕಡಿಮೆ ಮಾಡುವ ಗುರಿಯನ್ನು ಹೊಂದಿದೆ. ಬ್ಯಾಟರಿ ವ್ಯವಸ್ಥೆಗಳು, ಎಲೆಕ್ಟ್ರಿಕ್ ಮೋಟರ್‌ಗಳು, ಪವರ್ ಎಲೆಕ್ಟ್ರಾನಿಕ್ಸ್, ಚಾರ್ಜಿಂಗ್ ಮೂಲಸೌಕರ್ಯ ಮತ್ತು ವಾಹನ ಸುರಕ್ಷತೆಯಲ್ಲಿ ತಾಂತ್ರಿಕ ಜ್ಞಾನವನ್ನು ಹೊಂದಿರುವ ತರಬೇತಿದಾರರನ್ನು ಸಜ್ಜುಗೊಳಿಸುವಲ್ಲಿ ಎಥರ್ ಎನರ್ಜಿ ಜವಾಬ್ದಾರರಾಗಿರುತ್ತಾರೆ.

ಹೆಚ್ಚುವರಿಯಾಗಿ ಎಥರ್ ಎನರ್ಜಿಯು ವಾಹನಗಳು, ಮೋಟಾರ್‌ಗಳು, ಬ್ಯಾಟರಿಗಳು ಮತ್ತು ಇತರ ಅಗತ್ಯ ಹಾರ್ಡ್‌ವೇರ್‌ಗಳನ್ನು ದೇಶಾದ್ಯಂತ TATA IIS ಸೌಲಭ್ಯಗಳಲ್ಲಿ EV ಲ್ಯಾಬ್‌ಗಳನ್ನು ಸ್ಥಾಪಿಸಲಿದೆ. ಎಥರ್ ಎನರ್ಜಿಯು ತನ್ನ ಸ್ವಂತ ಸ್ಥಳಗಳಲ್ಲಿ TATA IIS ಬೋಧಕರಿಗೆ ತರಬೇತಿ ನೀಡುತ್ತದೆ. ಹಾಗೆಯೇ ಎಥರ್ ಎನರ್ಜಿ ನಿರಂತರವಾಗಿ ಕೋರ್ಸ್ ವಿಷಯವನ್ನು ಪರಿಶೀಲಿಸಲಿದೆ.

ಎಥರ್ ಎನರ್ಜಿಯ ಸಹ-ಸಂಸ್ಥಾಪಕ ಮತ್ತು CTO ಸ್ವಪ್ನಿಲ್ ಜೈನ್ ಮಾತನಾಡಿ, "ಭಾರತದಲ್ಲಿ EV ಗಳ ಹೆಚ್ಚುತ್ತಿರುವ ಜನಪ್ರಿಯತೆಯು ದೊಡ್ಡ ವಾಹನ ವಲಯದಲ್ಲಿ ವಿಶೇಷವಾದ ಮತ್ತು ವೈವಿಧ್ಯಮಯ ಕೌಶಲ್ಯದ ಬೇಡಿಕೆಯನ್ನು ಹೆಚ್ಚಿಸಿದೆ. ಉದ್ಯಮವು ಈ ಸವಾಲನ್ನು ಪರಿಣಾಮಕಾರಿಯಾಗಿ ಎದುರಿಸುತ್ತಿರುವಾಗ, ನುರಿತ ಉದ್ಯೋಗಿಗಳ ಅಗತ್ಯವೂ ಹೆಚ್ಚುತ್ತಿದೆ.

ಈ ಅಂತರವನ್ನು ಸಕ್ರಿಯವಾಗಿ ಕಡಿಮೆ ಮಾಡಲು, EV ತಂತ್ರಜ್ಞರು ಮತ್ತು ಬ್ಯಾಟರಿ ಪರಿಣಿತರಿಗೆ ತರಬೇತಿ ಕಾರ್ಯಕ್ರಮಗಳನ್ನು ಅಭಿವೃದ್ಧಿಪಡಿಸುವ ಮೂಲಕ EV ವಲಯಕ್ಕೆ ಕೌಶಲ್ಯ ಪರಿಹಾರವನ್ನು ಒದಗಿಸುವಲ್ಲಿ ಟಾಟಾ IIS ನೊಂದಿಗೆ ಕೆಲಸ ಮಾಡಲು ನಾವು ಸಂತೋಷಪಡುತ್ತೇವೆ. ನುರಿತ ಕಾರ್ಯಪಡೆಯ ದೃಢವಾದ ಪೂಲ್ ಅನ್ನು ಬೆಳೆಸಲು ಇಂತಹ ಸಹಯೋಗಗಳು ಅತ್ಯಗತ್ಯ ಎಂದು ನಾವು ನಂಬುತ್ತೇವೆ ಎಂದರು.

ಟಾಟಾ ಐಐಎಸ್ ಸಿಇಒ ಸಬ್ಯಸಾಚಿ ದಾಸ್ ಮಾತನಾಡಿ, "ಟಾಟಾ ಐಐಎಸ್ ಉದಯೋನ್ಮುಖ ಕೈಗಾರಿಕೆಗಳಲ್ಲಿ ಅತ್ಯಾಧುನಿಕ ಕೌಶಲ್ಯಗಳೊಂದಿಗೆ ಯುವ ಮನಸ್ಸುಗಳನ್ನು ಸಜ್ಜುಗೊಳಿಸಲು ಬದ್ಧವಾಗಿದೆ. ಭಾರತದ ಎಲೆಕ್ಟ್ರಿಕ್ ವಾಹನ (ಇವಿ) ಉದ್ಯಮ, ವಿಶೇಷವಾಗಿ ದ್ವಿಚಕ್ರ ವಾಹನ ವಿಭಾಗವು ವೇಗವಾಗಿ ಬೆಳೆಯುತ್ತಿದೆ. EV ತಂತ್ರಜ್ಞರು ಮತ್ತು ಬ್ಯಾಟರಿ ಪರಿಣಿತರಿಗೆ ವಿಶೇಷ ತರಬೇತಿ ಕಾರ್ಯಕ್ರಮಗಳನ್ನು ಪ್ರಾರಂಭಿಸಲು ಎಥರ್ ಎನರ್ಜಿ ಜೊತೆ ಪಾಲುದಾರಿಕೆ ಹೊಂದಲು ನಾವು ಸಂತೋಷಪಡುತ್ತೇವೆ ಎಂದರು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.