ಬಿಡುಗಡೆಗೂ ಮುನ್ನವೇ ಫ್ರೆಂಚರಿಂದ ಪೈಪೋಟಿ ಶುರು: ಟಾಟಾ ಕರ್ವ್‌ ಎದುರಾಳಿಯಲ್ಲಿದೆ ಸಖತ್‌ ಫೀಚರ್ಸ್‌!

ಎಲ್ಲರ ನಿರೀಕ್ಷೆಯಂತೆ ಫ್ರೆಂಚ್ ಕಾರು ನಿರ್ಮಾಣ ಕಂಪನಿಯಾದ ಸಿಟ್ರನ್‌ ಇಂಡಿಯಾ ತನ್ನ ಹೊಸ ಎಸ್‌ಯುವಿ ಕೂಪೆ - ಬಸಾಲ್ಟ್‌ನ ಮೊದಲ ಚಿತ್ರಗಳನ್ನು ಗುರುವಾರ, ಜುಲೈ 25 ರಂದು ಭಾರತೀಯ ಮಾರುಕಟ್ಟೆಯಲ್ಲಿ ಪ್ರದರ್ಶಿಸಿದೆ. ಕಂಪನಿಯ ಪ್ರಕಾರ, ಈ ವಾಹನವು ದೇಶದ ಮೊದಲ ಮುಖ್ಯವಾಹಿನಿಯ ಎಸ್‌ಯುವಿ ಕೂಪೆಯಾಗಿದೆ. ಫ್ರೆಂಚ್ ಕಾರು ತಯಾರಕರು ಈ ಕಾರನ್ನು ಅನಾವರಣಗೊಳಿಸಿದ್ದರೂ, ಅದರ ಬೆಲೆಯನ್ನು ಇನ್ನೂ ಬಹಿರಂಗಪಡಿಸಿಲ್ಲ ಎಂಬ ವಿಷಯವನ್ನು ನಾವಿಲ್ಲಿ ಗಮನಿಸಬೇಕಿದೆ. ಇನ್ನು ಮಾರುಕಟ್ಟೆಯ ಮತ್ತೊಂದು ವಿಷಯವೆಂದರೆ ಮುಂದಿನ ತಿಂಗಳ ಮೊದಲ ವಾರದಲ್ಲಿಯೇ ಟಾಟಾ ಕರ್ವ್‌ ಸಹ ಲಾಂಚ್ ಆಗುತ್ತಿದೆ.

ಇಂದಿನ ಈ ಲೇಖನದಲ್ಲಿ ನಾವು ಹೊಸದಾಗಿ ಮಾರುಕಟ್ಟೆಗೆ ಆಗಮಿಸುತ್ತಿರುವ ಸಿಟ್ರನ್‌ ಬಸಾಲ್ಟ್ ಕಾರಿನಲ್ಲಿ ಇರಬಹುದಾದ ಪ್ರಮುಖ ಫೀಚರ್‌ ಮತ್ತು ಇತರ ವಿವರಗಳ ಕುರಿತಾಗಿ ನೋಡಲಿದ್ದು, ಈ ಕಾರಿನ ಕುರಿತಾದ ಸಂಪೂರ್ಣ ಮಾಹಿತಿಗಾಗಿ ಈ ಲೇಖನವನ್ನು ಕೊನೆಯವರೆಗೆ ಓದಿ ಮತ್ತು ನಿಮ್ಮ ಗೆಳೆಯರೊಂದಿಗೆ ಹಂಚಿಕೊಳ್ಳಿ.

ವಿನ್ಯಾಸ: ಸಿಟ್ರನ್ ಬಸಾಲ್ಟ್ (Citroen Basalt) ವಿನ್ಯಾಸದ ಬಗ್ಗೆ ಹೇಳುವುದಾದರೆ, ಈ ಎಸ್‍ಯುವಿ ಹರಿಯುವ ಲೈನ್ ನೊಂದಿಗೆ ಸ್ಟ್ರೈಕಿಂಗ್ ಕೂಪೆ ಸಿಲೂಯೆಟ್ ಅನ್ನು ಹೊಂದಿದೆ. ಈ ಸಿಟ್ರನ್ ಬಸಾಲ್ಟ್ ಎಸ್‍ಯುವಿಯು ಬಲವಾದ ಫೆಂಡರ್‌ಗಳು ಕಾರಿನ ನಿಲುವನ್ನು ಸುಧಾರಿಸುತ್ತದೆ ಮತ್ತು ಚಕ್ರಗಳ ಸುತ್ತ ಬಲವನ್ನು ಒದಗಿಸುತ್ತದೆ. ಹೊಸ ರೀತಿಯ ಸಿಲೂಯೆಟ್ ಹೊಂದಿರುವ ಬಸಾಲ್ಟ್ ಮಾದರಿಯು ಭಾರತದಲ್ಲಿ C3 ಮತ್ತು C3 ಏರ್‌ಕ್ರಾಸ್‌ಗಳಿಗೆ ಪೂರಕವಾಗಿದೆ.

ಮುಂಭಾಗ ಮತ್ತು ಹಿಂಭಾಗದ ಬಂಪರ್‌ಗಳ ಕೆಳಭಾಗದಲ್ಲಿರುವ ಸಿಲ್ವರ್ ಸ್ಕಿಡ್ ಪ್ಲೇಟ್‌ಗಳು ತಾಂತ್ರಿಕ ಸಿಗ್ನೇಚರ್ ಅನ್ನು ಒಳಗೊಂಡಿರುತ್ತವೆ. ಸಿಟ್ರನ್ ಬಸಾಲ್ಟ್ ಎಸ್‍ಯುವಿ ಕೂಪೆ ಮಾದರಿಯು X-ಆಕಾರದ ಸ್ಪ್ಲಿಟ್ DRL ಗಳನ್ನು ಹೊಂದಿರುವ ಮುಂಭಾಗದ ಹೆಡ್‌ಲೈಟ್‌ಗಳು ಬ್ರ್ಯಾಂಡ್ ಸಿಗ್ನೆಚರ್ ಸ್ಟೈಲ್ ನಲ್ಲಿದೆ. ಈ ನವೀನ ಹೆಡ್‌ಲೈಟ್‌ಗಳು ಎಲ್‌ಇಡಿ-ವಿಷನ್ ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್‌ಗಳೊಂದಿಗೆ ಸಂಯೋಜಿಸಲ್ಪಟ್ಟಿವೆ, ಪ್ರತ್ಯೇಕವಾಗಿ ಇದನ್ನು ಕೆಳ ಭಾಗಗಳಲ್ಲಿ ಸಂಯೋಜಿಸಲಾಗಿದೆ.

ಸಿಟ್ರನ್ ಬಸಾಲ್ಟ್ ಮಾದರಿಯ ಹಿಂದಿನ ಹೆಡ್‌ಲೈಟ್‌ಗಳು ಸಿಗ್ನೇಚರ್ ಸ್ಟೈಲ್ ಗಿಂತ ಭಿನ್ನವಾಗಿ ಹೊಸದಾಗಿ ಕಾಣುತ್ತದೆ. ಇನ್ನು ಗ್ರೇಡಿಯಂಟ್ ಲೈನ್ ಗಳೊಂದಿಗೆ ಈ ಎಸ್‍ಯುವಿ ಕೂಪೆ ಮಾದರಿಯು ಆಕರ್ಷಕವಾಗಿ ಕಾಣಿಸುತ್ತಿದೆ. ಇನ್ನು ಬಸಾಲ್ಟ್ ಮಾದರಿಯ ಫೀಚರ್ಸ್ ಗಳ ಬಗೆ ಹೆಚ್ಚಿನ ಮಾಹಿತಿಗಳು ಬಹಿರಂಗವಾಗಿಲ್ಲ. ಆದರೆ ಈ ಮಾದರಿಯಲ್ಲಿ ರೋಮಾಂಚಕ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಮತ್ತು 10.25-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಅನ್ನು ಹೊಂದಿರಬಹುದು.

ಫೀಚರ್‌ಗಳು: ಒಳಭಾಗದಲ್ಲಿ ಕಪ್ ಹೋಲ್ಡರ್‌ಗಳೊಂದಿಗೆ ಸಂಪೂರ್ಣ ಮುಂಭಾಗ ಮತ್ತು ಹಿಂಭಾಗದ ಆರ್ಮ್‌ರೆಸ್ಟ್‌ಗಳು ಮತ್ತು ಹಿಂಭಾಗದ ಆರ್ಮ್‌ರೆಸ್ಟ್‌ನಲ್ಲಿರುವ ಫೋನ್ ಹೋಲ್ಡರ್ ಅನ್ನು ಒಳಗೊಂಡಿರುತ್ತದೆ. ಹೆಡ್‌ರೆಸ್ಟ್‌ಗಳು ಲ್ಯಾಟರಲ್ ಬೆಂಬಲವನ್ನು ನೀಡುತ್ತವೆ ಮತ್ತು ವಾಹನವು ಟೈಪ್-ಸಿ ಚಾರ್ಜಿಂಗ್ ಪೋರ್ಟ್‌ಗಳು, ವೈರ್‌ಲೆಸ್ ಚಾರ್ಜಿಂಗ್ ಸಾಮರ್ಥ್ಯಗಳು, ಕ್ರೂಸ್ ಕಂಟ್ರೋಲ್, ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ಪ್ಲೇ ಮತ್ತು ಕ್ಲೈಮೆಂ ಕಂಟ್ರೋಲ್ ಅನ್ನು ಹೊಂದಿರುತ್ತದೆ.

ಎಂಜಿನ್‌: ಸಿಟ್ರನ್ ಬಸಾಲ್ಟ್ ಎಸ್‍ಯುವಿ ಕೂಪೆ ಮಾದರಿಯು 1.2-ಲೀಟರ್ ಮೂರು-ಸಿಲಿಂಡರ್, ಟರ್ಬೊ ಪೆಟ್ರೋಲ್ ಎಂಜಿನ್‌ ಅನ್ನು ಹೊಂದಿರಬಹುದು. ಈ ಎಂಜಿನ್ 109 bhp ಮತ್ತು 205 Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿರುತ್ತದೆ. ಈ ಈ ಎಂಜಿನ್ ಅನ್ನು 6-ಸ್ಪೀಡ್ ಮ್ಯಾನ್ಯುವಲ್ ಟ್ರಾನ್ಸ್‌ಮಿಷನ್ ಮತ್ತು ಟಾರ್ಕ್ ಕರ್ನವಾಟರ್ ನೊಂದಿಗೆ ಜೋಡಿಸಲಾಗುತ್ತದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.