ರೂ.7.99 ಲಕ್ಷಕ್ಕೆ ಎಸ್‍ಯುವಿ ಕೂಪೆ: ಲಕ್ಷುರಿ ಫೀಚರ್ಸ್, 20 Km ಮೈಲೇಜ್

ಜನಪ್ರಿಯ ವಾಹನ ತಯಾರಕ ಸಂಸ್ಥೆಯಾದ ಫ್ರೆಂಚ್ ಮೂಲದ ಸಿಟ್ರನ್ (Citroen) ತನ್ನ ಸಿಟ್ರನ್ ಬಸಾಲ್ಟ್ (Citroen Basalt) ಎಸ್‌ಯುವಿ ಕೂಪೆ ಮಾದರಿಯನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಾಗಿದೆ. ಹೊಸ ಬಸಾಲ್ಟ್ ಭಾರತೀಯ ಮಾರುಕಟ್ಟೆಗೆ ಕಂಪನಿಯ ಪೋರ್ಟ್‌ಫೋಲಿಯೊದಿಂದ 5ನೇ ಕಾರ್ ಆಗಿದೆ. ಹೊಸ ಸಿಟ್ರನ್ ಬಸಾಲ್ಟ್ (Citroen Basalt) ಭಾರತೀಯ ಮಾರುಕಟ್ಟೆಯಲ್ಲಿ ಸಾಕಷ್ಟು ನಿರೀಕ್ಷೆಗಳನ್ನು ಹುಟ್ಟು ಹಾಕಿದೆ. ಇದು ಕೈಗೆಟುಕುವ ದರದ ಎಸ್‌ಯುವಿ ಕೂಪೆ ಆಗಿದೆ. ಈ ಹೊಸ ಸಿಟ್ರನ್ ಬಸಾಲ್ಟ್ ಎಸ್‌ಯುವಿ ಕೂಪೆಯ ರೂಪಾಂತರಗಳ ಅನುಗುಣವಾಗಿ ಫೀಚರ್ಸ್ ಗಳ ಮಾಹಿತಿ ಇಲ್ಲಿದೆ.

ಸಿಟ್ರನ್ ಬಸಾಲ್ಟ್ ಯು: ಈ ರೂಪಾಂತರದಲ್ಲಿ ಬಾಡಿ-ಬಣ್ಣದ ಬಂಪರ್, ISOFIX ಚೈಲ್ಡ್ ಸೀಟ್ ಮೌಂಟ್, ಎಲ್ಲಾ ಸೀಟ್‌ಗಳಿಗೆ 3-ಪಾಯಿಂಟ್ ಸೀಟ್ ಬೆಲ್ಟ್, ಮ್ಯಾನ್ಯುವಲ್ AC, ರಿವರ್ಸ್ ಪಾರ್ಕಿಂಗ್ ಸೆನ್ಸರ್‌ಗಳು, ಕ್ರೋಮ್ ಚೆವ್ರಾನ್ ಲೋಗೋ, ರೂಬಿಕ್/ನಿಂಬಸ್ ಫ್ಯಾಬ್ರಿಕ್ ಸಜ್ಜು, ಮುಂಭಾಗದಲ್ಲಿ 12V ಪವರ್ ಸಾಕೆಟ್, ಹಿಲ್ ಹೋಲ್ಡ್ ಫಂಕ್ಷನ್, EBD ಜೊತೆಗೆ ABS, ಇಂಟಿಗ್ರೇಟೆಡ್ ಫ್ರಂಟ್ ಮತ್ತು ರಿಯರ್ ಹೆಡ್‌ರೆಸ್ಟ್‌ಗಳು ಮತ್ತು ಆರು ಏರ್‌ಬ್ಯಾಗ್‌ಗಳನ್ನು ಹೊಂದಿವೆ.

ಸಿಟ್ರನ್ ಬಸಾಲ್ಟ್ ಪ್ಲಸ್: ಈ ರೂಪಾಂತರದಲ್ಲಿ 10.25-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಡೇ/ನೈಟ್ ಐಆರ್‌ವಿಎಂ, ಹೊಂದಾಣಿಕೆಯ ಮುಂಭಾಗ ಮತ್ತು ಹಿಂಭಾಗದ ಹೆಡ್‌ರೆಸ್ಟ್‌ಗಳು, ವೈರ್‌ಲೆಸ್ ಆಪಲ್ ಕಾರ್ಪ್ಲೇ ಮತ್ತು ಆಂಡ್ರಾಯ್ಡ್ ಆಟೋ, ಎಲ್‌ಇಡಿ ಡಿಆರ್‌ಎಲ್‌ಗಳು, ಫ್ರಂಟ್ ಫಾಗ್ ಲ್ಯಾಂಪ್‌ಗಳು (ಟರ್ಬೊ ಮಾತ್ರ) ಮುಂತಾದ ಸಾಧನಗಳನ್ನು ಪಡೆಯುತ್ತದೆ. ಸ್ಯಾಟಿನ್ ಕ್ರೋಮ್ ಇಂಟೀರಿಯರ್ ಡೋರ್ ಹ್ಯಾಂಡಲ್‌ಗಳು, AC ವೆಂಟ್‌ಗಳು ಮತ್ತು ಆಟೋ ಫೋಲ್ಡ್‌ನೊಂದಿಗೆ ಎಲೆಕ್ಟ್ರಿಕ್ ಆಗಿ ಹೊಂದಾಣಿಕೆ ಮಾಡಬಹುದಾದ ORVM ಹೊಂದಿದೆ.

ಇತರ ಮುಖ್ಯಾಂಶಗಳೆಂದರೆ ಫ್ಯಾಬ್ರಿಕ್ ಫ್ರಂಟ್ ಮತ್ತು ರಿಯರ್ ಡೋರ್ ಆರ್ಮ್‌ರೆಸ್ಟ್‌ಗಳು, ಫುಲ್ ವೀಲ್ ಕವರ್‌ಗಳು, ರಿಯರ್ ಎಸಿ ವೆಂಟ್ (ಟರ್ಬೊ ಮಾತ್ರ), ಹೈ ಗ್ಲೋಸ್ ಬ್ಲ್ಯಾಕ್ ಗ್ರಿಲ್, ಫ್ರಂಟ್ ಮತ್ತು ರಿಯರ್ ಸ್ಕಿಡ್ ಪ್ಲೇಟ್‌ಗಳು (ಟರ್ಬೊ ಮಾತ್ರ), ಎಲ್‌ಇಡಿ ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್ (ಟರ್ಬೊ ಮಾತ್ರ), ಅರ್ಬನ್ ಗ್ರೇ ಅಪ್ಹೋಲ್ಸ್ಟರಿ, ಟಿಪಿಎಂಎಸ್ , 4 ಸ್ಪೀಕರ್‌ಗಳು ಮತ್ತು ಐಡಲ್ ಸ್ಟಾರ್ಟ್/ಸ್ಟಾಪ್ (ಟರ್ಬೊ ಮಾತ್ರ) ಹೊಂದಿದೆ.

ಇದರೊಂದಿಗೆ ಮುಂಭಾಗ ಮತ್ತು ಹಿಂಭಾಗದ USB ಚಾರ್ಜರ್, ವೀಲ್ ಆರ್ಚ್ ಕ್ಲಾಡಿಂಗ್, ಸ್ಟೀರಿಂಗ್ ಮೌಂಟೆಡ್ ಕಂಟ್ರೋಲ್‌ಗಳು, ORVM ನಲ್ಲಿ ತಿರುವು ಸೂಚಕಗಳು, ಡ್ಯುಯಲ್-ಟೋನ್ ಕಪ್ಪು ಮತ್ತು ಬೂದು ಡ್ಯಾಶ್‌ಬೋರ್ಡ್, 7-ಇಂಚಿನ ಬಣ್ಣದ ಇನ್ಸ್ ಟ್ರೂಮೆಂಟ್ ಕನ್ಸೋಲ್, ಆಟೋಮ್ಯಾಟಿಕ್ ಕ್ಲೈಮೆಂಟ್ ಕಂಟ್ರೋಲ್ (ಟರ್ಬೊ ಮಾತ್ರ), ಎಲ್ಲಾ 4 ಪವರ್ ವಿಂಡೋಗಳು ಮತ್ತು ಹಿಂದಿನ ಡಿಫಾಗರ್ (ಟರ್ಬೊ ಮಾತ್ರ) ಹೊಂದಿದೆ.

ಸಿಟ್ರನ್ ಬಸಾಲ್ಟ್ ಮ್ಯಾಕ್ಸ್: ಟಾಪ್-ಸ್ಪೆಕ್ ಮ್ಯಾಕ್ಸ್ ಮಾದರಿಯಲ್ಲಿ 16-ಇಂಚಿನ ಡೈಮಂಡ್-ಕಟ್ ಅಲಾಯ್ ವ್ಹೀಲ್ ಗಳು, ಲೆದರ್ ರ್ಯಾಪಿಡ್ ಸ್ಟೀರಿಂಗ್ ವ್ಹೀಲ್, ವೈರ್‌ಲೆಸ್ ಸ್ಮಾರ್ಟ್‌ಫೋನ್ ಚಾರ್ಜರ್, ಶಾರ್ಕ್ ಫಿನ್ ಆಂಟೆನಾ, ಲೆದರ್ ಡೋರ್ ಆರ್ಮ್‌ರೆಸ್ಟ್‌ಗಳು, ಹಿಂದಿನ ಸೀಟ್ ಸ್ಮಾರ್ಟ್ ಟಿಲ್ಟ್ ಕುಶನ್ ಸೇರಿದಂತೆ ಪ್ಲಸ್‌ನಲ್ಲಿರುವ ವೈಶಿಷ್ಟ್ಯಗಳ ಮೇಲೆ ಹೆಚ್ಚಿನ ಸೇರ್ಪಡೆಗಳನ್ನು ಪಡೆಯುತ್ತದೆ.

ಇದರೊಂದಿಗೆ ಈ ಟಾಪ್-ಸ್ಪೆಕ್ ಮಾದರಿಯಲ್ಲಿ ಬಾಡಿ ಸೈಡ್ ಮೋಲ್ಡಿಂಗ್ ಮತ್ತು ಕ್ರೋಮ್ ಇನ್‌ಸರ್ಟ್‌ಗಳು, ಲೆಥೆರೆಟ್ ಸೀಟ್‌ಗಳು, ರೆಕ್ಕೆಯ ಹಿಂಭಾಗದ ಸೀಟ್ ಹೆಡ್‌ರೆಸ್ಟ್, ಡ್ಯುಯಲ್-ಟೋನ್ ರೂಫ್ (ಐಚ್ಛಿಕ), 4+2 ಸ್ಪೀಕರ್ ಮತ್ತು ಟ್ವೀಟರ್, ಬೂಟ್ ಲ್ಯಾಂಪ್, ಫ್ರಂಟ್ ಗ್ರಿಲ್ ಎಂಬೆಲಿಶರ್, 40 ವೈಶಿಷ್ಟ್ಯಗಳೊಂದಿಗೆ ಮೈ ಸಿಟ್ರೊಯೆನ್ ಕನೆಕ್ಟ್ ಮತ್ತು ರಿಯರ್‌ವ್ಯೂ ಕ್ಯಾಮೆರಾವನ್ನ್ನು ಹೊಂದಿದೆ.

ಹೊಸ ಸಿಟ್ರನ್ ಬಸಾಲ್ಟ್ ಮಾದರಿಯಲ್ಲಿ 2 ಎಂಜಿನ್ ಆಯ್ಕೆಗಳನ್ನು ಹೊಂದಿದೆ. ಇದರಲ್ಲಿ ಒಂದು 1.2 ನ್ಯಾಚುರಲ್ ಆಸ್ಪಿರೇಟೆಡ್ ಎಂಜಿನ್ ಆಗಿದ್ದು, ಇದು 82 bhp ಮತ್ತು 115 Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇನ್ನು , 1.2 ಟರ್ಬೊ ಪೆಟ್ರೋಲ್ 3-ಸಿಲಿಂಡರ್ ಎಂಜಿನ್ 109 bhp ಪವರ್ ಅನ್ನು ಉತ್ಪಾದಿಸುತ್ತದೆ. ಇದು ಮ್ಯಾನುವಲ್ 190Nm ಮತ್ತು ಆಟೋಮ್ಯಾಟಿಕ್ 205Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.