IPL ಸೋತರೂ ಭರ್ಜರಿ ಆಫರ್ ಬಾಚಿಕೊಂಡ MS ಧೋನಿ!

ಪ್ರಮುಖ ಫ್ರೆಂಚ್ ವಾಹನ ತಯಾರಕ ಕಂಪನಿಯಾದ ಸಿಟ್ರನ್, ಭಾರತದಲ್ಲಿ ತನ್ನ ಬ್ರಾಂಡ್ ಅಂಬಾಸಿಡರ್ ಆಗಿ ಕ್ರಿಕೆಟ್ ದಿಗ್ಗಜ ಮಹೇಂದ್ರ ಸಿಂಗ್ ಧೋನಿ ಅವರನ್ನು ನೇಮಕ ಮಾಡಿದೆ. ಈ ಸಹಯೋಗವು Citroën ಬ್ರ್ಯಾಂಡ್‌ನ ಭಾರತ ಪ್ರಯಾಣದಲ್ಲಿ ಒಂದು ಮೂಲಾಧಾರವಾಗಲಿದೆ ಎಂದು ಕಂಪನಿ ವಿಶ್ವಾಸ ವ್ಯಕ್ತಪಡಿಸಿದೆ.

ಮಾಜಿ ಟೀಂ ಇಂಡಿಯಾ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರು ಇತ್ತೀಚೆಗೆ ಫೇಸ್‌ಬುಕ್‌ನಲ್ಲಿ ಸಿಟ್ರನ್ ಅಧಿಕೃತ ಪುಟದೊಂದಿಗೆ ಸಂಯೋಜಿಸಿ ಪೋಸ್ಟ್‌ ಒಂದುನ್ನು ಮಾಡಿದ್ದರು. ಐಪಿಎಲ್‌ನಲ್ಲಿ ಸೋತು ಹೊರಬಂದ ನಂತರ "ಜಿಗಿಯುವ ಸಮಯ ಬಂದಿದೆ. ಯಾವುದು ಮುಖ್ಯವೋ ಅದನ್ನು ಮಾಡುವ ಸಮಯ ಬಂದಿದೆ. ನಾನು ನನ್ನ ಸ್ವಂತ ತಂಡವನ್ನು ನಿರ್ಮಿಸಲಿದ್ದೇನೆ'' ಎಂದು ಪೋಸ್ಟ್‌ ಮಾಡಿದ್ದರು. ಇದು ಹಲವರನ್ನು ಗೊಂದಲಗೊಳಿಸಿತ್ತು, ಆದ್ರೆ ಇದು ಸಿಟ್ರನ್‌ನೊಂದಿಗೆ ಪಾಲುದಾರಿಕೆಯ ಪೋಸ್ಟ್‌ ಎಂಬುದು ಈಗ ಸ್ಪಷ್ಟವಾಗಿದೆ. ಧೋನಿಯನ್ನು ಸಿಟ್ರನ್ ಕಂಪನಿಯ ಬ್ರಾಂಡ್ ಅಂಬಾಸಿಡರ್ ಆಗಿ ನೇಮಿಸಲಾಗಿದೆ.

ಈ ಪಾಲುದಾರಿಕೆ ಬಗ್ಗೆ ತಮ್ಮ ಉತ್ಸಾಹವನ್ನು ವ್ಯಕ್ತಪಡಿಸಿದ ಮಹೇಂದ್ರ ಸಿಂಗ್ ಧೋನಿ, "ಉತ್ಸಾಹಭರಿತ ಆಟೋಮೊಬೈಲ್ ಉತ್ಸಾಹಿಯಾಗಿ, ನಾನು ಫ್ರೆಂಚ್ ಐಕಾನಿಕ್ ಬ್ರ್ಯಾಂಡ್ ಸಿಟ್ರನ್ ಜೊತೆ ಸೇರಲು ಉತ್ಸುಕನಾಗಿದ್ದೇನೆ. ಅದರ ನಾವೀನ್ಯತೆ ಮತ್ತು ಎಂಜಿನಿಯರಿಂಗ್ ಪರಾಕ್ರಮಕ್ಕಾಗಿ ಪ್ರಪಂಚದಾದ್ಯಂತ ಹೆಸರುವಾಸಿಯಾಗಿದೆ. ಬ್ರ್ಯಾಂಡ್ ಎಲೆಕ್ಟ್ರಿಕ್ ಮೊಬಿಲಿಟಿ ಮತ್ತು ಸುಸ್ಥಿರ ಪರಿಹಾರಗಳಿಗೆ ನನ್ನ ಬದ್ಧತೆಯನ್ನು ಹಂಚಿಕೊಳ್ಳಲಿದೆ.

ನನ್ನಂತೆಯೇ, ಸಿಟ್ರನ್ ಕಂಪನಿ ಕೂಡ ಮುಖ್ಯವಾದುದನ್ನು ಮಾತ್ರ ಮಾಡುವುದರ ಮೇಲೆ ಕೇಂದ್ರೀಕರಿಸುತ್ತದೆ. ಗ್ರಾಹಕರ ಅಗತ್ಯಗಳನ್ನು ನಿಜವಾಗಿಯೂ ಅರ್ಥಮಾಡಿಕೊಳ್ಳುವ ಮತ್ತು ಅರ್ಥಪೂರ್ಣ ಆವಿಷ್ಕಾರಗಳನ್ನು ಮಾಡುವ ಸಿಟ್ರನ್ ನನ್ನೊಂದಿಗೆ ಆಳವಾಗಿ ಪ್ರತಿಧ್ವನಿಸುತ್ತದೆ. ಬ್ರಾಂಡ್‌ ಕುರಿತ ಹೆಚ್ಚಿನ ಮಾಹಿತಿಯನ್ನು ಶೀಘ್ರದಲ್ಲೇ ಹಂಚಿಕೊಳ್ಳಲಿದ್ದೇವೆ ಎಂದು ಮಹೇಂದ್ರ ಸಿಂಗ್ ಧೋನಿ ಹೇಳಿದ್ದಾರೆ.

ಗ್ರಾಹಕರು ವಾಹನ ಖರೀದಿ ಮಾಡುವಾಗ ಸರಿಯಾದ ಆಯ್ಕೆಗಳನ್ನು ಮಾಡುವಂತೆ ಮಹೇಂದ್ರ ಸಿಂಗ್ ಧೋನಿ ಶೀಘ್ರದಲ್ಲೇ ಸಲಹೆ ನೀಡಲಿದ್ದಾರೆ. ಈ ಸಂಬಂಧ ಸಿಟ್ರನ್ ಮತ್ತು ಧೋನಿ ಪ್ರಮುಖ ಮೌಲ್ಯಗಳನ್ನು ಹಂಚಿಕೊಳ್ಳಲಿದ್ದಾರೆ, ಇದು ಖರೀದಿದಾರರಿಗೆ ನಿಜವಾಗಿಯೂ ಮುಖ್ಯವಾದುದನ್ನು ತಲುಪಿಸುವುದರ ಮೇಲೆ ಕೇಂದ್ರೀಕರಿಸುತ್ತದೆ. ಗ್ರಾಹಕರ ಅಗತ್ಯತೆಗಳ ಬಗ್ಗೆ ಸಿಟ್ರನ್‌ನ ತಿಳುವಳಿಕೆ, ಉತ್ತಮವಾಗಿ ವಿನ್ಯಾಸಗೊಳಿಸಿದ ಕಾರುಗಳು, ಸುಧಾರಿತ ಸೌಕರ್ಯ, ಆಧುನಿಕ ಡಿಸೈನ್ ಮತ್ತು ವಿಶಾಲವಾದ ಒಳಾಂಗಣಗಳನ್ನು ರಚಿಸುವಲ್ಲಿ ನಮ್ಮ ಪರಿಣತಿಯೊಂದಿಗೆ, ಈ ಹಂಚಿಕೆಯ ತತ್ವಶಾಸ್ತ್ರವನ್ನು ಸಂಪೂರ್ಣವಾಗಿ ಪೂರೈಸಲಿದ್ದೇವೆ ಎಂದು ಸಿಟ್ರನ್ ಕಂಪನಿ ಹೇಳಿದೆ.

ಸಿಟ್ರನ್ ಇಂಡಿಯಾದ ಬ್ರಾಂಡ್ ನಿರ್ದೇಶಕ ಶಿಶಿರ್ ಮಿಶ್ರಾ ಮಾತನಾಡಿ, "ಮಹೇಂದ್ರ ಸಿಂಗ್ ಧೋನಿ ಅವರನ್ನು ಸಿಟ್ರನ್ ಕುಟುಂಬಕ್ಕೆ ಸ್ವಾಗತಿಸಲು ನಾವು ತುಂಬಾ ಉತ್ಸುಕರಾಗಿದ್ದೇವೆ. ನಿರಂತರವಾಗಿ ವಿಕಸನಗೊಳ್ಳುವ ಮತ್ತು ಆವಿಷ್ಕರಿಸುವ ಅವರ ಸಾಮರ್ಥ್ಯವು ಭಾರತೀಯ ಇತಿಹಾಸದಲ್ಲಿ ಅತ್ಯಂತ ವಿಶ್ವಾಸಾರ್ಹ ನಾಯಕನನ್ನಾಗಿ ಮಾಡಿದೆ. ಧೋನಿಯೊಂದಿಗಿನ ನಮ್ಮ ಒಡನಾಟವು ಭಾರತೀಯ ಮಾರುಕಟ್ಟೆಗೆ ನಮ್ಮ ಬದ್ಧತೆಯನ್ನು ಬಲಪಡಿಸುವಲ್ಲಿ ಬಹಳ ದೂರ ಕೊಂಡೊಯ್ಯಲಿದೆ ಎಂದರು.

ಧೋನಿ ಅವರು ನಮ್ರತೆ ಮತ್ತು ಉತ್ಕೃಷ್ಟತೆಯ ಸಮರ್ಪಣೆ ನಮ್ಮ ಬ್ರ್ಯಾಂಡ್‌ನ ಸಿದ್ಧಾಂತದೊಂದಿಗೆ ಸಂಪೂರ್ಣವಾಗಿ ಹೊಂದಿಕೊಂಡರೆ, ಇತ್ತ ನಮ್ಮ ಸುಸ್ಥಿರತೆ ಮತ್ತು ಚಲನಶೀಲತೆಯ ಭವಿಷ್ಯವನ್ನು ರೂಪಿಸುವ ನಮ್ಮ ಹಂಚಿಕೆಯ ಬದ್ಧತೆಯು ನಮ್ಮ ಸಂಪರ್ಕವನ್ನು ಬಲಪಡಿಸುತ್ತದೆ. ಮಹೇಂದ್ರ ಸಿಂಗ್ ಧೋನಿ ಅವರು ಸಿಟ್ರನ್‌ನೊಂದಿಗೆ ತಮ್ಮ ಚೊಚ್ಚಲ ಇನ್ನಿಂಗ್ಸ್ (ಜಾಹಿರಾತು)ಅನ್ನು ಶೀಘ್ರದಲ್ಲೇ ಆರಂಭಿಸಲಿದ್ದಾರೆ ಎಂದು ಶಿಶಿರ್ ಮಿಶ್ರಾ ಹೇಳಿದರು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.