'ತಲ' ಅಭಿಮಾನಿಗಳಿಗೆ ಸಿಹಿ ಸುದ್ದಿ... ಕಡಿಮೆ ಬೆಲೆಯ ಧೋನಿ ಎಡಿಷನ್... ಕೇವಲ 100 ಮಂದಿಗೆ ಅವಕಾಶ!

ಜನಪ್ರಿಯ ಕ್ರಿಕೆಟ್ ಆಟಗಾರ ಹಾಗೂ ಮಾಜಿ ಟೀಂ ಇಂಡಿಯಾ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ಅವರ ಹೆಸರಿನ ಮೇಲೆ, ಸಿಟ್ರನ್ ಇಂಡಿಯಾ ತನ್ನ ಜನಪ್ರಿಯ SUV ಆದ C3 ಏರ್‌ಕ್ರಾಸ್‌ನ ವಿಶೇಷ ಆವೃತ್ತಿ (Special edition)ಯನ್ನು ಬಿಡುಗಡೆ ಮಾಡಿದೆ. ಈ 'ಧೋನಿ ಎಡಿಷನ್' (Dhoni Edition) ಸಿಟ್ರನ್ ಕಂಪನಿಯ ಸಾಮಾನ್ಯ ಸ್ಟ್ಯಾಂಡರ್ಡ್‌ C3 ಏರ್‌ಕ್ರಾಸ್‌ಗೆ ಹೋಲಿಸಿಕೊಂಡರೆ ಹಲವು ವಿಶೇಷತೆಗಳನ್ನು ಒಳಗೊಂಡಿದೆ. ಈ ವಿಶೇಷ ಆವೃತ್ತಿಯು ಕೇವಲ 100 ಯೂನಿಟ್‌ಗಳಿಗೆ ಸೀಮಿತವಾಗಿದೆ, ಪ್ರತಿಯೊಂದು ಕಾರನ್ನು ಧೋನಿಯ ಸಾಂಪ್ರದಾಯಿಕ ಶೈಲಿ ಮತ್ತು ವರ್ಚಸ್ಸನ್ನು ಪ್ರತಿಬಿಂಬಿಸುವಂತೆ ರಚಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ.

ಸಿಟ್ರನ್ C3 ಏರ್‌ಕ್ರಾಸ್ ಧೋನಿ ಎಡಿಷನ್ ಕಾರನ್ನು ಕ್ರಿಕೆಟ್ ಉತ್ಸಾಹಿಗಳಿಗೆ ಮತ್ತು ಆಟೋಮೋಟಿವ್ ಅಭಿಮಾನಿಗಳಿಗಾಗಿ ಪ್ರತ್ಯೇಕವಾಗಿ ಡಿಸೈನ್ ಮಾಡಲಾಗಿದ್ದು, ಕಸ್ಟಮ್ ಅಕ್ಸೆಸೊರಿಗಳು ಮತ್ತು ವಿಶೇಷ ಡಿಸೈನ್ ಎಲಿಮೆಂಟ್‌ಗಳನ್ನು ಒಳಗೊಂಡಿದೆ. ಪ್ರತಿಯೊಂದು ವಾಹನವು ಧೋನಿ ಡಿಕಾಲ್, ಕಲರ್ ಕೋಆರ್ಡಿನೇಟೆಡ್ ಸೀಟ್ ಕವರ್‌ಗಳು ಮತ್ತು ಕುಶನ್, ಸೀಟ್ ಬೆಲ್ಟ್ ಕುಶನ್, ಇಲ್ಯುಮಿನೇಟೆಡ್ ಸಿಲ್ ಪ್ಲೇಟ್‌ಗಳು ಮತ್ತು ಫ್ರಂಟ್ ಡ್ಯಾಶ್‌ಕ್ಯಾಮ್‌ಗಳನ್ನು ಹೊಂದಿದೆ.

ಹೆಚ್ಚುವರಿಯಾಗಿ, ಪ್ರತಿ ಸಿಟ್ರನ್ C3 ಏರ್‌ಕ್ರಾಸ್ ಧೋನಿ ಎಡಿಷನ್‌ನ ಗ್ಲೋವ್ ಬಾಕ್ಸ್‌ನಲ್ಲಿ ವಿಶೇಷ ಧೋನಿ ಗುರುತುಗಳನ್ನು ನೀಡಲಾಗಿದೆ. ಕ್ರಿಕೆಟ್ ಅಭಿಮಾನಿಗಳನ್ನು ಹುರಿದುಂಬಿಸಲು ಈ 100 ಕಾರುಗಳಲ್ಲಿನ ಒಂದರಲ್ಲಿ ಧೋನಿ ಅವರ ಸಹಿ ಮಾಡಿದ ಕೈಗವಸುಗಳನ್ನು ನೀಡಲಾಗಿದೆ. ಇದು ಖರೀದಿದಾರರಿಗೆ ಆಶ್ಚರ್ಯ ಮತ್ತು ಉತ್ಸಾಹವನ್ನು ನೀಡಲು ಪ್ಲಾನ್ ಮಾಡಿರುವುದಾಗಿ ಕಂಪನಿ ಹೇಳಿದೆ.

ಸಿಟ್ರನ್ C3 ಏರ್‌ಕ್ರಾಸ್ ಧೋನಿ ಎಡಿಷನ್ ಭಾರತದಾದ್ಯಂತ ಸಿಟ್ರನ್ ಡೀಲರ್‌ಶಿಪ್‌ಗಳಲ್ಲಿ ಇಂದಿನಿಂದ ಬುಕಿಂಗ್‌ಗೆ ಲಭ್ಯವಿರಲಿದೆ. ರೂ. 11.82 ಲಕ್ಷದಿಂದ (ಎಕ್ಸ್‌ ಶೋರೂಂ) ಇದರ ಬೆಲೆ ಪ್ರಾರಂಭವಾಗುತ್ತದೆ. ಇದರ ಜೊತೆಗೆ ಸಾಮಾನ್ಯ ಸ್ಟ್ಯಾಂಡರ್ಡ್ ಸಿಟ್ರನ್ C3 ಏರ್‌ಕ್ರಾಸ್ ಬೆಲೆಯು 8.99 ಲಕ್ಷದಿಂದ (ಎಕ್ಸ್‌ ಶೋರೂಂ) ಪ್ರಾರಂಭವಾಗುತ್ತದೆ.

ಸಿಟ್ರನ್ ಇಂಡಿಯಾದ ಬ್ರ್ಯಾಂಡ್ ಡೈರೆಕ್ಟರ್ ಶಿಶಿರ್ ಮಿಶ್ರಾ ಅವರು ಹೊಸ ಧೋನಿ ಎಡಿಷನ್ ಬಿಡುಗಡೆಯ ಬಗ್ಗೆ ತಮ್ಮ ಉತ್ಸಾಹವನ್ನು ವ್ಯಕ್ತಪಡಿಸಿದ್ದಾರೆ. ಸಿ3 ಏರ್‌ಕ್ರಾಸ್‌ನ ವಿಶೇಷವಾದ 'ಧೋನಿ ಎಡಿಷನ್' ಅನ್ನು ಅನಾವರಣಗೊಳಿಸಲು ನಾವು ರೋಮಾಂಚನಗೊಂಡಿದ್ದೇವೆ, ಇದು ಕೇವಲ 100 ಯುನಿಟ್‌ಗಳ ಸೀಮಿತ ಓಟದಲ್ಲಿ ಲಭ್ಯವಿದೆ ಎಂದರು.

ನಮ್ಮ ಬ್ರಾಂಡ್ ಅಂಬಾಸಿಡರ್ ಧೋನಿ ಅವರು ಸ್ಥಿತಿಸ್ಥಾಪಕತ್ವ, ನಾಯಕತ್ವ ಮತ್ತು ಶ್ರೇಷ್ಠತೆಯನ್ನು ಪ್ರತಿಪಾದಿಸುತ್ತಾರೆ. ಅತ್ಯುತ್ತಮ ಅನುಭವಗಳನ್ನು ನೀಡುವಲ್ಲಿ ಸಿಟ್ರನ್‌ನ ಸಮರ್ಪಣೆಯೊಂದಿಗೆ ಸಂಪೂರ್ಣವಾಗಿ ಹೊಂದಿಕೊಳ್ಳುವ ಗುಣಗಳು ನಮ್ಮ ಬ್ರಾಂಡ್‌ಗಿದೆ. ಈ ಅಪರೂಪದ, ಸೀಮಿತ ಆವೃತ್ತಿಯು ಧೋನಿಯ ಪೌರಾಣಿಕ ಪ್ರಯಾಣಕ್ಕೆ ಒಂದು ಅನನ್ಯ ಗೌರವವಾಗಿದೆ ಎಂದರು.

ಸಿಟ್ರನ್ ಕಂಪನಿಯು ಆಟೋಮೋಟಿವ್ ಇತಿಹಾಸದ ತುಣುಕನ್ನು ಹೊಂದಲು ಅಭಿಮಾನಿಗಳಿಗೆ ಸಾಟಿಯಿಲ್ಲದ ಅವಕಾಶವನ್ನು ನೀಡುತ್ತಿದೆ. ಈ ಅಸಾಧಾರಣ ಸಹಯೋಗವನ್ನು ಅನುಭವಿಸುವ ಕೆಲವರಲ್ಲಿ ಒಬ್ಬರಾಗಲು ನಿಮ್ಮ ಅವಕಾಶವನ್ನು ಕಳೆದುಕೊಳ್ಳಬೇಡಿ ಎಂದು ಸಿಟ್ರನ್ ಕಂಪನಿ ಧೋನಿ ಅಭಿಮಾನಿಗಳಿಗೆ ಕರೆ ನೀಡಿದೆ. ಈ ಹೊಸ ಧೋನಿ ಎಡಿಷನ್ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ಕಮೆಂಟ್‌ನಲ್ಲಿ ತಿಳಿಸಿ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.