ಅಚ್ಚರಿಯ ಮಾಹಿತಿ ಸೋರಿಕೆ... ಜನವರಿ 1 ರಿಂದ ಊಹಿಸದ ಟ್ವಿಸ್ಟ್ ಕೊಡಲಿದೆ ಕಿಯಾ ಕಂಪನಿ!

ಪ್ರಮುಖ ಕಾರು ತಯಾರಕ ಕಂಪನಿಯಾದ ಕಿಯಾ ಇಂಡಿಯಾ ತನ್ನ ಸಂಪೂರ್ಣ ಕಾರು ಶ್ರೇಣಿಯಾದ್ಯಂತ ಶೇ2 ವರೆಗೆ ಬೆಲೆ ಏರಿಕೆಯನ್ನು ಘೋಷಿಸಿದೆ. ಈ ಬೆಲೆ ಏರಿಕೆಯು ಜನವರಿ 1, 2025 ರಿಂದ ಅನ್ವಯವಾಗುತ್ತದೆ. ಭಾರತದಲ್ಲಿ ಉತ್ತಮ ಮಾರಾಟದೊಂದಿಗೆ ಮುನ್ನುಗ್ಗುತ್ತಿರುವ ಕಿಯಾ ಕಂಪನಿಯು ಪ್ರಾಥಮಿಕವಾಗಿ ಹೆಚ್ಚುತ್ತಿರುವ ಸರಕುಗಳ ಬೆಲೆಗಳು ಮತ್ತು ಹೆಚ್ಚುತ್ತಿರುವ ಪೂರೈಕೆ ಸರಪಳಿ ಸಂಬಂಧಿತ ವೆಚ್ಚಗಳ ಕಾರಣದಿಂದಾಗಿದೆ ಈ ಬೆಲೆ ಏರಿಕೆಯನ್ನು ಘೋಷಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ. ಈ ಕುರಿತ ಹೆಚ್ಚಿನ ಮಾಹಿತಿ ಇಲ್ಲಿದೆ.

ಕಿಯಾ ಇಂಡಿಯಾದ ಸೇಲ್ಸ್ ಮತ್ತು ಮಾರ್ಕೆಟಿಂಗ್‌ನ ಸೀನಿಯರ್ ಉಪಾಧ್ಯಕ್ಷ ಹರ್ದೀಪ್ ಸಿಂಗ್ ಬ್ರಾರ್ ಬೆಲೆ ಹೊಂದಾಣಿಕೆಯ ಕುರಿತು ಪ್ರತಿಕ್ರಿಯಿಸಿ, "ಕಿಯಾದಲ್ಲಿ, ನಮ್ಮ ಮೌಲ್ಯಯುತ ಗ್ರಾಹಕರಿಗೆ ಅತ್ಯುನ್ನತ ಗುಣಮಟ್ಟದ ಅಸಾಧಾರಣ, ತಾಂತ್ರಿಕವಾಗಿ ಸುಧಾರಿತ ವಾಹನಗಳನ್ನು ತಲುಪಿಸಲು ನಾವು ಬದ್ಧರಾಗಿದ್ದೇವೆ. ಆದರೆ ಸರಕುಗಳ ಬೆಲೆಗಳಲ್ಲಿನ ನಿರಂತರ ಏರಿಕೆಯು ನಮ್ಮ ಈ ನಿರ್ಧಾರಕ್ಕೆ ಕಾರಣವಾಗಿದೆ.

ಇದು ಮಾತ್ರವಲ್ಲದೇ ಪ್ರತಿಕೂಲವಾದ ವಿನಿಮಯ ದರಗಳು ಮತ್ತು ಹೆಚ್ಚಿನ ಇನ್‌ಪುಟ್ ವೆಚ್ಚಗಳ ಕಾರಣದಿಂದಾಗಿ, ಅಗತ್ಯ ಬೆಲೆ ಹೊಂದಾಣಿಕೆಯು ಅನಿವಾರ್ಯವಾಗಿದೆ. ಈ ಸವಾಲುಗಳ ಹೊರತಾಗಿಯೂ, ಕಿಯಾವು ವೆಚ್ಚದ ಹೆಚ್ಚಳದ ಗಮನಾರ್ಹ ಭಾಗವನ್ನು ತಾನೇ ಭರಿಸುತ್ತಿದ್ದು, ನಮ್ಮ ಗ್ರಾಹಕರ ಮೇಲೆ ಆರ್ಥಿಕ ಪರಿಣಾಮವನ್ನು ಕಡಿಮೆ ಮಾಡಿದೆ. ಆದ್ದರಿಂದ ಗ್ರಾಹಕರು ತಮ್ಮ ನೆಚ್ಚಿನ ಕಿಯಾ ವಾಹನಗಳನ್ನು ಹೆಚ್ಚಿನ ಹೊರೆಯಿಲ್ಲದೆ ಖರೀದಿಸಬಹುದು ಎಂದಿದ್ದಾರೆ.

ಕಿಯಾ ಇಲ್ಲಿಯವರೆಗೆ ಭಾರತ ಮತ್ತು ಅಂತರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ 1.6 ಮಿಲಿಯನ್ ಯುನಿಟ್‌ ಕಾರುಗಳನ್ನು ಮಾರಾಟ ಮಾಡಿದೆ. ಉತ್ತಮ ಮಾರಾಟದ ಸೆಲ್ಟೋಸ್ ಇಲ್ಲಿಯವರೆಗೆ 6,70,000 ಯೂನಿಟ್ ಮಾರಾಟವನ್ನು ಮೀರಿದೆ. ನಂತರ 4,80,000 ಯುನಿಟ್‌ಗಳೊಂದಿಗೆ ಸೋನೆಟ್, 2,14,400 ಯುನಿಟ್‌ಗಳೊಂದಿಗೆ ಕ್ಯಾರೆನ್ಸ್ ಮತ್ತು 15,000 ಕ್ಕೂ ಹೆಚ್ಚು ಯುನಿಟ್‌ಗಳ ಮಾರಾಟದೊಂದಿಗೆ ಕಾರ್ನಿವಲ್ ಇದೆ.

ಇಲ್ಲಿಯವರೆಗೆ, ಕಿಯಾ ಇಂಡಿಯಾ ಭಾರತೀಯ ಮಾರುಕಟ್ಟೆಗೆ ಐದು ವಾಹನಗಳನ್ನು ಪರಿಚಯಿಸಿದೆ. ಅವುಗಳೆಂದರೆ ಸೆಲ್ಟೋಸ್, ಕಾರ್ನಿವಲ್, ಸೋನೆಟ್, ಕ್ಯಾರೆನ್ಸ್ ಮತ್ತು EV6. ಕಿಯಾ ಇಂಡಿಯಾ ತನ್ನ ಅನಂತಪುರ ಸ್ಥಾವರದಿಂದ ಸುಮಾರು 1.6 ಮಿಲಿಯನ್ ವಾಹನ ರವಾನೆಗಳನ್ನು ಪೂರ್ಣಗೊಳಿಸಿದೆ, ಇದರಲ್ಲಿ 1.2 ಮಿಲಿಯನ್ ದೇಶೀಯ ಮಾರಾಟ ಮತ್ತು 3.67 ಲಕ್ಷ ರಫ್ತುಗಳು ಸೇರಿವೆ.

ಭಾರತೀಯ ರಸ್ತೆಗಳಲ್ಲಿ 4.5 ಲಕ್ಷಕ್ಕೂ ಹೆಚ್ಚು ಸಂಪರ್ಕಿತ ಕಿಯಾ ಕಾರುಗಳೊಂದಿಗೆ, ಇದು ದೇಶದ ಅತ್ಯುತ್ತಮ ಸಂಪರ್ಕಿತ ಕಾರ್‌ಗಳಲ್ಲಿ ತನ್ನನ್ನು ತಾನು ಗುರ್ತಿಸಿಕೊಂಡಿದೆ. ಬ್ರ್ಯಾಂಡ್ 300 ನಗರಗಳಲ್ಲಿ 675 ಟಚ್‌ಪಾಯಿಂಟ್‌ಗಳ ವ್ಯಾಪಕ ನೆಟ್‌ವರ್ಕ್ ಅನ್ನು ಹೊಂದಿದ್ದು, ದೇಶಾದ್ಯಂತ ತನ್ನ ಹೆಜ್ಜೆಗುರುತುಗಳನ್ನು ಬಲಪಡಿಸುವತ್ತ ಗಮನಹರಿಸುತ್ತಿರುವುದಾಗಿ ಹೇಳಿಕೊಂಡಿದೆ.

ಕಿಯಾ ಹೊಸ ಎಸ್‌ಯುವಿ: ಕಿಯಾದ ಮುಂಬರಲಿರುವ ಹೊಸ SUV ಅದರ ವಿಕಸನಗೊಂಡ ವಿನ್ಯಾಸ, 2.0 ತಂತ್ರಜ್ಞಾನ, ಸುರಕ್ಷತೆಯಲ್ಲಿ ಉನ್ನತ ಮಟ್ಟದ ಪ್ರಗತಿಯೊಂದಿಗೆ ನಿರ್ಮಾಣಗೊಳ್ಳಲಿದೆ. ವಾಹನವು ಫ್ಯೂಚರಿಸ್ಟಿಕ್ ಡಿಸೈನ್ ಮತ್ತು EV9, ಕಾರ್ನಿವಲ್ ಲಿಮೋಸಿನ್ ಎರಡರಿಂದಲೂ ಪ್ರೇರಿತವಾದ ಆಧುನಿಕ ವಿನ್ಯಾಸವನ್ನು ಒಳಗೊಂಡಿದೆ ಎಂದು ಕಿಯಾ ಹೇಳಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.