ಕಿಯಾ ಗ್ರಾಹಕರಿಗೆ ಸಿಹಿಸುದ್ದಿ: ಉಚಿತ ಕಾರ್ ಚೆಕ್-ಅಪ್ ಜೊತೆಗೆ ಹಲವು ಪ್ರಯೋಜನಗಳು!

ಕಿಯಾ ಇಂಡಿಯಾ' ರಾಷ್ಟ್ರೀಯವಾಗಿ ಎಲ್ಲಾ ಅಧಿಕೃತ ಕಿಯಾ ಸೇವಾ ಮಳಿಗೆಗಳಲ್ಲಿ (Kia service outlets) ಮಾಲೀಕತ್ವ ಸೇವಾ ಶಿಬಿರವನ್ನು ಆಯೋಜಿಸಲು ಸಜ್ಜಾಗಿದೆ. ಈ ಸೇವಾ ಶಿಬಿರ ಜೂನ್ 27 ರಿಂದ ಜುಲೈ 3ರ ನಡುವೆ ನಡೆಯಲಿದೆ. ಕಂಪನಿಯೊಂದಿಗೆ ಗ್ರಾಹಕರ ತೊಡಗಿಸಿಕೊಳ್ಳುವಿಕೆಯನ್ನು ಹೆಚ್ಚಿಸಲು, ಮಾರಾಟದ ನಂತರದ ಸೇವೆಗಳನ್ನು ಉತ್ತೇಜಿಸಲು ಮತ್ತು Kia ವಾಹನ ಮಾಲೀಕರೊಂದಿಗೆ ಬಲವಾದ ಸಂಬಂಧವನ್ನು ನಿರ್ಮಿಸುವ ಗುರಿಯನ್ನು ಹೊಂದಿರುವುದಾಗಿ ಕಿಯಾ ಹೇಳಿಕೊಂಡಿದೆ. ಕಿಯಾ ಕಾರುಗಳ ಮಾಲೀಕತ್ವ ಸೇವಾ ಶಿಬಿರದ ಕುರಿತ ಹೆಚ್ಚಿನ ಮಾಹಿತಿಯನ್ನು ಇಲ್ಲಿ ನೋಡೋಣ.

ಶಿಬಿರದ ಸಮಯದಲ್ಲಿ, ಗ್ರಾಹಕರು ತಮ್ಮ ವಾಹನಗಳ ಅತ್ಯುತ್ತಮ ಪರ್ಫಾಮೆನ್ಸ್ ಮತ್ತು ಬಾಳಿಕೆಯನ್ನು ಖಚಿತಪಡಿಸಿಕೊಳ್ಳಲು ವಿಶೇಷ ಸೇವೆಗಳ ಶ್ರೇಣಿಯಿಂದ ಪ್ರಯೋಜನ ಪಡೆಯಬಹುದು. ಇವುಗಳಲ್ಲಿ ವಾಹನದ ಹೊರಭಾಗ, ಒಳಭಾಗ, ಇಂಜಿನ್ ಬೇ, ಅಂಡರ್‌ಬಾಡಿ ಮತ್ತು ರಸ್ತೆ ಪರೀಕ್ಷೆಗಳಂತಹ ನಿರ್ಣಾಯಕ ಪ್ರದೇಶಗಳನ್ನು ಒಳಗೊಂಡಿರುವ 36-ಪಾಯಿಂಟ್ ತಪಾಸಣೆಗಳು ಸೇರಿವೆ.

ಗ್ರಾಹಕರು ದೀರ್ಘಾವಧಿಯ ನಿರ್ವಹಣೆಗಾಗಿ ಪೂರಕವಾದ AC ಸೋಂಕುನಿವಾರಕ (AC disinfectant) ಮತ್ತು ಕಾರ್ ವಾಶ್ ಸೇವೆಯನ್ನು ಸಹ ಪಡೆಯಬಹುದು. ಉಚಿತ ಕಾರ್ ಚೆಕ್-ಅಪ್ ಮತ್ತು ವಾಶ್ ಜೊತೆಗೆ, ಕಾರ್ ಕೇರ್ ಸೇವೆಗಳಲ್ಲಿ ಶೇ20 ರಷ್ಟು ರಿಯಾಯಿತಿ, ರಿಟೇಲ್ ರೋಡ್ ಸೈಡ್ ಅಸಿಸ್ಟೆನ್ಸ್ (RSA) ಯೋಜನೆಗಳಲ್ಲಿ ಶೇ10 ರಷ್ಟು ರಿಯಾಯಿತಿ ಸೇರಿದಂತೆ ವಿವಿಧ ಮಾರಾಟದ ನಂತರದ ಉಪಕ್ರಮಗಳ ಮೇಲೆ ಕಿಯಾ ರಿಯಾಯಿತಿಗಳನ್ನು ನೀಡಲಿದೆ.

ಸೇವಾ ಶಿಬಿರಗಳು ಕಿಯಾದ ಅತ್ಯಾಧುನಿಕ ವಾಹನ ತಂತ್ರಜ್ಞಾನ, ಚಾಲನಾ ಸಲಹೆಗಳು, ವಾಹನ ನಿರ್ವಹಣೆಗಾಗಿ ಮಾಡಬೇಕಾದ ಮತ್ತು ಮಾಡಬಾರದಂತಹವುಗಳು, ಬಳಸಿದ ಕಾರು ಬೆಲೆಗಳ ಉಚಿತ ಮೌಲ್ಯಮಾಪನ ಮತ್ತು ಕಿಯಾ ವಿನಿಮಯ ಸೇವೆಯ ಕುರಿತು ಸಂವಾದಾತ್ಮಕ ಚರ್ಚೆಗಳನ್ನು ಒಳಗೊಂಡಿರುತ್ತದೆ ಎಂದು ಕಿಯಾ ಇಂಡಿಯಾ ತಿಳಿಸಿದೆ.

ಕಿಯಾ ಇಂಡಿಯಾದ ಮುಖ್ಯ ಮಾರಾಟ ಅಧಿಕಾರಿ ಮ್ಯುಂಗ್-ಸಿಕ್ ಸೋಹ್ನ್ ಮಾತನಾಡಿ, ಸುಸ್ಥಿರ ಬ್ರ್ಯಾಂಡ್ ಅನ್ನು ನಿರ್ಮಿಸಲು ಗ್ರಾಹಕರ ತೃಪ್ತಿ ಅತ್ಯಂತ ಮುಖ್ಯವಾಗಿದೆ. ಈ ಸೇವಾ ಶಿಬಿರಗಳೊಂದಿಗೆ ನಮ್ಮ ಗ್ರಾಹಕರು ತಮ್ಮ ಮಾಲೀಕತ್ವದ ಪ್ರಯಾಣದ ಉದ್ದಕ್ಕೂ ಹೆಚ್ಚಿನ ಮಟ್ಟದ ಸುರಕ್ಷತೆ, ಸೌಕರ್ಯ ಮತ್ತು ಅನುಕೂಲತೆಯನ್ನು ಆನಂದಿಸುವುದನ್ನು ಖಚಿತಪಡಿಸಿಕೊಳ್ಳಲು ನಾವು ಬದ್ಧರಾಗಿದ್ದೇವೆ ಎಂದರು.

2,50,000 ವಾಹನಗಳ ರಫ್ತು: ಕಿಯಾ ಇಂಡಿಯಾ ಇತ್ತೀಚೆಗೆ 2,50,000 ವಾಹನಗಳನ್ನು ಇತರ ದೇಶಗಳಿಗೆ ರಫ್ತು ಮಾಡುವ ಮೂಲಕ ಮಹತ್ವದ ಮೈಲಿಗಲ್ಲನ್ನು ಸಾಧಿಸಿದೆ. 2019 ರಿಂದ, ಕಂಪನಿಯು ತನ್ನ ಆಂಧ್ರಪ್ರದೇಶದ ಅನಂತಪುರ ಉತ್ಪಾದನಾ ಸೌಲಭ್ಯದಿಂದ 100ಕ್ಕೂ ಹೆಚ್ಚು ಮಾರುಕಟ್ಟೆಗಳಿಗೆ ಅಂತರಾಷ್ಟ್ರೀಯವಾಗಿ 2,55,133 ಕಾರುಗಳನ್ನು ರವಾನಿಸಿರುವುದಾಗಿ ಹೇಳಿದೆ.

ಇದರಲ್ಲಿ ಸೆಲ್ಟೋಸ್ ಹೆಚ್ಚು ರಫ್ತಾಗಿದ್ದು, ಕಂಪನಿಯ ಒಟ್ಟಾರೆ ಸಾಗರೋತ್ತರ ರವಾನೆಗಳಲ್ಲಿ ಶೇ59 ಪಾಲನ್ನು ಹೊಂದಿದೆ. ನಂತರ Kia ನ ಇತರ ಕಾರುಗಳಾದ Sonet ಮತ್ತು Carens ಕ್ರಮವಾಗಿ ಶೇ34 ಮತ್ತು ಶೇ7 ರಷ್ಟು ಪಾಲನ್ನು ಹೊಂದುವ ಮೂಲಕ ಎರಡು ಮತ್ತು ಮೂರನೇ ಸ್ಥಾನಗಳಲ್ಲಿವೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋ ಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.