ಮಹೀಂದ್ರಾ XUV700ನ ಹೊಸ ವೇರಿಯೆಂಟ್ ಬಿಡುಗಡೆ: ಕಡಿಮೆ ಬೆಲೆಗೆ ಐಷಾರಾಮಿ ಫೀಚರ್ಸ್

ಭಾರತದ ಪ್ರಮುಖ SUV ತಯಾರಕರಾದ ಮಹೀಂದ್ರಾ, ಇಂದು ತನ್ನ ಜನಪ್ರಿಯ XUV700ನ ಹೊಸ AX5 ಸೆಲೆಕ್ಟ್ (AX5 S) ವೇರಿಯೆಂಟ್ ಅನ್ನು ಬಿಡುಗಡೆ ಮಾಡಿದೆ. ಇದರ ಬೆಲೆಯು ರೂ. 16.89 ಲಕ್ಷದಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗುತ್ತದೆ. ಹೊಸ ವೇರಿಯೆಂಟ್ ಕುರಿತ ಹೆಚ್ಚಿನ ವಿವರಗಳನ್ನು ಇಲ್ಲಿ ನೋಡೋಣ.

ಈ ಹೊಸ ರೂಪಾಂತರವು ಆಕರ್ಷಕ ಬೆಲೆಯಲ್ಲಿ ಪ್ರೀಮಿಯಂ ವೈಶಿಷ್ಟ್ಯಗಳನ್ನು ನೀಡುವ ಮೂಲಕ ಗ್ರಾಹಕರಿಗೆ ಐಷಾರಾಮಿ ಅನುಭವವನ್ನು ನೀಡುವ ಗುರಿಯನ್ನು ಹೊಂದಿರುವುದಾಗಿ ಕಂಪನಿ ತಿಳಿಸಿದೆ. ಈ ಹೊಸ ವೇರಿಯೆಂಟ್ ಅನ್ನು ಗ್ರಾಹಕರಲ್ಲಿ ಹೆಚ್ಚು ಜನಪ್ರಿಯವಾಗಿಸಲು, AX5 ಸೆಲೆಕ್ಟ್ ಕುರಿತು ಹೊಸ ಅಭಿಯಾನವನ್ನು ಪ್ರಾರಂಭಿಸಲಾಗುತ್ತಿದೆ.

"ಫಾಸ್ಟ್ ಫಾರ್ವರ್ಡ್ ಟು ದಿ ಬಿಗ್ ಲೀಗ್" ಎಂಬ ಅಡಿಬರಹದೊಂದಿಗೆ, ಈ ಅಭಿಯಾನವು AX5 ಸೆಲೆಕ್ಟ್ ನೀಡುವ ಮೌಲ್ಯ ಮತ್ತು ವೈಶಿಷ್ಟ್ಯಗಳಲ್ಲಿ ಗಮನಾರ್ಹ ಏರಿಕೆಯನ್ನು ಒತ್ತಿಹೇಳುತ್ತದೆ. ಇದು ಕಡಿಮೆ ಬೆಲೆಯಲ್ಲಿ ಐಷಾರಾಮಿ ಅನುಭವ ನೀಡುವ ದೇಶೀಯ ಕಾರು ಎಂದು ಗ್ರಾಹಕರಿಗೆ ಹತ್ತಿರವಾಗಿಸಲಾಗುವುದು ಎಂದು ಕಂಪನಿ ಹೇಳಿದೆ.

ಹೊಸ ಮಹೀಂದ್ರಾ XUV700 AX5 ಸೆಲೆಕ್ಟ್ ವೇರಿಯೆಂಟ್ ವೈಶಿಷ್ಟ್ಯಗಳು: ಈ ರೂಪಾಂತರವು ಸ್ಕೈರೂಫ್, ಡ್ಯುಯಲ್ 26.03cm HD ಸೂಪರ್‌ಸ್ಕ್ರೀನ್, ಪುಶ್-ಬಟನ್ ಸ್ಟಾರ್ಟ್/ಸ್ಟಾಪ್, ಮತ್ತು ರೂಮಿ 7 - ಸೀಟರ್ ಕಾನ್ಫಿಗರೇಶನ್ ಸೇರಿದಂತೆ ವೈಶಿಷ್ಟ್ಯಗಳ ಪ್ರಭಾವಶಾಲಿ ಶ್ರೇಣಿಯನ್ನು ನೀಡುತ್ತದೆ ಎಂದು ಮಹೀಂದ್ರಾ ತಿಳಿಸಿದೆ.

ಈ ವೈಶಿಷ್ಟ್ಯಗಳು, ಸಾಮಾನ್ಯವಾಗಿ ಉನ್ನತ - ಮಟ್ಟದ ಮಾದರಿಗಳೊಂದಿಗೆ ಸಂಬಂಧಿಸಿರುತ್ತವೆ. ಹೆಚ್ಚು ಕೈಗೆಟುಕುವ ಬೆಲೆಯಲ್ಲಿ ಐಷಾರಾಮಿ ವೈಶಿಷ್ಟ್ಯಗಳನ್ನು ಹುಡುಕುತ್ತಿರುವ ಗ್ರಾಹಕರಿಗೆ AX5 ಅತ್ಯುತ್ತಮ ಆಯ್ಕೆಯಾಗಿದೆ. ತಮ್ಮ ಬಜೆಟ್ ಅನ್ನು ಹಿಗ್ಗಿಸದೆ ಐಷಾರಾಮಿ ವಾಹನವನ್ನು ಹೊಂದಲು ಬಯಸುವ ಮುಂದಿನ ಪೀಳಿಗೆಯ ಯುವಕರಿಗೆ ಪರಿಪೂರ್ಣ ಆಯ್ಕೆಯಾಗಿದೆ ಎಂದು ಕಂಪನಿ ಭರವಸೆ ನೀಡಿದೆ.

ಹೊಸ ಮಹೀಂದ್ರಾ XUV700 AX5 ಸೆಲೆಕ್ಟ್ ವೇರಿಯೆಂಟ್ ಐಷಾರಾಮಿ, ಕಾರ್ಯಕ್ಷಮತೆ ಮತ್ತು ಕೈಗೆಟುಕುವಿಕೆಯ ಸಾಟಿಯಿಲ್ಲದ ಮಿಶ್ರಣವನ್ನು ಪ್ರತಿನಿಧಿಸುತ್ತದೆ. ಅಲ್ಲದೇ ಈ ಹಿಂದಿದ್ದ ಧೀರ್ಘ ಕಾಯುವ ಅವಧಿಯನ್ನು ಕಡಿಮೆ ಮಾಡಲು ಮಹೀಂದ್ರಾ ತನ್ನ ಉತ್ಪಾದನಾ ಸಾಮರ್ಥ್ಯವನ್ನು ಗಮನಾರ್ಹವಾಗಿ ಹೆಚ್ಚಿಸಿದೆ. ರೂಪಾಂತರವನ್ನು ಆಧರಿಸಿ ನಾಲ್ಕರಿಂದ ಎಂಟು ವಾರಗಳಲ್ಲಿ ವಾಹನವನ್ನು ವಿತರಣೆ ಪಡೆಯಬಹುದಾಗಿದೆ.

ಮಹೀಂದ್ರಾ ತಾಜಾ ಕೊಡುಗೆಗಳೊಂದಿಗೆ ಹೊಸತನವನ್ನು ಮುಂದುವರೆಸಿದೆ, ಗ್ರಾಹಕರ ವಿಕಸನದ ಅಗತ್ಯಗಳನ್ನು ಪೂರೈಸಲು ಸತತವಾಗಿ ಅನೇಕ ರೂಪಾಂತರಗಳನ್ನು ಪರಿಚಯಿಸುತ್ತಿದೆ. ಇತ್ತೀಚಿನ ಹೊಸ ಬಿಡುಗಡೆಗಳಾದ MX ರೂಪಾಂತರದಲ್ಲಿ 7-ಆಸನಗಳು ಮತ್ತು AX7L ಟ್ರಿಮ್‌ನಲ್ಲಿನ ಸೀಮಿತ ಬ್ಲೇಜ್ ಆವೃತ್ತಿಯನ್ನು ಒಳಗೊಂಡಿವೆ. ಬ್ಲೇಜ್ ರೆಡ್ ಬಣ್ಣ, ಡ್ಯುಯಲ್-ಟೋನ್ ಕಪ್ಪು ಬಾಹ್ಯ ಅಂಶಗಳು ಮತ್ತು ರೆಡ್ ಅಕ್ಸೆಂಟ್‌ಗಳೊಂದಿಗೆ ಸಂಪೂರ್ಣ ಕಪ್ಪು ಒಳಭಾಗವು ಆಕರ್ಷಕ ಮತ್ತು ವಿಶಿಷ್ಟ ನೋಟವನ್ನು ನೀಡುತ್ತದೆ.

ಮಹೀಂದ್ರಾ XUV700 2022 ರಲ್ಲಿ ಬಿಡುಗಡೆಯಾದಾಗಿನಿಂದ ದಕ್ಷಿಣ ಆಫ್ರಿಕಾ, ಆಸ್ಟ್ರೇಲಿಯಾ, ನೇಪಾಳ ಮತ್ತು ನ್ಯೂಜಿಲೆಂಡ್‌ನಂತಹ ಮಹೀಂದ್ರಾದ ಅಂತರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಉತ್ತಮವಾಗಿ ಸ್ವೀಕರಿಸಲ್ಪಟ್ಟಿದೆ. ಇದು ನಿಜವಾದ ಜಾಗತಿಕ SUV ಆಗಿದ್ದು, ದೇಶೀಯ ಬ್ರಾಂಡ್‌ನ ಕಾರು ಅಂತರಾಷ್ಟ್ರೀಯ ಮಟ್ಟದಲ್ಲಿ ಸದ್ದು ಮಾಡುತ್ತಿರುವುದು ಕಂಪನಿಗೆ ಒಳ್ಳೆಯ ಬೆಳವಣಿಯಾಗಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.