ಗ್ಯಾಂಗ್ ಕಟ್ಟಿಕೊಂಡು ಬರೋನು ಗ್ಯಾಂಗ್‌ಸ್ಟರ್.. ಇವನು ಒಬ್ಬನೋ ಬರೋದು.. ಮೊನ್‌ಸ್ಟರ್ "ಥಾರ್ ರೋಕ್ಸ್ "

ಆಫ್-ರೋಡ್ ವಾಹನ ಎಂದಾಗ ಎಲ್ಲರ ಮನಸ್ಸಿಗೆ ಬರುವುದು ಮಹೀಂದ್ರಾ ಥಾರ್ (Mahindra Thar). ಭಾರತದಲ್ಲಿ ಬಹಳ ವರ್ಷಗಳಿಂದ ಮಾರಾಟವಾಗುತ್ತಿರುವ ಜನಪ್ರಿಯ ಆಫ್ ರೋಡರ್ ಎಸ್‍ಯುವಿ ಮಾದರಿಯಾಗಿದೆ. ಈ ಮಹೀಂದ್ರಾ ಥಾರ್ ಎಸ್‍ಯುವಿಗೆ ದೊಡ್ಡ ಅಭಿಮಾನಿ ಬಳಗವಿದೆ. ಸದ್ಯ ಭಾರತದಲ್ಲಿ ಪ್ರಸ್ತುತ ಜನರೇಷನ್ ಮಹೀಂದ್ರಾ ಥಾರ್ ಮಾದರಿಯು ಬಹುಬೇಡಿಯೊಂದಿಗೆ ಭರ್ಜರಿಯಾಗಿ ಮಾರಾಟವಾಗುತ್ತಿದೆ. ಮಹೀಂದ್ರಾ ಕಂಪನಿಯು ಥಾರ್ 5-ಡೊರಿನ ಆವೃತ್ತಿಯನ್ನು ಬಿಡುಗಡೆಗೊಳಿಸಲು ಸಜ್ಜಾಗಿದೆ. ಭಾರತದ ರಸ್ತೆಗಳಲ್ಲಿ ಹಲವು ಬಾರಿ ಸ್ಪಾಟ್ ಟೆಸ್ಟ್ ನಡೆಸುವಾಗ ಕಾಣಿಸಿಕೊಂಡಿತು. ಈ ಮುಂಬರುವ 5-ಡೋರ್ ಎಸ್‍ಯುವಿಗಾಗಿ 'ಥಾರ್ ROXX' (Mahindra Thar Roxx) ಎಂಬ ಹೆಸರನ್ನು ನೀಡಲಾಗಿದೆ.

ಮಹೀಂದ್ರಾ ಥಾರ್ ರೋಕ್ಸ್ ಭಾರತೀಯ ಎಸ್‌ಯುವಿ ಆಗಸ್ಟ್ 15 ರ ದಿನಾಂಕಕ್ಕೆ ಬಿಡುಗಡೆಗೆ ಸಿದ್ಧವಾಗಿದೆ. ಸೋಮವಾರ, ಕಾರು ತಯಾರಕರು ಥಾರ್ ಮಾದರಿಯ ಐದು-ಡೋರ್ ಆವೃತ್ತಿಯ ಮತ್ತೊಂದು ಚಿತ್ರಗಳನ್ನು ಬಿಡುಗಡೆ ಮಾಡಿದ್ದಾರೆ. ಇತ್ತೀಚಿನ ಬ್ಯಾಚ್ ಚಿತ್ರಗಳು ಥಾರ್ ರೋಕ್ಸ್ ಅನ್ನು ಅದರ ಎಲ್ಲಾ ವೈಭವದಲ್ಲಿ ಪ್ರದರ್ಶಿಸುತ್ತವೆ ಮತ್ತು ಹೊಸ ಬಣ್ಣವನ್ನು ಬಹಿರಂಗಪಡಿಸಿದ್ದಾರೆ. ಥಾರ್ ರೋಕ್ಸ್ ವೈಟ್ ಮತ್ತು ಬ್ಲ್ಯಾಕ್ ಬಣ್ಣಗಳ ಮಾದರಿಗಳ ಚಿತ್ರಗಳು ಹೊರಬಂದಿದೆ.

ಮಹೀಂದ್ರಾ ಥಾರ್ ರೋಕ್ಸ್ ಎಸ್‍ಯುವಿಯು ವಿಸ್ತೃತ ವೀಲ್‌ಬೇಸ್, ಪಿಲ್ಲರ್-ಮೌಂಟೆಡ್ ರಿಯರ್ ಡೋರ್ ಹ್ಯಾಂಡಲ್‌ಗಳು, ಹೊಸ ಸ್ಲಾಟ್ ಗ್ರಿಲ್‌ನೊಂದಿಗೆ ಪರಿಷ್ಕೃತ ಮುಂಭಾಗದ ಫಾಸಿಕ, 360-ಡಿಗ್ರಿ ಕ್ಯಾಮೆರಾ ಮತ್ತು ವೃತ್ತಾಕಾರದ DRL ಗಳು ಎಲ್‌ಇಡಿ ಹೆಡ್‌ಲ್ಯಾಂಪ್‌ಗಳನ್ನು ಸುತ್ತುವರೆದಿವೆ. 5-ಡೋರ್ ಮೂಲಕ ಮಹೀಂದ್ರಾ ಥಾರ್ ROXX ಮಾದರಿಯು ಫ್ಯಾಮಿಲಿ ಎಸ್‍ಯುವಿಯಾಗಿಯೂ ಮಿಂಚಲಿದೆ.

ಈ ಮಹೀಂದ್ರಾ 'ಥಾರ್ ROXX' ಈಗಾಗಲೇ ಬಲಿಷ್ಠವಾಗಿರುವ ಥಾರ್ ಬ್ರ್ಯಾಂಡ್ ಅನ್ನು ಮತ್ತಷ್ಟು ಬಲಪಡಿಸುತ್ತದೆ. ಐಷಾರಾಮಿ ಜೊತೆಗೆ 'ಎಕ್ಸ್‌ಪ್ಲೋರ್ ದಿ ಇಂಪಾಸಿಬಲ್' ಮತ್ತು ಥಾರ್ ಲೈಫ್ ಸ್ಟೈಲ್ ಎಸ್‍ಯುವಿಯಾಗಿ ಮಿಂಚಲಿದೆ. ಭಾರತದ ಸ್ವಾತಂತ್ರ್ಯ ದಿನದಂದು ತಮ್ಮ ಹೊಚ್ಚ ಹೊಸ ಮಾದರಿಯನ್ನು ಪರಿಚಯಿಸಿ ಕ್ರಾಂತಿ ಮಾಡಲು ಸಜ್ಜಾಗುತ್ತಿದೆ. ಈ ಆಫ್-ರೋಡರ್ ಹೆಚ್ಚು ಪ್ರಾಯೋಗಿಕವಾಗಿರುತ್ತದೆ, ಏಕೆಂದರೆ ಇದು 5-ಡೋರುಗಳನ್ನು ಹೊಂದಿರುತ್ತದೆ.

ಹಿಂಬದಿಯ ಡೋರ್ ಮತ್ತು ದೊಡ್ಡದಾದ ಬೂಟ್ ಸ್ಪೇಸ್ ಅನ್ನು ಸರಿಹೊಂದಿಸಲು ವೀಲ್ ಬೇಸ್ ಅನ್ನು 300 ಎಂಎಂ ಹೆಚ್ಚಿಸಲಾಗಿದೆ. ಕೇವಲ ಸಸ್ಪೆನ್ಷನ್ ಸೆಟಪ್ ಮತ್ತು ಚಾಸಿಸ್ ಮಾತ್ರವಲ್ಲದೆ, ಥಾರ್ 5-ಡೋರ್ ಎಂಜಿನ್ ಆಯ್ಕೆಗಳನ್ನು ಸ್ಕಾರ್ಪಿಯೋ-ಎನ್‌ನೊಂದಿಗೆ ಹಂಚಿಕೊಳ್ಳುವ ಸಾಧ್ಯತೆಗಳಿದೆ. ಥಾರ್ ರೋಕ್ಸ್ ಡಿಜಿಟಲ್ ಇನ್ಸ್ಟ್ರುಮೆಂಟ್ ಪ್ಯಾನೆಲ್ ಮತ್ತು ದೊಡ್ಡ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸ್ಕ್ರೀನ್‌ನೊಂದಿಗೆ ಲೋಡ್ ಆಗುತ್ತದೆ. ಈ ಎರಡೂ ವೈಶಿಷ್ಟ್ಯಗಳನ್ನು ಬ್ರ್ಯಾಂಡ್‌ನ ಪ್ರಮುಖ ಉತ್ಪನ್ನವಾದ XUV700 ನಿಂದ ಸಾಗಿಸಲಾಗಿದೆ.

ಇದಲ್ಲದೆ, ಥಾರ್ ರೋಕ್ಸ್‌ನ ಟಾಪ್ ರೂಪಾಂತರಗಳು ಪನರೊಮಿಕ್ ಸನ್‌ರೂಫ್, ಡ್ಯಾಶ್‌ಬೋರ್ಡ್‌ನಲ್ಲಿ ಕಾಂಟ್ರಾಸ್ಟಿಂಗ್ ಸ್ಟಿಚಿಂಗ್‌ನೊಂದಿಗೆ ಸಾಫ್ಟ್-ಟಚ್ ಫಿನಿಶ್ ಮತ್ತು ಹರ್ಮನ್ ಕಾರ್ಡನ್ ಮ್ಯೂಸಿಕ್ ಸಿಸ್ಟಂ ಹೊಂದಿದೆ. ಥಾರ್ ರೋಕ್ಸ್ ಪ್ರಸ್ತುತ ಆವೃತ್ತಿಯಲ್ಲಿನ ಕಪ್ಪು-ಬಣ್ಣದ ಸೀಟ್ ಅಪ್ಹೋಲ್ಸ್ಟರಿಗಿಂತ ಭಿನ್ನವಾಗಿ ಮುಂಭಾಗದ ಸೀಟ್‌ಗಳೊಂದಿಗೆ ಬಿಳಿ ಸೀಟ್ ಅಪ್ಹೋಲ್ಸ್ಟರಿಯನ್ನು ಪಡೆಯುತ್ತದೆ. ಥಾರ್ ರೋಕ್ಸ್‌ನೊಂದಿಗೆ ನೀಡಲಾಗುವ ಇತರ ವೈಶಿಷ್ಟ್ಯಗಳೆಂದರೆ ಚಾಲಿತ ಡ್ರೈವರ್ ಸೀಟ್, 360-ಡಿಗ್ರಿ ಸರೌಂಡ್ ಕ್ಯಾಮೆರಾ, ವೈರ್‌ಲೆಸ್ ಚಾರ್ಜರ್ ಮತ್ತು ಆಟೋ-ಡಿಮ್ಮಿಂಗ್ IRVM ಹೊಂದಿದೆ.

ವರದಿಗಳ ಪ್ರಕಾರ, ಮಹೀಂದ್ರಾ ಥಾರ್ ROXX ಪೆಟ್ರೋಲ್ ರೂಪಾಂತರವು ಸ್ಕಾರ್ಪಿಯೊ N ಮತ್ತು XUV700 ನಲ್ಲಿ ಬಳಸಲಾದ 2.0-ಲೀಟರ್ ಟರ್ಬೊ ಎಂಜಿನ್ ಅನ್ನು ಹೊಂದಿರುತ್ತದೆ. ಇದು ಎರಡು ಪವರ್ ಔಟ್‌ಪುಟ್‌ಗಳನ್ನು ನೀಡುತ್ತದೆ. ಇದರಲ್ಲಿ ಎಂಟ್ರಿ ಲೆವೆಲ್ಮಾದರಿಗಳು 160hp ಮತ್ತು 330Nm ಟಾರ್ಕ್ ಅನ್ನು ಉತ್ಪಾದಿಸಿದರೆ, ಟಾಪ್ ರೂಪಾಂತರಗಳು 175hp ಮತ್ತು 380Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಸ್ಕಾರ್ಪಿಯೋ ಎನ್ ಎಂಜಿನ್ 203hp ಪವರ್ ಉತ್ಪಾದಿಸುತ್ತದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.