ಎಲೆಕ್ಟ್ರಿಕ್ ಕ್ರಾಂತಿ: ಟಾಟಾ ಟಕ್ಕರ್ ಕೊಡಲು ಸಜ್ಜಾಗುತ್ತಿದೆ ಮಹೀಂದ್ರಾ ಬ್ರಹ್ಮಾಸ್ತ್ರ

ಸ್ವದೇಶಿ ವಾಹನ ತಯಾರಕ ಕಂಪನಿಯಾದ ಮಹೀಂದ್ರಾ ತನ್ನ ಜನಪ್ರಿಯ ಮತ್ತು ಬಹುಬೇಡಿಕೆಯ XUV700 ಎಸ್‍ಯುವಿಯ ಎಲೆಕ್ಟ್ರಿಕ್ ಆವೃತ್ತಿಯನ್ನು ಬಿಡುಗಡೆಗೊಳಿಸಲು ಸಜ್ಜಾಗಿದೆ. ಈ ಹೊಸ ಮಾದರಿಯನ್ನು XUV.e8 ಎಂದು ಕರೆಯಲಾಗುತ್ತದೆ. ಇತ್ತೀಚೆಗೆ ಈ ಹೊಸ ಮಹೀಂದ್ರಾ XUV.e8 (Mahindra XUV.e8) ಎಲೆಕ್ಟ್ರಿಕ್ ಎಸ್‍ಯುವಿಯು ಕುರಿತು ಹೆಚ್ಚಿನ ವಿವರಗಳು ಹೊರಹೊಮ್ಮಿವೆ. ಈ ಮಾಹಿತಿಯು ಈ ಎಸ್‍ಯುವಿಯ ಇತ್ತೀಚೆಗೆ ಪೇಟೆಂಟ್ ಪಡೆದ ಒಳಾಂಗಣ ವಿನ್ಯಾಸದಿಂದ ಬಂದಿದೆ. ಈ ಪೇಟೆಂಟ್‌ಗಳು XUV.e8 ಮೂರು-ಸ್ಕ್ರೀನ್ ಸೆಟಪ್ ಮತ್ತು ಎರಡು-ಸ್ಪೋಕ್ ಸ್ಟೀರಿಂಗ್ ವೀಲ್ ಅನ್ನು ಒಳಗೊಂಡಿರುತ್ತದೆ ಎಂದು ಖಚಿತಪಡಿಸುತ್ತದೆ.

ಮಹೀಂದ್ರಾ XUV.e8 ಎಸ್‍ಯುವಿಯು 2024ರ ಡಿಸೆಂಬರ್ ತಿಂಗಳಿನಲ್ಲಿ ತನ್ನ ಅಧಿಕೃತ ಪಾದಾರ್ಪಣೆ ಮಾಡಲು ನಿರ್ಧರಿಸಲಾಗಿದೆ. ವರದಿಗಳ ಪ್ರಕಾರ , ಹೊಸ ಪೇಟೆಂಟ್‌ಗಳು XUV.e8 ನ ಒಳಭಾಗವು ಮೂರು ಪ್ರತ್ಯೇಕ ಡಿಸ್ ಪ್ಲೇಗಳನ್ನು ಹೊಂದಿರಲಿದೆ. ಡ್ಯಾಶ್‌ಬೋರ್ಡ್‌ನ ಸಂಪೂರ್ಣ ಅಗಲವನ್ನು ವ್ಯಾಪಿಸಿರುವ ಒಂದೇ ಕೇಸಿಂಗ್‌ನಲ್ಲಿ ಅವುಗಳನ್ನು ಇರಿಸಲಾಗುತ್ತದೆ. ಈ ಡಿಸ್ ಪ್ಲೇಗಳು ಜಿಟಲ್ ಡ್ರೈವರ್ ಡಿಸ್ಪ್ಲೇ, ಸೆಂಟ್ರಲ್ ಇನ್ಫೋಟೈನ್ಮೆಂಟ್ ಸ್ಕ್ರೀನ್ ಮತ್ತು ಹೆಚ್ಚುವರಿ ಪ್ಯಾಸೆಂಜರ್ ಸ್ಕ್ರೀನ್ ಅನ್ನು ಒಳಗೊಂಡಿರುತ್ತದೆ.

ಈ ಎಲ್ಲಾ ಮೂರು ಡಿಸ್ ಪ್ಲೇ ಮಹೀಂದ್ರಾದ ಅಡ್ರಿನಾಕ್ಸ್ ಸಾಫ್ಟ್‌ವೇರ್‌ನಲ್ಲಿ ಕಾರ್ಯನಿರ್ವಹಿಸುತ್ತವೆ. ಪ್ರಸ್ತುತ, XUV700 ಎರಡು 10.25-ಇಂಚಿನ ಕನಕ್ಟಿವಿಟೀ ಡಿಸ್ ಪ್ಲೇ ಗಳನ್ನು ಹೊಂದಿದೆ. ಹೊಸ ಪೇಟೆಂಟ್‌ಗಳು XUV.e8 ಹೊಸ ಟು-ಸ್ಪೋಕ್, ಫ್ಲಾಟ್-ಬಾಟಮ್ ಸ್ಟೀರಿಂಗ್ ವೀಲ್ ಅನ್ನು ಹೊಂದಿದೆ ಎಂದು ಬಹಿರಂಗಪಡಿಸಿದೆ. ಪೇಟೆಂಟ್ ಚಿತ್ರಗಳಿಂದ, ಸ್ಟೀರಿಂಗ್ ವ್ಹೀಲ್ ಹೊಸ ಟಾಟಾ ನೆಕ್ಸಾನ್‌ನಲ್ಲಿ ಕಾಣಿಸಿಕೊಂಡಿರುವಂತೆಯೇ ಕಾಣುತ್ತದೆ.

ಟಾಟ್ ಹ್ಯಾರಿಯರ್ ಮತ್ತು ಸಫಾರಿಯಂತಹ ಇತರ ಟಾಟಾ ಎಸ್‌ಯುವಿಗಳಲ್ಲಿ ನಾವು ಈಗಾಗಲೇ ನೋಡಿರುವಂತೆ ಇದು ಪ್ರಕಾಶಿತ ಲೋಗೋವನ್ನು ಸಹ ಪಡೆಯುತ್ತದೆ. ಸ್ಟೀರಿಂಗ್ ವ್ಹೀಲ್ ಅನ್ನು ನಾಲ್ಕು ಟಾಗಲ್ ಸ್ವಿಚ್‌ಗಳನ್ನು ಸಹ ಒಳಗೊಂಡಿದೆ. XUV.e8 ಬ್ರ್ಯಾಂಡ್‌ನ ಬಾರ್ನ್-ಎಲೆಕ್ಟ್ರಿಕ್ (BE) INGLO ಪ್ಲಾಟ್‌ಫಾರ್ಮ್‌ನಲ್ಲಿ ನಿರ್ಮಿಸಲಾದ ಮೊದಲ ಮಹೀಂದ್ರಾ SUV ಆಗಲು ಸಿದ್ಧವಾಗಿದೆ.

ಹೊರಭಾಗಕ್ಕೆ ಸಂಬಂಧಿಸಿದಂತೆ, ಅದರ ಪೂರ್ವ-ಉತ್ಪಾದನೆಯ ಮೂಲಮಾದರಿಯು ಅದರ ಬಾಹ್ಯ ವಿನ್ಯಾಸವನ್ನು ಈಗಾಗಲೇ ಜನಪ್ರಿಯವಾಗಿರುವ XUV700 ನೊಂದಿಗೆ ಹಂಚಿಕೊಳ್ಳುತ್ತದೆ ಎಂದು ಸೂಚಿಸಿದೆ. ಮುಂಬರುವ ಎಲೆಕ್ಟ್ರಿಕ್ ಎಸ್‍ಯುವಿ XUV700 ನಿಂದ ಹಲವಾರು ಬಾಹ್ಯ ಫಲಕಗಳನ್ನು ಒಯ್ಯುತ್ತದೆ. ಇವುಗಳು ಬಾನೆಟ್, ಡೋರುಗಳು ಮತ್ತು ರೂಫ್ ಅನ್ನು ಒಳಗೊಂಡಿರುತ್ತದೆ.

ಆದರೆ ಇದು ಬಂಪರ್‌ಗೆ ಸಂಯೋಜನೆಗೊಳ್ಳುವ ಫುಲ್ ಎಲ್ಇಡಿ ಲೈಟ್ ಬಾರ್ ಅನ್ನು ಒಳಗೊಂಡಿರುವ ವಿಶಿಷ್ಟ ಫಾಸಿಕದೊಂದಿಗೆ ತನ್ನನ್ನು ತಾನು ಪ್ರತ್ಯೇಕಿಸುತ್ತದೆ. ಇತರ ವಿವರಗಳಲ್ಲಿ ಸಾಂಪ್ರದಾಯಿಕ ಮುಂಭಾಗದ ಗ್ರಿಲ್ ಅನ್ನು ಎಲೆಕ್ಟ್ರಿಕ್ ವಾಹನಗಳ ವಿಶಿಷ್ಟವಾದ ಆಫ್ ಗ್ರಿಲ್ನೊಂದಿಗೆ ಬದಲಾಯಿಸಲಾಗುತ್ತದೆ. ಹೆಚ್ಚುವರಿಯಾಗಿ, ತ್ರಿಕೋನ ಹೆಡ್‌ಲ್ಯಾಂಪ್ ಹೌಸಿಂಗ್‌ಗಳು ಇರುತ್ತವೆ. ಹೆಡ್‌ಲೈಟ್‌ಗಳು ಹೊಸ ಲಂಬವಾಗಿ ಜೋಡಿಸಲಾದ ಎಲ್‌ಇಡಿ ವಿನ್ಯಾಸವನ್ನು ಒಳಗೊಂಡಿರುತ್ತವೆ.

ಆಯಾಮಗಳ ಮಹೀಂದ್ರಾ XUV.e8 ವಿಷಯದಲ್ಲಿ, XUV.e8 XUV700 ಗಿಂತ ಸ್ವಲ್ಪ ದೊಡ್ಡದಾಗಿರುತ್ತದೆ. ಇದು 4,740 ಎಂಎಂ ಉದ್ದ, 1,900 ಎಂಎಂ ಅಗಲ ಮತ್ತು 1,760 ಎಂಎಂ ಎತ್ತರವನ್ನು ಅಳೆಯಲಿದ್ದು, 2,762 ಎಂಎಂ ವ್ಹೀಲ್‌ಬೇಸ್ ಹೊಂದಿದೆ. ಈ ಆಯಾಮಗಳು XUV.e8 ಅನ್ನು XUV700 ಗಿಂತ 45 mm ಉದ್ದ, 10 mm ಅಗಲ ಮತ್ತು 5 mm ಎತ್ತರವನ್ನಾಗಿ ಮಾಡುತ್ತದೆ. ಇದು 7 ಎಂಎಂ ವಿಸ್ತೃತ ವೀಲ್‌ಬೇಸ್ ಅನ್ನು ಸಹ ಹೊಂದಿದೆ.

ಮಹೀಂದ್ರಾ XUV.e8 80 kWh ಬ್ಯಾಟರಿ ಪ್ಯಾಕ್‌ನಿಂದ ಚಾಲಿತವಾಗುವ ನಿರೀಕ್ಷೆಯಿದೆ. ಇದು ಡ್ಯುಯಲ್-ಮೋಟರ್ ಸೆಟಪ್‌ನೊಂದಿಗೆ ಆಲ್-ವೀಲ್-ಡ್ರೈವ್ ಸಿಸ್ಟಮ್ ಅನ್ನು ಸಹ ಪಡೆಯಬಹುದು ಎಂದು ವರದಿಗಳು ಹೇಳಿವೆ. ಈ ಸಂರಚನೆಯು 230 bhp ನಿಂದ 350 bhp ವರೆಗೆ ಪವರ್ ಉತ್ಪಾದನೆಯನ್ನು ನೀಡುತ್ತದೆ. ಇನ್ನು ಇದರ ರೇಂಜ್ ಸುಮಾರು 450-500 ಕಿ.ಮೀ ಆಗಿರುತ್ತದೆ.