ಮಾರುತಿ ಕಾರು ಖರೀದಿಸಿದವರಿಗೆ ಸರ್ವಿಸ್ ಚಿಂತೆ ಬೇಡ: ಬೀದಿ, ಬೀದಿಗೆ ಸೇವಾ ಕೇಂದ್ರ!

ಮಾರುತಿ ಸುಜುಕಿ ದೇಶದಲ್ಲಿ 5,000ನೇ ಟಚ್ ಪಾಯಿಂಟ್‌ ಅನ್ನು ಉದ್ಘಾಟಿಸುವ ಮೂಲಕ ತನ್ನ ಸೇವಾ ಜಾಲವನ್ನು ಯಶಸ್ವಿಯಾಗಿ ವಿಸ್ತರಿಸಿದೆ. ಈ ಹೊಸ ಮಾರುತಿ ಸುಜುಕಿ ಸೇವಾ ಕೇಂದ್ರವನ್ನು ಬ್ರಾಂಡ್‌ನ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಹಿಸಾಶಿ ಟಕುಚಿ, ಹರಿಯಾಣದ ಗುರುಗ್ರಾಮದಲ್ಲಿ ಉದ್ಘಾಟಿಸಿದರು. ತಮ್ಮ ಕಾರು ಮಾಲೀಕರಿಗೆ ಗ್ರಾಹಕ ಸೇವಾ ಆಧಾರಿತ ಸೌಲಭ್ಯಗಳನ್ನು ನೀಡುವಲ್ಲಿ ಕಂಪನಿಯ ವ್ಯಾಪ್ತಿಯನ್ನು ಮತ್ತಷ್ಟು ವಿಸ್ತರಿಸುವ ಮೂಲಕ, ಅವರ ಪ್ರತಿಯೊಂದು ಸಮಸ್ಯೆಗೆ ಕೂಡಲೆ ಪ್ರತಿಕ್ರಿಯಿಸಿ ಸೇವಾ ತೃಪ್ತಿ ನೀಡುವ ಗುರಿಯಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಗುರುಗ್ರಾಮದಲ್ಲಿ 5,000ನೇ ಸರ್ವಿಸ್ ಸೆಂಟರ್ ಉದ್ಘಾಟನೆಯು ಮಾರುತಿ ಸುಜುಕಿ ಸೇವಾ ಜಾಲದಲ್ಲಿ ಒಂದು ಪ್ರಮುಖ ಮೈಲಿಗಲ್ಲಾಗಿದೆ. ಕಂಪನಿಯು 1983 ರಲ್ಲಿ ಮೊದಲ ಕಾರ್ಯಾಗಾರವನ್ನು ಉದ್ಘಾಟಿಸಿದಾಗಿನಿಂದ ಇಲ್ಲಿಯವರೆಗೆ ಭಾರತದ 2,500 ನಗರಗಳಲ್ಲಿ ಹರಡಿರುವ ತನ್ನ 5,000ನೇ ಸೇವಾ ಜಾಲವನ್ನು ತಲುಪಿದೆ. 1983 ರಿಂದ 1977 ರ ಅವಧಿಯಲ್ಲಿ, ಕಂಪನಿಯು 1,000 ಸೇವಾ ಟಚ್ ಪಾಯಿಂಟ್‌ಗಳನ್ನು ಸ್ಥಾಪಿಸಿತು.

ಮುಂದಿನ 9 ವರ್ಷಗಳಲ್ಲಿ 2,000 ಟಚ್ ಪಾಯಿಂಟ್‌ಗಳಿಗೆ ಏರಿತು. ಕಂಪನಿಯು ತ್ವರಿತವಾಗಿ 5,000 ನೇ ಸೇವಾ ಮಳಿಗೆಯನ್ನು ಮುಟ್ಟಲು ಕಳೆದ 3 ವರ್ಷಗಳಲ್ಲಿ 1,000 ಸರ್ವಿಸ್ ಸೆಂಟರ್‌ಗಳನ್ನು ಸ್ಥಾಪಿಸಿದೆ. ಕಂಪನಿಯು 2023-24ರ ಹಣಕಾಸು ವರ್ಷದಲ್ಲಿ ಈ ವಿಶಾಲ ಸೇವಾ ಜಾಲದ ಮೂಲಕ 2.5 ಕೋಟಿ ಕಾರುಗಳಿಗೆ ಸೇವೆ ಸಲ್ಲಿಸಿದೆ.

2023-24ರ ಹಣಕಾಸು ವರ್ಷದಲ್ಲಿ ಕಂಪನಿಯು 400 ಸೇವಾ ಟಚ್ಪಾಯಿಂಟ್‌ಗಳನ್ನು ಸೇರಿಸಿದೆ, ಇದು ಇತರ ಯವುದೇ ಹಣಕಾಸು ವರ್ಷಗಳಲ್ಲಿ ಮಾಡದ ಅತಿ ಹೆಚ್ಚು ಸೇರ್ಪಡೆಯಾಗಿದೆ. ಮಾರಾಟ ಮತ್ತು ಸೇವಾ ಜಾಲದ ಬಲವಾದ ಜಾಲದ ಹೊರತಾಗಿ, ಭಾರತದಲ್ಲಿ ನಂ.1 ಹೆಚ್ಚು ಮಾರಾಟವಾಗುವ ವಾಹನ ತಯಾರಕ ಕಂಪನಿಯಾಗಿ ಮಾರುತಿ ಸುಜುಕಿ ತನ್ನ ಗ್ರಾಹಕರಿಗೆ ನೆಚ್ಚಿನ ಆಯ್ಕೆಯಾಗಿದೆ.

ಕಂಪನಿಯು ತನ್ನ ಖರೀದಿದಾರರಿಗೆ ಮೊಬೈಲ್ ಬೆಂಬಲವನ್ನು ಸಹ ನೀಡುತ್ತದೆ, ಇದರಿಂದಾಗಿ ಸೇವೆಯನ್ನು ಗ್ರಾಹಕರ ಮನೆ ಬಾಗಿಲಿಗೆ ತರುತ್ತಿದೆ. ತ್ವರಿತ ಪ್ರತಿಕ್ರಿಯೆ ತಂಡವು ರಸ್ತೆ ಸಹಾಯದ ಬಗ್ಗೆ ತುರ್ತುಸ್ಥಿತಿಯನ್ನು ನೀಡುತ್ತದೆ, ಆದರೆ ಮಲ್ಟಿ ಲಾಂಗ್ವೇಜ್ ವಾಯ್ಸ್ ಬಿಒಟಿ, ಡಿಜಿಟಲೀಕೃತ ಜಾಬ್ ಕಾರ್ಡ್ ಸೌಲಭ್ಯಗಳು ಮತ್ತು ಡಿಜಿಟಲ್ ಮಾಲೀಕರ ಮ್ಯಾನುವಲ್ ಪ್ರಯತ್ನಗಳು ಖರೀದಿದಾರರ ಅನುಭವವನ್ನು ಹೊಸ ಮಟ್ಟಕ್ಕೆ ಹೆಚ್ಚಿಸಿವೆ.

ಮುಂಬರುವ ಬಿಡುಗಡೆಗಳು: ಹೊಸ ಸ್ವಿಫ್ಟ್ ಬಿಡುಗಡೆಯ ನಂತರ, ಮಾರುತಿ ಸುಜುಕಿ ತನ್ನ ಪ್ರಸ್ತುತ ಪೋರ್ಟ್ಫೋಲಿಯೊವನ್ನು 5 ಹೊಸ ಕಾರುಗಳನ್ನು ಸೇರಿಸಲು ಯೋಜಿಸಿದೆ. ಅವುಗಳಲ್ಲಿ ಕೆಲವು ಎಲೆಕ್ಟ್ರಿಕ್ ಮತ್ತು ಹೈಬ್ರಿಡ್ ಶ್ರೇಣಿಯಲ್ಲಿವೆ. 2024 ಡಿಜೈರ್ ತನ್ನ ಮುಂಬರುವ ಬಿಡುಗಡೆಗಳಲ್ಲಿ ಒಂದಾಗಿದೆ. ಮಾರುತಿ ಸುಜುಕಿ ತನ್ನ ಹೊಸ ಇವಿಎಕ್ಸ್ ಎಂಬ ಎಲೆಕ್ಟ್ರಿಕ್ ಎಸ್‌ಯುವಿಯೊಂದಿಗೆ ಬರುತ್ತಿದೆ.

ಗ್ರ್ಯಾಂಡ್ ವಿಟಾರಾ 7-ಸೀಟರ್ 2025ರ ಆರಂಭದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಮಾರುತಿ ಕೈಗೆಟುಕುವ ಹೈಬ್ರಿಡ್ ತಂತ್ರಜ್ಞಾನದ ಮೇಲೆ ಕೆಲಸ ಮಾಡುತ್ತಿದೆ, ಇದು ಭವಿಷ್ಯದಲ್ಲಿ ತಮ್ಮ ಸಣ್ಣ ಕಾರುಗಳಿಗೆ ದಾರಿ ಮಾಡಿಕೊಡಬಹುದು. ಇದರ ಅಡಿಯಲ್ಲಿ, ಮಾರುತಿ ಭವಿಷ್ಯದಲ್ಲಿ ಬಲೆನೊ ಮತ್ತು ಫ್ರಾಂಕ್ಸ್ ಅನ್ನು ಹೈಬ್ರಿಡ್ ಸ್ವರೂಪಗಳಲ್ಲಿ ನೀಡುವ ಸಾಧ್ಯತೆಯಿದೆ. ನಂತರ ಮಿನಿ ಎಲೆಕ್ಟ್ರಿಕ್ ಕಾರು ಕೂಡ ಇದ್ದು, ಇದು ಎಂಜಿ ಕಾಮೆಟ್ ಮತ್ತು ಟಾಟಾ ಟಿಯಾಗೊ ಇವಿಗೆ ಪೈಪೋಟಿ ನೀಡಲಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.