ಅಗ್ಗದ ಬೆಲೆಯ ಪ್ರೀಮಿಯಂ ಫ್ಯಾಮಿಲಿ ಕಾರು... 26.32 ಕಿ.ಮೀ ಮೈಲೇಜ್... ಆಕರ್ಷಕ ಫಿಚರ್ಸ್

ಭಾರತೀಯ ಆಟೋ ಉದ್ಯಮದಲ್ಲಿ ಅಗ್ಗದ ಬೆಲೆಯ ದೊಡ್ಡ ಫ್ಯಾಮಿಲಿ ಕಾರುಗಳಿಗೆ ಇತ್ತೀಚೆಗೆ ಬೇಡಿಕೆ ಹೆಚ್ಚಾಗಿದೆ. ಈ ವಿಭಾಗದಲ್ಲಿ ಬಹುತೇಕ ಕಂಪನಿಗಳು ದೊಡ್ಡ ಫ್ಯಾಮಿಲಿ ಮಾಡಲ್‌ಗಳನ್ನು ಹೊಂದಿದ್ದರೂ, ಕೆಲ ಬ್ರಾಂಡ್‌ಗಳು ಮಾತ್ರ ಅಗ್ಗದ ಬೆಲೆಯ ಕಾರುಗಳನ್ನು ನೀಡುತ್ತಿವೆ. ಅಂತಹ ಕಾರುಗಳಲ್ಲಿ ಮಾರುತಿ ಸುಜುಕಿ XL6 ಕೂಡ ಒಂದು. ಈ ಕಾರಿಗೆ ಕಿಯಾ ಕಾರೆನ್ಸ್, ಟೊಯೊಟಾ ಇನ್ನೋವಾ ಕ್ರಿಸ್ಟಾದಂತಹ ಕಾರುಗಳು ಪೈಪೋಟಿ ನೀಡುತ್ತವೆ. ಈ ವಿಭಾಗದಲ್ಲಿ ಸದ್ಯ ಅಗ್ಗದ ಬೆಲೆಗೆ ಪ್ರೀಮಿಯಂ ಆಗಿ ಸಿಗುವ ಏಕೈಕ ಕಾರು ಮಾರುತಿ XL6 ಆಗಿದೆ. ಇದರ ಬೆಲೆಯು ರೂ. 11.61 ಲಕ್ಷದಿಂದ ರೂ. 14.77 ಲಕ್ಷ (ಎಕ್ಸ್ ಶೋ ರೂಂ) ವಿದೆ.

ಹೊಸ ಮಾರುತಿ ಸುಜುಕಿ XL6 ಕಾರು ಝೀಟಾ, ಆಲ್ಫಾ ಮತ್ತು ಆಲ್ಫಾ+ ಸೇರಿದಂತೆ ಇದರ CNG ಆವೃತ್ತಿಯು ಝೀಟಾ ಟ್ರಿಮ್‌ನಲ್ಲಿ ಮಾತ್ರ ಲಭ್ಯವಿದೆ. ಈ MPV ಅನ್ನು ಆರು-ಆಸನಗಳ ಸಂರಚನೆಯಲ್ಲಿ ಮಾತ್ರ ನೀಡಲಾಗುತ್ತದೆ. ನೀವು ಏಳು ಆಸನಗಳ ಮಾರುತಿ MPV ಗಾಗಿ ಹುಡುಕುತ್ತಿದ್ದರೆ, ನೀವು ಮಾರುತಿ ಎರ್ಟಿಗಾವನ್ನು ಪರಿಶೀಲಿಸಬಹುದು.

ವೈಶಿಷ್ಟ್ಯಗಳು: 6-ಸ್ಪೀಕರ್ ARKAMYS-ಟ್ಯೂನ್ ಸಿಸ್ಟಮ್ (2 ಟ್ವೀಟರ್‌ಗಳನ್ನು ಒಳಗೊಂಡಂತೆ), ಪ್ಯಾಡಲ್ ಶಿಫ್ಟರ್‌ಗಳು, ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಹೊಂದಿರುವ 7-ಇಂಚಿನ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ವೆಂಟಿಲೇಟೆಡ್ ಫ್ರಂಟ್ ಸೀಟ್‌ಗಳು ಮತ್ತು 360-ಡಿಗ್ರಿ ಕ್ಯಾಮೆರಾ ನೀಡಲಾಗಿದೆ. ಇದು ಕ್ರೂಸ್ ಕಂಟ್ರೋಲ್, ಆಟೋ ಎಸಿ ಮತ್ತು ಎತ್ತರ-ಹೊಂದಾಣಿಕೆ ಡ್ರೈವರ್ ಸೀಟ್ ಇದೆ.

ಎಂಜಿನ್ ಮತ್ತು ಟ್ರಾನ್ಸ್‌ಮಿಷನ್: ಮಾರುತಿ XL6 ಸೌಮ್ಯ-ಹೈಬ್ರಿಡ್ ತಂತ್ರಜ್ಞಾನದೊಂದಿಗೆ 1.5-ಲೀಟರ್ ಪೆಟ್ರೋಲ್ ಎಂಜಿನ್ (103 PS ಮತ್ತು 137 Nm) ಸಜ್ಜುಗೊಂಡಿದೆ. 5-ಸ್ಪೀಡ್ ಮ್ಯಾನುವಲ್ ಅಥವಾ 6-ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ಗೆ ಜೋಡಿಯಾಗಿ ಬರುತ್ತದೆ. CNG ರೂಪಾಂತರದ ಆಯ್ಕೆಯನ್ನು ಕೇವಲ 5-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್‌ನೊಂದಿಗೆ ನೀಡಲಾಗುತ್ತದೆ.

ಮೈಲೇಜ್: 1.5-ಲೀಟರ್ ಮ್ಯಾನುವಲ್ ಟ್ರಿಮ್‌ನಲ್ಲಿ 20.97 ಕಿ.ಮೀ ಮೈಲೇಜ್, 1.5-ಲೀಟರ್ ಆಟೋಮ್ಯಾಟಿಕ್ ಟ್ರಿಮ್‌ನಲ್ಲಿ 20.27 ಕಿ.ಮೀ ಮೈಲೇಜ್, 1.5-ಲೀಟರ್ ಮ್ಯಾನುವಲ್ CNG ಟ್ರಿಮ್‌ನಲ್ಲಿ 26.32 ಕಿ.ಮೀ/ಕೆ.ಜಿ ಮೈಲೇಜ್ ನೀಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ. ಹಾಗೆಯೇ ಗ್ರಾಹಕರು ಈ ಕಾರನ್ನು ಏಳು ಮೊನೊಟೋನ್‌ಗಳು ಮತ್ತು ಮೂರು ಡ್ಯುಯಲ್-ಟೋನ್ ಬಣ್ಣಗಳಲ್ಲಿ ಪಡೆಯಬಹುದು.

ಬಣ್ಣಗಳನ್ನು ವಿವರವಾಗಿ ನೋಡುವುದಾದ್ರೆ, ನೆಕ್ಸಾ ಬ್ಲೂ, ಒಪ್ಯುಲೆಂಟ್ ರೆಡ್, ಆರ್ಕ್ಟಿಕ್ ವೈಟ್, ಪರ್ಲ್ ಮಿಡ್‌ನೈಟ್‌ ಬ್ಲಾಕ್, ಬ್ರೇವ್ ಖಾಕಿ, ಗ್ರ್ಯಾಂಡ್ಯೂರ್ ಗ್ರೇ, ಸ್ಪ್ಲೆಂಡಿಡ್ ಸಿಲ್ವರ್, ಒಪ್ಯುಲೆಂಟ್ ರೆಡ್ ವಿತ್ ಮಿಡ್ನೈಟ್ ಬ್ಲ್ಯಾಕ್ ರೂಫ್, ಬ್ರೇವ್ ಮಿಡ್‌ನೈಟ್ ಬ್ಲ್ಯಾಕ್ ರೂಫ್‌ನೊಂದಿಗೆ ಖಾಕಿ ಮತ್ತು ಮಿಡ್‌ನೈಟ್ ಬ್ಲ್ಯಾಕ್ ರೂಫ್‌ನೊಂದಿಗೆ ಸ್ಪ್ಲೆಂಡಿಡ್ ಸಿಲ್ವರ್ ಬಣ್ಣಗಳು ಸಿಗಲಿವೆ.

ಸುರಕ್ಷತೆ: ಸುರಕ್ಷತೆಯ ವಿಷಯದಲ್ಲಿ, ಇದು ನಾಲ್ಕು ಏರ್‌ಬ್ಯಾಗ್‌ಗಳನ್ನು ಸ್ಟ್ಯಾಂಡರ್ಡ್ ಆಗಿ ಪಡೆಯುತ್ತದೆ, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS) ಮತ್ತು ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಪ್ರೋಗ್ರಾಂ (ESP)ನಂತಹ ಸುರಕ್ಷತಾ ವೈಶಿಷ್ಟ್ಯಗಳಿವೆ. ಮಾರುತಿ XL6 ಪ್ರತಿಸ್ಪರ್ಧಿ ಕಿಯಾ ಕಾರೆನ್ಸ್, ಟೊಯೊಟಾ ಇನ್ನೋವಾ ಕ್ರಿಸ್ಟಾ 6-ಆಸನಗಳ ಕಾರುಗಳನ್ನು ಪರ್ಯಾಯವಾಗಿ ಖರೀದಿಸಬಹುದು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.