ಹೊಸ ಹ್ಯುಂಡೈ ಕ್ರೆಟಾ ಬುಕ್ಕಿಂಗ್ ಆರಂಭ... ವಿಶೇಷತೆಗಳೇನು, ಬುಕಿಂಗ್ ಮೊತ್ತವೆಷ್ಟು?

ಹ್ಯುಂಡೈ ಮೋಟಾರ್ ಇಂಡಿಯಾ ಇಂದು ತನ್ನ ಬಹು ನಿರೀಕ್ಷಿತ ಹೊಸ ಹ್ಯುಂಡೈ CRETA ಬುಕಿಂಗ್ ಅನ್ನು ಪ್ರಾರಂಭಿಸಿದೆ. ಭಾರತದಾದ್ಯಂತ ಯಾವುದೇ ಹುಂಡೈ ಡೀಲರ್‌ಶಿಪ್‌ನಲ್ಲಿ ಗ್ರಾಹಕರು ರೂ. 25000 ಆರಂಭಿಕ ಬುಕಿಂಗ್ ಮೊತ್ತವನ್ನು ಪಾವತಿಸಿ ಹೊಸ ಹುಂಡೈ CRETA ವನ್ನು ಬುಕ್ ಮಾಡಬಹುದು.

ಸದ್ಯ CRETA ಬುಕಿಂಗ್ ಹೊಂದಿರುವವರು ತಮ್ಮ ಬುಕಿಂಗ್ ಅನ್ನು ಹೊಸ CRETA ಗೆ ಪರಿವರ್ತಿಸುವ ಆಯ್ಕೆಯನ್ನು ಕೂಡ ಹೊಂದಿದ್ದಾರೆ ಎಂದು ಹ್ಯುಂಡೈ ತಿಳಿಸಿದೆ. ಹೊಸ ಹ್ಯುಂಡೈ CRETA ಸುಧಾರಿತ ಸಕ್ರಿಯ ಮತ್ತು ನಿಷ್ಕ್ರಿಯ ಸುರಕ್ಷತಾ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ. ಅಲ್ಲದೇ ಈಗ 7 ರೂಪಾಂತರಗಳಲ್ಲಿ ಲಭ್ಯವಿದೆ.

ರೊಬಸ್ಟ್ ಎಮರಾಲ್ಡ್ ಪರ್ಲ್ (ಹೊಸ), ಫಿಯರಿ ರೆಡ್, ರೇಂಜರ್ ಖಾಕಿ, ಅಬಿಸ್ ಬ್ಲಾಕ್, ಅಟ್ಲಾಸ್ ವೈಟ್, ಟೈಟಾನ್ ಗ್ರೇ ಮತ್ತು 1 ಡ್ಯುಯಲ್-ಟೋನ್ ಬಣ್ಣದ ಆಯ್ಕೆ ಸೇರಿದಂತೆ 6 ಮೊನೊ-ಟೋನ್ ಬಣ್ಣ ಆಯ್ಕೆಗಳಲ್ಲಿ ನೀಡಲಾಗುವುದು. ಬ್ಲಾಕ್ ರೂಫ್ ನೊಂದಿಗೆ ಅಟ್ಲಾಸ್ ವೈಟ್‌ನಲ್ಲಿಯೂ ಹೊಸ ಕ್ರೆಟಾ ಈಗ ಲಭ್ಯವಾಗಲಿದೆ.

ಹೊಸ ಹ್ಯುಂಡೈ CRETA ಹೊಸ ರೇಡಿಯೇಟರ್ ಗ್ರಿಲ್ ಮತ್ತು ನೇರವಾದ ಹುಡ್ ವಿನ್ಯಾಸದೊಂದಿಗೆ ಬಂದಿದೆ. ಹಾಗೆಯೇ ಹೊಸ ಹಾರಿಜಾನ್ ಎಲ್ಇಡಿ ಪೊಸಿಷನಿಂಗ್ ಲ್ಯಾಂಪ್ ಮತ್ತು ಡಿಆರ್ಎಲ್‌ಗಳು, ಕ್ವಾಡ್ ಬೀಮ್ ಎಲ್ಇಡಿ ಹೆಡ್ಲ್ಯಾಂಪ್ಗಳು, ಸುಧಾರಿತ ಹೈಟೆಕ್ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ. ಹಾಗೆಯೇ ಇಂಟೀರಿಯರ್ ಅನ್ನು ಈಗ ಪ್ರೀಮಿಯಂ ಆಗಿ ನೀಡಲಾಗಿದೆ.

ಒಳಭಾಗವು ಕಾಕ್‌ಪಿಟ್‌ನಂತಹ ಭಾವನೆ ನೀಡಲು ವಿನ್ಯಾಸಗೊಳಿಸಲಾಗಿದೆ. ಇನ್ಫೋಟೈನ್‌ಮೆಂಟ್ ಸ್ಕ್ರೀನ್ ಮತ್ತು ಡಿಜಿಟಲ್ ಕ್ಲಸ್ಟರ್‌ನೊಂದಿಗೆ ವ್ಯಾಪಕವಾದ ಮಾಹಿತಿಯನ್ನು ನೋಡಬಹುದು. ಸೌಕರ್ಯ ಮತ್ತು ಅನುಕೂಲಕ್ಕಾಗಿ ಕ್ಯಾಬಿನ್‌ನಲ್ಲಿ ಸಾಕಷ್ಟು ಸ್ಥಳಾವಕಾಶವನ್ನು ನೀಡಲಾಗಿದೆ. ಹಾಗೆಯೇ 1.5l ಕಪ್ಪಾ ಟರ್ಬೊ GDi ಪೆಟ್ರೋಲ್, 1.5l MPi ಪೆಟ್ರೋಲ್ ಮತ್ತು 1.5l U2 CRDi ಡೀಸೆಲ್ ಎಂಜಿನ್ ಆಯ್ಕೆಗಳೊಂದಿಗೆ ಬರುತ್ತದೆ.

ಹೊಸ ಹ್ಯುಂಡೈ CRETA 6-ಸ್ಪೀಡ್ ಮ್ಯಾನುವಲ್, IVT (ಇಂಟೆಲಿಜೆಂಟ್ ವೇರಿಯಬಲ್ ಟ್ರಾನ್ಸ್‌ಮಿಷನ್), 7-ಸ್ಪೀಡ್ DCT (ಡ್ಯುಯಲ್ ಕ್ಲಚ್ ಟ್ರಾನ್ಸ್‌ಮಿಷನ್) ಮತ್ತು 6-ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಸೇರಿದಂತೆ ನಾಲ್ಕು ಟ್ರಾನ್ಸ್‌ಮಿಷನ್ ಆಯ್ಕೆಗಳೊಂದಿಗೆ ನೀಡಲಾಗುವುದು. ಶಕ್ತಿಯುತ ಡ್ರೈವ್ ಅನುಭವವನ್ನು ನೀಡಲು ತುಸು ಟ್ಯೂನ್ ಕೂಡ ಮಾಡಲಾಗಿದೆ.

ಹ್ಯುಂಡೈ ಇಂಡಿಯಾ ಸಿಒಒ ತರುಣ್ ಗಾರ್ಗ್ ಮಾತನಾಡಿ, ತೀವ್ರಗೊಳ್ಳುತ್ತಿರುವ ಸ್ಪರ್ಧೆಯ ಹೊರತಾಗಿಯೂ, CRETA ತನ್ನ ಅಪ್ರತಿಮ ವಿಭಾಗದ ನಾಯಕತ್ವವನ್ನು ಉಳಿಸಿಕೊಂಡಿದೆ. SUV ಜೀವನವನ್ನು ಆನಂದಿಸುತ್ತಿರುವ 9.5 ಲಕ್ಷಕ್ಕೂ ಹೆಚ್ಚು ಸಂತೋಷಕರ ಗ್ರಾಹಕರೊಂದಿಗೆ ಅತಿ ಹೆಚ್ಚು ಮಾರಾಟವಾಗುವ ಮಧ್ಯಮ ಗಾತ್ರದ SUV ಆಗಿದೆ ಎಂದು ಖುಷಿಯನ್ನು ವ್ಯಕ್ತಪಡಿಸಿದರು.

ಹುಂಡೈನಲ್ಲಿ, ನಾವು ಸವಾಲುಗಳನ್ನು ಸ್ವೀಕರಿಸಿ ಹೆಚ್ಚಿನ ಮಾನದಂಡಗಳನ್ನು ಹೊಂದಿಸಲು ಪ್ರಯತ್ನಿಸುತ್ತೇವೆ. ಇಂದು, ಹೊಸ ಹುಂಡೈ CRETA ಗಾಗಿ ಬುಕಿಂಗ್‌ಗಳ ಪ್ರಾರಂಭವನ್ನು ಘೋಷಿಸಲು ನಾವು ರೋಮಾಂಚನಗೊಂಡಿದ್ದೇವೆ. ಅದರ ಹೊಸ ವಿನ್ಯಾಸ ಮತ್ತು ವಿಭಾಗವನ್ನು ವ್ಯಾಖ್ಯಾನಿಸುವ ಹೈಟೆಕ್, ಸೌಕರ್ಯ ಮತ್ತು ಅನುಕೂಲಕರ ವೈಶಿಷ್ಟ್ಯಗಳೊಂದಿಗೆ ಮತ್ತೊಮ್ಮೆ ಉದ್ಯಮದಲ್ಲಿ ಹೊಸ ದಾಖಲೆಗಳನ್ನು ನಿರ್ಮಿಸಲು ಸಜ್ಜಾಗಿದೆ ಎಂದರು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.