ಯಾರೂ ನಿರೀಕ್ಷಿಸದ ಮೈಲೇಜ್... ಸ್ಪೋರ್ಟಿ ಲುಕ್‍ನ ಹ್ಯುಂಡೈ ಕ್ರೆಟಾ ಎನ್ ಲೈನ್ ರಿವ್ಯೂ ವಿಡಿಯೋ

ಹ್ಯುಂಡೈ ಕ್ರೆಟಾ (Hyundai Creta) ಹ್ಯುಂಡೈ ಕಂಪನಿಯ ಸೂಪರ್ ಹಿಟ್ ಮತ್ತು ಭರ್ಜರಿ ಬೇಡಿಕೆಯಿರುವ ಮಾಡೆಲ್ ಆಗಿದೆ. ಈ ವರ್ಷದ ಆರಂಭದಲ್ಲಿ ಹ್ಯುಂಡೈ ಫೇಸ್‌ಲಿಫ್ಟೆಡ್ ಕ್ರೆಟಾ ಎಸ್‌ಯುವಿಯನ್ನು ಬಿಡುಗಡೆ ಮಾಡಿತು. ಎರಡು ತಿಂಗಳಿಗಿಂತ ಕಡಿಮೆ ಅವಧಿಯಲ್ಲಿ, ಹ್ಯುಂಡೈ ಕಂಪನಿಯು ಕ್ರೆಟಾ ಎಸ್‍ಯುವಿಯ ಸ್ಪೋರ್ಟಿಯರ್ ಮಾದರಿಯಾದ ಕ್ರೆಟಾ ಎನ್ ಲೈನ್ ಮಾದರಿಯನ್ನು ಬಿಡುಗಡೆಗೊಳಿಸಲಾಗಿದೆ.

ಹೊಸ ಹ್ಯುಂಡೈ ಕ್ರೆಟಾ ಎನ್ ಲೈನ್ (Hyundai Creta N Line) ಸ್ಪೋರ್ಟಿ ಲುಕ್ ಮತ್ತು ಅತ್ಯಾಧುನಿಕ ಫೀಚರ್ಸ್ ಗಳಿಂದ ಮೋಡಿ ಮಾಡುತ್ತಿದೆ. ಸ್ಟ್ಯಾಂಡರ್ಡ್ ಹ್ಯುಂಡೈ ಕ್ರೆಟಾ ಮಾದರಿಗೆ ಹೋಲಿಸಿದರೆ ಕೆಲವು ಬದಲಾವಣೆಗಳನ್ನು ಹೊಂದಿದೆ. ನಾವು ಇತ್ತೀಚೆಗೆ, ಈ ಹೊಸ ಹೊಸ ಹ್ಯುಂಡೈ ಕ್ರೆಟಾ ಎನ್ ಲೈನ್ ಎಸ್‍ಯುವಿಯನ್ನು ದೆಹಲಿಯಲ್ಲಿ ಡ್ರೈವ್ ಮಾಡಿದ್ದೇವೆ. ಈ ಹೊಸ ಎಸ್‍ಯುವಿಯ ಬದಲಾವಣಿಗಳು, ಡ್ರೈವಿಂಗ್ ಅನುಭವ ಮತ್ತು ಹೆಚ್ಚಿನ ಮಾಹಿತಿಯ ವಿಡಿಯೋ ಇಲ್ಲಿದೆ.

ಹ್ಯುಂಡೈ ಕ್ರೆಟಾ ಎನ್ ಲೈನ್‌ಗೆ ಪ್ರಮುಖ ಬದಲಾವಣೆಗಳು ದೃಶ್ಯ ಮತ್ತು ವೈಶಿಷ್ಟ್ಯದ ನವೀಕರಣಗಳ ರೂಪದಲ್ಲಿ ಬರುತ್ತವೆ. ಕ್ರೆಟಾ ಎನ್ ಲೈನ್‌ನ ಹೊರಭಾಗವು ಹೊಸ ಬಂಪರ್‌ಗಳು, ಹೆಚ್ಚು ಗಮನಾರ್ಹವಾದ ಸೈಡ್ ಸ್ಕರ್ಟ್‌ಗಳು ಮತ್ತು ಕಡಿಮೆ ಪ್ರೊಫೈಲ್ 215/55 R18 ಟೈರ್‌ಗಳಲ್ಲಿ ಬರುವ 18-ಇಂಚಿನ ಚಕ್ರಗಳ ಹೊಸ ಸೆಟ್‌ಗಳನ್ನು ಹೊಂದಿದೆ. ಎಸ್‍ಯುವಿಯ ಪ್ರಮುಖ ಸ್ಪಾಯ್ಲರ್ ಮತ್ತು ಟ್ವಿನ್-ಟಿಪ್ ಎಕ್ಸಾಸ್ಟ್‌ನ ಹಿಂಭಾಗ ಎಂಜಿನ್ ಸೌಂಡ್ ಸಖತ್ ಥ್ರೀಲ್ ಆಗಿದೆ.

ಈ ಎಸ್‍ಯುವಿ ಬಂಪರ್‌ಗಳು ಮತ್ತು ಸೈಡ್ ಸ್ಕರ್ಟ್‌ಗಳಲ್ಲಿ ರೆಡ್ ಕಾಂಟ್ರಾಸ್ಟ್ ವಿಭಾಗಗಳನ್ನು ಒಳಗೊಂಡಿರುತ್ತವೆ. ಕ್ರೆಟಾ ಎನ್ ಲೈನ್ ಒಳಭಾಗದಲ್ಲಿ ರೆಡ್ ಅಸ್ಸೆಂಟ್ ಗಳು ಮತ್ತು ಹೆಚ್ಚು ಪ್ರಾಮುಖ್ಯತೆಯನ್ನು ಹೊಂದಿವೆ ಮತ್ತು ಕ್ಯಾಬಿನ್‌ನ ಎಲ್ಲಾ-ಕಪ್ಪು ಥೀಮ್‌ಗೆ ವಿರುದ್ಧವಾಗಿ ಕೆಂಪು ಆಂಬಿಯೆಂಟ್ ಲೈಟಿಂಗ್‌ನಿಂದ ಮತ್ತಷ್ಟು ಹೈಲೈಟ್ ಆಗಿವೆ. ಇತರ ಬದಲಾವಣೆಗಳು ಹೊಸ N-ಬ್ಯಾಡ್ಜ್ ಸ್ಟೀರಿಂಗ್ ವೀಲ್ ಮತ್ತು ಲೋಹದ ಪೆಡಲ್ಗಳೊಂದಿಗೆ ಗೇರ್ ಲಿವರ್ ಅನ್ನು ಒಳಗೊಂಡಿವೆ.

ಈ ಹೊಸ ಎಸ್‍ಯುವಿಯ ಮೇಲಿನ ಬ್ಲ್ಯಾಕ್ ಲೆಥೆರೆಟ್ ರೆಡ್ ಅಸ್ಸೆಂಟ್ ಗಳು ಮತ್ತು ಕಾಂಟ್ರಾಸ್ಟ್ ಸ್ಟಿಚಿಂಗ್ ಜೊತೆಗೆ N ಲೋಗೋವನ್ನು ಸಹ ಒಳಗೊಂಡಿದೆ. ಸಾಮಾನ್ಯ ಕ್ರೆಟಾಗೆ ಹೋಲಿಸಿದರೆ ಹೊಸ ಹುಂಡೈ ಕ್ರೆಟಾ ಎನ್ ಲೈನ್‌ಗೆ ಯಾಂತ್ರಿಕ ಬದಲಾವಣೆಗಳು ಸ್ವಲ್ಪ ಟ್ವೀಕ್ ಮಾಡಲಾದ ಸಸ್ಪೆಕ್ಷನ್ ಮತ್ತು ಸ್ಟೀರಿಂಗ್ ಸೆಟಪ್ ಮತ್ತು ಹೊಸ ಎಕ್ಸಾಸ್ಟ್ ಅನ್ನು ಒಳಗೊಂಡಿವೆ.

ಹ್ಯುಂಡೈ ಕ್ರೆಟಾ ಎನ್ ಲೈನ್ ಎಸ್‍ಯುವಿಯಲ್ಲಿ 1.5-ಲೀಟರ್, 4-ಸಿಲಿಂಡರ್, ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿದೆ. ಈ ಎಂಜಿನ್ 5,500 rpm ನಲ್ಲಿ 158 bhp ಪವರ್ ಮತ್ತು 3,500rpm ನಲ್ಲಿ 253 Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ಅನ್ನು 6-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್ ಅಥವಾ 7-ಸ್ಪೀಡ್ DCT ಯುನಿಟ್ ನಡುವೆ ಆಯ್ಕೆಯನ್ನು ನೀಡಿದೆ.