ಬಡವರ ಅಂಬಾರಿ ಆಗುತ್ತಾ? ಟಾಟಾ ಪಂಚ್‍‍ಗೆ ಸೆಡ್ಡು ಹೊಡೆಯಲು ಬರುತ್ತಿದೆ ಹೊಸ ಕಿಯಾ ಕಾರು

ಭಾರತೀಯ ಮಾರುಕಟ್ಟೆಯಲ್ಲಿ ಮಾರುತಿ ಸುಜುಕಿ, ಹ್ಯುಂಡೈ, ಟಾಟಾ ಮೋಟಾರ್ಸ್ ಮತ್ತು ಮಹೀಂದ್ರಾ ಮುಂತಾದ ಕಾರು ತಯಾರಕರು ಸಬ್-4-ಮೀಟರ್ ಕಾಂಪ್ಯಾಕ್ಟ್ ಯುವಿ ವಿಭಾಗದಲ್ಲಿ ತಮ್ಮ ಮಾದರಿಗಳನ್ನು ಬಿಡುಗಡೆ ಮಾಡಿದ್ದಾರೆ. ಏಕೆಂದರೆ ಈ ವಿಭಾಗವು ಭಾರೀ ಬೆಳವಣಿಗೆಯನ್ನು ಕಾಣುತ್ತಿದೆ. ಈ ವಿಭಾಗಕದ ಮೇಲೆ ಕಿಯಾ (Kia) ಕಣ್ಣಿಟ್ಟಿದೆ. ಈ ವಿಭಾಗಕ್ಕೆ ಹೊಸ ಪುಟ್ಟ ಎಸ್‌ಯುವಿಯನ್ನು ಬಿಡುಗಡೆಗೊಳಿಸಲು ಸಜ್ಜಾಗುತ್ತಿದೆ. ಸಬ್ ಎಸ್‍ಯುವಿಗಳು ಆಕರ್ಷಕ ಪ್ರೊಫೈಲ್ ಅನ್ನು ಹೊಂದಿರುತ್ತದೆ. ಹೆಚ್ಚು ಗ್ರಾಹಕರ ಗಮನ ಸೆಳೆಯುಲು ಈ ಹೊಸ ಕಿಯಾ ಕ್ಲಾವಿಸ್ (Kia Clavis) ಎಸ್‍ಯುವಿಯನ್ನು ತರುತ್ತಿದೆ.

ಈ ಹೊಸ ಸಬ್-4-ಮೀಟರ್ ಕಾಂಪ್ಯಾಕ್ಟ್ ಯುವಿ ಈ ವರ್ಷದ ಕೊನೆಯಲ್ಲಿ ಭಾರತದಲ್ಲಿ ಪಾದಾರ್ಪಣೆ ಮಾಡುವ ನಿರೀಕ್ಷೆಯಿದೆ. ಕಿಯಾ ಈಗಾಗಲೇ ಭಾರತದಲ್ಲಿ ಕ್ಲಾವಿಸ್ ಹೆಸರನ್ನು ಟ್ರೇಡ್‌ಮಾರ್ಕ್ ಮಾಡಿದೆ. ಈ ಕಿಯಾ ಕ್ಲಾವಿಸ್ ಮಾದರಿಗೆ AY ಎಂಬ ಕೋಡ್ ನೇಮ್ ಅನ್ನು ನೀಡಿದೆ. ಕಿಯಾ ಇಂಡಿಯಾ ಭಾರತದಲ್ಲಿ ಎಲ್ಲಾ ಹೊಸ ಕ್ಲಾವಿಸ್ ಅನ್ನು ಬಿಡುಗಡೆ ಮಾಡಲು ಸಿದ್ಧವಾಗುತ್ತಿದೆ. ಹೊಸ ಕಿಯಾ ಕ್ಲಾವಿಸ್ ಮತ್ತೊಮ್ಮೆ ರೋಡ್ ಟೆಸ್ಟ್ ನಡೆಸುವಾಗ ಕಾಣಿಸಿಕೊಂಡಿದೆ.

ಈ ಬಾರಿ ಯಮುನಾ ಎಕ್ಸ್‌ಪ್ರೆಸ್‌ವೇಯಲ್ಲಿ ಕಾಣಿಸಿಕೊಂಡಿದೆ. ಮುಂಬರುವ ಈ ಕಿಯಾ ಕ್ಲಾವಿಸ್ ಅದರ ಎತ್ತರದ, ಬಾಕ್ಸ್ ಪ್ರೊಫೈಲ್‌ನೊಂದಿಗೆ ಗುರುತಿಸಬಹುದಾಗಿದೆ. ಎಸ್‌ಯುವಿಯು ಒರಟಾದ ವಿನ್ಯಾಸವನ್ನು ಹೊಂದಿದ್ದು, ಟ್ಯಾಂಕ್ ಮಾದರಿಯ ಶೀಟ್ ಮೆಟಲ್ ರಚನೆಗಳನ್ನು ಹೊಂದಿದೆ. ಇನ್ನು ಕೆಲವು ಪ್ರಮುಖ ವೈಶಿಷ್ಟ್ಯಗಳಲ್ಲಿ ಪ್ರಮುಖವಾದ ಗ್ರಿಲ್, ಲಂಬವಾಗಿ ಸ್ಥಾನದಲ್ಲಿರುವ ಹೆಡ್‌ಲ್ಯಾಂಪ್‌ಗಳು ಮತ್ತು DRL ಗಳು, ಭಾರೀ-ಕಾಣುವ ಕ್ಲಾಮ್‌ಶೆಲ್ ಬಾನೆಟ್, ವ್ಹೀಲ್ ಅರ್ಚಾರ್ ಮತ್ತು ದಪ್ಪವಾದ ಬಾಡಿ ಕ್ಲಾಡಿಂಗ್ ಅನ್ನು ಹೊಂದಿದೆ.

ಇದರೊಂದಿಗೆ ಸ್ಪೋರ್ಟಿ 17-ಇಂಚಿನ ಅಲಾಯ್ ವ್ಹೀಲ್ಸ್, ಫ್ಲಶ್-ಟೈಪ್ ಡೋರ್ ಹ್ಯಾಂಡಲ್‌ಗಳು ಮತ್ತು ಕ್ರಿಯಾತ್ಮಕ ರೂಫ್ ರೈಲ್ ಗಳು ಸೇರಿವೆ. ಹಿಂಭಾಗದಲ್ಲಿ ಲೈಟ್ ಸೆಟಪ್ ಒಂದೇ ರೀತಿಯ ಭಾವನೆಯನ್ನು ಹೊಂದಿದೆ.ಈ ಎಸ್‍ಯುವಿ ಹಿಂಭಾಗದಲ್ಲಿ ಪೂರ್ಣ ಅಗಲದ LED ಲೈಟ್ ಬಾರ್ ಅನ್ನು ಹೊಂದಿದೆ. ಸ್ಪೈ ಚಿತ್ರಗಳಲ್ಲಿ, ಅದರ ರಸ್ತೆಯ ಉಪಸ್ಥಿತಿಯೊಂದಿಗೆ ನಾವು ಮುಂಭಾಗ ಮತ್ತು ಹಿಂಭಾಗದ ಪ್ರೊಫೈಲ್ ಅನ್ನು ವಿವರವಾಗಿ ಗಮನಿಸಬಹುದು.

ಈ ಕಿಯಾ ಕ್ಲಾವಿಸ್ ಸಮಗ್ರ ಶ್ರೇಣಿಯ ಪ್ರೀಮಿಯಂ ವೈಶಿಷ್ಟ್ಯಗಳನ್ನು ಹೊಂದಿರಲಿವೆ. ಇದರ ಕೆಲವು ಪ್ರಮುಖ ಹೈಲೈಟ್‌ಗಳಲ್ಲಿ ಡ್ಯುಯಲ್ 10.25-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಮತ್ತು ಇನ್‌ಸ್ಟ್ರುಮೆಂಟ್ ಡಿಸ್ಪ್ಲೇ, ಪನೋರಮಿಕ್ ಸನ್‌ರೂಫ್, ಮುಂಭಾಗ ಮತ್ತು ಹಿಂಭಾಗದ ಗಾಳಿ ಇರುವ ಸೀಟ್‌ಗಳು, 360 ಡಿಗ್ರಿ ಸರೌಂಡ್ ವ್ಯೂ ಕ್ಯಾಮೆರಾ ಮತ್ತು ಒಟ್ಟು 12 ಪಾರ್ಕಿಂಗ್ ಸೆನ್ಸಾರ್‌ಗಳು ಯುಎಸ್‌ಬಿ ಚಾರ್ಜಿಂಗ್ ಪೋರ್ಟ್‌ಗಳು ಮತ್ತು ರಿಯರ್ ಎಸಿ ವೆಂಟ್‌ಗಳನ್ನು ಸೇರಿವೆ.

ಈ ಕ್ಲಾವಿಸ್ ಎಸ್‌ಯುವಿ ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ಪ್ಲೇ, ವೈರ್‌ಲೆಸ್ ಚಾರ್ಜರ್ ಮತ್ತು ಫೋಲ್ಡಬಲ್ ಸೆಂಟ್ರಲ್ ಆರ್ಮ್‌ರೆಸ್ಟ್ ಅನ್ನು ಹೊಂದಿರುತ್ತದೆ. ICE ರೂಪಾಂತರಗಳನ್ನು 120 PS, 1.0-ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್‌ನೊಂದಿಗೆ ಬರುತ್ತದೆ. ಈ ಎಂಜಿನ್ ನೊಂದಿಗೆ 6-ಸ್ಪೀಡ್ iMT ಮತ್ತು 7-ಸ್ಪೀಡ್ DCT ಅನ್ನು ಒಳಗೊಂಡಿರುತ್ತದೆ.

ಕ್ಲಾವಿಸ್ ಇವಿ ಸುಮಾರು 350 ರಿಂದ 400 ಕಿ.ಮೀ ರೇಂಜ್ ಅನ್ನು ನೀಡಬಹುದು. ಈ ಕಿಯಾ ಹೊಸ ಎಸ್‍ಯುವಿಯು ದೇಶೀಯ ಮತ್ತು ರಫ್ತು ಮಾರುಕಟ್ಟೆಗಳನ್ನು ಗುರಿಯಾಗಿಸಿಕೊಳ್ಳಲಿದೆ. ವಾರ್ಷಿಕ ಸುಮಾರು 1 ಲಕ್ಷ ಯೂನಿಟ್ ಉತ್ಪಾದಿಸುವ ಯೋಜನೆ ಹೊಂದಿದೆ. ಸುರಕ್ಷತಾ ಕಿಟ್ 6-ಏರ್‌ಬ್ಯಾಗ್‌ಗಳು ಮತ್ತು ಎಲ್ಲಾ-4-ಡಿಸ್ಕ್ ಬ್ರೇಕ್‌ಗಳಂತಹ ವೈಶಿಷ್ಟ್ಯಗಳನ್ನು ಒಳಗೊಂಡಿರುತ್ತದೆ. ಕಿಯಾ ಕ್ಲಾವಿಸ್‌ನ ಟಾಪ್-ಸ್ಪೆಕ್ ರೂಪಾಂತರಗಳು ADAS ನೊಂದಿಗೆ ಬರುವ ನಿರೀಕ್ಷೆಯಿದೆ. ಕಿಯಾ ಕ್ಲಾವಿಸ್ ಮಾದರಿಯು ಎರಡೂ ರೂಪಾಂತರಗಳು ಲಭ್ಯವಿರುತ್ತವೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.

Source