ಜನಪ್ರಿಯ ಎಸ್‌ಯುವಿ ಮೇಲೆ ರೂ. 56 ಲಕ್ಷ ಬೆಲೆ ಇಳಿಕೆ: ಕಾರಣವೇನು?

ಜೆಎಲ್ಆರ್ (ಜಾಗ್ವಾರ್ ಮತ್ತು ಲ್ಯಾಂಡ್ ರೋವರ್) ತನ್ನ ಪ್ರಮುಖ ಎಸ್‌ಯುವಿ ರೇಂಜ್ ರೋವರ್ ಮತ್ತು ರೇಂಜ್ ರೋವರ್ ಸ್ಪೋರ್ಟ್‌ನ ಸಿಕೆಡಿ ಕಿಟ್‌ಗಳನ್ನು ಆಮದು ಮಾಡಿಕೊಳ್ಳಲು ನಿರ್ಧರಿಸಿದೆ. ಈ ಮೂಲಕ ಕಂಪನಿಯು ಈಗ ಈ ಎಸ್‌ಯುವಿಗಳನ್ನು ಸ್ಥಳೀಯವಾಗಿ ಜೋಡಿಸಲಿದ್ದು, ತೆರಿಗೆಗಳು ಕಡಿಮೆಯಾಗಿ ಕಾರುಗಳ ಬೆಲೆ ಇಳಿಕೆಯಾಗಲಿದೆ.

ಏನಿದು CKD: 'ಕಂಪ್ಲೀಟ್ ನಾಕ್ಡ್ ಡೌನ್' ಅಂದರೆ ಪೂರೈಕೆದಾರರಿಂದ ವಿವಿಧ ಘಟಕಗಳನ್ನು ಆಮದು ಮಾಡಿಕೊಂಡು ಒಂದೆಡೆ ಜೋಡಿಸುವುದು. ಇದರ ಪರಿಣಾಮವಾಗಿ ಪೂರ್ಣ ಗಾತ್ರದ ಲ್ಯಾಂಡ್ ರೋವರ್ ರೇಂಜ್ ರೋವರ್ ಬೆಲೆಗಳು ರೂ.56 ಲಕ್ಷಗಳವರೆಗೆ (ಎಕ್ಸ್ ಶೋರೂಂ) ಕಡಿಮೆಯಾದರೆ, ಸಣ್ಣ ರೇಂಜ್ ರೋವರ್ ಸ್ಪೋರ್ಟ್ ಬೆಲೆಗಳು ರೂ.29 ಲಕ್ಷಗಳಷ್ಟು (ಎಕ್ಸ್ ಶೋರೂಂ) ಕಡಿಮೆಯಾಗಲಿವೆ. ಇಂದಿನಿಂದ, ಪ್ರಮುಖ ರೇಂಜ್ ರೋವರ್ ಮತ್ತು ರೇಂಜ್ ರೋವರ್ ಸ್ಪೋರ್ಟ್ ಜೆಎಲ್‌ಆರ್‌ನ ಸ್ಥಳೀಯವಾಗಿ ಜೋಡಿಸಲಾದ ವಾಹನ ಪೋರ್ಟ್ ಫೋಲಿಯೊದಲ್ಲಿ ಸಣ್ಣ ರೇಂಜ್ ರೋವರ್ ವೆಲಾರ್ ಮತ್ತು ರೇಂಜ್ ರೋವರ್ ಇವೊಕ್ ಕೂಡ ಸೇರಲಿವೆ.

ಈಗ ಪುಣೆಯ ಹೊರಗಿನ ಜೆಎಲ್ಆರ್‌ನ ಚಕನ್ ಉತ್ಪಾದನಾ ಸೌಲಭ್ಯದಲ್ಲಿ ಸ್ಥಳೀಯವಾಗಿ ಸಿಕೆಡಿ ಕಿಟ್‌ಗಳೊಂದಿಗೆ ಜೋಡಿಸಲಾಗುವುದು. ರೇಂಜ್ ರೋವರ್ ಮತ್ತು ರೇಂಜ್ ರೋವರ್ ಸ್ಪೋರ್ಟ್‌ನ ಎಲ್ಲಾ ವೇರಿಯೆಂಟ್‌ಗಳನ್ನು ಈ ಸಿಕೆಡಿ ಮೂಲಕ ತರಲಾಗುವುದಿಲ್ಲ. ಪೂರ್ಣ ಗಾತ್ರದ ರೇಂಜ್ ರೋವರ್‌ಗೆ ಸಂಬಂಧಿಸಿದಂತೆ, 3.0 ಲೀಟರ್ ಪೆಟ್ರೋಲ್ ಎಲ್‌ಡಬ್ಲ್ಯೂಬಿ ಮತ್ತು 3.0 ಲೀಟರ್ ಡೀಸೆಲ್ LWB HSC ಮಾತ್ರ ಸ್ಥಳೀಯವಾಗಿ ಜೋಡಿಸಲಿದ್ದಾರೆ.

ಇನ್ನು ರೇಂಜ್ ರೋವರ್ ಸ್ಪೋರ್ಟ್ ವಿಷಯಕ್ಕೆ ಬಂದರೆ, 3.0 ಲೀಟರ್ ಪೆಟ್ರೋಲ್ ಡೈನಾಮಿಕ್ SE ಮತ್ತು 3.0 ಲೀಟರ್ ಡೀಸೆಲ್ ಡೈನಾಮಿಕ್ SE ವೇರಿಯೆಂಟ್‌ಗಳನ್ನು ಮಾತ್ರ ಜೋಡಿಸಲಾಗುತ್ತದೆ. ಉಳಿದಂತೆ ಇತರ ಎಲ್ಲಾ ವೇರಿಯೆಂಟ್‌ಗಳನ್ನು ಮೊದಲಿನಂತೆ ಸಿಬಿಯು (ಕಂಪ್ಲೀಟ್ ಬಿಲ್ಟ್ ಯುನಿಟ್) ಮೂಲಕ ತರುವುದನ್ನು ಮುಂದುವರಿಸಲಾಗುವುದು. ಈ ವೇರಿಯೆಂಟ್‌ಗಳನ್ನು ಲಂಡನ್‌ನಲ್ಲಿರುವ ಕಂಪನಿಯ ಸೋಲಿಹಲ್ ಸೌಲಭ್ಯದಲ್ಲಿ ತಯಾರಿಸಲಾಗುತ್ತದೆ.

ಬೆಲೆ ಹೋಲಿಕೆ: ಈ ಹಿಂದೆ ಲ್ಯಾಂಡ್ ರೋವರ್ ರೇಂಜ್ ರೋವರ್ 3.0 ಲೀಟರ್ ಡೀಸೆಲ್ LWB HSC ಬೆಲೆಯು 2.80 ಕೋಟಿ ರೂ., ಇದು 3.0 ಲೀಟರ್ ಪೆಟ್ರೋಲ್ LWB ಆಟೋಬಯೋಗ್ರಫಿ ಬೆಲೆ 3.6 ಕೋಟಿ ರೂ. ಇತ್ತು. ಸ್ಥಳೀಯವಾಗಿ ಜೋಡಿಸಲಾದ ಮಾದರಿಗಳ ಬೆಲೆ 56 ಲಕ್ಷ ರೂ.ಗಳಷ್ಟು ಅಗ್ಗವಾಗುವುದರಿಂದ, ಈಗ ಅವುಗಳ ಬೆಲೆ ಕ್ರಮವಾಗಿ 2.36 ಕೋಟಿ ಮತ್ತು 2.60 ಕೋಟಿ ರೂ. ಆಗಲಿದೆ. ಈ ಮೂಲಕ ಮರ್ಸಿಡಿಸ್ ಬೆಂಝ್ ಜಿಎಲ್‌ಎಸ್, ಬಿಎಂಡಬ್ಲ್ಯು ಎಕ್ಸ್ 7 ನಂತಹ ಇತರ ಪೂರ್ಣ ಗಾತ್ರದ ಎಸ್‌ಯುವಿಗಳಿಗೆ ಪ್ರತಿಸ್ಪರ್ಧಿಯಾಗಲಿವೆ.

ಇನ್ನು ಡೈನಾಮಿಕ್ SE ಟ್ರಿಮ್‌ನ 3.0 ಲೀಟರ್ ಪೆಟ್ರೋಲ್ ಮತ್ತು 3.0 ಲೀಟರ್ ಡೀಸೆಲ್ ರೂಪಾಂತರಗಳ ಬೆಲೆಯು ಈ ಹಿಂದೆ ರೂ.1.69 ಕೋಟಿಯಿತ್ತು. ಸ್ಥಳೀಯವಾಗಿ ಜೋಡಿಸಲಾಗುವ ಆವೃತ್ತಿಗಳ ಬೆಲೆಯು ರೂ.29 ಲಕ್ಷ ಕಡಿಮೆಯಾಗುವ ಮೂಲಕ ಹೊಸ ಬೆಲೆಯು ರೂ.1.40 ಕೋಟಿಗಳಾಗಲಿದೆ. ಇದು ಮರ್ಸಿಡಿಸ್ ಬೆಂಝ್ ಜಿಎಲ್ಇ, ಆಡಿ ಕ್ಯೂ 7, ವೋಲ್ವೋ ಎಕ್ಸ್‌ಟಿ 90, ಪೋರ್ಷೆ ಕೇಯೆನ್ ಮತ್ತು ಇತರ ಕಾರುಗಳಿಗೆ ಪೈಪೋಟಿ ನೀಡುತ್ತದೆ.

ಸ್ಥಳೀಯವಾಗಿ ಜೋಡಿಸಲಾದ ರೇಂಜ್ ರೋವರ್ ಸ್ಪೋರ್ಟ್ ವಿತರಣೆ ಆಗಸ್ಟ್ 16 ರಿಂದ ಪ್ರಾರಂಭವಾಗಲಿದ್ದು, ಅವುಗಳನ್ನು ಮಹಾರಾಷ್ಟ್ರದ ಅಲಿಬಾಗ್‌ನಲ್ಲಿರುವ ಲ್ಯಾಂಡ್ ರೋವರ್ ಹೌಸ್‌ನಲ್ಲಿ ಪ್ರದರ್ಶಿಸಲಾಗುವುದು. ಸ್ಥಳೀಯವಾಗಿ ಜೋಡಿಸಲಾದ ರೇಂಜ್ ರೋವರ್ ಅನ್ನು ಸಹ ಆ ಸಮಯದಲ್ಲಿ ಅಲ್ಲಿ ಪ್ರದರ್ಶಿಸುವ ಸಾಧ್ಯತೆಯಿದೆ. ಉಳಿದಂತೆ ಸ್ಥಳೀಯವಾಗಿ ಜೋಡಿಸಲಾದ ಪೂರ್ಣ ಗಾತ್ರದ ರೇಂಜ್ ರೋವರ್‌ನ ವಿತರಣಾ ದಿನಾಂಕದ ಬಗ್ಗೆ ಇನ್ನೂ ತಿಳಿದಿಲ್ಲ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.