ಬಹುನಿರೀಕ್ಷಿತ ಸ್ಕೋಡಾ ಕೈಲಾಕ್ ಉತ್ಪಾದನೆ ಪ್ರಾರಂಭ: 10,000 ಬುಕಿಂಗ್ಸ್... ಜನವರಿಯಲ್ಲಿ ಡೆಲಿವರಿ!

ಸ್ಕೋಡಾ ಆಟೋ ವೋಕ್ಸ್‌ವ್ಯಾಗನ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ (SAVWIPL) ಪುಣೆಯ ಚಕನ್‌ನಲ್ಲಿರುವ ತನ್ನ ಅತ್ಯಾಧುನಿಕ ಉತ್ಪಾದನಾ ಘಟಕದಲ್ಲಿ ಸ್ಕೋಡಾ ಕೈಲಾಕ್ ಉತ್ಪಾದನೆಯ ಪ್ರಾರಂಭವನ್ನು ಘೋಷಿಸಿದೆ. "ಮೇಕ್ ಇನ್ ಇಂಡಿಯಾ"ಗೆ ಅನುಗುಣವಾಗಿ ಸ್ಕೋಡಾ ಕೈಲಾಕ್ ಅನ್ನು ಸ್ಥಳೀಯವಾಗಿ ತಯಾರಿಸಲಾಗುತ್ತಿದೆ. ಇದು ಉನ್ನತ ಮಟ್ಟದ ಸ್ಥಳೀಕರಣದೊಂದಿಗೆ ದೃಢವಾದ MQB-A0-IN ಪ್ಲಾಟ್‌ಫಾರ್ಮ್‌ನಲ್ಲಿ ಬ್ರಾಂಡ್‌ನಿಂದ ನಿರ್ಮಿಸಲಾದ ಐದನೇ ಕಾರಾಗಿದೆ. ಸ್ಕೋಡಾ ಕೈಲಾಕ್ ಅನ್ನು ಸುರಕ್ಷತೆ, ಸೌಕರ್ಯ, ಗುಣಮಟ್ಟ ಮತ್ತು ಜಾಗತಿಕ ವಿನ್ಯಾಸ ಎಂಬ ನಾಲ್ಕು ಪ್ರಧಾನ ಅಂಶಗಳ ಮೇಲೆ ನಿರ್ಮಿಸಲಾಗಿದೆ ಎಂದು ಕಂಪನಿ ಹೇಳಿದೆ.

ಸ್ಕೋಡಾ ಆಟೋ ಫೋಕ್ಸ್‌ವ್ಯಾಗನ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಪಿಯೂಷ್ ಅರೋರಾ ಮಾತನಾಡಿ, "ಸ್ಕೋಡಾ ಆಟೋ ಇಂಡಿಯಾದ ಮೊದಲ ಸಬ್ 4 ಮೀಟರ್ ಎಸ್‌ಯುವಿ ಉತ್ಪಾದನೆಯನ್ನು ಪ್ರಾರಂಭಿಸಲು ನಾವು ರೋಮಾಂಚನಗೊಂಡಿದ್ದೇವೆ. ಭಾರತೀಯ ಗ್ರಾಹಕರ ವಿಕಸನದ ಅವಶ್ಯಕತೆಗಳನ್ನು ಪೂರೈಸಲು ಕೈಲಾಕ್ ಅನ್ನು ಭಾರತದಲ್ಲಿ ವಿನ್ಯಾಸಗೊಳಿಸಿ ಅಭಿವೃದ್ಧಿಪಡಿಸಲಾಗಿದೆ.

ಸ್ಥಳೀಯವಾಗಿ ಕೈಲಾಕ್ ಅನ್ನು ತಯಾರಿಸುವ ಮೂಲಕ, ನಾವು ಮೇಕ್-ಇನ್-ಇಂಡಿಯಾ ಉಪಕ್ರಮವನ್ನು ಹೆಮ್ಮೆಯಿಂದ ಬೆಂಬಲಿಸುತ್ತೇವೆ. ಸುರಕ್ಷತೆ, ಸೌಕರ್ಯ ಮತ್ತು ಡ್ರೈವಿಂಗ್ ಡೈನಾಮಿಕ್ಸ್ ಅನ್ನು ತಲುಪಿಸುತ್ತೇವೆ. ಕಳೆದ ತಿಂಗಳು ವಿಶ್ವ ಪ್ರೀಮಿಯರ್‌ನಲ್ಲಿ ಪಡೆದ ಸಕಾರಾತ್ಮಕ ಸ್ವಾಗತವನ್ನು ನೋಡಲು ಇದು ಹರ್ಷದಾಯಕವಾಗಿದೆ. ಸ್ಕೋಡಾ ಕೈಲಾಕ್ ನಿಜವಾಗಿಯೂ ಭಾರತೀಯ ಕಾರು ಖರೀದಿದಾರರ ಮನಗೆಲ್ಲುವ ವಿಶ್ವಾಸವಿದೆ ಎಂದರು.

ಸ್ಕೋಡಾ ತನ್ನ ಚಕನ್ ಪ್ಲಾಂಟ್‌ನ ಉತ್ಪಾದನಾ ಸಾಮರ್ಥ್ಯವನ್ನು ಕೈಲಾಕ್‌ನ ಉತ್ಪಾದನೆಯೊಂದಿಗೆ ವಾರ್ಷಿಕವಾಗಿ 2,55,000 ಯುನಿಟ್‌ ಕಾರುಗಳಿಗೆ ಹೆಚ್ಚಿಸಿದೆ. ಕಾರ್ಯಾಚರಣೆಯ ದಕ್ಷತೆಯು ಗಮನಾರ್ಹವಾಗಿ ಸುಧಾರಿಸಿದೆ, ಸಮರ್ಥನೀಯ ಉತ್ಪಾದನೆಗೆ ಸ್ಕೋಡಾ ಬದ್ಧತೆಗೆ ಅನುಗುಣವಾಗಿ, ಕೈಲಾಕ್ ಕ್ಯಾಬಿನ್‌ನಲ್ಲಿ ಬಿದಿರಿನ ಫೈಬರ್‌ನಂತಹ ಪರಿಸರ ಸ್ನೇಹಿ ವಸ್ತುಗಳನ್ನು ನೀಡಲಾಗಿದೆ ಎಂದರು.

ಸ್ಕೋಡಾ ಕೈಲಾಕ್ ತನ್ನ ಕವರ್ಡ್ ಡ್ರೈವ್ ಮತ್ತು ವರ್ಲ್ಡ್ ಸ್ಟ್ಯಾಟಿಕ್ ಪ್ರೀಮಿಯರ್ ಸಮಯದಲ್ಲಿ ಈಗಾಗಲೇ ಉತ್ತಮ ವಿಮರ್ಶೆಗಳನ್ನು ಸ್ವೀಕರಿಸಿದೆ. ಆಕರ್ಷಕ ಬೆಲೆಯಲ್ಲಿ ವಿನ್ಯಾಸ, ದೃಢವಾದ ಇಂಜಿನಿಯರಿಂಗ್, ಉನ್ನತ ಸುರಕ್ಷತಾ ಮಾನದಂಡಗಳ ಬಲವಾದ ಸಂಯೋಜನೆಯು ರೂ. 7.89 ಲಕ್ಷದಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗಲಿದೆ. ಇದು ಗೇಮ್ ಚೇಂಜರ್ ಆಗಲಿದೆ ಎಂದು ಕಂಪನಿ ವಿಶ್ವಾಸ ವ್ಯಕ್ತಪಡಿಸಿದೆ.

ಹೊಸ ಸ್ಕೋಡಾ ಕೈಲಾಕ್ 10 ದಿನಗಳಲ್ಲಿ ಬರೋಬ್ಬರಿ 10,000 ಕ್ಕೂ ಹೆಚ್ಚು ಬುಕಿಂಗ್‌ಗಳನ್ನು ಗಳಿಸಿದೆ. ಸ್ಕೋಡಾ ಡಿಸೆಂಬರ್ 2 ರಂದು ಕೈಲಾಕ್ ಕಾರಿಗಾಗಿ ಬುಕಿಂಗ್ ತೆರೆದಿತ್ತು. ಕಾರು ತಯಾರಕರು ಈಗಾಗಲೇ ಮೊದಲ 33,333 ಗ್ರಾಹಕರಿಗೆ ಸೀಮಿತ ಕೊಡುಗೆಯನ್ನು ಘೋಷಿಸಿದ್ದು, ಇದರಡಿ ಗ್ರಾಹಕರು ಕಾಂಪ್ಲಿಮೆಂಟರಿಯಾಗಿ 3 ವರ್ಷಗಳ ಸ್ಟ್ಯಾಂಡರ್ಡ್ ಮೆಂಟೆನೆನ್ಸ್ ಪ್ಯಾಕೇಜ್ (ಎಸ್ಎಂಪಿ) ಪಡೆಯಲಿದ್ದಾರೆ ಎಂದು ಕಂಪನಿ ತಿಳಿಸಿದೆ.

ಜೊತೆಗೆ ಹೊಸ ಸ್ಕೋಡಾ ಕೈಲಾಕ್ ಸಬ್ -4 ಮೀಟರ್ ಕಾಂಪ್ಯಾಕ್ಟ್ ಎಸ್‌ಯುವಿಯ ಮೊದಲ 33,333 ಗ್ರಾಹಕರಿಗೆ ಐದು ವರ್ಷಗಳವರೆಗೆ ಪ್ರತಿ ಕಿ.ಮೀ.ಗೆ 0.24 ರೂ.ಗಳಂತೆ ಅತ್ಯಂತ ಕಡಿಮೆ ನಿರ್ವಹಣಾ ವೆಚ್ಚವನ್ನು ಹೊಂದಿದೆ ಎಂದು ಹೇಳಲಾಗಿದೆ. ಹೊಸ ಸ್ಕೋಡಾ ಕೈಲಾಕ್ ಎಸ್‌ಯುವಿಯ ವಿತರಣೆಯು ಜನವರಿ 27 ರಿಂದ ಪ್ರಾರಂಭವಾಗಲಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.