531 ಕಿ.ಮೀ ರೇಂಜ್‌ನ ಬಿಎಂಡಬ್ಲ್ಯು ಎಕ್ಸ್1 ಲಾಂಗ್ ವೀಲ್‌ಬೇಸ್ ಎಲೆಕ್ಟ್ರಿಕ್ ಕಾರು ಬಿಡುಗಡೆ

ಜನಪ್ರಿಯ ಕಾರು ತಯಾರಕ ಕಂಪನಿಯಾದ ಬಿಎಂಡಬ್ಲ್ಯು ಇಂಡಿಯಾ ತನ್ನ ಬಿಎಂಡಬ್ಲ್ಯು ಎಕ್ಸ್1 ಲಾಂಗ್ ವೀಲ್‌ಬೇಸ್ ಆಲ್ ಎಲೆಕ್ಟ್ರಿಕ್ ಕಾರನ್ನು ಬಿಡುಗಡೆಗೊಳಿಸಿದೆ. ಈ ಹೊಸ ಬಿಎಂಡಬ್ಲ್ಯು ಎಕ್ಸ್1 ಲಾಂಗ್ ವೀಲ್‌ಬೇಸ್ (BMW X1 Long Wheelbase) ಎಲೆಕ್ಟ್ರಿಕ್ ಕಾರಿನ ಬೆಲೆಯು ಎಕ್ಸ್ ಶೋರೂಂ ಪ್ರಕಾರ ರೂ.49 ಲಕ್ಷವಾಗಿದೆ. ಇನ್ನು ಈ ಹೊಸ ಬಿಎಂಡಬ್ಲ್ಯು ಕಾರನ್ನು ಸ್ಥಳೀಯವಾಗಿ ಬಿಎಂಡಬ್ಲ್ಯು ಕಂಪನಿಯ ಚೆನ್ನೈ ಘಟಕದಲ್ಲಿ ಉತ್ಪಾದಿಸಲಾಗುತ್ತದೆ. ಇದು eDrive20L ಡ್ರೈವ್‌ಟ್ರೇನ್‌ನೊಂದಿಗೆ ಬರುತ್ತದೆ ಮತ್ತು ಭಾರತದಾದ್ಯಂತ ಬಿಎಂಡಬ್ಲ್ಯು ಡೀಲರ್‌ಶಿಪ್‌ಗಳಲ್ಲಿ ಬುಕಿಂಗ್‌ಗೆ ಲಭ್ಯವಿದೆ. 2025ರ ದ್ವಿತೀಯಾರ್ಧದಲ್ಲಿ ಈ ಬಿಎಂಡಬ್ಲ್ಯು ಕಾರಿನ ವಿತರಣೆಯು ಪ್ರಾರಂಭವಾಗಲಿದೆ.

ಈ ಬಿಎಂಡಬ್ಲ್ಯು ಲಾಂಗ್ ವೀಲ್‌ಬೇಸ್ ಆಲ್ ಎಲೆಕ್ಟ್ರಿಕ್ ಇಎಂಡಬ್ಲ್ಯುನ ಎಂಟ್ರಿ ಲೆವೆಲ್ ಇವಿ ರೇಂಜ್ ಗಮನಾರ್ಹವಾದ ಅಧಿಕವಾಗಿದೆ. ಈ ಹೊಸ ಬಿಎಂಡಬ್ಲ್ಯು ಎಲೆಕ್ಟ್ರಿಕ್ ಕಾರು 531 ಕಿ.ಮೀ ರೇಂಜ್ ಅನ್ನು ನೀಡುತ್ತದೆ. ಇನ್ನು ಈ ಎಲೆಕ್ಟ್ರಿಕ್ ಎಸ್‍ಯುವಿ ಸಿಟಿ ಪ್ರಯಾಣ ಮತ್ತು ದೀರ್ಘ ಪ್ರಯಾಣ ಎರಡಕ್ಕೂ ವಿನ್ಯಾಸಗೊಳಿಸಲಾಗಿದೆ. ಇದರ ಹಿಂದಿನ ಮಾದರಿಗೆ ಹೋಲಿಸಿದರೆ ಹೆಚ್ಚು ಸ್ಥಳಾವಕಾಶ ಮತ್ತು ಸೌಕರ್ಯವನ್ನು ನೀಡುತ್ತದೆ.

ಈ ಹೊಸ ಬಿಎಂಡಬ್ಲ್ಯು ಎಕ್ಸ್1 ಲಾಂಗ್ ವೀಲ್‌ಬೇಸ್ ಎಲೆಕ್ಟ್ರಿಕ್ ಕಾರು 66.4 kWh ಬ್ಯಾಟರಿ ಮತ್ತು eDrive ತಂತ್ರಜ್ಞಾನವು ಮೃದುವಾದ ಮತ್ತು ಸ್ಪಂದಿಸುವ ಚಾಲನಾ ಗುಣಲಕ್ಷಣವನ್ನು ಸಕ್ರಿಯಗೊಳಿಸುತ್ತದೆ ಎಂದು ಹೇಳಲಾಗುತ್ತದೆ. ಈ ಬಿಎಂಡಬ್ಲ್ಯು X1 ಲಾಂಗ್ ವೀಲ್‌ಬೇಸ್ ಇವಿ ಮಾದರಿಯು ಇತ್ತೀಚಿನ iDrive ಸಿಸ್ಟಮ್‌ನಂತಹ ಸ್ಮಾರ್ಟ್ ಫೀಚರ್ ಅನ್ನು ಹೊಂದಿದೆ.

ಈ ಬಿಎಂಡಬ್ಲ್ಯು ಎಕ್ಸ್1 ಲಾಂಗ್ ವೀಲ್‌ಬೇಸ್ ಎಲೆಕ್ಟ್ರಿಕ್ ಕಾರು ವಾಯ್ಸ್ ಮತ್ತು ಸ್ಮೂತ್ ಕಂಟ್ರೋಲ್ ಗಳನ್ನು ಒಳಗೊಂಡಿದೆ. ಟ್ರಾಫಿಕ್ ಪರಿಸ್ಥಿತಿಗಳು ಮತ್ತು ಬ್ಯಾಟರಿ ಮಟ್ಟಗಳ ಆಧಾರದ ಮೇಲೆ ಚಾರ್ಜಿಂಗ್ ಸ್ಟಾಪ್‌ಗಳನ್ನು ಆಪ್ಟಿಮೈಜ್ ಮಾಡುವ ಮೂಲಕ ಚಾಲಕರು ತಮ್ಮ ಪ್ರವಾಸಗಳನ್ನು ಪರಿಣಾಮಕಾರಿಯಾಗಿ ಯೋಜಿಸಲು ಸಹಾಯ ಮಾಡುವ ಸ್ಮಾರ್ಟ್ ಇ-ರೂಟಿಂಗ್ ವೈಶಿಷ್ಟ್ಯವನ್ನು ಸಹ ಕಾರು ಹೊಂದಿದೆ.

ಇನ್ನು ಈ ಬಿಎಂಡಬ್ಲ್ಯು ಎಲೆಕ್ಟ್ರಿಕ್ ಕಾರು ಕೇವಲ 29 ನಿಮಿಷಗಳಲ್ಲಿ 10% ರಿಂದ 80% ವರೆಗೆ ಚಾರ್ಜ್ ಮಾಡುವ ಸಾಮರ್ಥ್ಯವನ್ನು ಹೊಂದಿರುವ 130 kW DC ಚಾರ್ಜರ್‌ನೊಂದಿಗೆ ವೇಗದ ಚಾರ್ಜಿಂಗ್ ಅನ್ನು ವಾಹನವು ಬೆಂಬಲಿಸುತ್ತದೆ. ಇನ್ನು ವಿಶಾಲವಾದ ಕ್ಯಾಬಿನ್ ನಲ್ಲಿ ಅತ್ಯಾಧುನಿಕ ಫೀಚರ್ಸ್ ಗಳನ್ನು ಹೊಂದಿವೆ. ಈ ಬಿಎಂಡಬ್ಲ್ಯು ಕಾರಿನಲ್ಲಿ ಬಹು-ಮಾರ್ಗ ಹೊಂದಾಣಿಕೆಯ ಸ್ಪೋರ್ಟ್ಸ್ ಸೀಟುಗಳು, ಪನರೊಮಿಕ್ ಸನ್‌ರೂಫ್ ಮತ್ತು ಹರ್ಮನ್ ಕಾರ್ಡನ್ ಸೌಂಡ್ ಸಿಸ್ಟಮ್‌ನಂತಹ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.

ಇನ್ನು ಈ ಎಲೆಕ್ಟ್ರಿಕ್ ಕಾರಿನ ಹಿಂಬದಿಯ ಸೀಟ್ ಸೌಕರ್ಯಕ್ಕಾಗಿ ವಿನ್ಯಾಸಗೊಳಿಸಲಾಗಿದೆ. ಇನ್ನು ವಿಸ್ತೃತ ಲೆಗ್‌ರೂಮ್ ಮತ್ತು ಹೊಂದಾಣಿಕೆಯ ಒರಗಿಕೊಳ್ಳುವ ಕಾರ್ಯವನ್ನು ನೀಡುತ್ತದೆ. ಈ MyBMW ಅಪ್ಲಿಕೇಶನ್ ಬಳಕೆದಾರರಿಗೆ ವಾಹನದ ಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡಲು ಮತ್ತು ದೂರದಿಂದಲೇ ಚಾರ್ಜಿಂಗ್ ಅನ್ನು ನಿರ್ವಹಿಸಲು ಅನುಮತಿಸುತ್ತದೆ.

ಈ ಬಿಎಂಡಬ್ಲ್ಯು ಎಲೆಕ್ಟ್ರಿಕ್ ಕಾರು ಡಿಜಿಟಲ್ ಕೀ ಪ್ಲಸ್ ಅನ್ನು ಹೊಂದಿದ್ದು, ಮಾಲೀಕರು ತಮ್ಮ ಸ್ಮಾರ್ಟ್‌ಫೋನ್ ಅಥವಾ ಸ್ಮಾರ್ಟ್‌ವಾಚ್ ಬಳಸಿ ಕಾರನ್ನು ಲಾಕ್ ಮಾಡಲು, ಅನ್‌ಲಾಕ್ ಮಾಡಲು ಮತ್ತು ಪ್ರಾರಂಭಿಸಲು ಅನುವು ಮಾಡಿಕೊಡುತ್ತದೆ. ಹೆಚ್ಚುವರಿಯಾಗಿ, X1 ಲಾಂಗ್ ವೀಲ್‌ಬೇಸ್ ಇವಿ ಲೇನ್ ಡಿಪರ್ಚಾರ್ ವಾರ್ನಿಂಗ್, ಬ್ಲೈಂಡ್ ಸ್ಪಾಟ್ ಅಸಿಸ್ಟ್ ಮತ್ತು ಆಟೋಮ್ಯಾಟಿಕ್ ಪಾರ್ಕಿಂಗ್ ಕಾರ್ಯಗಳಂತಹ ಸಮಗ್ರ ಡ್ರೈವರ್ ಅಸಿಸ್ಟ್ ಫೀಚರ್ಸ್ ಗಳನ್ನು ಹೊಂದಿವೆ.

ಈ ಹೊಸ ಬಿಎಂಡಬ್ಲ್ಯು ಎಕ್ಸ್1 ಲಾಂಗ್ ವೀಲ್‌ಬೇಸ್ ಎಲೆಕ್ಟ್ರಿಕ್ ಕಾರು ಮಿನರಲ್ ವೈಟ್ ಮತ್ತು ಕಾರ್ಬನ್ ಬ್ಲಾಕ್ ಸೇರಿದಂತೆ ಡ್ಯುಯಲ್ ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಿರುತ್ತದೆ. ಇನ್ನು ಈ ಬಿಎಂಡಬ್ಲ್ಯು ಎಲೆಕ್ಟ್ರಿಕ್ ಕಾರು ಸ್ಟ್ಯಾಂಡರ್ಡ್ ಆಗಿ ಎರಡು ವರ್ಷಗಳ ಅನಿಯಮಿತ ಕಿಲೋಮೀಟರ್ ವಾರಂಟಿಯೊಂದಿಗೆ ಬರುತ್ತದೆ. ಈ ಬಿಎಂಡಬ್ಲ್ಯು ಇಂಡಿಯಾ ಕಸ್ಟಮೈಸ್ ಮಾಡಿದ ಹಣಕಾಸು ಯೋಜನೆಗಳು ಮತ್ತು ರೋಡ್ ಅಸಿಸ್ಟ್ ಸೇರಿದಂತೆ ಹಣಕಾಸು ಸೇವೆಗಳನ್ನು ನೀಡುತ್ತದೆ.