ಹೊಸ ಹೈಬ್ರಿಡ್ ಎಸ್‌ಯುವಿ ಬಿಡುಗಡೆಗೆ ಸಜ್ಜು: ಈ ಕಾರು ಸಿಟ್ರನ್‌ಗೆ ಬ್ರಹ್ಮಾಸ್ತ್ರವಾಗಲಿದೆ!

ಸಿಟ್ರನ್ ಅಧಿಕೃತವಾಗಿ ಎರಡನೇ ತಲೆಮಾರಿನ ಸಿ5 ಏರ್‌ಕ್ರಾಸ್ ಎಸ್‌ಯುವಿಯನ್ನು ಹೊಸ ಹೈಬ್ರಿಡ್ ಮತ್ತು ಆಲ್-ಎಲೆಕ್ಟ್ರಿಕ್ ಪವರ್ ಟ್ರೇನ್ ಆಯ್ಕೆಗಳೊಂದಿಗೆ ಅನಾವರಣಗೊಳಿಸಿದೆ. ಸಿ-ಆಕಾರದ ಎಲ್ಇಡಿ ಡಿಆರ್‌ಎಲ್ ಗಳೊಂದಿಗೆ ಸ್ಲಿಮ್ ಹೆಡ್ ಲ್ಯಾಂಪ್‌ಗಳು ಫ್ರಂಟ್‌ ಲುಕ್‌ ಆಕರ್ಷಣೆಯನ್ನು ಮತ್ತಷ್ಟು ಹೆಚ್ಚಿಸಿದೆ. ಡ್ಯುಯಲ್-ಟೋನ್ ಬಂಪರ್, ಫ್ಲಶ್ ಫ್ಲಾಟ್ ಸ್ಲಾಟ್‌ಗಳು ಎಸ್‌ಯುವಿಗೆ ರಗಡ್ ಲುಕ್ ಅನ್ನು ಹೆಚ್ಚಿಸಿವೆ. ಕೆಳಗೆ ಬ್ಲಾಕ್ - ಔಟ್ ಸೆಂಟ್ರಲ್ ಏರ್ ಇನ್‌ಟೇಕ್ ಕೂಡ ಇದೆ. ಇವು ಅಕ್ಟೋಬರ್ 2024 ರಲ್ಲಿ ಪ್ರದರ್ಶಿಸಲಾದ ಕಾನ್ಸೆಪ್ಟ್ ಮಾಡಲ್‌ಗೆ ತೀರಾ ಹತ್ತಿರವೆನಿಸಿವೆ.

2025 ಸಿಟ್ರೋನ್ ಸಿ5 ಏರ್ ಕ್ರಾಸ್ ಬಾಹ್ಯ ವಿನ್ಯಾಸ: 20-ಇಂಚಿನ ಅಲಾಯ್ ವೀಲ್‌ಗಳು ಸ್ವಲ್ಪ ಟೋನ್ ಮಾಡಲಾಗಿದೆ, ಡಿ-ಪಿಲ್ಲರ್‌ನ ಸುತ್ತಲಿನ ವಿವರಗಳು ರೂಫ್‌ಗೆ ಹತ್ತಿರವಾಗಿಸಿವೆ. ಹಿಂಭಾಗದಲ್ಲಿ, ಉತ್ತಮ 3 ಡಿ ಪರಿಣಾಮವನ್ನು ಹೊಂದಿರುವ ಟೇಲ್-ಲ್ಯಾಂಪ್‌ಗಳಿಗೆ ಸಿ-ಆಕಾರದ ಥೀಮ್ ನೀಡಲಾಗಿದೆ. ಹಿಂಭಾಗದ ಬಂಪರ್ ಗ್ಲೋಸ್ ಮತ್ತು ಮ್ಯಾಟ್ ಫಿನಿಶ್ ಮಿಶ್ರಣವನ್ನು ನೀಡಲಾಗಿದೆ.

ಆಯಾಮಗಳ ವಿಷಯದಲ್ಲಿ, ಉದ್ದವು 150 ಎಂಎಂ ಹೆಚ್ಚಾಗಿದ್ದು, ಈಗ 4652 ಎಂಎಂ ವರೆಗೆ ಇದೆ. ಆದರೆ ಹೆಚ್ಚು ಪ್ರಮುಖ ಬದಲಾವಣೆಯೆಂದರೆ ವ್ಹೀಲ್ ಬೇಸ್ ನಲ್ಲಿ 600 ಎಂಎಂ ಹೆಚ್ಚಳ, ಇವೆಲ್ಲವೂ ಹಿಂಭಾಗದ ಲೆಗ್ ರೂಮ್ ಅನ್ನು ಹೆಚ್ಚಿಸಲು ಸಹಕರಿಸಿವೆ. ಉದ್ದಳತೆಗಳ ವಿಷಯದಲ್ಲೂ ಬಹುತೇಕ ಕಾನ್ಸೆಪ್ಟ್ ಮಾದರಿಗೆ ಹತ್ತಿರವಾಗಿದೆ.

ಇಂಟೀರಿಯರ್ ಮತ್ತು ಫೀಚರ್ಸ್: ಒಳಾಂಗಣವು ಸಂಪೂರ್ಣವಾಗಿ ಹೊಸದಾಗಿದ್ದು, ಡ್ಯಾಶ್‌ಬೋರ್ಡ್ ಪ್ರೀಮಿಯಂ ಆಗಿದ್ದು ಆಕರ್ಷಕ ಟಚ್ಸ್ಕ್ರೀನ್ ಹೊಂದಿದೆ. ಆಕರ್ಷಕ ಡ್ಯಾಶ್‌ಬೋರ್ಡ್ ಸಾಮಾನ್ಯ ಲಿವಿಂಗ್ ರೂಮ್, ಫೋಮ್ ಫ್ಯಾಬ್ರಿಕ್ ಪ್ಯಾಡಿಂಗ್ ಲೈಟ್ ಅಥವಾ ಗಾಢ ಬಣ್ಣಗಳ ಆಯ್ಕೆಯಲ್ಲಿ ಲಭ್ಯವಿರುವ ಸೋಫಾವನ್ನು ನೆನಪಿಸುತ್ತದೆ ಎಂದು ಸಿಟ್ರನ್ ಹೇಳಿದೆ.

ಅದೃಷ್ಟವಶಾತ್ ಎಲ್ಲಾ ಫಿಸಿಕಲ್ ಕಂಟ್ರೋಲ್‌ಗಳನ್ನು ನೀಡದೆ ಅಲ್ಲಲ್ಲಿ ಟಚ್ ಸ್ಕ್ರೀನ್ ನೀಡಲಾಗಿದೆ. ಕಂಟ್ರೋಲ್ ಬಾರ್‌ಗಳು, ಪ್ರೋಗ್ರಾಂ ಮಾಡಬಹುದಾದ ವಿಜೆಟ್‌ಗಳು ಮತ್ತು ಕ್ಲೈಮೆಟ್ ಕಂಟ್ರೋಲ್‌ಗೆ ನೇರ ಪ್ರವೇಶವನ್ನು ಪಡೆಯುತ್ತದೆ. ಕೆಳಗೆ ಮತ್ತು ಸೆಂಟರ್ ಕನ್ಸೋಲ್‌ನಲ್ಲಿ ಕೆಲವು ಫೀಸಿಕಲ್ ಸ್ವಿಚ್‌ಗೇರ್ ಇದೆ. ಎಸಿ ವೆಂಟ್‌ಗಳನ್ನು ಡ್ಯಾಶ್‌ಬೋರ್ಡ್ ಮೇಲಿನ ಸ್ಲಿಮ್ ಬ್ಯಾಂಡ್‌ನಲ್ಲಿ ಮರೆಮಾಡಲಾಗಿದೆ.

ಇದು 10 ಇಂಚಿನ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಮತ್ತು ಐಚ್ಛಿಕ ಹೆಡ್-ಅಪ್ ಡಿಸ್ಪ್ಲೇಯನ್ನು ನೀಡಲಾಗಿದೆ. ಸಿ 5 ಏರ್ ಕ್ರಾಸ್‌ನ ಉದ್ದನೆಯ ವ್ಹೀಲ್ ಬೇಸ್ ಅನ್ನು ಸಿಟ್ರನ್ 'ಸಿ-ಝೆನ್ ಲಾಂಜ್' ಎಂದು ಕರೆಯುತ್ತದೆ, 'ಅಡ್ವಾನ್ಸ್ಡ್ ಕಂಫರ್ಟ್' ಮುಂಭಾಗದ ಸೀಟುಗಳನ್ನು ಹಿಂಭಾಗದಲ್ಲಿ ದಪ್ಪವಾದ ಕೆಳ ಪ್ಯಾಡಿಂಗ್ ಮತ್ತು ಮೇಲ್ಭಾಗವನ್ನು "ಪ್ರಯಾಣಿಕರ ಭುಜಗಳನ್ನು ಶಾಲುನಂತೆ ಸುತ್ತುವರಿಯುವ" ಮೂಲಕ ನವೀಕರಿಸಲಾಗಿದೆ.

ಎರಡು ಹೈಬ್ರಿಡ್‌ಗಳು, ಒಂದು ಎಲೆಕ್ಟ್ರಿಕ್ ಪವರ್‌ಟ್ರೇನ್: ಹೊಸ ಸಿ5 ಏರ್ ಕ್ರಾಸ್ ಕಾರಿನಲ್ಲಿ ಒಂದು ಮೈಲ್ಡ್ ಮತ್ತು ಒಂದು ಪ್ಲಗ್-ಇನ್ - ಜೊತೆಗೆ ಆಲ್-ಎಲೆಕ್ಟ್ರಿಕ್ ಡ್ರೈವ್ ಟ್ರೇನ್ ನೊಂದಿಗೆ ಎರಡು ಹೈಬ್ರಿಡ್ ಎಂಜಿನ್ ಆಯ್ಕೆಗಳನ್ನು ನೀಡಲಾಗಿದೆ. 1.2-ಲೀಟರ್, ಮೂರು ಸಿಲಿಂಡರ್ ಪೆಟ್ರೋಲ್ ಎಂಜಿನ್ ನೊಂದಿಗೆ ಈ ಶ್ರೇಣಿಯು 134 ಬಿಹೆಚ್ ಪವರ್ ಹೊರಹಾಕುತ್ತದೆ. 6-ಸ್ಪೀಡ್ ಡ್ಯುಯಲ್-ಕ್ಲಚ್ ಆಟೋಮ್ಯಾಟಿಕ್ ಗೆ ಸಂಯೋಜಿಸಲಾಗಿದೆ.

ಮತ್ತೊಂದು ಆಯ್ಕೆಯಲ್ಲಿ ಪಿಎಚ್ಇವಿ 1.6-ಲೀಟರ್ ನಾಲ್ಕು ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಇದ್ದು, ಇದು 125 ಬಿಹೆಚ್ ಪವರ್ ಎಲೆಕ್ಟ್ರಿಕ್ ಮೋಟರ್ ನೊಂದಿಗೆ ಸಂಯೋಜಿಸಿ 195 ಬಿಹೆಚ್ ಪವರ್ ಮತ್ತು 21 ಕಿಲೋವ್ಯಾಟ್ ಬ್ಯಾಟರಿಯೊಂದಿಗೆ 85 ಕಿ.ಮೀ ರೇಂಜ್ ನೀಡುತ್ತದೆ. ಕೊನೆಯದಾಗಿ, ಎಲೆಕ್ಟ್ರಿಕ್ ಸಿ 5 ಏರ್ ಕ್ರಾಸ್ ಅನ್ನು 73 ಕಿಲೋವ್ಯಾಟ್ ಬ್ಯಾಟರಿಯೊಂದಿಗೆ 520 ಕಿ.ಮೀ ರೇಂಜ್ ನೀಡುವ ಸಂಪೂರ್ಣ ಎಲೆಕ್ಟ್ರಿಕ್ ಕಾರಿನ ಆಯ್ಕೆ ನೀಡಲಾಗಿದೆ.