Kia: ಭಾರತ ಮಾತ್ರವಲ್ಲ ಅಂತರಾಷ್ಟ್ರೀಯ ಮಾರಾಟದಲ್ಲಿ ಧೂಳೆಬ್ಬಿಸಿದ ಕಿಯಾ: ಹುಬ್ಬೇರಿಸಿದ ಪ್ರತಿಸ್ಪರ್ಧಿಗಳು!

ಕಿಯಾ (Kia) ಕಂಪನಿಯು ಭಾರತದಲ್ಲಿ ಇತ್ತೀಚಿನ ವರ್ಷಗಳಲ್ಲಿ ಜನಪ್ರಿಯತೆ ಪಡೆಯುತ್ತಿದೆಯಾದರೂ, ವಿಶ್ವದ ಇತರ ದೇಶಗಳಲ್ಲಿ ಈ ಕೊರಿಯಾ ಬ್ರಾಂಡ್ ಈಗಾಗಲೇ ಚಿರಪರಿಚಿತವಾಗಿದೆ. ಕಿಯಾ 2024 ರಲ್ಲಿ 3,089,457 ವಾಹನಗಳನ್ನು ಜಾಗತಿಕವಾಗಿ ಮಾರಾಟ ಮಾಡಲಾಗಿದೆ ಎಂದು ಹೊಸ ವಾರ್ಷಿಕ ಜಾಗತಿಕ ಮಾರಾಟ ದಾಖಲೆಯನ್ನು ಘೋಷಿಸಿದೆ. ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಶೇಕಡಾ 0.1 ರಷ್ಟು ಹೆಚ್ಚಳವನ್ನು ಸಾಧಿಸಿದೆ. ಅಂತರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಕಿಯಾ ಮತ್ತೊಮ್ಮೆ ಜಾಗತಿಕ ಬ್ರಾಂಡ್‌ ಆಗಿ ಎಂದು ಗುರ್ತಿಸಿಕೊಂಡಿದೆ.

ವಿಶೇಷ ಉದ್ದೇಶದ ವಾಹನ (Special purpose vehicles) ಗಳನ್ನು ಹೊರತುಪಡಿಸಿ, ಕೊರಿಯಾದ ಹೊರಗಿನ ಮಾರುಕಟ್ಟೆಗಳಲ್ಲಿ ಕಿಯಾ 2024 ರ ಮಾರಾಟವು ಹಿಂದಿನ ವರ್ಷಕ್ಕಿಂತ ಶೇಕಡಾ ಒಂದರಷ್ಟು ಏರಿಕೆಯನ್ನು ಕಂಡಿದೆ. ಕೊರಿಯಾ ಮಾರಾಟವನ್ನು ನೋಡುವುದಾದ್ರೆ, 5,40,010 ಯುನಿಟ್‌ ಕಾರುಗಳು ಮಾರಾಟವಾಗುವ ಮೂಲಕ ಕಳೆದ ವರ್ಷಕ್ಕೆ ಹೋಲಸಿದರೆ ಶೇ4.2 ರಷ್ಟು ಇಳಿಕೆಯಾಗಿದೆ.

ಕಿಯಾ ಅತ್ಯುತ್ತಮ ವಾರ್ಷಿಕ ಕಾರ್ಯಕ್ಷಮತೆಯನ್ನು 2023 ರಲ್ಲಿ ದಾಖಲಿಸಲಾಗಿದೆ, ಒಟ್ಟು 30,87,384 ಯುನಿಟ್‌ಗಳ ಮಾರಾಟವಾಗಿದೆ. ಇದು ಕೊರಿಯಾದ ಹೊರಗೆ ಮಾರಾಟವಾದ 25,18,016 ಘಟಕಗಳನ್ನು ಮತ್ತು ಕೊರಿಯಾದಲ್ಲಿ 5,63,660 ವಾಹನಗಳನ್ನು ಒಳಗೊಂಡಿದೆ. 2024 ರ ಜಾಗತಿಕ ಮಾರಾಟ ಶ್ರೇಯಾಂಕಗಳಲ್ಲಿ ಕಿಯಾದ ಅಂತರಾಷ್ಟ್ರೀಯ ಮಾದರಿಯಾದ ಸ್ಪೋರ್ಟೇಜ್ ಎಸ್‌ಯುವಿ (Sportage SUV) ಕಿಯಾ ಕಾರುಗಳ ಲೈನ್‌ಅಪ್‌ನಲ್ಲಿ ಅಗ್ರಸ್ಥಾನದಲ್ಲಿದೆ.

ಈ ಕಿಯಾ ಸ್ಪೋರ್ಟೇಜ್ ಎಸ್‌ಯುವಿ ಜಾಗತಿಕವಾಗಿ 5,87,717 ವಾಹನಗಳನ್ನು ಮಾರಾಟ ಮಾಡಿದೆ, ನಂತರ ಸೆಲ್ಟೋಸ್ SUV (3,12,246 ಕಾರುಗಳು) ಮತ್ತು ಸೊರೆಂಟೊ SUV (2,80,705 ಕಾರುಗಳು) ಇದೆ. ಕಂಪನಿಯ ಅತ್ಯುತ್ತಮ ವಾರ್ಷಿಕ ಮಾರಾಟವು Kia EV3 ನಂತಹ ಸ್ಪರ್ಧಾತ್ಮಕ ಹೊಸ ಮಾದರಿಗಳ ಬಿಡುಗಡೆಯಿಂದ ಕಂಪನಿಯ ಮಾರಾಟವನ್ನು ಹೆಚ್ಚಿವೆ.

ಜೊತೆಗೆ ಹೊಸ K4 ಸೆಡಾನ್ ಮತ್ತು ಕಾರ್ನಿವಲ್ MPV ಯ ಹೈಬ್ರಿಡ್ ಮಾದರಿ - ಜೊತೆಗೆ ಸ್ಥಿರವಾದ ಕೈಗಾರಿಕಾ ಪರಿಸ್ಥಿತಿಗಳು ಮತ್ತು ಹೊಂದಿಕೊಳ್ಳುವ ವ್ಯಾಪಾರ ಕಾರ್ಯಾಚರಣೆಗಳು, ವಾಹನ ಉತ್ಪಾದನೆ ಮತ್ತು ಪೂರೈಕೆ ಈ ಮಟ್ಟದ ಮಾರಾಟಕ್ಕೆ ಪ್ರಮುಖ ಕೊಡುಗೆಗಳಾಗಿವೆ. 2025 ರಲ್ಲಿ, ಕಿಯಾ 3,216,200 ಯುನಿಟ್‌ಗಳ ಜಾಗತಿಕ ಮಾರಾಟವನ್ನು ಗುರಿಯಾಗಿಸಿಕೊಂಡಿದೆ.

ಕಂಪನಿಯ ಪ್ರಕಾರ, ಬ್ರ್ಯಾಂಡ್ ಕೊರಿಯಾದಲ್ಲಿ 5,50,000 ಕಾರುಗಳನ್ನು ಮತ್ತು ವಿದೇಶದಲ್ಲಿ 26,58,000 ವಾಹನಗಳನ್ನು ಮಾರಾಟ ಮಾಡುವ ಗುರಿಯನ್ನು ಹೊಂದಿದೆ. ಕಿಯಾ 8,200 ವಿಶೇಷ ಉದ್ದೇಶದ (Special purpose vehicles) ವಾಹನಗಳನ್ನು ಮಾರಾಟ ಮಾಡುವ ನಿರೀಕ್ಷೆಯಿದೆ. ಇದರಲ್ಲಿ ಭಾರತದಲ್ಲಿ ಕಂಪನಿ ಹೆಚ್ಚು ಕಾರುಗಳನ್ನು ಮಾರಾಟ ಮಾಡುವ ಗುರಿಯನ್ನು ಸಹ ಹೊಂದಿದೆ.

ಕಿಯಾ ತನ್ನ ಇವಿ ನಾಯಕತ್ವವನ್ನು ಗಟ್ಟಿಗೊಳಿಸಲು ಮತ್ತು ಅದರ EV ಶ್ರೇಣಿಯನ್ನು ವಿಸ್ತರಿಸುವ ಮೂಲಕ ತನ್ನ ಮಾರಾಟದ ಆವೇಗವನ್ನು ಕಾಪಾಡಿಕೊಳ್ಳಲು ಯೋಜಿಸುತ್ತಿರುವುದಾಗಿ ಹೇಳಿಕೊಂಡಿದೆ. ಯಶಸ್ವಿಯಾಗಿ ಕಾರ್ಯತಂತ್ರದ ಮಾದರಿಗಳನ್ನು ಪ್ರಾರಂಭಿಸುವ ಮೂಲಕ ಮತ್ತು ಅದರ PBV ವ್ಯವಹಾರದ ಬೆಳವಣಿಗೆಯನ್ನು ಉತ್ತೇಜಿಸುವುದನ್ನು ಮುಂದುವರಿಸುವುದಾಗಿ ಹೇಳಿಕೊಂಡಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.