ಮಹೀಂದ್ರಾ ಅತಿದೊಡ್ಡ ಹಬ್ಬದ ಆಫರ್: ರೂ. 1.84 ಲಕ್ಷದವರೆಗೆ ಕಡಿತ ಘೋಷಣೆ

ಪ್ರಮುಖ ವಾಹನ ತಯಾರಕರಾದ ಮಹೀಂದ್ರಾ, ತನ್ನ ವಾಣಿಜ್ಯ ವಾಹನ ಶ್ರೇಣಿಯ ಮೇಲೆ ಹಬ್ಬದ ಪ್ರಮುಖ ಪ್ರಯೋಜನಗಳನ್ನು ಘೋಷಿಸಿದೆ. ಆಯ್ದ ಮಾಡಲ್ ಮತ್ತು ವೇರಿಯೆಂಟ್ ಅವಲಂಭಿಸಿ ರೂ. 1.84 ಲಕ್ಷದವರೆಗೆ ಉಳಿತಾಯ ಮಾಡಬಹುದು ಎಂದು ತಿಳಿಸಿದೆ. ಇತ್ತೀಚಿನ GST ದರವನ್ನು 28% ರಿಂದ 18% ಕ್ಕೆ ಇಳಿಸಿದ ನಂತರ, ಈ ಆಫರ್ ಕಡಿಮೆಯಾದ ಎಕ್ಸ್-ಶೋರೂಂ ಬೆಲೆಗಳು ಮತ್ತು ಹೆಚ್ಚುವರಿ ಹಬ್ಬದ ರಿಯಾಯಿತಿಗಳನ್ನು ಸಂಯೋಜಿಸುತ್ತದೆ. ಇದು ಈ ದೀಪಾವಳಿ ಸೀಸನ್‌ನಲ್ಲಿ ವ್ಯಾಪಾರ ಮತ್ತು ಫ್ಲೀಟ್ ಖರೀದಿದಾರರಿಗೆ ಅತ್ಯಂತ ಲಾಭದಾಯಕವಾಗಲಿದೆ.

ಡಬಲ್ ಉಳಿತಾಯ: ಪ್ರಯೋಜನಗಳು ಎರಡು ಪ್ರಮುಖ ಅಂಶಗಳನ್ನು ಒಳಗೊಂಡಿವೆ. ಅದರಲ್ಲೊಂದು GST ಬೆಲೆ ಕಡಿತವಾದರೆ ಮತ್ತೊಂದು ಡೀಲರ್ - ಮಟ್ಟದ ಹಬ್ಬದ ಆಫರ್‌ಗಳಾಗಿವೆ. ಈ ಡಬಲ್ - ಲೇಯರ್ ವಿಧಾನವು ಎಲ್ಲಾ ಅರ್ಹ ವಾಣಿಜ್ಯ ವಾಹನಗಳಿಗೆ ಹೆಚ್ಚಿನ ಕೈಗೆಟುಕುವಿಕೆಯನ್ನು ನೀಡುತ್ತದೆ. ಇದು ಹಬ್ಬದ ಸೀಸನ್‌ನಲ್ಲಿ ಸಣ್ಣ ವ್ಯವಹಾರಗಳು ಮತ್ತು ಫ್ಲೀಟ್ ನಿರ್ವಾಹಕರಿಗೆ ವಾಹನ ಖರೀದಿಯಲ್ಲಿ ಹಿಂದೆಂದಿಗಿಂತ ಹೆಚ್ಚಿನ ಸಹಾಯ ಮಾಡುತ್ತದೆ.

ಯಾವ ವಾಹನದ ಮೇಲೆ ಎಷ್ಟು ಉಳಿತಾಯ

ಮಹೀಂದ್ರಾ ಪ್ರಕಾರ, ಆಫರ್‌ಗಳಲ್ಲಿ ಜಿಎಸ್‌ಟಿ ಪರಿಷ್ಕರಣೆಗಳ ನಂತರ ಎಕ್ಸ್ - ಶೋರೂಂ ಬೆಲೆಗಳಲ್ಲಿ ಕಡಿತ ಮತ್ತು ಹೆಚ್ಚುವರಿ ಹಬ್ಬದ ಆಫರ್‌ಗಳು ಸೇರಿವೆ. ಸುಪ್ರೊ ಮೇಲೆ ರೂ. 1.84 ಲಕ್ಷದ ಅತ್ಯಧಿಕ ಪ್ರಯೋಜನವನ್ನು ನೀಡಲಾಗುತ್ತಿದೆ. ಇದರಲ್ಲಿ ರೂ. 64 ಸಾವಿರ ಬೆಲೆ ಕಡಿತ ಮತ್ತು ರೂ. 1.20 ಲಕ್ಷ ಹೆಚ್ಚುವರಿ ಆಫರ್‌ಗಳು ಸೇರಿವೆ.

ಮಹೀಂದ್ರಾ ವೀರೋ ಮೇಲೆ ಒಟ್ಟು ರೂ. 1.83 ಲಕ್ಷದವರೆಗೆ ಉಳಿತಾಯ ಮಾಡಬಹುದು. ಇದರಲ್ಲಿ ರೂ. 78 ಸಾವಿರ ಬೆಲೆ ಕಡಿತ ಮತ್ತು ರೂ. 1.05 ಲಕ್ಷ ಹೆಚ್ಚುವರಿ ಆಫರ್‌ಗಳು ಸೇರಿವೆ. ಹಾಗೆಯೇ ಮಹೀಂದ್ರಾ ಮ್ಯಾಕ್ಸ್ ಪಿಕ್ - ಅಪ್ HD ವಿಷಯಕ್ಕೆ ಬಂದರೆ ರೂ. 1.74 ಲಕ್ಷದವರೆಗೆ ಉಳಿತಾಯ ಮಾಡಬಹುದಾಗಿದೆ. ಇದರಲ್ಲಿ ರೂ. 94 ಸಾವಿರ ಬೆಲೆ ಕಡಿತ ಮತ್ತು ರೂ. 80 ಸಾವಿರ ಹೆಚ್ಚುವರಿ ಆಫರ್‌ಗಳು ಸೇರಿವೆ.

ಇನ್ನು ಮಹೀಂದ್ರಾ ಬೊಲೆರೊ ಪಿಕ್ - ಅಪ್ ವಿಷಯಕ್ಕೆ ಬಂದರೆ ರೂ. 1.71 ಲಕ್ಷದವರೆಗೆ ಉಳಿತಾಯ ಮಾಡಬಹುದಾಗಿದೆ. ಇದರಲ್ಲಿ ರೂ. 81 ಸಾವಿರ ಬೆಲೆ ಕಡಿತ ಮತ್ತು ರೂ. 90 ಸಾವಿರ ಹೆಚ್ಚುವರಿ ಆಫರ್‌ಗಳು ಸೇರಿವೆ. ಮಹೀಂದ್ರಾ ಮ್ಯಾಕ್ಸ್ ಪಿಕ್-ಅಪ್ ಸಿಟಿ ವಿಷಯಕ್ಕೆ ಬಂದರೆ ರೂ. 1.50 ಲಕ್ಷ ಉಳಿತಾಯ ಮಾಡಬಹುದಾಗಿದೆ. ಇದರಲ್ಲಿ ರೂ. 75 ಸಾವಿರ ಬೆಲೆ ಕಡಿತ ಮತ್ತು ರೂ. 75 ಸಾವಿರ ಹೆಚ್ಚುವರಿ ಆಫರ್‌ಗಳು ಸೇರಿವೆ.

ಕೊನೆಯದಾಗಿ ಬೊಲೆರೋ ಕ್ಯಾಂಪರ್ ವಿಷಯಕ್ಕೆ ಬಂದರೆ ಒಟ್ಟು ರೂ. 1.28 ಲಕ್ಷದವರೆಗೆ ಉಳಿತಾಯ ಮಾಡಬಹುದಾಗಿದೆ. ಇದರಲ್ಲಿ ರೂ. 93 ಸಾವಿರ ಬೆಲೆ ಕಡಿತ ಮತ್ತು ರೂ. 35 ಸಾವಿರ ಹೆಚ್ಚುವರಿ ಆಫರ್‌ಗಳು ಸೇರಿವೆ. ಒಟ್ಟಾರೆ ಈ ಕಡಿಮೆಯಾದ ಖರೀದಿ ವೆಚ್ಚವು ನವರಾತ್ರಿ, ದೀಪಾವಳಿ ಮತ್ತು ಸುಗ್ಗಿಯ ಖರೀದಿ ದಿನಗಳಲ್ಲಿ ವಾಣಿಜ್ಯ ವಾಹನ ಖರೀದಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಇದು ವೆಚ್ಚ - ಪ್ರಜ್ಞೆಯ ಖರೀದಿದಾರರಿಗೆ ಆದ್ಯತೆಯ ಆಯ್ಕೆಯಾಗಿದೆ. ಈ ಕ್ರಮವು ಹೆಚ್ಚಿನ ಹಬ್ಬದ ಬೇಡಿಕೆ ಮತ್ತು ಇತ್ತೀಚಿನ GST ನವೀಕರಣಕ್ಕೆ ನೇರವಾಗಿ ಪ್ರತಿಕ್ರಿಯಿಸುತ್ತದೆ, ಖರೀದಿದಾರರಿಗೆ ಹಬ್ಬದ ಹೆಚ್ಚಿನ ಲಾಭವನ್ನು ಪಡೆಯಲು ಅನುವು ಮಾಡಿಕೊಡುತ್ತದೆ. ಹೊಸ ಪ್ರಯೋಜನಗಳು ಮಹೀಂದ್ರಾದ ಸಿವಿ (ವಾಣಿಜ್ಯ ವಾಹನ) ಗಳನ್ನು ಸಣ್ಣ ವ್ಯವಹಾರಗಳು, ಗ್ರಾಮೀಣ ಸಾಗಣೆದಾರರು ಮತ್ತು ನಗರ ಫ್ಲೀಟ್ ಮಾಲೀಕರಿಗೆ ಹೆಚ್ಚು ಸ್ಪರ್ಧಾತ್ಮಕವಾಗಿಸುತ್ತದೆ.

ಕಡಿಮೆಯಾದ ಖರೀದಿ ವೆಚ್ಚವು ನವರಾತ್ರಿ, ದೀಪಾವಳಿ ಮತ್ತು ಸುಗ್ಗಿಯ ಖರೀದಿ ದಿನಗಳಲ್ಲಿ ವಾಣಿಜ್ಯ ವಾಹನ ಖರೀದಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಮಹೀಂದ್ರಾ ಪ್ರತಿಸ್ಪರ್ಧಿ ಬ್ರ್ಯಾಂಡ್‌ಗಳಿಗಿಂತ ಉತ್ತಮ ಡೀಲ್‌ಗಳನ್ನು ಒದಗಿಸುವ ಮೂಲಕ ವಾಣಿಜ್ಯ ವಾಹನ ವಿಭಾಗದಲ್ಲಿ ತನ್ನ ನಾಯಕತ್ವವನ್ನು ಉಳಿಸಿಕೊಳ್ಳುವ ಗುರಿಯನ್ನು ಹೊಂದಿದೆ. ಸರ್ಕಾರದ ತೆರಿಗೆ ವಿನಾಯಿತಿಯನ್ನು ತನ್ನದೇ ಆದ ಹಬ್ಬದ ಆಫರ್‌ಗಳೊಂದಿಗೆ ಸಂಯೋಜಿಸುತ್ತಿದೆ.