ಮಹೀಂದ್ರಾ BE 6 ಬ್ಯಾಟ್‌ಮ್ಯಾನ್ ಡೆಲಿವರಿ ಶುರು: ಕೇವಲ 300 ಕಾರುಗಳ ನಿರ್ಮಾಣ: ವಿಶೇಷತೆಗಳೇನು?

ಭಾರತದ ಪ್ರಮುಖ ಎಸ್‌ಯುವಿ ತಯಾರಕರಾದ ಮಹೀಂದ್ರಾ, ಹಾಲಿವುಡ್‌ ಸೂಪರ್‌ಹೀರೋನಿಂದ ಸ್ಫೂರ್ತಿ ಪಡೆದ ಮತ್ತು ವಾರ್ನರ್ ಬ್ರದರ್ಸ್ ಜೊತೆ ಸಹ - ಬ್ರಾಂಡಿಂಗ್ ಮಾಡಲಾದ ಲಿಮಿಟೆಡ್ ಎಡಿಷನ್ ಎಲೆಕ್ಟ್ರಿಕ್ SUV BE 6 ಬ್ಯಾಟ್‌ಮ್ಯಾನ್ ಆವೃತ್ತಿಯ ಡೆಲಿವರಿಗಳನ್ನು ಪ್ರಾರಂಭಿಸಿದೆ. ಈ ಆವೃತ್ತಿಯನ್ನು ಪ್ರತ್ಯೇಕಿಸುವುದು ಅದರ ಗಮನಾರ್ಹವಾದ ಸ್ಯಾಟಿನ್ ಬ್ಲಾಕ್ ಬಣ್ಣ, ಕಸ್ಟಮ್ ಬ್ಯಾಟ್ ‌ಮ್ಯಾನ್ ಚಿಹ್ನೆಗಳು, ಪ್ರೀಮಿಯಂ ಬ್ಲಾಕ್ ಮತ್ತು ಗೋಲ್ಡ್ ಇಂಟೀರಿಯರ್ ಸೇರಿದಂತೆ ವಿಶೇಷ ವೈಶಿಷ್ಟ್ಯಗಳಾಗಿವೆ. ಇದು ಅಭಿಮಾನಿಗಳಿಗೆ ಸಂಗ್ರಾಹಕರ ವಾಹನವಾಗಿದೆ.

ಬ್ಯಾಟ್‌ಮ್ಯಾನ್ ಎಡಿಷನ್ ವಿಶೇಷತೆಗಳು

ಗೋಲ್ಡ್ ಅಕ್ಸೆಂಟ್ ‌ಗಳೊಂದಿಗೆ ಸ್ಯಾಟಿನ್ ಬ್ಲಾಕ್ (ಮ್ಯಾಟ್ ಬ್ಲಾಕ್) ಬಣ್ಣ, ಪ್ರಕಾಶಿತ BE ಲೋಗೋಗಳು, ಫೆಂಡರ್ ‌ನಲ್ಲಿ ಬ್ಯಾಟ್ ‌ಮ್ಯಾನ್ ಲಾಂಛನಗಳು, ವೀಲ್ ಕ್ಯಾಪ್‌ಗಳು, ರೂಫ್ ಗ್ಲಾಸ್ ಮತ್ತು ಇಂಟೀರಿಯರ್ ವಿಶೇಷ ಆಕರ್ಷಣೆಗಳಾಗಿವೆ. ಭಾರತದ ಗ್ರಾಹಕರಿಗಾಗಿ ಕೇವಲ 300 ಕಾರುಗಳನ್ನು ಮಾತ್ರ ಉತ್ಪಾದಿಸಲಾಗಿದ್ದು, ಪ್ರತಿಯೊಂದಕ್ಕೂ ಸೀರಿಯಲ್ ಸಂಖ್ಯೆ ನೀಡಲಾಗಿದೆ. ಆದ್ದರಿಂದ ಖರೀದಿದಾರರು ಅತ್ಯಂತ ಅಪರೂಪದ ಎಡಿಷನ್ ಪಡೆಯಲಿದ್ದಾರೆ.

ಬ್ಯಾಟ್ ‌ಮ್ಯಾನ್ ವಿವರಗಳು ವಿವರಗಳು: ಬಾಗಿಲುಗಳು ಮತ್ತು ಟೈಲ್‌ಗೇಟ್‌ಗಳಲ್ಲಿ ಗೋಲ್ಡ್ ಬ್ಯಾಟ್ ‌ಮ್ಯಾನ್ ಬ್ಯಾಡ್ಜ್ ‌ಗಳು ಮತ್ತು ಡೆಕಲ್ ‌ಗಳು, ಒಳಗೆ ಬೆಸ್ಪೋಕ್ ಬ್ಯಾಟ್ ‌ಮ್ಯಾನ್ ಲೋಗೋಗಳು (ಡ್ಯಾಶ್‌ಬೋರ್ಡ್, ಎಸಿ ವೆಂಟ್‌ಗಳು, ಆಸನಗಳು, ಸ್ಟಾರ್ಟ್/ಸ್ಟಾಪ್ ಬಟನ್, ಪನೋರಮಿಕ್ ರೂಫ್) ನೀಡಲಾಗಿದೆ. ಜೊತೆಗೆ ಗೋಲ್ಡ್ ಹೈಲೈಟ್‌ಗಳೊಂದಿಗೆ ವಿಶೇಷ ಬ್ಲಾಕ್ ಸೆಮಿ - ಲೆಥೆರೆಟ್ ಅಪ್ಹೋಲ್ಸ್ಟರಿ ನೀಡಲಾಗಿದೆ.

ಪ್ರೀಮಿಯಂ ವೈಶಿಷ್ಟ್ಯಗಳು: ಡ್ಯುಯಲ್ 12.3 - ಇಂಚಿನ ಸ್ಕ್ರೀನ್‌ಗಳು, ಹರ್ಮನ್ ಕಾರ್ಡನ್ 16 - ಸ್ಪೀಕರ್ ಸೆಟಪ್, ಪನೋರಮಿಕ್ - ಗ್ಲಾಸ್ ರೂಫ್, ಡ್ಯುಯಲ್ ವೈರ್‌ಲೆಸ್ ಚಾರ್ಜರ್‌ಗಳು ಮತ್ತು ADAS ಲೆವೆಲ್ 2 ಸಂಪೂರ್ಣ ಸೂಟ್ (360 - ಡಿಗ್ರಿ ಕ್ಯಾಮೆರಾ, 7 ಏರ್‌ಬ್ಯಾಗ್‌ಗಳು ಮತ್ತು ಮುನ್ಸೂಚಕ ಸುರಕ್ಷತಾ ತಂತ್ರಜ್ಞಾನ) ಸೇರಿದಂತೆ ಟಾಪ್ - ಪ್ಯಾಕ್ ಸೌಲಭ್ಯಗಳನ್ನು ನೀಡಲಾಗಿದೆ.

ಹೊಸ ಬ್ಯಾಟ್ ‌ಮ್ಯಾನ್ ಎಡಿಷನ್ ರೂ.27.79 ಲಕ್ಷ (ಎಕ್ಸ್ - ಶೋರೂಂ) ದರದಲ್ಲಿ ಪರಿಚಯಿಸಲಗಿತ್ತು, ಆಗಸ್ಟ್ 23 ರಿಂದ ಬುಕ್ಕಿಂಗ್ ಆರಂಭವಾಗಿತ್ತು. ಈ ಕಾರನ್ನು ಸೀಮಿತ ಅವಧಿವರೆಗೆ ಮಾತ್ರ ಮಾರಾಟ ಮಾಡಲಾಗುವುದು ಎಂದು ಕಂಪನಿ ಬಿಡುಗಡೆ ಸಂಧರ್ಭದಲ್ಲಿ ಹೇಳಿತ್ತು. ಹಾಗಾಗಿಯೇ ಕೇವಲ 300 ಕಾರುಗಳನ್ನು ಮಾತ್ರ ವಿಶೇಷವಾಗಿ ತಯಾರಿಸಲಾಗಿದೆ.

ಹೊಸ ಬಿಇ 6 ಬ್ಯಾಟ್‌ಮ್ಯಾನ್ ಎಡಿಷನ್ ಬಲಿಷ್ಠವಾದ ಪವರ್‌ಟ್ರೇನ್‌ನ್ನು ಹೊಂದಿದೆ. 79 ಕಿಲೋವ್ಯಾಟ್ (ಕೆಡಬ್ಲ್ಯೂಹೆಚ್) ಬ್ಯಾಟರಿ ಪ್ಯಾಕ್‌ನ್ನು ಹೊಂದಿದ್ದು, ಫುಲ್ ಚಾರ್ಜ್‌ನಲ್ಲಿ 682 ರೇಂಜ್ (ಮೈಲೇಜ್) ನೀಡುತ್ತದೆ. ಇದರ ಎಲೆಕ್ಟ್ರಿಕ್ ಮೋಟಾರ್, 285 ಬಿಹೆಚ್ ಪವರ್ ಹಾಗೂ 380 ಎನ್ಎಂ ಪೀಕ್ ಟಾರ್ಕ್ ಉತ್ಪಾದಿಸುತ್ತದೆ ಎಂದು ಮಹೀಂದ್ರಾ ಕಂಪನಿ ತಿಳಿಸಿದೆ.

ಸುರಕ್ಷತೆಗಾಗಿ 7-ಏರ್‌ಬ್ಯಾಗ್‌ಗಳು, ಲೆವೆಲ್-2 ಎಡಿಎಎಸ್ (ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್), ಟಿಪಿಎಂಎಸ್ (ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್) ಮತ್ತು ಎಬಿಎಸ್ (ಆಂಟಿಲಾಕ್ ಬ್ರೆಕಿಂಗ್ ಸಿಸ್ಟಮ್), ಇಬಿಡಿ (ಎಲೆಕ್ಟ್ರಾನಿಕ್ ಬ್ರೇಕ್‌ಫೋರ್ಸ್ ಡಿಸ್ಟ್ರಿಬ್ಯೂಷನ್), 360 ಡಿಗ್ರಿ ಕ್ಯಾಮೆರಾವನ್ನು ಪಡೆದಿದೆ. ಎಂಜಿ ವಿಂಡ್ಸರ್ ಇವಿ, ಎಂಜಿ ಝಡ್ಎಸ್ ಇವಿ, ಹ್ಯುಂಡೈ ಕ್ರೆಟಾ ಇವಿ, ಟಾಟಾ ಕರ್ವ್ ಇವಿ, ಟಾಟಾ ಹ್ಯಾರಿಯರ್ ಇವಿಗಳು ಪ್ರಬಲವಾದ ಪ್ರತಿಸ್ಪರ್ಧಿಗಳಾಗಿವೆ.

ಮಹೀಂದ್ರಾ BE 6 ಬ್ಯಾಟ್‌ಮ್ಯಾನ್ ಆವೃತ್ತಿಯು ಅದರ ಸೂಪರ್‌ಹೀರೋ ಥೀಮ್ ಮತ್ತು ವಿಶೇಷತೆಗಾಗಿ ಮಾತ್ರವಲ್ಲದೆ, ಮಹೀಂದ್ರಾದ ಹೊಸ eSUV ಆರ್ಕಿಟೆಕ್ಚರ್‌ನಲ್ಲಿ ಬೇರೂರಿರುವ ಪ್ರೀಮಿಯಂ ವೈಶಿಷ್ಟ್ಯಗಳು ಮತ್ತು ಉನ್ನತ ಸುರಕ್ಷತಾ ರೇಟಿಂಗ್‌ಗಳಿಂದಲೂ ಎದ್ದು ಕಾಣುತ್ತದೆ. ಒಟ್ಟಾರೆ ಸ್ವದೇಶಿ ಬ್ರಾಂಡ್‌ನಿಂದ ಅಂತರಾಷ್ಟ್ರೀಯ ಗುಣಮಟ್ಟದೊಂದಿಗೆ ಈ ಕಾರು ಸದ್ಯ ಜನಪ್ರಿಯತೆ ಪಡೆದುಕೊಂಡಿದೆ. ಈ ಕಾರಿನ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ಕಮೆಂಟ್ ಮಾಡಿ.