4 ಚಾನೆಲ್ ಡಾಲ್ಬಿ ಅಟ್ಮೋಸ್ ಹೊಂದಿರುವ ವಿಶ್ವದ ಮೊದಲ ಎಸ್‌ಯುವಿ ಪರಿಚಯಿಸಿದ ಮಹೀಂದ್ರಾ!

ಮನರಂಜನಾ ಅನುಭವಗಳಲ್ಲಿ ಜಾಗತಿಕವಾಗಿ ಮುಂಚೂಣಿಯಲ್ಲಿರುವ ಡಾಲ್ಬಿ ಲ್ಯಾಬೋರೇಟರೀಸ್ ಮತ್ತು ಭಾರತದ ಪ್ರಮುಖ ಎಸ್‌ಯುವಿ ತಯಾರಕರಾದ ಮಹೀಂದ್ರಾ, ಇಂದು ಮಹೀಂದ್ರಾ ಥಾರ್ ರೋಕ್ಸ್ ಎಎಕ್ಸ್‌7ಎಲ್ (Thar ROXX AX7L) ವೇರಿಯೆಂಟ್‌ನಲ್ಲಿ ಡಾಲ್ಬಿ ಅಟ್ಮೋಸ್‌ನ ಪಾದಾರ್ಪಣೆಯನ್ನು ಘೋಷಿಸಿವೆ. ಜಾಗತಿಕ SUV ಮಾರುಕಟ್ಟೆಯಲ್ಲಿ ಡಾಲ್ಬಿ ಅಟ್ಮೋಸ್‌ನಿಂದ ನಡೆಸಲ್ಪಡುವ 4-ಚಾನೆಲ್ ಇಮ್ಮರ್ಸಿವ್ ಆಡಿಯೊವನ್ನು ವಾಹನಕ್ಕೆ ಸಂಯೋಜಿಸುತ್ತಿರುವುದು ಇದೇ ಮೊದಲ ಬಾರಿಯಾಗಿದೆ. ಈ ಮೂಲಕ ಥಾರ್ ರೋಕ್ಸ್ ಎಸ್‌ಯುವಿಯೊಳಗೆ ಉತ್ತಮ ಸೌಂಡ್ ಎಫೆಕ್ಟ್ ಅನುಭವಿಸಬಹುದು ಎಂದು ಕಂಪನಿ ಹೇಳಿದೆ.

ಮಹೀಂದ್ರಾ ಥಾರ್‌ ರೋಕ್ಸ್‌ನಲ್ಲಿ ಪ್ರೀಮಿಯಂ 9-ಸ್ಪೀಕರ್ ಹರ್ಮನ್ ಕಾರ್ಡನ್ ಬ್ರಾಂಡೆಡ್ ಆಡಿಯೊ ಸಿಸ್ಟಮ್‌ ಇದ್ದು, ಇದಕ್ಕೆ 4 ಚಾನೆಲ್‌ಗಳ ಇಮ್ಮರ್ಸಿವ್ ಆಡಿಯೊವನ್ನು ಒಳಗೊಂಡಿರುವ ಡಾಲ್ಬಿ ಅಟ್ಮೋಸ್ ಸಂಯೋಜಿಸಲಾಗಿದೆ. ಈ ಮೂಲಕ 4 ಚಾನೆಲ್ ಡಾಲ್ಬಿ ಅಟ್ಮಾಸ್ ಹೊಂದಿರುವ ವಿಶ್ವದ ಮೊದಲ ಎಸ್‌ಯುವಿಯನ್ನು ಮಹೀಂದ್ರಾ ಪರಿಚಯಿಸಿದೆ.

ನಗರದ ಬೀದಿಗಳಲ್ಲಾಗಲಿ ಅಥವಾ ದೂರದ ಪ್ರಯಾಣಗಳಲ್ಲಾಗಲಿ ಡಾಲ್ಬಿ ಅಟ್ಮೋಸ್ ಸೌಂಡ್ ಸಿಸ್ಟಂ ಪ್ರಯಾಣವನ್ನು ಆನಂದದಾಯಕವಾಗಿಸುತ್ತದೆ. ಗಾನಾ ಸ್ಟ್ರೀಮಿಂಗ್ ಅನ್ನು ಇನ್ಫೋಟೈನ್‌ಮೆಂಟ್ ಸಿಸ್ಟಮ್‌ಗೆ ನೇರವಾಗಿ ಸಂಯೋಜಿಸಲಾಗಿರುವುದರಿಂದ, ಥಾರ್ ರೋಕ್ಸ್ ಮಾಲೀಕರು ಯಾವುದೇ ಸಮಯದಲ್ಲಿ ಡಾಲ್ಬಿ ಅಟ್ಮೋಸ್ ಸಂಗೀತದಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡು, ಪ್ರತಿ ಸವಾರಿಯನ್ನು ಮರೆಯಲಾಗದಂತೆ ಮಾಡಿಕೊಳ್ಳಬಹುದು ಎಂದು ಕಂಪನಿ ಹೇಳಿದೆ.

ಈ ಸಹಯೋಗದ ಕುರಿತು ಪ್ರತಿಕ್ರಿಯಿಸಿದ ಡಾಲ್ಬಿ ಲ್ಯಾಬೋರೇಟರೀಸ್‌ನ ವಾಣಿಜ್ಯ ಪಾಲುದಾರಿಕೆಗಳ ಹಿರಿಯ ನಿರ್ದೇಶಕ ಕರಣ್ ಗ್ರೋವರ್, "ಮಹೀಂದ್ರಾ ಜೊತೆಗಿನ ನಮ್ಮ ಸಹಯೋಗವು ಗ್ರಾಹಕರಿಗೆ, ವಿಶೇಷವಾಗಿ ಭಾರತದಲ್ಲಿ ತರಬಹುದಾದ ಸಾಧ್ಯತೆಗಳ ಬಗ್ಗೆ ನಾವು ಉತ್ಸುಕರಾಗಿದ್ದೇವೆ. Thar ROXX AX7L ನಲ್ಲಿ ಡಾಲ್ಬಿ ಅಟ್ಮೋಸ್‌ನೊಂದಿಗೆ, ಒಳಾಂಗಣ ಕ್ಯಾಬಿನ್ ಅನ್ನು ಕನ್ಸರ್ಟ್ ಹಾಲ್ ಆಗಿ ಪರಿವರ್ತಿಸುವ ಮೂಲಕ ನಾವು ಕಾರಿನ ಪ್ರಯಾಣವನ್ನು ಸಂಪೂರ್ಣವಾಗಿ ಹೊಸ ಮಟ್ಟಕ್ಕೆ ಕೊಂಡೊಯ್ಯುತ್ತಿದ್ದೇವೆ ಎಂದು ಹೇಳಿದರು.

ಮಹೀಂದ್ರಾ ಮತ್ತು ಡಾಲ್ಬಿ ನಡುವಿನ ಈ ಸಹಯೋಗವು ಇನ್-ಕ್ಯಾಬಿನ್ ತಂತ್ರಜ್ಞಾನಕ್ಕೆ ಹೊಸ ಕ್ರಾಂತಿಯಾಗಿದೆ. ಇದು ಪರ್ಫಾಮೆನ್ಸ್, ವಿನ್ಯಾಸ ಮತ್ತು ತಲ್ಲೀನಗೊಳಿಸುವ ಡಿಜಿಟಲ್ ಜೀವನಶೈಲಿಯನ್ನು ಬಯಸುವ ಜಾಗತಿಕ ಭಾರತೀಯ ಗ್ರಾಹಕರಿಗೆ ಹೊಸ ಅನುಭವ ನೀಡುತ್ತದೆ. ಇದಲ್ಲದೆ, ಮಹೀಂದ್ರಾ ಡಾಲ್ಬಿ ಅಟ್ಮೋಸ್‌ನೊಂದಿಗೆ ಸಜ್ಜುಗೊಂಡ ಥಾರ್ ರೋಕ್ಸ್‌ಗೆ ಬೇಡಿಕೆ ಹೆಚ್ಚಾಗುವ ನೀರೀಕ್ಷೆಯಿದ್ದು, ಉತ್ಪಾದನೆಯನ್ನು ಹೆಚ್ಚಿಸಲಾಗಿದೆ ಎಂದು ಮಹೀಂದ್ರಾ ತಿಳಿಸಿದೆ.

ಡಾಲ್ಬಿ ಬಗ್ಗೆ: ಡಾಲ್ಬಿ ಲ್ಯಾಬೋರೇಟರೀಸ್ (NYSE: DLB) ತಲ್ಲೀನಗೊಳಿಸುವ ಮನರಂಜನೆಯಲ್ಲಿ ಜಾಗತಿಕವಾಗಿ ಮುಂಚೂಣಿಯಲ್ಲಿದೆ. ಸಿನಿಮಾ, ಟಿವಿ, ಕ್ರೀಡೆ, ಗೇಮಿಂಗ್ ಸೇರಿದಂತೆ ಹಲವು ಧ್ವನಿ ಬಳಕೆಯಿರುವ ಸಾಧನಗಳಲ್ಲಿ ಡಾಲ್ಬಿ ತನ್ನ ಚಾಪನ್ನು ಮೂಡಿಸಿದೆ. ಡಾಲ್ಬಿ ಅಟ್ಮೋಸ್, ಡಾಲ್ಬಿ ವಿಷನ್, ಡಾಲ್ಬಿ ಸಿನಿಮಾ ಮತ್ತು ಡಾಲ್ಬಿ ಆಪ್ಟಿವ್ಯೂನಂತಹ ನವೀನ ನಾವೀನ್ಯತೆಗಳ ಮೂಲಕ ಮನರಂಜನೆ ಮತ್ತು ಡಿಜಿಟಲ್ ಬ್ರ್ಯಾಂಡ್‌ಗಳೊಂದಿಗೆ ಡಾಲ್ಬಿ ಪಾಲುದಾರಿಕೆ ಹೊಂದಿದೆ.

ಪ್ರಮುಖಾಂಶಗಳು: ಜಾಗತಿಕವಾಗಿ ಡಾಲ್ಬಿ ಅಟ್ಮಾಸ್ 4-ಚಾನೆಲ್ ಇಮ್ಮರ್ಸಿವ್ ಆಡಿಯೊವನ್ನು ಹೊಂದಿರುವ ಮೊದಲ ಎಸ್‌ಯುವಿ ಮಹೀಂದ್ರಾ ಥಾರ್ ROXX AX7L ಆಗಿದೆ. ಸಂಯೋಜಿತ ಗಾನ ಸ್ಟ್ರೀಮಿಂಗ್ ಮತ್ತು ಹರ್ಮನ್ ಕಾರ್ಡನ್ 9-ಸ್ಪೀಕರ್ ವ್ಯವಸ್ಥೆಯು ಸಂಗೀತ ಕಚೇರಿಯಂತಹ ಅನುಭವವನ್ನು ನೀಡುತ್ತದೆ. ಮಹೀಂದ್ರಾ ಬಲವಾದ ಬೇಡಿಕೆಯನ್ನು ಪೂರೈಸಲು ಥಾರ್ ROXX ಉತ್ಪಾದನೆಯನ್ನು ಹೆಚ್ಚಿಸಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.