Mahindra: 10 ಲಕ್ಷ ಬೆಲೆ ಇಳಿಕೆಯಲ್ಲಿ ಹೊಸ ಮಹೀಂದ್ರಾ ಥಾರ್ ರೋಕ್ಸ್ ಖರೀದಿಸಿ! ಹೇಗೆ ಗೊತ್ತಾ?

ಮಹೀಂದ್ರಾ ಥಾರ್ ರೋಕ್ಸ್ (Mahindra Thar ROXX) ಎಸ್‌ಯುವಿ ಒಟ್ಟು 18 ವೇರಿಯೆಂಟ್‌ಗಳಲ್ಲಿ ಬರುತ್ತದೆ. ಇವುಗಳಲ್ಲಿ ಬೇಸ್ ವೇರಿಯಂಟ್ ಟಾಪ್ ಎಂಡ್ ವೇರಿಯೆಂಟ್‌ಗಿಂತ 10 ಲಕ್ಷ ರೂ.ಗಳಷ್ಟು ಅಗ್ಗವಾಗಿದೆ. ಹೌದು ಬೇಸ್-ಸ್ಪೆಕ್ MX 1 ವೇರಿಯೆಂಟ್ ಮತ್ತು ಟಾಪ್-ಸ್ಪೆಕ್ AX 7 ನಡುವೆ 10 ಲಕ್ಷ ವ್ಯತ್ಯಾಸ ಬರುತ್ತದೆ. ಕಾಸಿಗೆ ತಕ್ಕಂತೆ ಕಜ್ಜಾಯ ಎಂಬ ಮಾತು ಇಲ್ಲೂ ಅನ್ವಯಿಸುತ್ತದೆ. ಎಂಟ್ರಿ-ಸ್ಪೆಕ್ ರೂಪಾಂತರವು AX 7 ವೇರಿಯೆಂಟ್‌ಗಿಂತ 10 ಲಕ್ಷ ಅಗ್ಗವಾಗಿದ್ದರೂ, ಸಾಕಷ್ಟು ಫೀಚರ್ಸ್ ಕಳೆದುಕೊಳ್ಳುತ್ತದೆ. ಬನ್ನಿ ಈ ಎರಡೂ ವೇರಿಯೆಂಟ್‌ಗಳಲ್ಲಿ ಯಾವೆಲ್ಲಾ ವ್ಯತ್ಯಾಸಗಳಿವೆ ಎಂಬುದನ್ನು ತಿಳಿಯೋಣ.

ಮಹೀಂದ್ರಾ ಥಾರ್ ರೋಕ್ಸ್ ಬೆಲೆಗಳು 12.99 ಲಕ್ಷ ರೂ.ಗಳಿಂದ ಪ್ರಾರಂಭವಾಗುತ್ತವೆ. ಎಂಟ್ರಿ ಲೆವೆಲ್ ಡೀಸೆಲ್ ಮಾದರಿಯ ಬೆಲೆಯು ರೂ.13.99 ಲಕ್ಷಗಳಾಗಿದೆ. ಥಾರ್ ರೊಕ್ಸ್ ರಿಯರ್ ವೀಲ್ ಡ್ರೈವ್ (ಆರ್‌ಡಬ್ಲ್ಯುಡಿ) ರೂಪಾಂತರಗಳ ಬೆಲೆಯು ರೂ.20.49 ಲಕ್ಷಗಳಾಗಿದೆ. ಥಾರ್ ರೋಕ್ಸ್ 4ಡಬ್ಲ್ಯುಡಿ ರೂಪಾಂತರಗಳ ಬೆಲೆಗಳು ರೂ.18.79 ಲಕ್ಷದಿಂದ ರೂ.22.49 ಲಕ್ಷಗಳವರೆಗೆ ಇರುತ್ತವೆ. ಇವೆಲ್ಲವು ಎಕ್ಸ್‌ ಶೋರೂಂ ಬೆಲೆಗಳು ಎಂಬುದನ್ನು ಗಮನಿಸಬೇಕು.

ಬೇಸ್‌ ವೇರಿಯೆಂಟ್ MX 1 ಡೀಸೆಲ್ ಮ್ಯಾನುವಲ್: ಡಿಆರ್‌ಎಲ್‌ಗಳು, ಫಾಗ್ ಲೈಟ್‌ಗಳು, ಫ್ರಂಟ್ ಸೆನ್ಸಾರ್‌ಗಳು, ಫ್ರಂಟ್ ಕ್ಯಾಮೆರಾ ಮತ್ತು ADAS ನಿಮಗೆ ಬೇಸ್‌ ವೇರಿಯೆಂಟ್‌ನಲ್ಲಿ ಸಿಗುವುದಿಲ್ಲ. ಸರಳ ಕಪ್ಪು ಬಂಪರ್ ಹಾಗೂ 18 ಇಂಚಿನ ಸ್ಟೀಲ್ ವೀಲ್‌ಗಳೊಂದಿಗೆ ಬರುತ್ತದೆ. ಇನ್ನು ಕ್ಯಾಮೆರಾ, ವೈಪರ್, ವಾಷರ್ ಮತ್ತು ಡಿಫೋಗರ್ ಅನ್ನು ಸಹ ನೀಡಲಾಗುವುದಿಲ್ಲ.

ಟಾಪ್ ವೇರಿಯೆಂಟ್ AX 7 L ಡೀಸೆಲ್ ಆಟೋಮ್ಯಾಟಿಕ್ (4×4): ಮುಂಭಾಗದ ಬಂಪರ್ ಸ್ಕಿಡ್‌ಪ್ಲೇಟ್ ನೊಂದಿಗೆ ಡ್ಯುಯಲ್-ಟೋನ್ ಫಿನಿಶ್ ಪಡೆದಿದೆ. 19 ಇಂಚಿನ ಅಲಾಯ್ ವೀಲ್ಸ್, ADAS, ಮುಂಭಾಗದ ಕ್ಯಾಮೆರಾ ಮತ್ತು ಸೆನ್ಸಾರ್‌ಗಳು, ದೊಡ್ಡ ಪನೋರಮಿಕ್ ಸನ್‌ರೂಫ್, ಪವರ್‌ ಫೋಲ್ಡ್ ಮಿರರ್ಸ್, ಕ್ಯಾಮೆರಾ, ವೈಪರ್, ವಾಷರ್ ಮತ್ತು ಡಿಫೋಗರ್ ಹೊಂದಿದೆ.

ಇಂಟೀರಿಯರ್ ವಿಷಯಕ್ಕೆ ಬಂದರೆ ಬೇಸ್‌ ವೇರಿಯೆಂಟ್‌ನಲ್ಲಿ ಮ್ಯಾನುವಲ್‌ ಡೇ/ನೈಟ್ ಐಆರ್‌ವಿಎಂ, ಆಂಡ್ರಾಯ್ಡ್ ಟಚ್ಸ್ಕ್ರೀನ್ ಮತ್ತು ಒರಿಜಿನಲ್ ಆಡಿಯೊ ಸಿಸ್ಟಮ್ ಹೊಂದಿದೆ. ಇದರಲ್ಲಿ ಮ್ಯಾನುವಲ್ ಕ್ಲೈಮೆಟ್ ಕಂಟ್ರೋಲ್ ಇದೆ. ಕ್ಯಾಬಿನ್ ಡ್ಯುಯಲ್ ಟೋನ್ ಬಣ್ಣವನ್ನು ಹೊಂದಿದ್ದು, ಇದು ಖಂಡಿತವಾಗಿಯೂ ಬಹಳಷ್ಟು ವೈಶಿಷ್ಟ್ಯಗಳನ್ನು ಕಳೆದುಕೊಳ್ಳುತ್ತದೆ.

ಟಾಪ್ ವೇರಿಯೆಂಟ್ ಇಂಟೀರಿಯರ್ ವಿಷಯಕ್ಕೆ ಬಂದರೆ, ಕ್ಯಾಬಿನ್ ಹೆಚ್ಚು ಪ್ರೀಮಿಯಂ ಆಗಿರುತ್ತದೆ. ದೊಡ್ಡ ಡಿಜಿಟಲ್ ಇನ್ಸ್ ಟ್ರೂಮೆಂಟ್ ಕ್ಲಸ್ಟರ್, ಸಾಕಷ್ಟು ಸಾಫ್ಟ್ ಟಚ್ ವಸ್ತುಗಳು, ಸೈಡ್ ವ್ಯೂ ಮಿರರ್, ಪವರ್ ಫುಲ್ ಮತ್ತು ಪವರ್ ಫೋಲ್ಡಬಲ್ ಎರಡೂ ಆಗಿರುತ್ತವೆ. ಮಹೀಂದ್ರಾ ಆರ್‌ಒಎಕ್ಸ್ ನಲ್ಲಿ ಮೋಚಾ ಬ್ರೌನ್ ಒಳಾಂಗಣ ಬಣ್ಣವನ್ನು ಸಹ ನೀಡುತ್ತದೆ.

ಇವಿಷ್ಟೇ ಅಲ್ಲದೇ ಹರ್ಮನ್ ಕಾರ್ಡನ್ ಪ್ರೀಮಿಯಂ ಆಡಿಯೊ ಸಿಸ್ಟಮ್ ಮತ್ತು ಆಪಲ್ ಕಾರ್ಪ್ಲೇ ಮತ್ತು ಆಂಡ್ರಾಯ್ಡ್ ಆಟೋದೊಂದಿಗೆ ದೊಡ್ಡ ಟಚ್ ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್, ಆಟೋ-ಡಿಮ್ಮಿಂಗ್ ಫ್ರೇಮ್‌ಲೆಸ್ ಐಆರ್‌ವಿಎಂ, ಫುಲ್ಲಿ ಆಟೋಮ್ಯಾಟಿಕ್ ಕ್ಲೈಮೆಟ್ ಕಂಟ್ರೋಲ್, ವೈರ್ ಲೆಸ್ ಚಾರ್ಜರ್, ವೆಂಟಿಲೇಟೆಡ್ ಸೀಟುಗಳು, ಆಟೋ ಹೆಡ್ ಲ್ಯಾಂಪ್‌ಗಳು ಮತ್ತು ವೈಪರ್‌ಗಳನ್ನು ನೀಡಲಾಗಿದೆ.

ಇವುಗಳಲ್ಲಿ ಯಾವುದು ಖರೀದಿಸಬೇಕು ಎಂಬುದು ನಿಮ್ಮ ಬಜೆಟ್ ಆಧಾರದ ಮೇಲೆ ನೀವೇ ಆಯ್ಕೆ ಮಾಡಬೇಕಾಗಿದೆ. ನೀವು ಟೆಕ್-ಬುದ್ಧಿವಂತರಾಗಿದ್ದರೆ ಟಾಪ್‌ ವೇರಿಯೆಂಟ್ ಖರೀದಿಸಲು ಶಿಫಾರಸು ಮಾಡುತ್ತೇವೆ. ನೀವು ವಾಹನವನ್ನು ಖರೀದಿಸಲು ಮತ್ತು ನಂತರ ಅದನ್ನು ನಿಮ್ಮ ಅಭಿರುಚಿಗೆ ತಕ್ಕಂತೆ ನಿರ್ಮಿಸಲು ಬಯಸಿದರೆ, ಬೇಸ್-ವೇರಿಯೆಂಟ್ ಖರೀದಿಸುವುದು ಉತ್ತಮ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.