Maruti: ಸೇಫ್ಟಿಯಲ್ಲಿ ಟಾಟಾಗೆ ಪೈಪೋಟಿ ಕೊಟ್ಟ ಮಾರುತಿ: ಹೊಸ 7-ಸೀಟರ್ ಕಾರಿಗೆ 5-ಸ್ಟಾರ್ ಘೋಷಣೆ

ಮಾರುತಿ ಸುಜುಕಿ (Maruti Suzuki) ಭಾರತದಲ್ಲಿ ಎಲ್ಲರನ್ನು ಅಚ್ಚರಿಗೊಳಿಸುವಂತೆ ತನ್ನ ಕಾರುಗಳನ್ನು ಗರಿಷ್ಟ ಗುಣಮಟ್ಟದೊಂದಿಗೆ ಅತ್ಯಂತ ಸುರಕ್ಷಿತ ಕಾರುಗಳನ್ನಾಗಿ ಮಾಡುತ್ತಿದೆ. ಭಾರತ್ ನ್ಯೂ ಕಾರ್ ಅಸೆಸ್ಮೆಂಟ್ ಪ್ರೋಗ್ರಾಂ (BNCAP) ನಲ್ಲಿ ಮಾರುತಿ ಸುಜುಕಿ ಇನ್ವಿಕ್ಟೋ 5-ಸ್ಟಾರ್ ರೇಟಿಂಗ್ ಅನ್ನು ಗಳಿಸಿದೆ. ಇದು ಹೊಸ ಪ್ರೋಟೋಕಾಲ್‌ನಿಂದ ಪರೀಕ್ಷಿಸಲ್ಪಟ್ಟ ಭಾರತದಲ್ಲಿ ಅತ್ಯಂತ ಸುರಕ್ಷಿತ ಪ್ರೀಮಿಯಂ MPV ಗಳಲ್ಲಿ ಒಂದಾಗಿ ಈಗ ಹೊರ ಹೊಮ್ಮಿದೆ. ಈ ಮಟ್ಟದ ಸುರಕ್ಷತೆ ಪಡೆದ ಮೂರನೇ ಮಾರುತಿ ಮಾಡಲ್ ಇದಾಗಿದ್ದು, ತಯಾರಕರ ವಿಸ್ತರಿಸುತ್ತಿರುವ ಸುರಕ್ಷಿತ ಕಾರುಗಳ ಪಟ್ಟಿಯಲ್ಲಿ ಡಿಜೈರ್ ಮತ್ತು ವಿಕ್ಟೋರಿಸ್ ಕೂಡ ಇವೆ.

BNCAP ರೇಟಿಂಗ್‌ & ಪರೀಕ್ಷಾ ಅಂಕಗಳು

ವಯಸ್ಕ ಪ್ರಯಾಣಿಕರ ರಕ್ಷಣೆ (AOP)ಯಲ್ಲಿ ಇನ್ವಿಕ್ಟೋ 32 ರಲ್ಲಿ 30.43 ಅಂಕಗಳನ್ನು ಗಳಿಸಿತು, ಸೈಡ್ ಇಂಪ್ಯಾಕ್ಟ್ ಪರೀಕ್ಷೆಯಲ್ಲಿ ಉನ್ನತ ಅಂಕಗಳನ್ನು ಮತ್ತು ಮುಂಭಾಗದ ಆಫ್‌ಸೆಟ್ ಇಂಪ್ಯಾಕ್ಟ್ ಪರೀಕ್ಷೆಗಳಲ್ಲಿ ಬಲವಾದ ಕಾರ್ಯಕ್ಷಮತೆಯನ್ನು ಗಳಿಸಿದೆ. ISOFIX ಮಕ್ಕಳ ಸೀಟ್ ಆಂಕಾರೇಜ್‌ಗಳು ಮತ್ತು i-ಸೈಜ್ ಮಕ್ಕಳ ಸೀಟ್‌ಗಳೊಂದಿಗೆ ಮಕ್ಕಳ ರಕ್ಷಣೆ (COP)ಯಲ್ಲಿ 49 ರಲ್ಲಿ 45 ಅಂಕಗಳನ್ನು ಗಳಿಸಿದೆ.

ಕ್ರ್ಯಾಶ್ ಟೆಸ್ಟ್ ಮಾಡಲ್‌ಗಳು: ಆಲ್ಫಾ+ (7-ಸೀಟರ್) ಮತ್ತು ಜೀಟಾ+ (8-ಸೀಟರ್) ವೇರಿಯೆಂಟ್‌ಗಳನ್ನು ಈ ಕ್ರ್ಯಾಷ್ ಟೆಸ್ಟ್‌ನಲ್ಲಿ ಪರೀಕ್ಷಿಸಲಾಯಿತು, ಎರಡೂ ಬಹುತೇಕ ಒಂದೇ ರೀತಿ ಕಾರ್ಯನಿರ್ವಹಿಸಿವೆ. ಇನ್ವಿಕ್ಟೋದ ಸ್ಕೋರ್ ಅದರ ರೀಬ್ಯಾಡ್ಜ್ ಆವೃತ್ತಿಯಾದ ಟೊಯೋಟಾ ಇನ್ನೋವಾ ಹೈಕ್ರಾಸ್ ಬಹುತೇಕ ಸಮನಾಗಿರುತ್ತದೆ, ಇದು ಮಾಡಲ್‌ಗಳ ನಡುವೆ ಹಂಚಿಕೊಂಡಿರುವ ರಚನಾತ್ಮಕ ಸಮಗ್ರತೆ ಮತ್ತು ಎಂಜಿನಿಯರಿಂಗ್ ಅನ್ನು ಒತ್ತಿಹೇಳುತ್ತದೆ.

ಸುರಕ್ಷತಾ ಫೀಚರ್ಸ್: ಹೊಸ ಮಾರುತಿ ಸುಜುಕಿ ಇನ್ವಿಕ್ಟೋ ಆರು ಏರ್‌ಬ್ಯಾಗ್‌ಗಳು, ಎಲ್ಲಾ ಪ್ರಯಾಣಿಕರಿಗೆ 3-ಪಾಯಿಂಟ್ ಸೀಟ್‌ಬೆಲ್ಟ್‌ಗಳು, ಮಕ್ಕಳ ಆಸನಗಳಿಗೆ ISOFIX ಮೌಂಟ್‌ಗಳು, ಹಿಲ್ ಹೋಲ್ಡ್‌ನೊಂದಿಗೆ ESP, EBD ಜೊತೆಗೆ ABS, ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್, ಟೈರ್ ಪ್ರೆಷರ್ ಮಾನಿಟರಿಂಗ್, ಸೀಟ್ ಬೆಲ್ಟ್ ರಿಮೈಂಡರ್, ರಿಯರ್ ‌ವ್ಯೂ ಕ್ಯಾಮೆರಾ ಮತ್ತು ಸ್ಪೀಡ್ ವಾರ್ನಿಂಗ್ ಬಜರ್ ಒಳಗೊಂಡಿದೆ.

ಟಾಪ್ ವೇರಿಯೆಂಟ್ ಆಲ್ಫಾ+ ನಲ್ಲಿ 360 - ಡಿಗ್ರಿ ಪಾರ್ಕಿಂಗ್ ಕ್ಯಾಮೆರಾ, ಮುಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳು, TPMS, ಪನೋರಮಿಕ್ ಸನ್‌ರೂಫ್, ಡ್ಯುಯಲ್ - ಜೋನ್ ಕ್ಲೈಮೆಟ್ ಕಂಟ್ರೋಲ್ ಮತ್ತು ಎಲೆಕ್ಟ್ರಿಕಲ್ಲಿ ಅಡ್ಜಸ್ಟಬಲ್ ಡ್ರೈವರ್ ಸೀಟನ್ನು ಒಳಗೊಂಡಿದೆ. ಕೇವಲ ಗುಣಮಟ್ಟದ ನಿರ್ಮಾಣ ಮಾತ್ರವಲ್ಲದೆ ಆಧುನಿಕ ಫೀಚರ್ಸ್ ‌ನೊಂದಿಗೂ ಕ್ರಾಷ್ ಟೆಸ್ಟ್‌ನಲ್ಲಿ 5- ಸ್ಟಾರ್ ರೇಟಿಂಗ್ ಅನ್ನು ಗಳಿಸಿದೆ.

ಇನ್ವಿಕ್ಟೋ ಸ್ಟ್ರಾಂಗ್ ಹೈಬ್ರಿಡ್ ಸಿಸ್ಟಮ್‌ನೊಂದಿಗೆ 2.0 - ಲೀಟರ್ ಪೆಟ್ರೋಲ್ ಎಂಜಿನ್ ಹೊಂದಿದೆ, ಇದು ಗರಿಷ್ಠ 184hp ಪವರ್ ಮತ್ತು 188Nm ಟಾರ್ಕ್ ಉತ್ಪಾದಿಸುತ್ತದೆ. ಬೆಲೆಯ ವಿಷಯಕ್ಕೆ ಬಂದರೆ ಮಾರುತಿ ಸುಜುಕಿ ಇನ್ವಿಕ್ಟೋ ಬೇಸ್‌ ವೇರಿಯೆಂಟ್ ಬೆಲೆಯು ರೂ. 24,97,400 ದಿಂದ ಪ್ರಾರಂಭವಾಗಿ ಟಾಪ್ ವೇರಿಯೆಂಟ್ ಬೆಲೆಯು ರೂ. 28,60,500 (ಎಕ್ಸ್ - ಶೋರೂಂ) ವರೆಗೆ ಇದೆ.

ಒಟ್ಟಾರೆ ಡಿಜೈರ್ ಮತ್ತು ವಿಕ್ಟೋರಿಸ್ ನಂತರ, 5-ಸ್ಟಾರ್ ಭಾರತ್ NCAP ಸುರಕ್ಷತಾ ರೇಟಿಂಗ್ ಪಡೆದ ಮೂರನೇ ಮಾರುತಿ ಕಾರಾಗಿ ಇನ್ವಿಕ್ಟೋ ಗುರ್ತಿಸಿಕೊಂಡಿದೆ. ಪ್ರಸ್ತುತ ಕಂಪನಿಯು 15 ಕಾರುಗಳ 157 ವೇರಿಯೆಂಟ್‌ಗಳಲ್ಲಿ ಆರು ಏರ್‌ಬ್ಯಾಗ್‌ಗಳನ್ನು ಸ್ಟ್ಯಾಂಡರ್ಡ್ ಆಗಿ ನೀಡುತ್ತಿದೆ. ಇದರಲ್ಲಿ ಆಲ್ಟೊ ಕೆ 10, ವ್ಯಾಗನ್‌ಆರ್, ಬಲೆನೊ, ಡಿಜೈರ್, ಬ್ರೆಝಾ, ಗ್ರ್ಯಾಂಡ್ ವಿಟಾರಾ, ಜಿಮ್ನಿ, ಫ್ರಾಂಕ್ಸ್, ವಿಕ್ಟೋರಿಸ್, ಎಕ್ಸ್‌ಎಲ್ 6, ಎರ್ಟಿಗಾ ಮತ್ತು ಇನ್ವಿಕ್ಟೋ ಸೇರಿವೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.