MG Hector: ಟ್ರೆಂಡ್ ಸೆಟ್ ಮಾಡಿ 6 ವರ್ಷ ಪೂರ್ಣಗೊಳಿಸಿದ ಎಂಜಿ ಹೆಕ್ಟರ್: ಇಂದಿಗೂ ಅದೇ ಬೇಡಿಕೆ!

2019 ರ ಮಧ್ಯಭಾಗದಲ್ಲಿ ದೇಶದ ಮೊದಲ ಇಂಟರ್ನೆಟ್ ಕಾರಾಗಿರುವ ಎಂಜಿ ಹೆಕ್ಟರ್ (MG Hector) ಭಾರತಕ್ಕೆ ಎಂಟ್ರಿಕೊಡುವ ಬಗ್ಗೆ ನಮಗೆ ಎಚ್ಚರಿಕೆ ನೀಡಿತು. ಈ ಕಾರು ಬಿಡುಗಡೆಯಾಗಿದ್ದೇ ತಡ, ಫೀಚರ್ಸ್ ಹಾಗೂ ಟೆಕ್‌ ವಿಷಯದಲ್ಲಿ ತನಗೊಂದು ವಿಶೇಷ ಸ್ಥಾನ ಪಡೆದುಕೊಂಡಿತು. ರೂ. 12.18 ಲಕ್ಷ ಆರಂಭಿಕ ಬೆಲೆ ಹಾಗೂ ಟಾಪ್ ವೇರಿಯೆಂಟ್ ರೂ.16.18 ಲಕ್ಷ (ಎಕ್ಸ್‌ ಶೊರೂಂ) ಬೆಲೆಯಲ್ಲಿ ಪರಿಚಯಿಸಲಾಯಿತು. ಹೆಕ್ಟರ್ ಎಂಬ ಹೆಸರು ಮತ್ತು ಗುಣಗಳನ್ನು 'ಟ್ರಾಯ್‌'ನ ಪೌರಾಣಿಕ ರಾಜಕುಮಾರನಿಂದ ಪಡೆಯಲಾಗಿದೆ. ಎಂಜಿ ಹೆಕ್ಟರ್ ಭಾರತೀಯ SUV ವಿಭಾಗದಲ್ಲಿ ದಿಟ್ಟ ಶೈಲಿ, ಬಲವಾದ ರಸ್ತೆ ಉಪಸ್ಥಿತಿ ಮತ್ತು ಅದರ ವರ್ಗದಲ್ಲಿಯೇ ಪ್ರತ್ಯೇಕವಾಗಿ ನಿಲ್ಲುತ್ತದೆ.

ಎಂಜಿ ಹೆಕ್ಟರ್‌ನ ಟೆಕ್ ಪ್ಯಾಕೇಜ್ ಅನ್ನು ಮೈಕ್ರೋಸಾಫ್ಟ್, ಅಡೋಬ್, ಅನ್‌ಲಿಮಿಟ್, ಸ್ಯಾಪ್, ಸಿಸ್ಕೊ ಮತ್ತು ಟಾಮ್‌ಟಾಮ್‌ನಂತಹ ಟೆಕ್ ದೈತ್ಯಗಳು ಬೆಂಬಲಿಸಿದ್ದವು. ಈ ಕಾರು ಇಂಟರ್ನೆಟ್ - ಸಕ್ರಿಯಗೊಳಿಸಿದ ಉದ್ಯಮದ ಮೊದಲ ವೈಶಿಷ್ಟ್ಯಗಳನ್ನು ಒಳಗೊಂಡಿತ್ತು. ಒಟ್ಟಾರೆ ಬಿಡುಗಡೆಯಾಗಿದ್ದ ಸಮಯದಲ್ಲಿ ತನ್ನ ವಿಭಾಗದ ಬೆಸ್ಟ್-ಇನ್-ಸೆಗ್ಮೆಂಟ್ ಎಸ್‌ಯುವಿಯಾಗಿ ಗುರ್ತಿಸಿಕೊಂಡಿತ್ತು.

ಅತಿಮುಖ್ಯವಾಗಿ ಎಂಜಿ ಹೆಕ್ಟರ್‌ನ ಹೈಲೆಟ್ ಫೀಚರ್ ಎಂದರೆ ಖಂಡಿತವಾಗಿಯೂ ಅದು ವಾಯಿಸ್-ಅಸಿಸ್ಟ್ ಸಿಸ್ಟಮ್ ಆಗಿತ್ತು. ಎಂಜಿ ಇಂಡಿಯಾಕ್ಕಾಗಿ ನ್ಯೂಯಾನ್ಸ್ (Nuance) ಅಭಿವೃದ್ಧಿಪಡಿಸಿದ ಈ ಸಿಸ್ಟಮ್ ಅನ್ನು ಭಾರತಕ್ಕಾಗಿ ನಿರ್ದಿಷ್ಟವಾಗಿ ಟ್ಯೂನ್ ಮಾಡಲಾಗಿದೆ. ಕೃತಕ ಬುದ್ಧಿಮತ್ತೆ (AI) ಮತ್ತು ಯಂತ್ರ ಕಲಿಕೆಯ ಮೂಲಕ ಭಾರತೀಯ ಉಚ್ಚಾರಣಾ ಗುರುತಿಸುವಿಕೆಯನ್ನು ವರ್ಧಿಸಲಾಗಿತ್ತು.

ಈ ವ್ಯವಸ್ಥೆಯು "ಹೆಲೋ ಎಂಜಿ" (Hello MG) ಎಂದು ಹೇಳಿದಾಗ ಪ್ರತಿಕ್ರಿಯಿಸುತ್ತದೆ, ಹಾಗೆಯೇ ಸನ್‌ರೂಫ್ ತೆರೆಯುವುದರಿಂದ ಹಿಡಿದು AC ಹೊಂದಿಸುವವರೆಗೆ 100 ಕ್ಕೂ ಹೆಚ್ಚು ಕಮಾಂಡ್‌ಗಳಿಗೆ ಅನುಗುಣವಾಗಿ ಇದು ಪ್ರತಿಕ್ರಿಯಿಸಿ ಪಾಲಿಸುತ್ತದೆ. ನಿಮ್ಮ ಡೇಟಾ ಸಂಪರ್ಕವು ಸಹಕರಿಸದಿದ್ದಾಗಲೂ ಸಹ ಕಾರ್ಯನಿರ್ವಹಿಸುವ ಮೂಲಕ ಅತ್ಯಂತ ಖಚಿತ ನಿರ್ವಹಣೆಗೆ ಜನಪ್ರಿಯತೆ ಪಡೆದಿದೆ.

ಭಾರತದ ಅತ್ಯುತ್ತಮ ವಾಹನ ಮಾಲೀಕತ್ವ ಪ್ಯಾಕೇಜ್ ಆಗಿರುವ "ಎಂಜಿ ಶೀಲ್ಡ್" (MG Shield) ಮೂಲಕ ಐದು ವರ್ಷಗಳ ಅನಿಯಮಿತ - ಕಿಲೋಮೀಟರ್ ವಾರೆಂಟಿ, 24/7 ರಸ್ತೆಬದಿಯ ಸಹಾಯ ಮತ್ತು ಮೊದಲ ಐದು ಸರ್ವಿಸ್‌ಗಳಿಗೆ ಶೂನ್ಯ ಕಾರ್ಮಿಕ ಶುಲ್ಕಗಳೊಂದಿಗೆ ಎಂಜಿ ಹೆಕ್ಟರ್ ತನ್ನ ಗ್ರಾಹಕರ ಹೃದಯ ಮತ್ತು ಮನಸ್ಸನ್ನು ಗೆದ್ದಿದೆ. ಇದು ಭಾರತದಲ್ಲಿ ಅತ್ಯುತ್ತಮ ವಾಹನ ಖಾತರಿಯಾಗಿದೆ.

ಅದ್ಬುತ ಇಂಟೀರಿಯರ್

ದೊಡ್ಡದಾದ, ಆರಾಮದಾಯಕವಾದ ಕ್ಯಾಬಿನ್ ಮತ್ತು ವಿಭಾಗದ ಅತಿದೊಡ್ಡ 10.4 - ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಅನ್ನು MG ಯ i-ಸ್ಮಾರ್ಟ್ ಸಂಪರ್ಕಿತ ತಂತ್ರಜ್ಞಾನ, ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಜೊತೆಗೆ ಸಂಯೋಜಿಸಲಾಗಿದೆ. ಈ ಮೂಲಕ ಎಂಜಿ ಹೆಕ್ಟರ್ ಅನ್ನು ಕೆಲವೇ ಬೆಸ್ಟ್ ಇಂಟೀರಿಯರ್ ಹೊಂದಿರುವ ಎಸ್‌ಯುವಿಗಳ ಸಾಲಿಗೆ ಸೇರುವಂತೆ ಮಾಡಿತು.

ಎಂಜಿ ಹೆಕ್ಟರ್ ಒಂದು ತಿಂಗಳಲ್ಲಿ 21,000 ಕ್ಕೂ ಹೆಚ್ಚು ಬುಕಿಂಗ್‌ಗಳನ್ನು ಗಳಿಸುವ ಮೂಲಕ ತನ್ನ ಅಧಿಕ ಬೇಡಿಕೆಯನ್ನು ಹಲವರಿಗೆ ಸಾಭೀತುಪಡಿಸಿತ್ತು. ಹೆಚ್ಚಾಗಿ ಟಾಪ್-ಎಂಡ್ ಶಾರ್ಪ್ ಮತ್ತು ಸ್ಮಾರ್ಟ್ ಟ್ರಿಮ್‌ಗಳು ಹೆಚ್ಚಿನ ಖರೀದಿದಾರರ ಬೆಸ್ಟ್ ಆಯ್ಕೆಯಾಗುತ್ತಿವೆ. ಈ ವೇರಿಯೆಂಟ್‌ಗಳು ಗ್ರಾಹಕರ ಆದ್ಯತೆಗಳನ್ನು ಮೀರು ಬೆಲೆಗೆ ತಕ್ಕ ಮೌಲ್ಯವನ್ನು ನೀಡುತ್ತಿವೆ.

ಎಂಜಿ ಹೆಕ್ಟರ್ ಪೆಟ್ರೋಲ್, ಪೆಟ್ರೋಲ್-ಮೈಲ್ಡ್-ಹೈಬ್ರಿಡ್ ಸೇರಿದಂತೆ ಮೂರು ಪವರ್‌ಟ್ರೇನ್ ಆಯ್ಕೆಗಳನ್ನು ಹೊಂದಿದೆ - (ಎರಡೂ 1.5-ಲೀಟರ್ ಎಂಜಿನ್ ಅನ್ನು ಹೊಂದಿವೆ) ಮತ್ತು 2.0-ಲೀಟರ್ ಡೀಸೆಲ್, ಮೈಲ್ಡ್-ಹೈಬ್ರಿಡ್ 20 Nm ಟಾರ್ಕ್ ಬೂಸ್ಟ್ ಮತ್ತು 15.81 ಕಿ.ಮೀ/ಲೀ ಮೈಲೇಜ್ ನೀಡುತ್ತದೆ. ಡೀಸೆಲ್ ಇನ್ನೂ ಉತ್ತಮವಾಗಿದ್ದು, 17.41 ಕಿ.ಮೀ/ಲೀ ಮೈಲೇಜ್ ನೀಡುತ್ತದೆ.

ಇನ್ನು 2020 ರ ಹೊತ್ತಿಗೆ, 'ಹೆಕ್ಟರ್ ಪ್ಲಸ್' (Hector Plus) ಆಗಮನದೊಂದಿಗೆ ಅಪ್‌ಡೇಟ್‌ಗಳು ಶುರುವಾದವು. ವಿಸ್ತೃತ, ಮೂರು-ಸಾಲು, ಆರು- ಅಥವಾ ಏಳು- ಆಸನಗಳ SUV ಪನಾರಮಿಕ್ ಸನ್‌ರೂಫ್ ಮತ್ತು ಕುಟುಂಬದೊಂದಿಗೆ ದೀರ್ಘ ವಾರಾಂತ್ಯದ ಡ್ರೈವ್‌ಗಳಿಗೆ ಸೌಕರ್ಯದ ಮೇಲೆ ಕೇಂದ್ರೀಕರಿಸುತ್ತಾ ಹೊಸ ಹೆಕ್ಟರ್ ಪ್ಲಸ್ ಮಾಡಲ್‌ ನವೀನ ಅಂಶಗಳನ್ನು ಪರಿಚಯಿಸಿತು.

ಒಂದು ವರ್ಷದ ನಂತರ, ಗುಜರಾತ್‌ನ ವಡೋದರಾ ನಗರದ ಬಳಿಯ ಎಂಜಿ ಹಲೋಲ್ ಉತ್ಪಾದನಾ ಸ್ಥಾವರದಿಂದ 50,000ನೇ ಹೆಕ್ಟರ್ ಕಾರು ಹೊರಬಂದಿತು. ಎಂಜಿ ಇಂಡಿಯಾಗೆ ಇದು ಹೆಮ್ಮೆಯ ಕ್ಷಣವಾಗಿತ್ತು. ಶೀಟ್ ಒತ್ತುವುದರಿಂದ ಹಿಡಿದು ವೆಲ್ಡಿಂಗ್, ಪೇಂಟಿಂಗ್ ಮತ್ತು ಅಂತಿಮವಾಗಿ ರಸ್ತೆ ಪರೀಕ್ಷೆಗಳವರೆಗೆ ಈ 50,000ನೇ ಎಂಜಿ ಹೆಕ್ಟರ್ ಕಾರಿನ ಉತ್ಪಾದಿಸುವ ಪ್ರತಿಯೊಂದು ಹಂತವನ್ನು ಮಹಿಳೆಯರು ಮಾತ್ರ ಮಾಡಿದ್ದರು.

ನಂತರ, ಜನವರಿ 2023 ರಲ್ಲಿ ಹೆಕ್ಟರ್ ಮತ್ತೊಮ್ಮೆ ಉನ್ನತ ಸ್ಥಾನಕ್ಕೆ ಏರಿತು. ಮುಂದಿನ ಪೀಳಿಗೆಯ ಎಂಜಿ ಹೆಕ್ಟರ್ ಹೊಸ ಆರ್ಗೈಲ್ - ಪ್ರೇರಿತ ಡೈಮಂಡ್ ಮೆಶ್ ಗ್ರಿಲ್ ಅನ್ನು ಪಡೆದು ಮತ್ತೊಮ್ಮೆ, ಟ್ರಾಫಿಕ್ ಜಾಮ್ ಅಸಿಸ್ಟ್‌ನಂತಹ ಹಲವಾರು ಕಾರ್ಯಗಳನ್ನು ಹೊಂದಿರುವ ಲೆವೆಲ್-2 ADAS ಸೇರಿದಂತೆ ತಾಂತ್ರಿಕ ವೈಶಿಷ್ಟ್ಯಗಳ ಸಾಲು ಅಪ್‌ಡೇಟ್‌ಗಳನ್ನು ಪಡೆಯಿತು.

ಈ ಬಾರಿ ಮುಂದಿನ ಪೀಳಿಗೆಯ ಹೆಕ್ಟರ್ ಕಾರು 14 ಇಂಚಿನ ಬೃಹತ್ ಪೋಟ್‌ರೇಟ್ ಇನ್ಫೋಟೈನ್‌ಮೆಂಟ್ ಸ್ಕ್ರೀನ್, ಅನುಕೂಲಕರ ಬ್ಲೂಟೂತ್ ಡಿಜಿಟಲ್ ಕೀ ಮತ್ತು MG ಯ i-SMART ಕನೆಕ್ಟೆಡ್ ಕಾರ್ ಸೂಟ್ ಮೂಲಕ 75 ಕ್ಕೂ ಹೆಚ್ಚು ಕನೆಕ್ಟೆಡ್ ವೈಶಿಷ್ಟ್ಯಗಳನ್ನು ಹೊಂದಿತ್ತು. ಇದು SUV ಟೆಕ್ ರೇಸ್‌ನಲ್ಲಿ ಎಂಜಿ ಹೆಕ್ಟಾರ್ ಅನ್ನು ಅಗ್ರಸ್ಥಾನಕ್ಕೆ ಏರುವಂತೆ ಮಾಡಿತು.

ಡ್ರೂಮ್ ಪ್ರಕಾರ, ಹೆಕ್ಟರ್‌ನ ಮಾಸಿಕ ನಿರ್ವಹಣಾ ವೆಚ್ಚ ಸುಮಾರು ರೂ.500 ಆಗಿದ್ದು, ಡೀಸೆಲ್ ಹೆಕ್ಟರ್ ಹೆದ್ದಾರಿಗಳಲ್ಲಿ 21 ಕಿ.ಮೀ/ಲೀ ಮೈಲೇಜ್ ನೀಡುತ್ತದೆ. ಅಪ್‌ಗ್ರೇಡ್ ಮಾಡುವ ಸಮಯ ಬಂದಾಗ, ಹೆಕ್ಟರ್ ಮರು-ಮಾರಾಟದಲ್ಲಿ ಅದರ ಮೌಲ್ಯದ ಶೇ70 ರೀಂದ 75 ರಷ್ಟು ಮೌಲ್ಯವನ್ನು ಹಿಂದಿರುಗಿಸುತ್ತದೆ ಎಂದು ಡ್ರೂಮ್ ಹೇಳಿದೆ.

ಒಟ್ಟಾರೆ ಎಂಜಿ ಹೆಕ್ಟರ್ ಭಾರತೀಯ ರಸ್ತೆಗಳಿಗೆ ಇಳಿದು ಆರು ವರ್ಷಗಳಾಗಿವೆ. ಭಾರತದ ಮೊದಲ "ಇಂಟರ್ನೆಟ್ ಕಾರು" ತನ್ನ ಶೈಲಿಯಿಂದ ಎಲ್ಲರ ಗಮನ ಸೆಳೆದಿದೆ. ಪ್ರಯಾಣಿಕರನ್ನು ತನ್ನ ಸೌಕರ್ಯದಿಂದ ನಿರಾಳವಾಗಿಸಿದೆ. ಅದರ ವಿಶ್ವಾಸಾರ್ಹ, ದೊಡ್ಡ ಬಾಡಿ ಶೆಲ್‌ನಲ್ಲಿ ತುಂಬಿರುವ ಅತ್ಯಾಧುನಿಕ ತಂತ್ರಜ್ಞಾನದಿಂದ ಎಲ್ಲರನ್ನೂ ಬೆರಗುಗೊಳಿಸಿದೆ. ಭವಿಷ್ಯದಲ್ಲೂ ಎಂಜಿ ಹೆಕ್ಟರ್ ಹೇಗೆ ವಿಕಸನಗೊಳ್ಳುತ್ತದೆ ಎಂಬುದನ್ನು ನೋಡಲು ಕಾತರದಿಂದ ಕಾಯುತ್ತಿದ್ದೇವೆ, ಏಕೆಂದರೆ ಇದು ಭಾರತದ ಮೊದಲ ಇಂಟರ್ನೆಟ್ ಕಾರಾಗಿದೆ.