Toyota: ಇತ್ತೀಚೆಗೆ ಬಿಡುಗಡೆಯಾದ ಎರಡು ಅತ್ಯಾಧುನಿಕ ಟೊಯೋಟಾ ಕಾರುಗಳ ವಿಶೇಷತೆಗಳು

2009 ರಲ್ಲಿ ಬಿಡುಗಡೆಯಾದಾಗಿನಿಂದ ಟೊಯೋಟಾ ಫಾರ್ಚೂನರ್ ಪ್ರೀಮಿಯಂ ಎಸ್‌ಯುವಿ ವಿಭಾಗದಲ್ಲಿ ಮುನ್ನುಗ್ಗುತ್ತಿದೆ. ದಿಟ್ಟ ವಿನ್ಯಾಸ, ಅಸಾಧಾರಣ ಪರ್ಫಾಮೆನ್ಸ್ ಮತ್ತು ಸಾಟಿಯಿಲ್ಲದ ಎಲ್ಲಾ ಭೂಪ್ರದೇಶದಲ್ಲೂ ಮುನ್ನುಗ್ಗುವ ಸಾಮರ್ಥ್ಯದಿಂದ ಎಲ್ಲರ ಮನಗೆದ್ದಿದೆ. ಇದೀಗ ಹೊಸ ಟೆಕ್ನಾಲಜಿಯೊಂದಿಗೆ ಫಾರ್ಚುನರ್ ಹಾಗೂ ಲೆಜೆಂಡರ್ ಅನ್ನು ಭಾರತದಲ್ಲಿ ಇತ್ತೀಚೆಗೆ ಪರಿಚಯಿಸಲಾಗಿದೆ. ಈ ತಂತ್ರಜ್ಞಾನವು ಪರ್ಫಾಮೆನ್ಸ್ ಹಾಗೂ ಮೈಲೇಜ್ ಅನ್ನು ಹೆಚ್ಚುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಅದೇ ಸುಧಾರಿತ 48-ವೋಲ್ಟ್ ಸಿಸ್ಟಮ್‌ ಟೆಕ್ನಾಲಜಿಯಾಗಿದ್ದು, ಇದನ್ನು ಬಳಿಸಿಕೊಂಡು ಫಾರ್ಚುನರ್ ಹಾಗೂ ಲೆಜೆಂಡರ್‌ನಲ್ಲಿ ಹೊಸ ವೇರಿಯೆಂಟ್‌ಗಳನ್ನು ಬಿಡುಗಡೆ ಮಾಡಲಾಗಿದೆ.

ಫಾರ್ಚೂನರ್ ನಿಯೋ ಡ್ರೈವ್ 48V ಬೆಲೆಯು 44,72,000 (ಎಕ್ಸ್‌ ಶೊರೂಂ) ಇದ್ದರೇ, ಫಾರ್ಚೂನರ್ ಲೆಜೆಂಡರ್ ನಿಯೋ ಡ್ರೈವ್ 48V ಬೆಲೆಯು 50,09,000 (ಎಕ್ಸ್ ಶೋರೂಂ) ಇದೆ. ಫಾರ್ಚೂನರ್ ಮತ್ತು ಲೆಜೆಂಡರ್ ನಿಯೋ ಡ್ರೈವ್ ರೂಪಾಂತರಗಳ ಬುಕಿಂಗ್‌ಗಳು ಜೂನ್ 02, 2025 ರಿಂದ ತೆರೆದಿರುತ್ತವೆ, ಜೂನ್ 3 ನೇ ವಾರದಿಂದ ವಿತರಣೆಗಳು ಪ್ರಾರಂಭವಾಗುತ್ತವೆ.

ಸುಧಾರಿತ 48-ವೋಲ್ಟ್ ಸಿಸ್ಟಮ್‌ನೊಂದಿಗೆ ಸಜ್ಜುಗೊಂಡಿರುವ ಹೊಸ ನಿಯೋ ಡ್ರೈವ್ ವೇರಿಯೆಂಟ್‌ಗಳು ಸುಧಾರಿತ ಮೈಲೇಜ್, ವರ್ಧಿತ ಡ್ರೈವ್ ಪರ್ಫಾಮೆನ್ಸ್ ಮತ್ತು ಹೆಚ್ಚಿನ ಸೌಕರ್ಯದೊಂದಿಗೆ ಬಿಡುಗಡೆಯಾಗಿವೆ. ಈ ಹೈಬ್ರಿಡ್ ಎಲೆಕ್ಟ್ರಿಕ್ ಸಿಸ್ಟಮ್‌, ಬ್ಯಾಟರಿಯನ್ನು ವೇಗವರ್ಧನೆಯ ಸಮಯದಲ್ಲಿ ಚಾರ್ಜ್ ಮಾಡುತ್ತದೆ. ಹೊಸ ಸ್ಮಾರ್ಟ್ ಐಡಲ್ ಸ್ಟಾರ್ಟ್-ಸ್ಟಾಪ್ ಕಾರ್ಯವು ಮೈಲೇಜ್ ಅನ್ನು ಮತ್ತಷ್ಟು ಸುಧಾರಿಸುತ್ತದೆ.

ಅಲ್ಲದೇ ಹೊಸ 48V ಇಂಟಲಿಜೆಂಟ್ ಎಲೆಕ್ಟ್ರಿಕ್ ಅಸಿಸ್ಟ್ ತಂತ್ರಜ್ಞಾನದಿಂದ - ಉತ್ತಮ ಮೈಲೇಜ್ ಜೊತೆಗೆ ಕಾರ್ಬನ್ ಹೊರಸೂಸುವಿಕೆಯನ್ನು ಕಡಿಮೆ ಮಾಡಲಿದೆ. ಸ್ಥಿರವಾಗಿರುವಾಗ ಎಂಜಿನ್ ಅನ್ನು ಸ್ವಿಚ್ ಆಫ್ ಮಾಡುವ ಮೂಲಕ ಕಾರ್ಬನ್ ಹೊರಸೂಸುವಿಕೆಯನ್ನು ಕಡಿಮೆ ಮಾಡುತ್ತದೆ. ನಿಯೋ ಡ್ರೈವ್ ವೇರಿಯೆಂಟ್‌ಗಳು ಟೊಯೋಟಾದ ಪವರ್‌ಫುಲ್ 2.8-ಲೀಟರ್, 4-ಸಿಲಿಂಡರ್ ಟರ್ಬೊ-ಡೀಸೆಲ್ ಎಂಜಿನ್‌ನೊಂದಿಗೆ ಸಜ್ಜುಗೊಂಡಿವೆ.

ಈಗ 48-ವೋಲ್ಟ್ ಸಿಸ್ಟಮ್‌ನೊಂದಿಗೆ ಜೋಡಿಯಾಗಿದ್ದು, ಇದು ಬೆಲ್ಟ್-ಇಂಟಿಗ್ರೇಟೆಡ್ ಸ್ಟಾರ್ಟರ್ ಜನರೇಟರ್ ಮತ್ತು ಲಿಥಿಯಂ-ಐಯಾನ್ ಬ್ಯಾಟರಿಯನ್ನು ಒಳಗೊಂಡಿದೆ. ಹೆಚ್ಚುವರಿಯಾಗಿ, ಮಲ್ಟಿ-ಟೆರೈನ್ ಸೆಲೆಕ್ಟ್ ಸಿಸ್ಟಮ್ ವಿವಿಧ ಭೂಪ್ರದೇಶಗಳಲ್ಲಿ ಪರ್ಫಾಮೆನ್ಸ್ ಅನ್ನು ಅತ್ಯುತ್ತಮವಾಗಿಸಲು ಥ್ರೊಟಲ್ ಪ್ರತಿಕ್ರಿಯೆ, ಬ್ರೇಕಿಂಗ್ ಮತ್ತು ಸ್ಟೆಬಿಲಿಟಿ ಕಂಟ್ರೋಲ್ ಹೊಂದಿದೆ.

ಎರಡೂ ಮಾದರಿಗಳು ಡ್ಯುಯಲ್-ಟೋನ್ ಲೆದರ್ ಅಪ್ಹೋಲ್ಸ್ಟರಿ, ಸಾಫ್ಟ್-ಟಚ್ ಮೆಟೀರಿಯಲ್‌ಗಳು ಅತ್ಯುತ್ತಮ ಆಸನಗಳನ್ನು ಒಳಗೊಂಡಿವೆ. ಫಾರ್ಚೂನರ್ ತನ್ನ ದಿಟ್ಟ ಆಕರ್ಷಣೆಯನ್ನು ಉಳಿಸಿಕೊಂಡಿದ್ದರೆ, ಲೆಜೆಂಡರ್ ತನ್ನ ಗಮನಾರ್ಹ ಸ್ಪ್ಲಿಟ್ ಎಲ್ಇಡಿ ಹೆಡ್‌ಲ್ಯಾಂಪ್‌ಗಳು, ಸ್ಲೀಕರ್ ಫ್ಯಾಸಿಯಾ, ಡ್ಯುಯಲ್-ಟೋನ್ ಬಾಡಿ ಬಣ್ಣಗಳೊಂದಿಗೆ ಹೆಚ್ಚು ಕ್ರಿಯಾತ್ಮಕ ಮತ್ತು ಪ್ರೀಮಿಯಂ ಉಪಸ್ಥಿತಿಯನ್ನು ನೀಡುತ್ತದೆ.

ಫಾರ್ಚೂನರ್ ಮತ್ತು ಲೆಜೆಂಡರ್‌ಗಳಲ್ಲಿ WIL ಕಾನ್ಸೆಪ್ಟ್ ಸೀಟ್‌ಗಳು, ಹಿಲ್ ಅಸಿಸ್ಟ್ ಕಂಟ್ರೋಲ್, ಏಳು ಏರ್‌ಬ್ಯಾಗ್‌ಗಳು, ಎಬಿಎಸ್, ಟಿಆರ್‌ಸಿ (ಟ್ರಾಕ್ಷನ್ ಕಂಟ್ರೋಲ್ ಸಿಸ್ಟಮ್), ಚೈಲ್ಡ್ ರೆಸ್ಟ್ರೈಂಟ್ ಸಿಸ್ಟಮ್, ಬ್ರೇಕ್ ಅಸಿಸ್ಟ್‌ನೊಂದಿಗೆ ವೆಹಿಕಲ್ ಸ್ಟೆಬಿಲಿಟಿ ಕಂಟ್ರೋಲ್, ಪ್ರಿ-ಟೆನ್ಷನರ್ + ಫೋರ್ಸ್ ಲಿಮಿಟರ್‌ನೊಂದಿಗೆ ಮುಂಭಾಗದ ಸಾಲಿನ ಸೀಟ್‌ಬೆಲ್ಟ್‌ಗಲಂತಹ ಸುರಕ್ಷತಾ ವಶಿಷ್ಟ್ಯಗಳನ್ನು ಹೊಂದಿದೆ.

ಕಂಪನಿಯ ಪ್ರಕಾರ, ಪ್ರಮಾಣಿತ 3-ವರ್ಷ ಅಥವಾ 1,00,000 ಕಿ.ಮೀ ವಾರಂಟಿ, 5 ವರ್ಷ ಅಥವಾ 2,20,000 ಕಿಮೀವರೆಗೆ ವಿಸ್ತರಿಸಬಹುದಾದ ಜೊತೆಗೆ ಕಸ್ಟಮೈಸ್ ಮಾಡಬಹುದಾದ ಟೊಯೋಟಾ ಸ್ಮೈಲ್ಸ್ ಪ್ಲಸ್ ಸೇವಾ ಪ್ಯಾಕೇಜ್‌ ಹೊಂದಿದೆ. ಫಾರ್ಚೂನರ್ ಮತ್ತು ಲೆಜೆಂಡರ್ ನಿಯೋ ಡ್ರೈವ್ ವೇರಿಯೆಂಟ್‌ಗಳ ಮೇಲೆ ಐದು ವರ್ಷಗಳ ಉಚಿತ ರಸ್ತೆಬದಿಯ ನೆರವನ್ನು ಪಡೆಯಬಹುದು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.