ನವೆಂಬರ್ ತಿಂಗಳ ಕಾರು ಮಾರಾಟದಲ್ಲಿ ನಂ.1 ಬ್ರಾಂಡ್ ಇದೆ... ಟಾಪ್-5 ಪಟ್ಟಿ!

ಭಾರತದಲ್ಲಿ ಪ್ರಯಾಣಿಕ ವಾಹನ ಮಾರುಕಟ್ಟೆಯು ವೇಗವಾಗಿ ಬೆಳೆಯುತ್ತಿದೆ. ಪ್ರಮುಖ ಬ್ರಾಂಡ್‌ಗಳಾದ ಮಾರುತಿ ಸುಜುಕಿ, ಟಾಟಾ ಮೋಟಾರ್ಸ್, ಮಹೀಂದ್ರಾ, ಹ್ಯುಂಡೈ, ಟೊಯೋಟಾ, ಕಿಯಾದಂತಹ ಬ್ರಾಂಡ್‌ಗಳು ತುಂಬಾ ಖ್ಯಾತಿ ಗಳಿಸುತ್ತಿವೆ. ತಮ್ಮ ಹೊಸ ವಾಹನಗಳ ಮೂಲಕ ಸದಾ ಗ್ರಾಹಕರಿಗೆ ನೂತನ ಕಾರುಗಳನ್ನು ಪರಿಚಯಿಸುತ್ತಾ ಮಾರುಕಟ್ಟೆಯಲ್ಲಿ ಪ್ರಾಬಲ್ಯ ಸಾಧಿಸಲು ಸ್ಪರ್ಧಿಸುತ್ತಿವೆ. ನವೆಂಬರ್ ತಿಂಗಳ ಮಾರಾಟದ ವಿಷಯಕ್ಕೆ ಬಂದರೆ ಭರ್ಜರಿ ಲಾಭ ಪಡೆದುಕೊಂಡಿವೆ. ಈ ಲೇಖನದಲ್ಲಿ ಯಾವ ಬ್ರಾಂಡ್ ಎಷ್ಟು ಕಾರುಗಳನ್ನು ಮಾರಾಟ ಮಾಡುವ ಮೂಲಕ ಪಟ್ಟಿಯಲ್ಲಿ ಎಷ್ಟನೇ ಸ್ಥಾನ ಪಡೆದಿವೆ ನೋಡೋಣ.

ಮಾರುತಿ ಸುಜುಕಿ ನವೆಂಬರ್ 2025 ರಲ್ಲಿ ಭಾರತದ ಪ್ರಯಾಣಿಕ ವಾಹನ ಮಾರುಕಟ್ಟೆಯಲ್ಲಿ ಪ್ರಾಬಲ್ಯ ಸಾಧಿಸಿ ಅಗ್ರಸ್ಥಾನದಲ್ಲಿ ಮುಂದುವರಿಯುತ್ತಿದೆ. ನವೆಂಬರ್ ತಿಂಗಳಿನಲ್ಲಿ ಬರೋಬ್ಬರಿ 2,29,021 ಯುನಿಟ್‌ ವಾಹನಗಳ ಮಾಸಿಕ ಮಾರಾಟವನ್ನು ದಾಖಲಿಸಿದೆ. ಇದರಲ್ಲಿ 1,74,593 ದೇಶೀಯ ಮಾರಾಟ ಸೇರಿದ್ದು, ಮಾರಾಟದಲ್ಲಿ ಭಾರತದ ನಂ.1 ಕಾರು ಬ್ರಾಂಡ್ ಎಂಬ ತನ್ನ ಸ್ಥಾನವನ್ನು ಭದ್ರವಾಗಿಟ್ಟುಕೊಂಡಿದೆ.

ಇನ್ನು ಎರಡನೇ ಸ್ಥಾನದಲ್ಲಿ ಟಾಟಾ ಮೋಟಾರ್ಸ್ ಇದ್ದು, ನವೆಂಬರ್ ತಿಂಗಳಿನಲ್ಲಿ 59,199 ಯುನಿಟ್‌ ವಾಹನಗಳ (57,436 ದೇಶೀಯ) ಮಾರಾಟದೊಂದಿಗೆ ಎಲ್ಲರನ್ನು ಅಚ್ಚರಿಗೊಳಿಸಿದೆ. ಮಹೀಂದ್ರಾ ಕಂಪನಿಯು ಸುಮಾರು 56,336 ದೇಶೀಯ SUV ಯುನಿಟ್‌ಗಳೊಂದಿಗೆ ನಿಕಟವಾಗಿ ನಂತರದ ಸ್ಥಾನದಲ್ಲಿದೆ, ವರ್ಷದಿಂದ ವರ್ಷಕ್ಕೆ 9.1% ಬೆಳವಣಿಗೆಯನ್ನು ಸಾಧಿಸಿದೆ.

ಹುಂಡೈ ಮೋಟಾರ್ ಇಂಡಿಯಾ ಮಾರಾಟವು 50,340 ಯೂನಿಟ್‌ ವಾಹನಗಳಿಗೆ ಏರಿದೆ ಎಂದು ಹೇಳಿಕೊಂಡಿದೆ, ಇದು ನವೆಂಬರ್ 2024 ರಲ್ಲಿ ಮಾರಾಟವಾದ 48,246 ಯೂನಿಟ್‌ ವಾಹನಗಳಿಗೆ ಹೋಲಿಸಿದರೆ ಶೇ. 4 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ. ಹಾಗೆಯೇ ಟೊಯೋಟಾ ಕಿರ್ಲೋಸ್ಕರ್ ಮೋಟಾರ್ ನವೆಂಬರ್‌ನಲ್ಲಿ 33,752 ಯೂನಿಟ್‌ ವಾಹನಗಳನ್ನು ಮಾರಾಟ ಮಾಡಿದೆ.

ಅದೇ ರೀತಿ, ಕಿಯಾ ಇಂಡಿಯಾ ನವೆಂಬರ್‌ ಮಾರಾಟದಲ್ಲಿ ವರ್ಷದಿಂದ ವರ್ಷಕ್ಕೆ ಶೇ. 24 ರಷ್ಟು ಏರಿಕೆಯಾಗಿ 25,489 ಯೂನಿಟ್‌ ವಾಹನಗಳನ್ನು ಮಾರಾಟ ಮಾಡಿದೆ. ರೆನಾಲ್ಟ್ ಇಂಡಿಯಾ ನವೆಂಬರ್ ತಿಂಗಳಲ್ಲಿ 3,662 ಯೂನಿಟ್‌ ವಾಹನಗಳ ಮಾರಾಟವನ್ನು ವರದಿ ಮಾಡಿದೆ. ಇದು ಹಿಂದಿನ ವರ್ಷದ ಇದೇ ತಿಂಗಳಲ್ಲಿ 2,811 ಯೂನಿಟ್‌ ವಾಹನಗಳನ್ನು ಮಾರಾಟ ಮಾಡಿತ್ತು, ಇದು ವರ್ಷದಿಂದ ವರ್ಷಕ್ಕೆ ಶೇ. 30 ರಷ್ಟು ಹೆಚ್ಚಳವಾಗಿದೆ.

ಒಟ್ಟಾರೆ ಪ್ರಯಾಣಿಕ ವಾಹನ ವಿಭಾಗವು ಹಬ್ಬದ ನಂತರದ ಬೇಡಿಕೆ, GST ಕಡಿತ ಮತ್ತು ಬಲವಾದ ಗ್ರಾಹಕರ ಬೇಡಿಕೆಯಿಂದಾಗಿ ಶೇ 21 ರಷ್ಟು ವಾರ್ಷಿಕ ಏರಿಕೆ ಕಂಡಿದೆ. ಮಾರುತಿ ಸುಜುಕಿಯ ಮಾರಾಟವು 170,971 ಯುನಿಟ್‌ಗಳನ್ನು ತಲುಪಿದ್ದು, 1.5 ಲಕ್ಷ ಬಾಕಿ ಆರ್ಡರ್‌ಗಳು ಇವೆ ಎಂದು ತಿಳಿದುಬಂದಿದೆ. ಈ ಮೂಲಕ ಮಾರುತಿ ಕಂಪನಿಯು ಇನ್ನೂ ತನ್ನ ಬೇಡಿಕೆಯಲ್ಲಿ ಯಾವುದೇ ಕುಸಿತವಿಲ್ಲ ಎಂಬುದನ್ನು ಎತ್ತಿ ತೋರಿಸುತ್ತದೆ.

ಡಿಸೆಂಬರ್‌ನಲ್ಲಿ ಉದ್ಯಮದ ಪ್ರಮುಖ ಕಾರು ಕಂಪನಿಗಳು ನಿರಂತರ ಏರಿಕೆಯನ್ನು ನಿರೀಕ್ಷಿಸಿದ್ದಾರೆ, ಹೊಸ ಕಾರು ಬಿಡುಗಡೆಗಳು ಮತ್ತು EV ಗಳು ಬೆಳವಣಿಗೆಯನ್ನು ಹೆಚ್ಚಿಸುತ್ತಿವೆ. ಮಾರುತಿ ಸಣ್ಣ ಕಾರುಗಳ ಬೇಡಿಕೆಯನ್ನು ಮತ್ತಷ್ಟು ಹೆಚ್ಚಿಸುವ ಗುರಿಯನ್ನು ಹೊಂದಿದೆ, ಟಾಟಾ EV ಗಳ ಲಾಭವನ್ನು ಪಡೆಯುತ್ತಿದ್ದರೇ, ಮಹೀಂದ್ರಾ SUV ಶ್ರೇಣಿಯನ್ನು ವಿಸ್ತರಿಸುತ್ತಿದೆ. ಹೀಗೆ ಭಾರತೀಯ ವಾಹನ ವಲಯವು ವಿಶ್ವದ ಇತರ ದೇಶಗಳಿಗೆ ಹೋಲಿಸಿದರೆ ವೇಗವಾಗಿ ಬೆಳೆಯುತ್ತಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.