ಭಾರತದಲ್ಲಿ ಸ್ಕೋಡಾ ಆಟೋ ಫೋಕ್ಸ್‌ವ್ಯಾಗನ್ ಹೊಸ ಮೈಲಿಗಲ್ಲು: 20 ಲಕ್ಷ ಕಾರುಗಳ ಉತ್ಪಾದನೆ

ಸ್ಕೋಡಾ ಆಟೋ ಫೋಕ್ಸ್‌ವ್ಯಾಗನ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ (SAVWIPL) 2 ಮಿಲಿಯನ್ (20 ಲಕ್ಷ) ಕಾರುಗಳ ಉತ್ಪಾದನೆಯನ್ನು ದಾಟಿದೆ ಎಂದು ಕಂಪನಿ ಘೋಷಿಸಿದೆ. ಭಾರತದಲ್ಲಿ ತನ್ನ 25 ವರ್ಷಗಳ ಪ್ರಯಾಣದಲ್ಲಿ ಇದೊಂದು ಪ್ರಮುಖ ಮೈಲಿಗಲ್ಲಿನ ಹೆಗ್ಗುರುತು ಕ್ಷಣವಾಗಿದೆ. ಈ ಮೈಲಿಗಲ್ಲಿನಲ್ಲಿ MQB- A0 -IN ಪ್ಲಾಟ್‌ಫಾರ್ಮ್‌ನಲ್ಲಿ ನಿರ್ಮಿಸಲಾದ 5,00,000 ಕ್ಕೂ ಹೆಚ್ಚು ವಾಹನಗಳನ್ನು ಒಳಗೊಂಡಿದೆ, ಇದನ್ನು ಸ್ಥಳೀಯ ಎಂಜಿನಿಯರಿಂಗ್ ತಂಡಗಳು ಭಾರತದಲ್ಲಿ ವಿನ್ಯಾಸಗೊಳಿಸಿ ಅಭಿವೃದ್ಧಿಪಡಿಸಿವೆ ಎಂದು ಸ್ಕೋಡಾ ಆಟೋ ಫೋಕ್ಸ್‌ವ್ಯಾಗನ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ಹೇಳಿದೆ.

ಎರಡು ಮಿಲಿಯನ್ ವಾಹನಗಳ ಉತ್ಪಾದನೆಯು ಚಕನ್, ಪುಣೆ ಮತ್ತು ಔರಂಗಾಬಾದ್‌ನ ಶೆಂಡ್ರಾದಲ್ಲಿನ ಬ್ರಾಂಡ್‌ನ ಉತ್ಪಾದನಾ ಸೌಲಭ್ಯಗಳಿಂದ ನಿರ್ಮಾಣವಾಗಿ ಹೊರಬಂದಿವೆ. ಈ ವಾಹನಗಳಲ್ಲಿ 500,000 ಕ್ಕೂ ಹೆಚ್ಚು ವಾಹನಗಳನ್ನು ಭಾರತದಲ್ಲಿ ತಯಾರಿಸಿದ MQB- A0 -IN ಪ್ಲಾಟ್‌ಫಾರ್ಮ್‌ನಲ್ಲಿ ನಿರ್ಮಿಸಲಾಗಿದೆ. ಇದು ಸ್ಕೋಡಾ ಕುಶಾಕ್, ಸ್ಲಾವಿಯಾ, ಕೈಲಾಕ್ ಮತ್ತು ಫೋಕ್ಸ್‌ವ್ಯಾಗನ್ ಟೈಗನ್ ಮತ್ತು ವರ್ಟಸ್ ‌ನಂತಹ ಮಾದರಿಗಳನ್ನು ಒಳಗೊಂಡಿದೆ.

ಕಳೆದ ಕೊನೆಯ 5,00,000 ವಾಹನಗಳನ್ನು ಕೇವಲ 3.5 - ವರ್ಷಗಳಲ್ಲಿ ಉತ್ಪಾದಿಸಲಾಯಿತು, ಇದು ದೇಶೀಯವಾಗಿ ಮತ್ತು ಜಾಗತಿಕವಾಗಿ ಭಾರತದ ಎಂಜಿನಿಯರಿಂಗ್ ಉತ್ಪನ್ನಗಳಿಗೆ ಬೇಡಿಕೆಯಲ್ಲಿನ ಏರಿಕೆಯನ್ನು ಪ್ರತಿಬಿಂಬಿಸುತ್ತದೆ. ಈ ಸಾಧನೆಯು ಬಲವಾದ ದೇಶೀಯ ಮಾರಾಟದ ಜೊತೆಗೆ ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಭಾರತದಲ್ಲಿ ತಯಾರಿಸಿದ ವಾಹನಗಳ ಬಲವಾದ ಸ್ವೀಕಾರ ಮತ್ತು ಬೆಳವಣಿಗೆಯನ್ನು ಪ್ರದರ್ಶಿಸುತ್ತದೆ.

ಸ್ಕೋಡಾ ಮತ್ತು ಫೋಕ್ಸ್‌ವ್ಯಾಗನ್ ತಮ್ಮ ಅತ್ಯುತ್ತಮ ಕಾರ್ಯಕ್ಷಮತೆಯ ಅವಧಿಗಳನ್ನು ವರದಿ ಮಾಡಿವೆ, ಸ್ಕೋಡಾ ಇಂಡಿಯಾ 2025 ರ ಮೊದಲ 10 ತಿಂಗಳಲ್ಲಿ ವರ್ಷದಿಂದ ವರ್ಷಕ್ಕೆ ದ್ವಿಗುಣಗೊಂಡು 61,000 ಯೂನಿಟ್‌ ವಾಹನಗಳನ್ನು ತಲುಪಿದೆ. ದೀಪಾವಳಿ ಹಬ್ಬದ ಅವಧಿಯಲ್ಲಿ ಫೋಕ್ಸ್‌ವ್ಯಾಗನ್ ವರ್ಟಸ್ ದಾಖಲೆಯ ಮಾರಾಟವನ್ನು ಮತ್ತು ಪ್ರೀಮಿಯಂ ಸೆಡಾನ್ ವಿಭಾಗದಲ್ಲಿ ಗಮನಾರ್ಹ ಪಾಲನ್ನು ಸಾಧಿಸಿದೆ.

ಸ್ಕೋಡಾ ಆಟೋ ಫೋಕ್ಸ್‌ವ್ಯಾಗನ್ ಇಂಡಿಯಾದ ಸಿಇಒ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಪಿಯೂಷ್ ಅರೋರಾ ಮಾತನಾಡಿ, ಈ ಮೈಲಿಗಲ್ಲು ಜನರು, ತಂತ್ರಜ್ಞಾನ ಮತ್ತು ಸ್ಥಳೀಯ ಸಾಮರ್ಥ್ಯದಲ್ಲಿ ಸ್ಥಿರವಾದ ಹೂಡಿಕೆಯ ಪರಿಣಾಮವಾಗಿದೆ ಎಂದು ಒತ್ತಿ ಹೇಳಿದರು, ಜಾಗತಿಕ ಆಟೋಮೋಟಿವ್ ನಾವೀನ್ಯತೆಗಾಗಿ ಮಾರುಕಟ್ಟೆ ಮತ್ತು ಕೇಂದ್ರವಾಗಿ ಭಾರತದ ಕಾರ್ಯತಂತ್ರದ ಪ್ರಾಮುಖ್ಯತೆಯನ್ನು ವ್ಯವಸ್ಥಾಪಕ ನಿರ್ದೇಶಕ ಪಿಯೂಷ್ ಅರೋರಾ ಒತ್ತಿಹೇಳಿದರು.

ಈ ಮೈಲಿಗಲ್ಲು ಜಾಗತಿಕ ಜಾಲದಲ್ಲಿ ಭಾರತದ ಪಾತ್ರವನ್ನು ಹೆಚ್ಚಿಸುತ್ತದೆ, ಹೆಚ್ಚುತ್ತಿರುವ ರಫ್ತು ಪ್ರಮಾಣ ಮತ್ತು ಸ್ಥಳೀಯ ಎಂಜಿನಿಯರಿಂಗ್ ತಂಡಗಳಲ್ಲಿ ವಿಶ್ವಾಸವನ್ನು ಸೂಚಿಸುತ್ತದೆ. ಸ್ಕೋಡಾ ಆಟೋ ಫೋಕ್ಸ್‌ವ್ಯಾಗನ್ ಇಂಡಿಯಾದ 2 - ಮಿಲಿಯನ್ ವಾಹನ ಉತ್ಪಾದನಾ ಮೈಲಿಗಲ್ಲು ನಿರಂತರ ಬೆಳವಣಿಗೆ, ಕಾರ್ಯತಂತ್ರದ ಹೂಡಿಕೆಗಳು, ಭಾರತೀಯ ಹಾಗೂ ಜಾಗತಿಕ ಅಗತ್ಯಗಳಿಗೆ ಅನುಗುಣವಾಗಿ ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿದ ವೇದಿಕೆಗಳ ಯಶಸ್ಸಾಗಿದೆ ಎಂದರು.

ಬ್ರಾಂಡ್‌ನ ವಾಹನಗಳು ರಫ್ತು ಕಾರ್ಯಾಚರಣೆಗಳ ಬಲವಾದ ಆಧಾರಸ್ತಂಭವಾಗಿ ಉಳಿದಿವೆ. ಭಾರತದಿಂದ ಲ್ಯಾಟಿನ್ ಅಮೆರಿಕ, ಆಫ್ರಿಕಾ, ಆಗ್ನೇಯ ಏಷ್ಯಾ ಮತ್ತು ಮಧ್ಯಪ್ರಾಚ್ಯದಾದ್ಯಂತದ ಮಾರುಕಟ್ಟೆಗಳಿಗೆ 7,00,000 ಕ್ಕೂ ಹೆಚ್ಚು ವಾಹನಗಳನ್ನು ರವಾನಿಸಲಾಗಿದೆ. ಇದು 'ಭಾರತದಲ್ಲಿ ತಯಾರಿಸಲ್ಪಟ್ಟಿದೆ, ಪ್ರಪಂಚದಿಂದ ನಡೆಸಲ್ಪಡುತ್ತದೆ' (Made in India, Driven by the World) ಎಂಬ ದೃಷ್ಟಿಕೋನದಡಿಯಲ್ಲಿ ಭಾರತವು ರಫ್ತು ಕೇಂದ್ರವಾಗಿ ಹೊರಹೊಮ್ಮುವುದನ್ನು ಬಲಪಡಿಸಿದೆ ಎಂದು ಕಂಪನಿ ಹೇಳಿದೆ.

ಬ್ರಾಂಡ್ ಪುಣೆ ಮತ್ತು ಛತ್ರಪತಿ ಸಂಭಾಜಿ ನಗರದಲ್ಲಿ ಎರಡು ಅತ್ಯಾಧುನಿಕ ಸೌಲಭ್ಯಗಳನ್ನು ನಿರ್ವಹಿಸುತ್ತದೆ. ಸುಮಾರು €600 ಮಿಲಿಯನ್ ಹೂಡಿಕೆಯೊಂದಿಗೆ, ಹೆಚ್ಚಿನ ಪ್ರಮಾಣಗಳು ಮತ್ತು ಆಳವಾದ ಸ್ಥಳೀಕರಣವನ್ನು ಬೆಂಬಲಿಸಲು ಪುಣೆ ಸ್ಥಾವರವನ್ನು ಸ್ಥಾಪಿಸಲಾಯಿತು. ಒಟ್ಟಾರೆಯಾಗಿ, ಭಾರತದ ಕಾರ್ಯಾಚರಣೆಗಳನ್ನು ಆಧಾರವಾಗಿಟ್ಟುಕೊಂಡು ತನ್ನ ಬಹು - ಬ್ರಾಂಡ್, ಬಹು - ಮಾರುಕಟ್ಟೆ ತಂತ್ರವನ್ನು ಬೆಂಬಲಿಸಲು ಅಗತ್ಯವಾದ ಚುರುಕುತನದೊಂದಿಗೆ ಕೆಲಸ ಮಾಡುತ್ತಿದೆ.