ವಿಶ್ವ ತಿರುಗಿ ನೋಡುವಂತಾಗಿದೆ... ಶ್ರೀಮಂತ ದೇಶವಾಗುತ್ತಿದೆ ಭಾರತ! ಐಷಾರಾಮಿ ಬೆಂಟ್ಲಿ ಎಂಟ್ರಿ

ಸ್ಕೋಡಾ ಆಟೋ ಫೋಕ್ಸ್‌ವ್ಯಾಗನ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ (SAVWIPL) ಇಂದು ತನ್ನ ಗ್ರೂಪ್‌ನ ಅಡಿಯಲ್ಲಿ ಆರನೇ ಬ್ರ್ಯಾಂಡ್ ಆಗಿ ಪ್ರಸಿದ್ಧ ಬ್ರಿಟಿಷ್ ಬ್ರ್ಯಾಂಡ್ ಬೆಂಟ್ಲಿಯನ್ನು ಸೇರ್ಪಡೆಗೊಳಿಸುವುದಾಗಿ ಘೋಷಿಸಿದೆ. SAVWIPL ದೇಶಾದ್ಯಂತ ಬೆಂಟ್ಲಿ ವಾಹನಗಳನ್ನು ಪ್ರತ್ಯೇಕವಾಗಿ ಆಮದು ಮಾಡಿಕೊಂಡು ಡೆಲಿವರಿ ಮತ್ತು ಸರ್ವಿಸ್ ಮಾಡಲಿದೆ. ಇದು ಭಾರತದಲ್ಲಿ ವಿಸ್ತರಿಸುತ್ತಿರುವ ಐಷಾರಾಮಿ ಕಾರು ಕ್ಷೇತ್ರಕ್ಕೆ ಇನ್ನಷ್ಟು ವೇಗ ಹೆಚ್ಚಿಸಲಿದೆ. ಎಲ್ಲಾ ಮಾರ್ಕೆಟಿಂಗ್, ಮಾರಾಟ ಮತ್ತು ಮಾರಾಟದ ನಂತರದ ಕಾರ್ಯಾಚರಣೆಗಳನ್ನು ಹೊಸದಾಗಿ ಸ್ಥಾಪಿಸಲಾದ ಘಟಕವಾದ ಬೆಂಟ್ಲಿ ಇಂಡಿಯಾ ಅಡಿಯಲ್ಲಿ ನಡೆಸಲಾಗುವುದು ಎಂದು ಕಂಪನಿ ತಿಳಿಸಿದೆ.

ಅಬ್ಬೆ ಥಾಮಸ್ ಅವರನ್ನು ಬೆಂಟ್ಲಿ ಇಂಡಿಯಾದ ಬ್ರಾಂಡ್ ನಿರ್ದೇಶಕರಾಗಿ ನೇಮಿಸಲಾಗಿದೆ. ಇವರು ಭಾರತೀಯ ಮಾರುಕಟ್ಟೆಯಲ್ಲಿ ಬ್ರ್ಯಾಂಡ್ ಅನ್ನು ಮುನ್ನಡೆಸಲಿದ್ದಾರೆ. ಬೆಂಟ್ಲಿ ಇಂಡಿಯಾ ಬೆಂಗಳೂರು, ಮುಂಬೈನಿಂದ ಮತ್ತು ದೆಹಲಿಯಂತಹ ಪ್ರಮುಖ ನಗರಗಳಲ್ಲಿ ಮೂರು ಹೊಸ ಡೀಲರ್ ಪಾಲುದಾರರನ್ನು ಹೊಂದಿದೆ. ಈ ಹೊಸ ಶೋರೂಮ್‌ಗಳು ಭಾರತದ ಅಲ್ಟ್ರಾ-ಹೈ-ನೆಟ್-ಮೌಲ್ಯದ ಗ್ರಾಹಕರಿಗೆ ಬೆಂಟ್ಲಿಯ ಪರ್ಫಾಮೆನ್ಸ್, ಕರಕುಶಲತೆ ಮತ್ತು ಐಷಾರಾಮಿಗಳ ಸಹಿ ಸಂಯೋಜನೆಯನ್ನು ನೀಡುತ್ತವೆ.

ಭಾರತದಲ್ಲಿ ಆಟೋಮೋಟಿವ್ ಶ್ರೇಷ್ಠತೆಯನ್ನು ಹುಡುಕುತ್ತಿರುವ ಉನ್ನತ ಶ್ರೇಣಿಯ ಗ್ರಾಹಕರ ನಿರೀಕ್ಷೆಗಳನ್ನು ಬೆಂಟ್ಲಿ ತಲುಪಿಸಲಿದೆ. ಸ್ಕೋಡಾ ಆಟೋ ಫೋಕ್ಸ್‌ವ್ಯಾಗನ್ ಇಂಡಿಯಾ ಒಳಗೆ ಬ್ರ್ಯಾಂಡ್ ಅನ್ನು ಸಂಯೋಜಿಸುವುದರಿಂದ ಮಾರುಕಟ್ಟೆಯ ಮೇಲೆ ಅದರ ಗಮನವು ಚುರುಕುಗೊಳ್ಳುತ್ತದೆ. ಗ್ರಾಹಕರಿಗೆ ಅವರ ಮಾಲೀಕತ್ವದ ಪ್ರಯಾಣದ ಉದ್ದಕ್ಕೂ ವಿಶ್ವ ದರ್ಜೆಯನ್ನು ಖಚಿತಪಡಿಸುತ್ತದೆ.

ಪುಣೆಯಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ SAVWIP, ಸ್ಕೋಡಾ, ಫೋಕ್ಸ್‌ವ್ಯಾಗನ್, ಆಡಿ, ಬೆಂಟ್ಲಿ, ಲ್ಯಾಂಬೋರ್ಘಿನಿ ಮತ್ತು ಪೋರ್ಷೆ ಎಂಬ ಆರು ಪ್ರತಿಷ್ಠಿತ ಬ್ರ್ಯಾಂಡ್‌ಗಳ ಭಾರತೀಯ ಕಾರ್ಯಾಚರಣೆಗಳನ್ನು ನಿರ್ವಹಿಸುತ್ತಿವೆ. 2023 ರಲ್ಲಿ 'ಕೆಲಸ ಮಾಡಲು ಉತ್ತಮ ಸ್ಥಳ', 'ಉನ್ನತ ಉದ್ಯೋಗವಕಾಶ' ಮತ್ತು 'ಏಷ್ಯಾದಲ್ಲಿ ಕೆಲಸ ಮಾಡಲು ಉತ್ತಮ ಕಂಪನಿಗಳು' ಸೇರಿದಂತೆ ಹಲವಾರು ಪುರಸ್ಕಾರಗಳೊಂದಿಗೆ ಕಂಪನಿಯನ್ನು ಗುರುತಿಸಲಾಗಿದೆ.

ಭಾರತದಲ್ಲಿ ಪುಣೆಯ ಚಕನ್ ಮತ್ತು ಛತ್ರಪತಿ ಸಂಭಾಜಿನಗರದ ಶೇಂದ್ರ (ಹಿಂದೆ ಔರಂಗಾಬಾದ್ ಎಂದು ಕರೆಯಲಾಗುತ್ತಿತ್ತು)ದಲ್ಲಿ ಎರಡು ಅತ್ಯಾಧುನಿಕ ಉತ್ಪಾದನಾ ಸೌಲಭ್ಯಗಳನ್ನು ಹೊಂದಿದೆ. ಎರಡು ದಶಕಗಳಿಗೂ ಹೆಚ್ಚಿನ ಕಾಲದ ಶ್ರೀಮಂತ ಪರಂಪರೆಯಿಂದ ಬೆಂಬಲಿತವಾದ ಸ್ಕೋಡಾ ಆಟೋ ಫೋಕ್ಸ್‌ವ್ಯಾಗನ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್, ಎಲೆಕ್ಟ್ರಿಕ್ ಮತ್ತು ಇಂಧನ ಚಾಲಿತ ಕಾರುಗಳನ್ನು ಒಳಗೊಂಡಂತೆ ವಿಶಾಲ ಪೋರ್ಟ್‌ಫೋಲಿಯೊವನ್ನು ಹೊಂದಿದೆ.

ಸ್ಕೋಡಾ ಆಟೋ ಫೋಕ್ಸ್‌ವ್ಯಾಗನ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಪಿಯೂಷ್ ಅರೋರಾ ಮಾತನಾಡಿ, "ಫೋಕ್ಸ್‌ವ್ಯಾಗನ್ ಕುಟುಂಬಕ್ಕೆ ಬೆಂಟ್ಲಿಯನ್ನು ಸ್ವಾಗತಿಸುವುದು ನಮ್ಮ ಪೋರ್ಟ್‌ಫೋಲಿಯೊವನ್ನು ಪೂರ್ಣಗೊಳಿಸುವ ಹೆಮ್ಮೆಯ ಮೈಲಿಗಲ್ಲಾಗಿದೆ. ರಾಜಿಯಾಗದ ಐಷಾರಾಮಿ ಕಾರುಗಳಿಗಾಗಿ ಭಾರತದಲ್ಲಿ ಬೇಡಿಕೆ ವೇಗವಾಗಿ ಬೆಳೆಯುತ್ತಿದೆ. ಭಾರತೀಯ ಮಾರುಕಟ್ಟೆಯಲ್ಲಿ ಅಬ್ಬೆ ಥಾಮಸ್ ಅವರ ಆಳವಾದ ತಿಳುವಳಿಕೆಯು ಬೆಂಟ್ಲಿಯನ್ನು ಹೊಸ ಮೈಲಿಗಲ್ಲುಗಳತ್ತ ಕೊಂಡೊಯ್ಯಲಿದೆ ಎಂದು ಹೇಳಿದರು.

ಸ್ಕೋಡಾ ಆಟೋ ವೋಕ್ಸ್‌ವ್ಯಾಗನ್ ಇಂಡಿಯಾದ ಮಾರಾಟ, ಮಾರ್ಕೆಟಿಂಗ್ ಮತ್ತು ಡಿಜಿಟಲ್ ಕಾರ್ಯನಿರ್ವಾಹಕ ನಿರ್ದೇಶಕ ಜಾನ್ ಬ್ಯೂರ್ಸ್ ಮಾತನಾಡಿ, "SAVWIPL ಕುಟುಂಬಕ್ಕೆ ಬೆಂಟ್ಲಿಯನ್ನು ಸ್ವಾಗತಿಸಲು ಭಾರತದಲ್ಲಿ ನಮಗೆ ಹೆಮ್ಮೆಯ ಕ್ಷಣವಾಗಿದೆ. ಇದು ಭವಿಷ್ಯದ ಐಷಾರಾಮಿ ಕಾರು ವಿಭಾಗದಲ್ಲಿ ಹೊಸ ಮೈಲಿಗಲ್ಲುಗಳನ್ನು ಸಾಧಿಸುವ ನಂಬಿಕೆ ಇದೆ.

ಭಾರತದಲ್ಲಿ ನಿರಂತರವಾಗಿ ಬೆಳೆಯುತ್ತಿರುವ UHNI ವಿಭಾಗವು ಈ ಹೊಸ ಸಹಯೋಗದಿಂದ ಪ್ರಯೋಜನ ಪಡೆಯಲಿದೆ. ನಾವು, ನಮ್ಮ ಹೊಸ ಡೀಲರ್ ಪಾಲುದಾರರೊಂದಿಗೆ, ನಮ್ಮ ಗ್ರಾಹಕರಿಗೆ ಅತ್ಯುತ್ತಮ ಐಷಾರಾಮಿ ಮತ್ತು ಪರ್ಫಾಮೆನ್ಸ್ ನೀಡುವ ಕಾರುಗಳನ್ನು ನೀಡಲು ಸಿದ್ಧರಾಗಿದ್ದೇವೆ ಎಂದು ನಿರ್ದೇಶಕ ಜಾನ್ ಬ್ಯೂರ್ಸ್ ಹೇಳಿದರು.