ವರ್ಷಾಂತ್ಯಕ್ಕೆ ಕೇವಲ 26 ದಿನ ಬಾಕಿ: ಜನವರಿಯಲ್ಲಿ ಹೊಸ SUV ಬಿಡುಗಡೆಗೆ ಸಜ್ಜು

ಸ್ಕೋಡಾ ಆಟೋ ಇಂಡಿಯಾ ಜನವರಿ 2026 ರಲ್ಲಿ ಕುಶಾಕ್ ಫೇಸ್‌ಲಿಫ್ಟ್ ಅನ್ನು ಬಿಡುಗಡೆ ಮಾಡಲು ಯೋಜಿಸಿದೆ, ಇದು ಮಧ್ಯಮ ಗಾತ್ರದ SUV ವಿಭಾಗದಲ್ಲಿ ಹುಂಡೈ ಕ್ರೆಟಾ ಮತ್ತು ಕಿಯಾ ಸೆಲ್ಟೋಸ್‌ಗೆ ನೇರ ಪ್ರತಿಸ್ಪರ್ಧಿಯಾಗಿದೆ. ಸ್ಕೋಡಾ ಕುಶಾಕ್ ಭಾರತದಲ್ಲಿ ಮೊದಲ ಬಾರಿಗೆ ಜೂನ್ 2021 ರಲ್ಲಿ ಮಾರುಕಟ್ಟೆಯನ್ನು ಪ್ರವೇಶಿಸಿತು, ನಂತರ ಕಾರು ತಯಾರಕರ ಇಂಡಿಯಾ 2.0 ಯೋಜನೆಯಡಿಯಲ್ಲಿ ಫೇಸ್‌ಲಿಫ್ಟ್ ಮಾಡಲ್ ಅನ್ನು ಜನವರಿ 2026 ರಲ್ಲಿ ಬಿಡುಗಡೆ ಮಾಡಲು ಸಜ್ಜಾಗಿದ್ದಾರೆ. ಮುಂಬರಲಿರುವ ಈ ಕಾರಿನ ಕುರಿತ ಹೆಚ್ಚಿನ ವಿಶೇಷತೆಗಳು ಇಲ್ಲಿವೆ.

ಸ್ಕೋಡಾದ ಇಂಡಿಯಾ 2.0 ಯೋಜನೆಯಡಿಯಲ್ಲಿ ಜನವರಿ 2026 ರ ದ್ವಿತೀಯಾರ್ಧದಲ್ಲಿ ಬಿಡುಗಡೆ ಮಾಡುವ ಗುರಿಯನ್ನು ಹೊಂದಿದೆ. ಪರಿಷ್ಕೃತ ಹೆಡ್‌ಲೈಟ್‌ಗಳು ಮತ್ತು ಟೈಲ್‌ಲೈಟ್‌ಗಳನ್ನು ಒಳಗೊಂಡಿರುವ ಪರೀಕ್ಷಾ ಹಂತದ ಮಾಡಲ್‌ ಅನ್ನು ಈಗಾಗಲೇ ರಸ್ತೆಗಳಲ್ಲಿ ಟೆಸ್ಟಿಂಗ್ ವೇಳೆ ಹಲವು ಬಾರಿ ಗುರುತಿಸಲಾಗಿದೆ. ವೈಶಿಷ್ಟ್ಯಗಳಿಂದ ತುಂಬಿದ ಪ್ರತಿಸ್ಪರ್ಧಿಗಳಿಂದ ಸ್ಪರ್ಧೆಯನ್ನು ಎದುರಿಸುತ್ತಿರುವ ಈ ಕಾರು, ಇದೀಗ ನಾಲ್ಕು ವರ್ಷಗಳ ನಂತರ ಹೊಸ ನವೀಕರಣವನ್ನು ಪಡೆಯುತ್ತಿದೆ.

ವಿನ್ಯಾಸ ನವೀಕರಣಗಳು: ಹೊಸ ಎಲ್ಇಡಿ ಹೆಡ್ ಲೈಟ್‌ಗಳು ಮತ್ತು ಟೈಲ್ ಲೈಟ್ ಗಳು, ರಿಫ್ರೆಶ್ ಬಂಪರ್‌ಗಳು, ಮರುವಿನ್ಯಾಸಗೊಳಿಸಿದ ಅಲಾಯ್ ವೀಲ್‌ಗಳು ಪನೋರಮಿಕ್ ಸನ್‌ರೂಫ್‌ನಂತಹ ಸಂಭಾವ್ಯ ಸೇರ್ಪಡೆಗಳ ಜೊತೆಗೆ ಮರುವಿನ್ಯಾಸಗೊಳಿಸಲಾದ ಗ್ರಿಲ್, ಬಂಪರ್‌ಗಳು ಮತ್ತು ಮಾಡರ್ನ್ ಸಾಲಿಡ್ ವಿನ್ಯಾಸದೊಂದಿಗೆ ತೀಕ್ಷ್ಣವಾದ ಸ್ಟೈಲಿಂಗ್ ಅನ್ನು ನಿರೀಕ್ಷಿಸಲಾಗಿದೆ. ಜೊತೆಗೆ 360-ಡಿಗ್ರಿ ಕ್ಯಾಮೆರಾ ಮತ್ತು ಲೆವೆಲ್ 2 ADAS ಸಹ ಸೇರಿಸಿದ್ದಾರೆ ಎಂದು ತೋರುತ್ತದೆ.

ಇಂಟೀರಿಯರ್ ವರ್ಧನೆಗಳ ವಿಷಯಕ್ಕೆ ಬಂದರೆ ದೊಡ್ಡ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇ, ನವೀಕರಿಸಿದ ಇನ್ಫೋಟೈನ್‌ಮೆಂಟ್ ಮತ್ತು ಪ್ರೀಮಿಯಂ ಮೆಟೀರಿಯಲ್‌ಗಳನ್ನು ಒಳಗೊಂಡಿರಬಹುದು. ಇದರ ಜೊತೆಗೆ ಫೇಸ್‌ಲಿಫ್ಟ್ ಮಾಡಲ್‌ ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್, ಲೇನ್ ಅಸಿಸ್ಟ್, ಬ್ಲೈಂಡ್-ಸ್ಪಾಟ್ ಮಾನಿಟರಿಂಗ್ ಮತ್ತು ಸ್ವಾಯತ್ತ ತುರ್ತು ಬ್ರೇಕಿಂಗ್‌ನೊಂದಿಗೆ ಲೆವೆಲ್ 2 ADAS ಅನ್ನು ಪರಿಚಯಿಸಲಿದೆ.

ಇದು ಸ್ಕೋಡಾದ ಮೊದಲ ಸಾಮೂಹಿಕ - ಮಾರುಕಟ್ಟೆ ಮಾಡಲ್‌ ಅನ್ನು ಅತ್ಯಾಧುನಿಕ ತಂತ್ರಜ್ಞಾನದೊಂದಿಗೆ ಗುರುತಿಸುತ್ತದೆ. ಇತರ ಅಪ್‌ಗ್ರೇಡ್‌ಗಳಲ್ಲಿ 360 - ಡಿಗ್ರಿ ಕ್ಯಾಮೆರಾ, ವೆಂಟಿಲೇಟೆಡ್ ಸೀಟುಗಳು, ವೈರ್‌ಲೆಸ್ ಚಾರ್ಜರ್ ಮತ್ತು 8-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಆಯ್ಕೆ ಸೇರಿವೆ. ನಿರೀಕ್ಷಿತ ಬೆಲೆಯು ರೂ. 11 ರಿಂದ 12 ಲಕ್ಷ ಎಕ್ಸ್‌ಶೋರೂಂನಿಂದ ಪ್ರಾರಂಭವಾಗುವ ನಿರೀಕ್ಷೆಗಳಿವೆ.​

ಭಾರತ-ಕೇಂದ್ರಿತ ಎಂಕ್ಯೂಬಿ-ಎಒ-ಇನ್ ಪ್ಲಾಟ್ ಫಾರ್ಮ್ ನಲ್ಲಿ ನಿರ್ಮಿಸಲಾದ ಕುಶಾಕ್ ಎರಡು ಎಂಜಿನ್ ಆಯ್ಕೆಗಳನ್ನು ಪಡೆಯುತ್ತದೆ - 3-ಸಿಲಿಂಡರ್ 1.0 - ಲೀಟರ್ ಟಿಎಸ್‌ಐ (115 ಪಿಎಸ್ ಪವರ್ ಮತ್ತು 178 ಎನ್ಎಂ ಟಾರ್ಕ್) ಎಂಜಿನ್ ಮತ್ತು 4-ಸಿಲಿಂಡರ್ 1.5 - ಲೀಟರ್ ಟಿಎಸ್‌ಐ (150 ಪಿಎಸ್ ಪವರ್ ಮತ್ತು 250 ಎನ್ಎಂ ಟಾರ್ಕ್) ಎಂಜಿನ್ ಇದೆ.

1.0 - ಲೀಟರ್ ಯುನಿಟ್ 6-ಸ್ಪೀಡ್ ಎಂಟಿ ಮತ್ತು 6-ಸ್ಪೀಡ್ ಎಟಿ ಆಯ್ಕೆಗಳನ್ನು ಹೊಂದಿದ್ದರೆ, 1.5-ಲೀಟರ್ ಯುನಿಟ್ ಕೇವಲ 7-ಸ್ಪೀಡ್ ಡಿಎಸ್ ಜಿ ಅನ್ನು ಹೊಂದಿದೆ. ಜೂನ್ 2021 ರಲ್ಲಿ ಆರಂಭಿಕ ಬಿಡುಗಡೆಯ ಸಮಯದಲ್ಲಿ ಲಭ್ಯವಿದ್ದ 1.5-ಲೀಟರ್ ಘಟಕದ ಮ್ಯಾನುವಲ್ ಟ್ರಾನ್ಸ್ ಮಿಷನ್ ಜೊತೆಗೆ ಹೊಸ ಕುಶಾಕ್ ಈ ಪವರ್ ಟ್ರೇನ್ ಗಳನ್ನು ಪಡೆಯುವ ನಿರೀಕ್ಷೆಯಿದೆ.

ಕುಶಾಕ್ ಗ್ಲೋಬಲ್ ಎನ್‌ಸಿಎಪಿ ಸೇಫ್ಟಿ ಟೆಸ್ಟ್‌ನಲ್ಲಿ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಅನ್ನು ಸಹ ಪಡೆದುಕೊಂಡಿದೆ. ಇದು ಆರು ಏರ್ ಬ್ಯಾಗ್ ಗಳು, ಇಎಸ್‌ಸಿ, ಹಿಲ್-ಹೋಲ್ಡ್ ಕಂಟ್ರೋಲ್, ಟ್ರಾಕ್ಷನ್ ಕಂಟ್ರೋಲ್, ರೋಲ್ ಓವರ್ ಪ್ರೊಟೆಕ್ಷನ್, ಬ್ರೇಕ್ ಡಿಸ್ಕ್, ಐಎಸ್ ಒಫಿಕ್ಸ್ ಚೈಲ್ಡ್ - ಸೀಟ್ ಆಂಕರ್ ಗಳು ಮತ್ತು ಟೈರ್ ಪ್ರೆಶರ್ ಮಾನಿಟರಿಂಗ್ ಅನ್ನು ಹೊಂದಿದೆ. ಹೊಸ ಅಪ್‌ಡೇಟ್ ಭಾಗವಾಗಿ ADAS ಈ ಬಾರಿ ಹೆಚ್ಚಿನ ಸೇಫ್ಟಿ ಫೀಚರ್ಸ್ ತರಲಿದೆ.