Tata: ಭಾರತದ ಅತ್ಯಂತ ಸುರಕ್ಷಿತ ಕಾರು... ಕೇವಲ 9.99 ಲಕ್ಷಕ್ಕೆ ಸ್ಟೈಲಿಷ್ ಎಸ್‌ಯುವಿ ಕೂಪೆ!

ಭಾರತದಲ್ಲಿ ಇತ್ತೀಚಿನ ವರ್ಷಗಳಲ್ಲಿ ವಾಹನದ ಸುರಕ್ಷತಾ ರೇಟಿಂಗ್ ಕಾರು ಖರೀದಿಸುವ ಮುನ್ನ ಖರೀದಿದಾರರಿಗೆ ಪ್ರಮುಖ ಚರ್ಚೆಯ ವಿಷಯವಾಗಿ ಹೊರಹೊಮ್ಮಿದೆ. ಸದ್ಯ ದೇಶದಲ್ಲಿ ಕಾರುಗಳ ನಿರ್ಮಾಣ ಗುಣಮಟ್ಟವನ್ನು ಪರೀಕ್ಷಿಸಲೆಂದೇ ಭಾರತ ಸರ್ಕಾರ BNCAP ಅನ್ನು ತಂದಿದೆ. ಈ ಸಂಸ್ಥೆಯು ಕಾರು ಎಷ್ಟು ಸುರಕ್ಷಿತವಾಗಿದೆ ಎಂದು ನಿರ್ಧರಿಸಿ ರೇಟಿಂಗ್‌ ನೀಡುತ್ತದೆ. ಪ್ರಸ್ತುತ BNCAP ನಿಂದ ಸಂಪೂರ್ಣ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಗಳಿಸಿರುವ ಟಾಟಾ ಕಾರಿನ ಬಗ್ಗೆ ಇಲ್ಲಿ ವಿವರಿಸಿದ್ದೇವೆ. ನೀವೂ ಸಹ 10 ಲಕ್ಷ ರೂ.ಗಿಂತ ಕಡಿಮೆ ಬೆಲೆಯ ಕಾರನ್ನು ಖರೀದಿಸಲು ಯೋಚಿಸುತ್ತಿದ್ದರೆ ಈ ಕಾರು ನಿಮಗೆ ಸೂಕ್ತವಾಗಿದೆ.

ಟಾಟಾ ಕರ್ವ್: ಕೈಗೆಟುಕುವ ಕೂಪೆ-ಎಸ್‌ಯುವಿ ವಿಭಾಗದಲ್ಲಿನ ಕೆಲವೇ ಕಾರುಗಳಲ್ಲಿ ಒಂದಾದ ಟಾಟಾ ಕರ್ವ್, 9.99 ಲಕ್ಷ ರೂ.ಗಳ (ಎಕ್ಸ್ ಶೋರೂಂ) ಆರಂಭಿಕ ಬೆಲೆಯಲ್ಲಿ ಖರೀದಿಗೆ ಲಭ್ಯವಿದೆ. ಈ ಕಾರು ವಯಸ್ಕರ ಮತ್ತು ಮಕ್ಕಳ ಪ್ರಯಾಣಿಕರ ಕ್ರ್ಯಾಶ್ ಪರೀಕ್ಷೆಗಳಲ್ಲಿ 5-ಸ್ಟಾರ್ ರೇಟಿಂಗ್ ಅನ್ನು ಗಳಿಸಿದೆ.

ವಿವರವಾಗಿ ಹೇಳುವುದಾದ್ರೆ ಟಾಟಾ ಕರ್ವ್ ವಯಸ್ಕರ ಪ್ರಯಾಣಿಕರ ರಕ್ಷಣೆಯಲ್ಲಿ 32 ಅಂಕಗಳಿಗೆ 29.50 ಅಂಕಗಳನ್ನು ಮತ್ತು ಮಕ್ಕಳ ಪ್ರಯಾಣಿಕರ ರಕ್ಷಣೆಯಲ್ಲಿ 49 ಅಂಕಗಳಿಗೆ 43.66 ಅಂಕಗಳನ್ನು ಗಳಿಸಿದೆ. ಇದು ಕ್ರಿಯಾತ್ಮಕ ಪರೀಕ್ಷೆಗಳಲ್ಲಿ 24 ಅಂಕಗಳಿಗೆ 22.66 ಅಂಕಗಳನ್ನು ಗಳಿಸಿದೆ. ಫ್ರಂಟಲ್ ಆಫ್ಸೆಟ್ ವಿರೂಪಗೊಳಿಸಬಹುದಾದ ತಡೆಗೋಡೆ ಪರೀಕ್ಷೆಯಲ್ಲಿ 16 ಅಂಕಗಳಿಗೆ 14.65 ಅಂಕಗಳನ್ನು ಗಳಿಸಿದೆ.

ಸುರಕ್ಷತಾ ಫೀಚರ್ಸ್: ಇದರಲ್ಲಿ ಲೇನ್ ಡಿಪಾರ್ಚರ್ ವಾರ್ನಿಂಗ್ (LDW), ಲೇನ್ ಕೀಪ್ ಅಸಿಸ್ಟ್ (LKA), ಲೆವೆಲ್ 2 ADAS (ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್), ಸ್ಟಾಪ್ & ಗೋ, 360 ° 3D ಸರೌಂಡ್ ಕ್ಯಾಮೆರಾ ಮತ್ತು ಬ್ಲೈಂಡ್ ಸ್ಪಾಟ್ ಡಿಟೆಕ್ಷನ್‌ನೊಂದಿಗೆ ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್ ನೀಡಲಾಗಿದೆ. ಒಟ್ಟಾರೆ ಟಾಟಾ Curvv ಅನ್ನು ವ್ಯಾಪಕ ಶ್ರೇಣಿಯ ಸುಧಾರಿತ ಸುರಕ್ಷತಾ ವೈಶಿಷ್ಟ್ಯಗಳೊಂದಿಗೆ ವಿನ್ಯಾಸಗೊಳಿಸಲಾಗಿದೆ.

ಇಂಟೀರಿಯರ್ ವಿಶೇಷತೆಗಳು: 10-ಇಂಚಿನ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಅಗತ್ಯ ಮಾಹಿತಿಯನ್ನು ಒದಗಿಸುತ್ತದೆ. 12.3-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ಪ್ಲೇ ಅನ್ನು ಸಪೋರ್ಟ್ ಮಾಡುತ್ತದೆ. ಒಂಬತ್ತು JBL ಸ್ಪೀಕರ್‌ಗಳಿಂದ ಆಡಿಯೊ ಸಿಸ್ಟಮ್ ನೀಡಲಾಗಿದೆ. ಬೆಲೆಗೆ ತಕ್ಕ ವೇರಿಯೆಂಟ್‌ಗೆ ಅನುಗುಣವಾಗಿ ಫೀಚರ್ಸ್ ಇರುತ್ತವೆ ಎಂಬುದನ್ನು ಗಮನಿಸಬೇಕು.

ಒಳಗೆ 6-ಸ್ಟೆಪ್ ಎಲೆಕ್ಟ್ರಿಕಲ್ಲಿ ಅಡ್ಜಸ್ಟಬಲ್ ಫ್ರಂಟ್ ಡ್ರೈವರ್ ಸೀಟ್ ಮತ್ತು ವೆಂಟಿಲೇಟೆಡ್ ಫ್ರಂಟ್ ಸೀಟ್‌ಗಳನ್ನು ನೀಡಲಾಗಿದೆ. ಲೆದರ್ ಸೀಟ್‌ಗಳು ಮತ್ತು ಲೆದರ್ ಸ್ಟೀರಿಂಗ್ ವೀಲ್ ಪ್ರೀಮಿಯಂ ಆಗಿ ಕಾಣುತ್ತವೆ. ಮೂಡ್ ಲೈಟಿಂಗ್‌ನೊಂದಿಗೆ ಪನಾರಮಿಕ್ ಸನ್‌ರೂಫ್ ಐಷಾರಾಮಿ ಮತ್ತು ಅನುಕೂಲತೆ ಎರಡನ್ನೂ ಹೆಚ್ಚಿಸುತ್ತದೆ.

ಒಟ್ಟಾರೆ ಟಾಟಾ ಕರ್ವ್ ದೃಢವಾದ SUV ಸಾಮರ್ಥ್ಯಗಳೊಂದಿಗೆ ನಯವಾದ ಕೂಪ್ ತರಹದ ಡಿಸೈನ್ ಅನ್ನು ವಿಲೀನಗೊಳಿಸುತ್ತಾ, ಫ್ಲಶ್ ಡೋರ್ ಹ್ಯಾಂಡಲ್‌ಗಳು, ಸೀಕ್ವೆನ್ಷಿಯಲ್ ಎಲ್‌ಇಡಿ ಲೈಟಿಂಗ್ ಮತ್ತು ಐಷಾರಾಮಿ ಒಳಾಂಗಣದ ಜೊತೆಗೆ ಆಕರ್ಷಕ ಹೊರಾಂಗಣವನ್ನು ಹೊಂದಿದೆ. ಕೇವಲ ಡಿಸೈನ್ ಮಾತ್ರವಲ್ಲ, ವೈಶಿಷ್ಟ್ಯಗಳಲ್ಲಿಯೂ ಸಮೃದ್ಧವಾಗಿರುವ ಈ ಕಾರು ಬೆಲೆಗೆ ತಕ್ಕ ಮೌಲ್ಯವನ್ನು ಹೊಂದಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.