Top Mileage Cars: ಕೇವಲ 6 ಲಕ್ಷ ಬೆಲೆ... 33 ಕಿ.ಮೀ ಮೈಲೇಜ್... ಭಾರತದ ಟಾಪ್-3 ಕಾರುಗಳು!

Best budget cars: ಭಾರತದ ಬಜೆಟ್ ಕಾರು ವಿಭಾಗದಲ್ಲಿ ಅತಿ ಹೆಚ್ಚು ಮೈಲೇಜ್ ನೀಡುವ ಕಾರುಗಳು ಮುಖ್ಯವಾಗಿ ಮಾರುತಿ ಸುಜುಕಿ, ಹುಂಡೈ ಕಂಪನಿಯ ಮಾಡಲ್‌ಗಳಿಂದ ಪ್ರಾಬಲ್ಯ ಹೊಂದಿದೆ. ಸಂಪೂರ್ಣ ವೆಚ್ಚ-ಪ್ರಜ್ಞೆಯ ಖರೀದಿದಾರರಿಗೆ, ಮಾರುತಿ ಸೆಲೆರಿಯೊ, ಆಲ್ಟೊ ಕೆ 10 ಅಥವಾ ಹುಂಡೈ ಗ್ರ್ಯಾಂಡ್ ಐ10 ನಿಯೋಸ್ ಹ್ಯಾಚ್‌ಬ್ಯಾಕ್‌ಗಳು ಮೈಲೇಜ್ ಮತ್ತು ಕೈಗೆಟುಕುವಿಕೆಯ ವಿಭಾಗದಲ್ಲಿ ಬೆಸ್ಟ್ ಆಯ್ಕೆಯಾಗಿವೆ. ಇವಿಷ್ಟೆ ಅಲ್ಲದೆ ಇನ್ನೂ ಕೆಲವು ಮಾದರಿಗಳು ನಿಮಗೆ ಬಜೆಟ್ ಬೆಲೆಯಲ್ಲಿ ಉತ್ತಮ ಮೈಲೇಜ್ ಹಾಗೂ ಆರಾಮ ಪ್ರಯಾಣಕ್ಕೆ ಅನುವು ಮಾಡಿಕೊಡುತ್ತವೆ. ಬನ್ನಿ ನಿಮ್ಮ ಬಜೆಟ್‌ಗೆ ಸರಿಹೊಂದುವಂತಹ ಕಾರುಗಳು ಇಲ್ಲಿವೆಯೇ ಪರಿಶೀಲಿಸೋಣ.

ಮಾರುತಿ ಸುಜುಕಿ ಆಲ್ಟೊ ಕೆ10: ಮಾರುತಿ ಆಲ್ಟೊ ಕೆ10 ಬೇಸ್ ವೇರಿಯೆಂಟ್ ಬೆಲೆಯು ರೂ. 4.23 ಲಕ್ಷದಿಂದ ಆರಂಭವಾಗಿ ಟಾಪ್ ಮಾದರಿಯ ಬೆಲೆ ರೂ. 6.21 ಲಕ್ಷದವರೆಗೆ (ಎಕ್ಸ್ ಶೋ ರೂಂ) ಇದೆ. 1.0-ಲೀಟರ್ 3-ಸಿಲಿಂಡರ್ ಎಂಜಿನ್ ಹೊಂದಿದ್ದು, ಆಪ್ಷನಲ್ CNG ವೇರಿಯೆಂಟ್‌ನೊಂದಿಗೂ ಖರೀದಿಗೆ ಸಿಗುತ್ತದೆ. 5-ಸ್ಪೀಡ್ ಮ್ಯಾನುವಲ್ ಮತ್ತು AMT ಗೇರ್‌ಬಾಕ್ಸ್ ಆಯ್ಕೆಗಳನ್ನು ಹೊಂದಿದೆ.

ಮಾರುತಿ ಸುಜುಕಿ ಆಲ್ಟೊ ಕೆ10 ಮೈಲೇಜ್ ವಿಷಯಕ್ಕೆ ಬಂದರೆ ಇಂಧನ ಪ್ರಕಾರ ಮತ್ತು ಟ್ರಾನ್ಸ್‌ಮಿಷನ್ ಅವಲಂಭಿಸಿ ವಿಭಿನ್ನ ಮೈಲೇಜ್ ಅಂಕಿಅಂಶಗಳನ್ನು ಹೊಂದಿದೆ. ಪೆಟ್ರೋಲ್ MT ಪ್ರತಿ ಲೀಟರ್‌ಗೆ 24.39 ಕಿ.ಮೀ, ಪೆಟ್ರೋಲ್ AMT ಪ್ರತಿ ಲೀ.ಗೆ 24.90 ಕಿ.ಮೀ ಹಾಗೂ CNG MT ಪ್ರತಿ ಕೆ.ಜಿಗೆ 33.85 ಕಿ.ಮೀ ಮೈಲೇಜ್ ನೀಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಮಾರುತಿ ಸುಜುಕಿ ಸೆಲೆರಿಯೊ: ಮಾರುತಿ ಸೆಲೆರಿಯೊದ ಬೇಸ್ ವೇರಿಯೆಂಟ್ ಬೆಲೆಯು ರೂ. 5.64 ಲಕ್ಷದಿಂದ ಪ್ರಾರಂಭವಾಗುತ್ತದೆ. ಟಾಪ್ ವೇರಿಯೆಂಟ್ ಬೆಲೆಯು ರೂ. 7.37 ಲಕ್ಷದವರೆಗೆ (ಸರಾಸರಿ ಎಕ್ಸ್-ಶೋರೂಂ) ಇದೆ. 1.0-ಲೀಟರ್ K10C ಎಂಜಿನ್ ಹೊಂದಿದ್ದು, 5-ಸ್ಪೀಡ್ ಮ್ಯಾನುವಲ್ ಅಥವಾ AGS (AMT) ಗೇರ್‌ಬಾಕ್ಸ್‌ನೊಂದಿಗೆ ನೀಡಲಾಗುತ್ತದೆ. ಈ ಪುಟ್ಟ ಕಾರು ಸಿಎನ್‌ಜಿ ಆಯ್ಕೆಯಲ್ಲೂ ಲಭ್ಯವಿದೆ.

ಮಾರುತಿ ಸೆಲೆರಿಯೊದ ಮೈಲೇಜ್ ವಿಷಯಕ್ಕೆ ಬಂದರೆ ಪೆಟ್ರೋಲ್ ವೇರಿಯೆಂಟ್‌ಗಳು, ಪ್ರತಿ ಲೀಟರ್‌ಗೆ 25.17 ಕಿ.ಮೀ ನಿಂದ 26.23 ಕಿ.ಮೀ ವರೆಗೆ ಮೈಲೇಜ್ ನೀಡುತ್ತವೆ. ಸಿಎನ್‌ಜಿ ವೇರಿಯೆಂಟ್ ಪ್ರತಿ ಕೆ.ಜಿಗೆ 28 ಕಿ.ಮೀ ಮೈಲೇಜ್ ನೀಡುತ್ತದೆ. ಕೆಲವು ವರದಿಗಳು 34.43 ಕಿ.ಮೀ/ಕೆಜಿ ವರೆಗೆ ಮೈಲೇಜ್ ನೀಡುವುದಾಗಿ ವರದಿ ಮಾಡಿವೆ.

ಹುಂಡೈ ಗ್ರ್ಯಾಂಡ್ ಐ10 ನಿಯೋಸ್: ಹುಂಡೈ ಗ್ರ್ಯಾಂಡ್ ಐ10 ನಿಯೋಸ್‌ನ ಬೇಸ್ ವೇರಿಯೆಂಟ್ ಬೆಲೆಯು ರೂ. 5.98 ಲಕ್ಷದಿಂದ ಪ್ರಾರಂಭವಾಗುತ್ತದೆ. ಟಾಪ್ ವೇರಿಯೆಂಟ್ ಬೆಲೆ ರೂ. 8.62 ಲಕ್ಷದವರೆಗೆ (ಸರಾಸರಿ ಎಕ್ಸ್‌ಶೋರೂಂ) ಇದೆ. ಇದು 1.2-ಲೀಟರ್ NA ಪೆಟ್ರೋಲ್ ಎಂಜಿನ್ ಹೊಂದಿದ್ದು, 5-ಸ್ಪೀಡ್ ಮ್ಯಾನುವಲ್ ಅಥವಾ AMT ಟ್ರಾನ್ಸ್‌ಮಿಷನ್‌ನೊಂದಿಗೆ ಬರುತ್ತದೆ. ಸಿಎನ್‌ಜಿ ಆಯ್ಕೆಯಲ್ಲೂ ಲಭ್ಯವಿದೆ.

ಗ್ರಾಂಡ್ ಐ10 ನಿಯೋಸ್ ಮೈಲೇಜ್ ವಿಷಯಕ್ಕೆ ಬಂದರೆ ಮ್ಯಾನುವಲ್ ಪೆಟ್ರೋಲ್ ವೇರಿಯೆಂಟ್ ಪ್ರತಿ ಲೀಟರ್‌ಗೆ 18 ಕಿ.ಮೀ, ಆಟೋಮ್ಯಾಟಿಕ್ ಪೆಟ್ರೋಲ್ ವೇರಿಯೆಂಟ್ ಪ್ರತಿ ಲೀ.ಗೆ 16 ಕಿ.ಮೀ ಹಾಗೂ ಮ್ಯಾನುವಲ್ ಸಿಎನ್‌ಜಿ ವೇರಿಯೆಂಟ್ ಪ್ರತಿ ಕೆ.ಜಿಗೆ 27 ಕಿ.ಮೀ ಮೈಲೇಜ್ ನೀಡುವುದಾಗಿ ವರದಿಯಾಗಿದೆ.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ: ಮಾರುತಿ ಸೆಲೆರಿಯೊ, ಆಲ್ಟೊ ಕೆ 10, ಹುಂಡೈ ಗ್ರ್ಯಾಂಡ್ ಐ 10 ನಿಯೋಸ್ 2025 ರ ಮೈಲೇಜ್ ಮತ್ತು ಕೈಗೆಟುಕುವಿಕೆಯ ವಿಭಾಗದಲ್ಲಿ ಟಾಪ್ ಮಾಡಲ್‌ಗಳಾಗಿವೆ. ಸಂಪೂರ್ಣ ವೆಚ್ಚ-ಪ್ರಜ್ಞೆಯ ಖರೀದಿದಾರರಿಗೆ ಈ ಕಾರುಗಳು ಬೆಸ್ಟ್ ಆಯ್ಕೆಯಾಗಿವೆ. ಮೇಲೆ ತಿಳಿಸಿರುವ ಕಾರುಗಳ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ಕಮೆಂಟ್‌ನಲ್ಲಿ ತಿಳಿಸಿ.