ಟೊಯೊಟಾ ಇನ್ನೋವಾ ಕ್ರಿಸ್ಟಾಗೆ ನಡುಕ ಹುಟ್ಟಿಸಿದೆ ಹೊಸದಾಗಿ ಬಿಡುಗಡೆಯಾದ ಕಿಯಾ ಎಂಪಿವಿ: ಯಾವುದು ಬೆಸ್ಟ್?

ಕಿಯಾ ತನ್ನ ಹೊಸ ಕ್ಲಾವಿಸ್ ಎಂಪಿವಿಯನ್ನು ಕೊನೆಗೂ ನಿನ್ನೆ ಅನಾವರಣಗೊಳಿಸಿದ್ದು, ಕಿಯಾ ಕಾರೆನ್ಸ್ ಕ್ಲಾವಿಸ್ ಎಂಬ ಹೆಸರಿನಲ್ಲಿ ಭಾರತದಲ್ಲಿ ಪರಿಚಯಿಸಿದೆ. ಇದು ತುಸು ಪ್ರೀಮಿಯಂ ಎಂಪಿವಿಯಾಗಿದ್ದು, ಬೆಲೆಗಳನ್ನು ಘೋಷಿಸಿದ ಬಳಿಕ ಕಾರು ಬೆಲೆಗೆ ತಕ್ಕ ಮಾದರಿಯಾಗಿದೆಯೇ ಎಂಬುದನ್ನು ಹೇಳಬಹುದು. ನಮ್ಮ ಪ್ರಕಾರ ಬೆಲೆಗಳನ್ನು ಮುಂದಿನ ತಿಂಗಳು ಘೋಷಿಸಬಹುದು. ಸದ್ಯ ಭಾರತದಲ್ಲಿ ಈ ಕಾರು ಟೊಯೋಟಾ ಇನ್ನೋವಾ ಕ್ರಿಸ್ಟಾಗೆ ಪರ್ಯಾಯ ಆಯ್ಕೆಯಾಗಿದೆ. ಹಾಗಾದರೆ ವಿಶೇಷಣಗಳ ವಿಷಯದಲ್ಲಿ ಎರಡೂ ಕಾರುಗಳು ಹೇಗಿವೆ ಎಂಬುದನ್ನು ಇಲ್ಲಿ ನೋಡೋಣ.

ಟೊಯೊಟಾ ಇನ್ನೋವಾ ಕ್ರಿಸ್ಟಾ ಎಂಪಿವಿಯ ಬಗ್ಗೆ ಯಾವುದೇ ಪರಿಚಯದ ಅಗತ್ಯವಿಲ್ಲ. ಭಾರತದಲ್ಲಿ ಟೊಯೋಟಾ ಇನ್ನೋವಾ ಕ್ರಿಸ್ಟಾ ವೇರಿಯೆಂಟ್ ಅವಲಂಬಿಸಿ 7 ಅಥವಾ 8 ಪ್ರಯಾಣಿಕರಿಗೆ ಆಸನ ವ್ಯವಸ್ಥೆ ಮಾಡಬಹುದು. ಏಳು ಆಸನಗಳ ರೂಪಾಂತರವು ಎರಡನೇ ಸಾಲಿನಲ್ಲಿ ಕ್ಯಾಪ್ಟನ್ ಸೀಟುಗಳೊಂದಿಗೆ ಬರುತ್ತದೆ. ಆದರೆ ಎಂಟು ಆಸನಗಳ ರೂಪಾಂತರವು ಎರಡನೇ ಸಾಲಿನಲ್ಲಿ ಬೆಂಚ್ ಸೀಟನ್ನು ಹೊಂದಿದೆ.

ಇದು ಪರ್ಫಾಮೆನ್ಸ್ ಮತ್ತು ಆರಾಮದ ನಡುವೆ ಉತ್ತಮ ಸಮತೋಲನವನ್ನು ಹೊಂದಿದೆ. ಇನ್ನೋವಾ ಕ್ರಿಸ್ಟಾ ತನ್ನ ಪ್ರಯಾಣಿಕರಿಗೆ ಅಗತ್ಯವಿರುವ ಎಲ್ಲಾ ವಸ್ತುಗಳನ್ನು ಹೊಂದುವ ಮೂಲಕ ಸರಿಯಾದ ಪ್ರಮಾಣದಲ್ಲಿದೆ. ಸ್ಮಾರ್ಟ್ಫೋನ್ ಸಂಪರ್ಕದೊಂದಿಗೆ 8-ಇಂಚಿನ ಇನ್ಫೋಟೈನ್ಮೆಂಟ್ ಸಿಸ್ಟಮ್, ಲೆದರ್ ಅಪ್ಹೋಲ್ಸ್ಟರಿ, ಪವರ್-ಅಡ್ಜಸ್ಟಬಲ್ ಸೀಟುಗಳು, ಕ್ರೂಸ್ ಕಂಟ್ರೋಲ್‌ ಸೇರಿದಂತೆ ಹೆಚ್ಚಿನ ಫೀಚರ್ಸ್ ಹೊಂದಿದೆ.

ಒಳಭಾಗದಲ್ಲಿ, ಕ್ಲಾವಿಸ್ ಟ್ವಿನ್ 26.62 - ಇಂಚಿನ ಪನೋರಮಿಕ್ ಡಿಸ್ಪ್ಲೇಗಳು, ಡ್ಯುಯಲ್ ಪೇನ್ ಪನೋರಮಿಕ್ ಸನ್‌ ರೂಫ್ ಹೊಂದಿದೆ. ಹೊಸ ಕಿಯಾ ಕಾರೆನ್ಸ್ ಕ್ಲಾವಿಸ್ ಫೀಚರ್ಸ್ ವಿಷಯಕ್ಕೆ ಬಂದರೆ ಹೊಸ ಪೈಲಟ್ ಹೆಡ್ ಲೈಟ್ ಸೆಟಪ್, ಕನೆಕ್ಟೆಡ್ ಟೈಲ್ ಲ್ಯಾಂಪ್‌ಗಳು, 17 ಇಂಚಿನ ಚಕ್ರಗಳನ್ನು ಹೊಂದಿದ್ದು, ಆರು ಅಥವಾ ಏಳು ಆಸನಗಳ ಸ್ವರೂಪದಲ್ಲಿ ಬರುತ್ತದೆ.

ಫ್ರಂಟ್ ವೆಂಟಿಲೇಟೆಡ್ ಸೀಟುಗಳು, ಅಂತರ್ನಿರ್ಮಿತ ನ್ಯಾವಿಗೇಷನ್, ಬೋಸ್ ಆಡಿಯೊ ಸಿಸ್ಟಮ್, ಡ್ಯುಯಲ್ - ಜೋನ್ ಕ್ಲೈಮೇಟ್ ಕಂಟ್ರೋಲ್, ಡ್ಯುಯಲ್ - ಕ್ಯಾಮೆರಾ ಡ್ಯಾಶ್ ಕ್ಯಾಮ್ ಸೇರಿದಂತೆ ಹೆಚ್ಚಿನ ಫೀಚರ್ಸ್ ಒಳಗೊಂಡಿದೆ. ಒಟ್ಟಾರೆ ಫಿಚರ್ಸ್ ವಿಷಯದಲ್ಲಿ ಕಿಯಾ ಕಾರೆನ್ಸ್ ಕ್ಲಾವಿಸ್ ಇದು ಸುಸಜ್ಜಿತವಾಗಿದೆ ಎಂದು ಹೇಳಬಹುದು.

ಸುರಕ್ಷತೆಗೆ ಸಂಬಂಧಿಸಿದಂತೆ, ಎರಡೂ ಎಂಪಿವಿಗಳು ಬಹು ಏರ್ ಬ್ಯಾಗ್‌ಗಳು, ಇಎಸ್‌ಪಿ, ಇಬಿಡಿಯೊಂದಿಗೆ ಎಬಿಎಸ್, ರಿವರ್ಸ್ ಕ್ಯಾಮೆರಾ ಮತ್ತು ಸೆನ್ಸಾರ್‌ಗಳು, 360-ಡಿಗ್ರಿ ಕ್ಯಾಮೆರಾಗಳು ಮತ್ತು ಐಎಸ್ ಒಫಿಕ್ಸ್ ಚೈಲ್ಡ್ ಸೀಟ್ ಆಂಕರ್ ಗಳು ಸೇರಿದಂತೆ ಇನ್ನೂ ಹೆಚ್ಚಿನವನ್ನು ಪಡೆಯುತ್ತವೆ. ಆದರೆ ಕ್ರಿಸ್ಟಾದಲ್ಲಿ ಸಿಗದ ADAS ಲೆವೆಲ್ 2 ಸೂಟ್ ಅನ್ನು ಕ್ಲಾವಿಸ್ ಹೊಂದಿದೆ.

ಇನ್ನೋವಾ ಕ್ರಿಸ್ಟಾ 2.4 - ಲೀಟರ್ ಡೀಸೆಲ್ ಎಂಜಿನ್ 5-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಜೊತೆಗೆ ಬರುತ್ತದೆ. ಕಾರೆನ್ಸ್ ಕ್ಲಾವಿಸ್ ಮೂರು ಎಂಜಿನ್ ಆಯ್ಕೆಗಳನ್ನು ಹೊಂದಿದ್ದು, ಇದು ಎನ್‌/ಎ 1.5-ಲೀಟರ್ ಪೆಟ್ರೋಲ್, ಟರ್ಬೋಚಾರ್ಜ್ಡ್ 1.5-ಲೀಟರ್ ಪೆಟ್ರೋಲ್ ಎಂಜಿನ್ ಮತ್ತು 1.5-ಲೀಟರ್ ಡೀಸೆಲ್ ಎಂಜಿನ್ ಹೊಂದಿದೆ. ಗೇರ್ ಬಾಕ್ಸ್ ಆಯ್ಕೆಗಳಲ್ಲಿ ಮ್ಯಾನುವಲ್, ಐಎಂಟಿ, ಡಿಸಿಟಿ ಮತ್ತು ಆಟೋಮ್ಯಾಟಿಕ್ ಸೇರಿವೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.