ಕಾರು ಖರೀದಿಸುವ ಪ್ಲಾನ್ ಇದೆಯೇ? ಇನ್ನೇನು ವರ್ಷ ಮುಗೀತು... ಜನವರಿಯಲ್ಲಿ 3 ಫೇಸ್‌ಲಿಫ್ಟ್‌ಗಳ ಎಂಟ್ರಿ!

ನೀವು ಹೊಸ ಕಾರು ಖರೀದಿಸುವ ಪ್ಲಾನ್ ಇದ್ದರೆ ಸ್ವಲ್ಪ ತಡಿಯಿರಿ, ಹೊಸ ಕಾರುಗಳು ಮಾರುಕಟ್ಟೆಗೆ ಬರಲು ರೆಡಿಯಾಗಿವೆ. ಹೌದು, ಹೊಸ ವರ್ಷ 2026ಕ್ಕೆ ಕಾಲಿಡುತ್ತಿದ್ದಂತೆ SUV ಮಾರುಕಟ್ಟೆಯು ಜನವರಿ ತಿಂಗಳಲ್ಲೇ ಐದು ಹೊಸ ಮಾಡಲ್‌ಗಳನ್ನು ಸ್ವಾಗತಿಸಲು ಸಜ್ಜಾಗಿದೆ. ಕೈಗೆಟುಕುವ 7-ಸೀಟರ್‌ಗಳಿಂದ ಹಿಡಿದು ಮಿಡ್‌ಸೈಜ್ ಎಸ್‌ಯುವಿಗಳವರೆಗೆ, ಜನವರಿ 2026 ರಲ್ಲಿ ನೀವು ಎದುರು ನೋಡಬಹುದಾದ ಐದು ರೋಮಾಂಚಕಾರಿ ಕಾರುಗಳು ಅನಾವರಣಗೊಳ್ಳಲಿವೆ. ಬನ್ನಿ ಹಾಗಾದರೆ ಯಾವೆಲ್ಲಾ ಕಾರುಗಳು ಮಾರುಕಟ್ಟೆಯಲ್ಲಿ ಸದ್ದು ಮಾಡಲು ಸಜ್ಜಾಗಿವೆ ನೋಡೋಣ.

ಮಹೀಂದ್ರಾ XUV 7XO: 2026 ರಲ್ಲಿ ಮಹೀಂದ್ರಾ ಹಲವಾರು ಹೊಸ SUV ಗಳನ್ನು ಪರಿಚಯಿಸಲು ಸಜ್ಜಾಗುತ್ತಿದೆ, ಅದರಲ್ಲಿ XUV700 ಎಸ್‌ಯುವಿಯ ಫೇಸ್‌ಲಿಫ್ಟ್ ಆವೃತ್ತಿಯಾದ XUV 7XO ಅತ್ಯಂತ ನಿರೀಕ್ಷಿತ SUV ಗಳಲ್ಲಿ ಒಂದಾಗಿದೆ. ಕಂಪನಿಯು ಇದನ್ನು ಜನವರಿ 5, 2026 ರಂದು ಪರಿಚಯಿಸುವುದಾಗಿ ಹೇಳಿದೆ. ಈ ಕಾರು ಕ್ಯಾಬಿನ್ ಒಳಗೆ-ಹೊರಗೆ ಮರುವಿನ್ಯಾಸ, ಹೈಟೆಕ್ ನವೀಕರಣಗಳನ್ನು ಪಡೆದಿದೆ ಎಂದು ಹೇಳಲಾಗುತ್ತಿದೆ.

ಮಹೀಂದ್ರಾ XUV 7XO ಎಸ್‌ಯುವಿಯು ಲೆವೆಲ್ 2 ADAS ಸೇರಿದಂತೆ ಹಲವಾರು ಪ್ರೀಮಿಯಂ ವೈಶಿಷ್ಟ್ಯಗಳನ್ನು ಹೊಂದಿದೆ. ಮರುವಿನ್ಯಾಸಗೊಳಿಸಲಾದ ಸ್ಟೀರಿಂಗ್ ವೀಲ್, ಡಾಲ್ಬಿ ಅಟ್ಮಾಸ್‌ನೊಂದಿಗೆ 16-ಸ್ಪೀಕರ್ ಹರ್ಮನ್ ಕಾರ್ಡನ್ ಆಡಿಯೊ ಸಿಸ್ಟಮ್ ಮತ್ತು ಪನೋರಮಿಕ್ ಸನ್‌ರೂಫ್ ಅನ್ನು ಸಹ ಪಡೆಯಲಿದೆ. ಇತರ ಮುಖ್ಯಾಂಶಗಳಲ್ಲಿ ಎಲೆಕ್ಟ್ರಿಕ್ ಬಾಸ್ ಮೋಡ್, ಆಟೋ-ಡಿಮ್ಮಿಂಗ್ IRVM, XEV 9e ಮತ್ತು 9S ನಲ್ಲಿ ನೀಡಲಾದಂತೆಯೇ ಮೂರು-ಸ್ಕ್ರೀನ್ ಡಿಜಿಟಲ್ ಕ್ಲಸ್ಟರ್ ಸೇರಿವೆ.

ನಿಸ್ಸಾನ್ ಗ್ರಾವೈಟ್: ತನ್ನ ಇತ್ತೀಚಿನ ಮೂರು SUV ಕಾರ್ಯತಂತ್ರದ ಭಾಗವಾಗಿ, ನಿಸ್ಸಾನ್ ಇಂಡಿಯಾ ಜನವರಿ 2026 ರ ಆರಂಭದಲ್ಲಿ ದೇಶದಲ್ಲಿ ಗ್ರಾವೈಟ್ 7 - ಸೀಟರ್ MPV ಅನ್ನು ಅನಾವರಣಗೊಳಿಸಲು ಸಜ್ಜಾಗಿದೆ. ಇದರ ಬಿಡುಗಡೆ ಮೂಲಕ ನಿಸ್ಸಾನ್ ಬಜೆಟ್ ಸ್ನೇಹಿ MPV ವಾಹನ ವಿಭಾಗಕ್ಕೆ ದಿಟ್ಟ ಹೆಜ್ಜೆ ಇಡಲಿದೆ. ನಿರೀಕ್ಷಿತ ಬೆಲೆಯು ರೂ. 6.20 ಲಕ್ಷ ಆರಂಭಿಕ ಬೆಲೆಯನ್ನು ಹೊಂದಿರುವ ಸಾಧ್ಯತೆ ಇದೆ.

ಹೊರಭಾಗವು ಆಕರ್ಷಕ ಮುಂಭಾಗದ ಗ್ರಿಲ್, 15 - ಇಂಚಿನ ಅಲಾಯ್ ವೀಲ್‌ಗಳು ಮತ್ತು ನಯವಾದ LED ಟೈಲ್ - ಲ್ಯಾಂಪ್‌ಗಳು, ಒಳಗೆ ಡ್ಯುಯಲ್ - ಟೋನ್ ಅಪ್ಹೋಲ್ಸ್ಟರಿಯೊಂದಿಗೆ ಪ್ರೀಮಿಯಂ ಕ್ಯಾಬಿನ್, ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಸಪೋರ್ಟ್ ಮಾಡುವ 8 - ಇಂಚಿನ ಫ್ಲೋಟಿಂಗ್ ಟಚ್‌ಸ್ಕ್ರೀನ್, 7 - ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇ, ಪುಶ್-ಬಟನ್ ಸ್ಟಾರ್ಟ್ ಮತ್ತು ವೈರ್‌ಲೆಸ್ ಚಾರ್ಜಿಂಗ್ ಅನ್ನು ನಿರೀಕ್ಷಿಸಲಾಗಿದೆ.

ಹೊಸ ರೆನಾಲ್ಟ್ ಡಸ್ಟರ್: ಹೊಸ ರೆನಾಲ್ಟ್ ಡಸ್ಟರ್ ಸಿ-ಸೆಗ್ಮೆಂಟ್ ಎಸ್‌ಯುವಿ ಬಿಡುಗಡೆಯು ಹೆಚ್ಚು ನಿರೀಕ್ಷಿತವಾಗಿದೆ. ಜನವರಿ 26 ರಂದು ಅನಾವರಣವಾಗಲಿರುವ ಹೊಸ ಡಸ್ಟರ್, ಹ್ಯುಂಡೈ ಕ್ರೆಟಾ ಮತ್ತು ಕಿಯಾ ಸೆಲ್ಟೋಸ್‌ನಂತಹ ಸೆಗ್‌ಮೆಂಟ್ ಲೀಡರ್‌ಗಳಿಗೆ ಪೈಪೋಟಿ ನೀಡಲಿದೆ. ತೀಕ್ಷ್ಣವಾದ Y- ಆಕಾರದ LED DRL ಗಳು ಮತ್ತು ಮಸ್ಕುಲರ್ ರಗಡ್ ಬಂಪರ್‌ಗಳು, ಶಾರ್ಕ್ ಫಿನ್ ಆಂಟೆನಾ, ರೂಫ್ ರೈಲ್‌ಗಳು, ವಿಶಾಲ ಗ್ರಿಲ್‌ನೊಂದಿಗೆ ಒರಟಾದ ನೋಟವನ್ನು ಹೊಂದಿದೆ.

ಕ್ಯಾಬಿನ್ ವೈರ್‌ಲೆಸ್ ಆಪಲ್ ಕಾರ್‌ಪ್ಲೇ ಮತ್ತು ಆಂಡ್ರಾಯ್ಡ್ ಆಟೋದೊಂದಿಗೆ ಫ್ಲೋಟಿಂಗ್ 10 - ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಮತ್ತು ವೆಂಟಿಲೇಟೆಡ್ ಹಾಗೂ ಪವರ್ಡ್ ಸೀಟುಗಳು, ಪನೋರಮಿಕ್ ಸನ್‌ರೂಫ್, ವೈರ್‌ಲೆಸ್ ಫೋನ್ ಚಾರ್ಜರ್‌ನಂತಹ ಪ್ರೀಮಿಯಂ ಸ್ಪರ್ಶಗಳನ್ನು ಒಳಗೊಂಡಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ.

ಜನವರಿಯಲ್ಲಿ ಮಾರುಕಟ್ಟೆಗೆ ಎಂಟ್ರಿಕೊಡಲಿರುವ ಈ ಮೂರು ಕಾರುಗಳ ಮೇಲೆ ಭಾರೀ ನಿರೀಕ್ಷೆಗಳಿವೆ. ಮಹೀಂದ್ರಾ, ನಿಸ್ಸಾನ್, ರೆನಾಲ್ಟ್ ಬ್ರಾಂಡ್‌ಗಳಿಗೆ ಈ ಮಾಡಲ್‌ಗಳ ಬಿಡುಗಡೆಗಳು ನಿರ್ಣಾಯಕವಾಗಿವೆ. ಗ್ರಾಹಕರನ್ನು ಸೆಳೆಯಲು ಹಲವು ಹೊಸ ಅಪ್‌ಡೇಟ್‌ಗಳನ್ನು ನೀಡಿ ಮಾರುಕಟ್ಟೆಯಲ್ಲಿ ಪರಿಚಯಿಸುತ್ತಿವೆ. ಬಿಡುಗಡೆ ಬಳಿಕ ಯಾವ ಮಟ್ಟಿಗೆ ಯಶಸ್ಸು ಕಾಣಲಿವೆ ಕಾದುನೋಡಬೇಕಿದೆ.