Audi: ಮಾರ್ಚ್ 17 ರಂದು ಆಡಿ SQ8 ಬಿಡುಗಡೆಗೆ ಸಜ್ಜು: ಬೆಲೆಯೆಷ್ಟು, ನಿರೀಕ್ಷೆಗಳೇನು?

ಜೆರ್ಮನ್ ಐಷಾರಾಮಿ ಕಾರು ಬ್ರ್ಯಾಂಡ್ ಆಗಿರುವ ಆಡಿ (Audi), ತನ್ನ ಬಹುನಿರೀಕ್ಷಿತ ಆಡಿ SQ8 ಪರ್ಫಾಮೆನ್ಸ್ ಎಸ್‌ಯುವಿಯನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಆಡಿ ಮಾರ್ಚ್ 17 ರಂದು SQ8 ಪರ್ಫಾರ್ಮೆನ್ಸ್ SUV ಯನ್ನು ಬಿಡುಗಡೆ ಮಾಡಲಿದ್ದು, ಬುಕಿಂಗ್‌ಗಳು ಈಗಾಗಲೇ ಪ್ರಾರಂಭವಾಗಿವೆ. ಬ್ರ್ಯಾಂಡ್‌ನ ವೆಬ್‌ಸೈಟ್ ಮತ್ತು myAudi ಕನೆಕ್ಟ್ ಅಪ್ಲಿಕೇಶನ್ ಮೂಲಕ ರೂ. 5 ಲಕ್ಷ ಟೋಕನ್ ಮೊತ್ತವನ್ನು ಪಾವತಿಸಿ ಕಾರನ್ನು ಕಾಯ್ದಿರಿಸಬಹುದಾಗಿದೆ. ಈ ಪ್ರಮುಖ SUV ಯ ಬೆಲೆಗಳು ಮಾರ್ಚ್ 17 ರಂದು ಬಿಡುಗಡೆ ಸಮಯದಲ್ಲಿ ಬಹಿರಂಗಗೊಳ್ಳಲಿವೆ. ಹೊಸ ಆಡಿ SQ8 ಕುರಿತ ಪ್ರಮುಖಾಂಶಗಳು ಇಲ್ಲಿವೆ.

ವಿನ್ಯಾಸ ಮತ್ತು ವೈಶಿಷ್ಟ್ಯಗಳು

ಆಡಿ SQ8 SUV ಸ್ಪೋರ್ಟಿ ಮುಂಭಾಗದ ಬಂಪರ್, S ಬ್ಯಾಡ್ಜಿಂಗ್ ಮತ್ತು ಕ್ವಾಡ್ ಎಕ್ಸಾಸ್ಟ್ ಟಿಪ್‌ಗಳಲ್ಲಿ ದೊಡ್ಡ ಏರ್‌ ಇಂಟೇಕ್ ರೂಪದಲ್ಲಿ ಸ್ಪೋರ್ಟಿ-ವಿನ್ಯಾಸ ಅಂಶಗಳನ್ನು ಪಡೆದಿದೆ. ಮ್ಯಾಟ್ರಿಕ್ಸ್ LED ಹೆಡ್‌ಲ್ಯಾಂಪ್‌ಗಳು, ಹಿಂಭಾಗದ ವಿನ್ಯಾಸವು ಇತರ Q8 ರೂಪಾಂತರಗಳಂತೆಯೇ ಇದ್ದು, ಪೂರ್ಣ-ಅಗಲ LED-ಕನೆಕ್ಟೆಡ್ ಟೈಲ್‌ಲೈಟ್‌ಗಳೊಂದಿಗೆ ಟೈಲ್‌ಗೇಟ್‌ನಲ್ಲಿ S ಬ್ಯಾಡ್ಜಿಂಗ್ ಪಡೆದಿದೆ.

ಇಂಟೀರಿಯರ್ ವಿಷಯಕ್ಕೆ ಬಂದರೆ ಡ್ಯಾಶ್‌ಬೋರ್ಡ್‌ನಲ್ಲಿ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಮತ್ತು ಇನ್ಫೋಟೈನ್‌ಮೆಂಟ್ ಸಿಸ್ಟಮ್‌ಗಾಗಿ ಡ್ಯುಯಲ್ 12.3-ಇಂಚಿನ ಸ್ಕ್ರೀನ್ ಸೆಟಪ್ ಹೊಂದಿದೆ. ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಯೂನಿಟ್ ವೈರ್‌ಲೆಸ್ ಆಪಲ್ ಕಾರ್‌ಪ್ಲೇ ಮತ್ತು ಆಂಡ್ರಾಯ್ಡ್ ಆಟೋವನ್ನು ಸಪೋರ್ಟ್ ಮಾಡುತ್ತದೆ. ಡ್ರೈವರ್ ಡಿಸ್ಪ್ಲೇಯು ನಿರ್ದಿಷ್ಟ ಗ್ರಾಫಿಕ್ಸ್ ಒಳಗೊಂಡಿದೆ.

ಆಡಿ SQ8 ನ ಕ್ಯಾಬಿನ್ ಅನ್ನು ಹೆಚ್ಚಾಗಿ ಅಲ್ಕಾಂಟರಾ ಮತ್ತು ಲೆದರ್‌ನಲ್ಲಿ ಅಪ್‌ಹೋಲ್ಟರ್ ಮಾಡಲಾಗಿದೆ. ಸೀಟುಗಳು S ಬ್ಯಾಡ್ಜಿಂಗ್ ನೊಂದಿಗೆ ಸ್ಟಿಚಿಂಗ್ ಮಾಡಲಾಗಿದೆ. ಕ್ಯಾಬಿನ್‌ನ ಇತರ ಮುಖ್ಯಾಂಶಗಳಲ್ಲಿ ಪನೋರಮಿಕ್ ಸನ್‌ರೂಫ್, ಹೆಡ್-ಅಪ್ ಡಿಸ್ಪ್ಲೇ, ಮಲ್ಟಿ-ಝೋನ್ ಕ್ಲೈಮೆಟ್ ಕಂಟ್ರೋಲ್ ಮತ್ತು ಬ್ಯಾಂಗ್ & ಒಲುಫ್ಸೆನ್ ಸೌಂಡ್ ಸಿಸ್ಟಮ್, ಜೊತೆಗೆ ವೆಂಟಿಲೇಷನ್ ಮತ್ತು ಮಸಾಜ್ ಫಂಕ್ಷನ್‌ಗಳೊಂದಿಗೆ ಫ್ರಂಟ್ ಸೀಟುಗಳು ಬರುತ್ತವೆ.

ನಿರೀಕ್ಷಿತ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು: ಆಡಿ SQ8 ಸುಮಾರು ರೂ.1.8 ರಿಂದ 1.9 ಕೋಟಿ (ಎಕ್ಸ್-ಶೋರೂಂ) ಬೆಲೆಯನ್ನು ನಿರೀಕ್ಷಿಸಲಾಗಿದೆ. ಹೊಸ ಆಡಿ SQ8 ಕಾರು ಭಾರತೀಯ ಐಷಾರಾಮಿ SUV ಮಾರುಕಟ್ಟೆಯಲ್ಲಿ ಮರ್ಸಿಡಿಸ್-AMG GLE 53 ಕೂಪೆ ಮತ್ತು ಪೋರ್ಷೆ ಕಯೆನ್ನೆ GTS ಕಾರುಗಳಿಗೆ ಪೈಪೋಟಿ ನೀಡಲಿದೆ.

ಎಂಜಿನ್ ಮತ್ತು ಪರ್ಫಾಮೆನ್ಸ್: ಆಡಿ SQ8 4.0-ಲೀಟರ್ ಟ್ವಿನ್-ಟರ್ಬೊ V8 ಪೆಟ್ರೋಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತದೆ. ಇದು 507hp ಪವರ್ ಮತ್ತು 770Nm ಗರಿಷ್ಠ ಟಾರ್ಕ್ ಹೊರಹಾಕುತ್ತದೆ. SQ8 ನ ಎಂಜಿನ್ 8-ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ನೊಂದಿಗೆ ಜೋಡಿಸಲ್ಪಟ್ಟಿದ್ದು, ಇದು ಆಡಿಯ ಕ್ವಾಟ್ರೋ ಆಲ್-ವೀಲ್-ಡ್ರೈವ್ ಸಿಸ್ಟಮ್ ಮೂಲಕ ಎಲ್ಲಾ ನಾಲ್ಕು ವೀಲ್‌ಗಳಿಗೆ ಪವರ್‌ ತುಂಬುತ್ತದೆ.

SQ8 ನ ಪವರ್ ಔಟ್‌ಪುಟ್ RS Q8 ಪರ್ಫಾರ್ಮೆನ್ಸ್‌ಗಿಂತ ಕಡಿಮೆಯಾದ್ದು, ಇದು 640hp ಪವರ್ ಮತ್ತು 850Nm (SQ8 ಗಿಂತ 133hp ಮತ್ತು 80Nm ಹೆಚ್ಚು) ಟಾರ್ಕ್ ಉತ್ಪಾದಿಸುತ್ತದೆ. SQ8 ಸ್ಟ್ಯಾಂಡರ್ಡ್ Q8 ಗೆ ಹೋಲಿಸಿದರೆ ಹೆಚ್ಚು ಶಕ್ತಿಶಾಲಿಯಾಗಿದೆ, ಇದು 340hp ಮತ್ತು 500Nm (SQ8 ಗಿಂತ 167hp ಮತ್ತು 220Nm ಕಡಿಮೆ) ಉತ್ಪಾದಿಸುವ 3.0-ಲೀಟರ್ ಟರ್ಬೋಚಾರ್ಜ್ಡ್ V6 ಅನ್ನು ಹೊಂದಿದೆ.

ಆಡಿ SQ8 4.1 ಸೆಕೆಂಡುಗಳಲ್ಲಿ 0-100kmph ವೇಗ ಮತ್ತು ಟಾಪ್ ಸ್ಪೀಡ್ ಎಲೆಕ್ಟ್ರಾನಿಕ್ ಆಗಿ 250kmph ಗೆ ಸೀಮಿತಗೊಳಿಸಲಾಗಿದೆ ಎಂದು ಆಡಿ ಹೇಳಿಕೊಂಡಿದೆ. ಸ್ಟ್ಯಾಂಡರ್ಡ್ Q8 100kph ವೇಗವನ್ನು ತಲುಪಲು 5.6 ಸೆಕೆಂಡುಗಳನ್ನು ತೆಗೆದುಕೊಳ್ಳುತ್ತದೆ, ಆದರೆ RS Q8 ಪರ್ಫಾರ್ಮೆನ್ಸ್ 3.6 ಸೆಕೆಂಡುಗಳಲ್ಲಿ ಸ್ಪ್ರಿಂಟ್ ಅನ್ನು ಪೂರ್ಣಗೊಳಿಸುತ್ತದೆ.

ಆಡಿ SQ8 ಅಡಾಪ್ಟಿವ್ ಏರ್ ಸಸ್ಪೆನ್ಷನ್‌ನೊಂದಿಗೆ ಪ್ರಮಾಣಿತವಾಗಿ ಬರುತ್ತದೆ. SQ8 ಅದರ ಕಾರ್ಯಕ್ಷಮತೆಯ ಹಾರ್ಡ್‌ವೇರ್‌ನ ಭಾಗವಾಗಿ ಹಿಂಭಾಗದ ಚಕ್ರ ಸ್ಟೀರಿಂಗ್ ಮತ್ತು ಸ್ಪೋರ್ಟ್ ಡಿಫರೆನ್ಷಿಯಲ್ ಅನ್ನು ಸಹ ಒಳಗೊಂಡಿದೆ. S ಸ್ಪೋರ್ಟ್ ಪ್ಯಾಕೇಜ್ ಕೆಂಪು ಬ್ರೇಕ್ ಕ್ಯಾಲಿಪರ್‌ಗಳು ಮತ್ತು ಸಕ್ರಿಯ ರೋಲ್ ಸ್ಟೆಬಿಲೈಸೇಶನ್ ಅನ್ನು ಸಹ ಸೇರಿಸುತ್ತದೆ.