ಹಬ್ಬದ ಸಂಭ್ರಮ: 10 ಲಕ್ಷದೊಳಗೆ ಸಿಗುವ ಸುರಕ್ಷಿತ 6 ಏರ್‌ಬ್ಯಾಗ್ ಕಾರುಗಳಿವು, ಮಿಸ್ ಮಾಡ್ಬೇಡಿ!

ಹಬ್ಬದ ಈ ಸಮಯದಲ್ಲಿ '10 ಲಕ್ಷಕ್ಕಿಂತ ಕಡಿಮೆ ಬೆಲೆಯ 6 ಏರ್‌ಬ್ಯಾಗ್ ಕಾರುಗಳು' (6 airbag car under 10 lakh) ಯಾವುವು ಎಂದು ಗೂಗಲ್‌ನಲ್ಲಿ ಹುಡುಕುವವರ ಸಂಖ್ಯೆ ಸಿಕ್ಕಾಪಟ್ಟೆ ಹೆಚ್ಚಾಗಿದೆ. ಆದರೆ, ಗ್ರಾಹಕರಿಗೆ ನಿಖರವಾದ ಮಾಹಿತಿ ಬೇಕಿದೆ. ಪ್ರಮುಖ ಮೆಟ್ರೋ ನಗರಗಳಲ್ಲಿ ಯಾವುದೇ ಗುಪ್ತ ದರಗಳಿಲ್ಲದೆ, ಬಜೆಟ್‌ಗೆ ಸಿಗುವ ಕಾರುಗಳ ಪಟ್ಟಿಯನ್ನು ನಾವು ಸಿದ್ಧಪಡಿಸಿದ್ದೇವೆ. ಈ ಶಾರ್ಟ್‌ಲಿಸ್ಟ್‌ನಲ್ಲಿ ಹುಂಡೈ ಗ್ರ್ಯಾಂಡ್ i10 ನಿಯೋಸ್, ಔರಾ, ಎಕ್ಸ್‌ಟರ್, i20 ಹಾಗೂ ಟಾಟಾ ಪಂಚ್ ಮತ್ತು ಮಹೀಂದ್ರಾ XUV 3XO ಕಾರುಗಳ ಬೇಸ್ ವೇರಿಯೆಂಟ್‌ಗಳು ಸೇರಿವೆ.

ಈ 6 ಕಾರುಗಳನ್ನೇ ಏಕೆ ಆಯ್ಕೆ ಮಾಡಬೇಕು ಗೊತ್ತಾ? ಹುಂಡೈ ತನ್ನ ಎಲ್ಲಾ ಮಾಡೆಲ್‌ಗಳಲ್ಲೂ 6 ಏರ್‌ಬ್ಯಾಗ್‌ಗಳನ್ನು ಸ್ಟ್ಯಾಂಡರ್ಡ್ ಮಾಡಿದ್ದು, ದೆಹಲಿ, ಮುಂಬೈ ಮತ್ತು ಬೆಂಗಳೂರಿನಲ್ಲೂ ಎಂಟ್ರಿ ವೇರಿಯೆಂಟ್‌ಗಳನ್ನು ಬಜೆಟ್‌ನಲ್ಲೇ ಕಾಯ್ದುಕೊಂಡಿದೆ. ಎಕ್ಸ್‌ಟರ್ ಮತ್ತು ಔರಾ ಬೆಲೆಗಳು ಬಜೆಟ್‌ಗೆ ಕರಾರುವಾಕ್ಕಾಗಿ ಹೊಂದಿಕೊಳ್ಳುತ್ತವೆ. ಇತ್ತೀಚಿನ ಬೆಲೆ ಬದಲಾವಣೆಯ ನಂತರ ನಿಯೋಸ್ ಮತ್ತು ಹೊಸ i20 ಕಾರುಗಳು ಕೂಡ ಸುಲಭವಾಗಿ ಸಿಗುತ್ತಿವೆ. ದೆಹಲಿಯಲ್ಲಿ XUV 3XO ಮತ್ತು ಪಂಚ್ ಕಾರುಗಳ ಬೇಸ್ ವೇರಿಯೆಂಟ್ ಆನ್-ರೋಡ್ ಬೆಲೆ 10 ಲಕ್ಷದೊಳಗೇ ಇರುತ್ತದೆ. ಆದರೆ ಬೆಂಗಳೂರಿನ ರೋಡ್ ಟ್ಯಾಕ್ಸ್ ಹೆಚ್ಚಿರುವುದರಿಂದ ಬೆಲೆ ಕೊಂಚ ಗಡಿ ದಾಟಬಹುದು.

10 ಲಕ್ಷದೊಳಗಿನ 6 ಏರ್‌ಬ್ಯಾಗ್ ಕಾರುಗಳು ಮತ್ತು ಭಾರತ್ NCAP ರೇಟಿಂಗ್‌ಗಳು

ಮಾಡೆಲ್	ಭಾರತ್ NCAP	ಪ್ರಮುಖ ಸುರಕ್ಷತಾ ವಿವರಗಳು
Tata Punch	5-ಸ್ಟಾರ್ (AOP 30.58/32; COP 45/49)	6 ಏರ್‌ಬ್ಯಾಗ್ ಸ್ಟ್ಯಾಂಡರ್ಡ್; ISOFIX ಮತ್ತು ESC ಲಭ್ಯ; ಅತ್ಯುತ್ತಮ ಸ್ಕೋರ್‌ಗಳೊಂದಿಗೆ ಪ್ರಮಾಣೀಕೃತ
Mahindra XUV 3XO	5-ಸ್ಟಾರ್ (2024)	ಎಲ್ಲಾ ವೇರಿಯೆಂಟ್‌ನಲ್ಲೂ 6 ಏರ್‌ಬ್ಯಾಗ್ ಮತ್ತು ESC ಸ್ಟ್ಯಾಂಡರ್ಡ್; ಅತ್ಯುತ್ತಮ ಸುರಕ್ಷತಾ ಫೀಚರ್‌ಗಳು
Hyundai Exter	Not Rated	6 ಏರ್‌ಬ್ಯಾಗ್, ESC, HAC ಸ್ಟ್ಯಾಂಡರ್ಡ್; ಮಿಡ್ ಹಾಗೂ ಟಾಪ್ ವೇರಿಯೆಂಟ್‌ನಲ್ಲಿ ISOFIX
Hyundai Grand i10 Nios	Not Rated	6 ಏರ್‌ಬ್ಯಾಗ್ ಸ್ಟ್ಯಾಂಡರ್ಡ್; ಮುಖ್ಯವಾಗಿ AMT ಯಲ್ಲಿ ESC ಲಭ್ಯ; ಟಾಪ್ ವೇರಿಯೆಂಟ್‌ನಲ್ಲಿ ISOFIX
Hyundai Aura	Not Rated	6 ಏರ್‌ಬ್ಯಾಗ್ ಸ್ಟ್ಯಾಂಡರ್ಡ್; SX ವೇರಿಯೆಂಟ್‌ನಿಂದ ESC/HAC ಲಭ್ಯ; SX(O) ನಲ್ಲಿ ISOFIX
Hyundai i20	Not Rated	ಎಲ್ಲಾ ವೇರಿಯೆಂಟ್‌ಗಳಲ್ಲೂ 6 ಏರ್‌ಬ್ಯಾಗ್, ESC, HAC, ISOFIX ಸ್ಟ್ಯಾಂಡರ್ಡ್

ಟಾಟಾ ಪಂಚ್ ಮತ್ತು ಮಹೀಂದ್ರಾ XUV 3XO ಕಾರುಗಳು ಭಾರತ್ NCAP ಸುರಕ್ಷತಾ ಪರೀಕ್ಷೆಯಲ್ಲಿ 5-ಸ್ಟಾರ್ ರೇಟಿಂಗ್ ಪಡೆದುಕೊಂಡಿದ್ದು, ವಯಸ್ಕರು ಮತ್ತು ಮಕ್ಕಳ ಸುರಕ್ಷತೆಯಲ್ಲಿ ಮುಂಚೂಣಿಯಲ್ಲಿವೆ. ಇನ್ನು ಹುಂಡೈನ ಎಕ್ಸ್‌ಟರ್, ನಿಯೋಸ್, ಔರಾ ಹಾಗೂ i20 ಕಾರುಗಳು ಇದುವರೆಗೆ ಭಾರತ್ NCAP ಪರೀಕ್ಷೆಗೆ ಒಳಗಾಗಿಲ್ಲ. ಆದರೆ 2020 ರ ಗ್ಲೋಬಲ್ NCAP ಪರೀಕ್ಷೆಯಲ್ಲಿ ಕೇವಲ ಎರಡು ಏರ್‌ಬ್ಯಾಗ್‌ಗಳಿದ್ದ ನಿಯೋಸ್ 2-ಸ್ಟಾರ್ ರೇಟಿಂಗ್ ಪಡೆದಿತ್ತು. ಪ್ರಸ್ತುತ 'Not Rated' ಎಂದರೆ ಈ ಕಾರುಗಳನ್ನು ಇನ್ನು ಪರೀಕ್ಷಿಸಿಲ್ಲ ಎಂದಷ್ಟೇ ಅರ್ಥ.

ಕಾರುಗಳಲ್ಲಿ ನೀಡಲಾಗಿರುವ ಸುರಕ್ಷತಾ ಫೀಚರ್‌ಗಳನ್ನು ಗಮನಿಸುವುದು ಅಗತ್ಯ. ನಿಯೋಸ್‌ನಲ್ಲಿ ESC ಮತ್ತು VSM ಇದ್ದರೂ, ಇವು ಹೆಚ್ಚಾಗಿ AMT ಮಾಡೆಲ್‌ಗೆ ಸೀಮಿತವಾಗಿವೆ. ಇದರಲ್ಲಿ ಎಲ್ಲಾ ಸೀಟ್‌ಗಳಿಗೂ ಸೀಟ್‌ಬೆಲ್ಟ್ ರಿಮೈಂಡರ್ ಇದ್ದು, ಟಾಪ್ ವೇರಿಯೆಂಟ್‌ನಲ್ಲಿ ಮಾತ್ರ ISOFIX ಸಿಗಲಿದೆ. ಇನ್ನು ಔರಾ ಕಾರಿನಲ್ಲಿ SX ವೇರಿಯೆಂಟ್‌ನಿಂದ ESC ಮತ್ತು HAC ಹಾಗೂ SX(O) ನಲ್ಲಿ ISOFIX ಲಭ್ಯವಿದೆ. ಎಕ್ಸ್‌ಟರ್‌ನಲ್ಲಿ 6 ಏರ್‌ಬ್ಯಾಗ್, ESC, HAC, VSM ಸ್ಟ್ಯಾಂಡರ್ಡ್ ಆಗಿ ನೀಡಲಾಗಿದ್ದು, ಮೇಲಿನ ವೇರಿಯೆಂಟ್‌ಗಳಲ್ಲಿ ISOFIX ಇದೆ. ಇನ್ನು ಹುಂಡೈ i20 ನ ಎಲ್ಲಾ ಮಾಡೆಲ್‌ಗಳಲ್ಲೂ 6 ಏರ್‌ಬ್ಯಾಗ್, ESC, HAC ಮತ್ತು ISOFIX ಕಡ್ಡಾಯವಾಗಿ ಲಭ್ಯವಿದೆ.

ಈ ಹಬ್ಬದ ಸೀಸನ್‌ನಲ್ಲಿ ಹೊಸ ಕಾರು ಡೆಲಿವರಿ ಪಡೆಯುವ ಮುನ್ನ PDI (ಪ್ರೀ-ಡೆಲಿವರಿ ಇನ್ಸ್‌ಪೆಕ್ಷನ್) ಮಾಡಲು ಮರೆಯಬೇಡಿ. ಕಾರು ಆನ್ ಮಾಡಿ ಇನ್ಸ್‌ಟ್ರುಮೆಂಟ್ ಕ್ಲಸ್ಟರ್‌ನಲ್ಲಿ 6 ಏರ್‌ಬ್ಯಾಗ್ ಹಾಗೂ ಎಲ್ಲಾ ಸೀಟ್‌ಬೆಲ್ಟ್ ರಿಮೈಂಡರ್ ಲೈಟ್‌ಗಳು ಉರಿಯುತ್ತಿವೆಯೇ ಎಂದು ಪರಿಶೀಲಿಸಿ. ISOFIX ಆಂಕರ್‌ಗಳು ಮತ್ತು ESC ಬಟನ್ ಇದೆಯೇ ಎಂದು ಖಚಿತಪಡಿಸಿಕೊಳ್ಳಿ. ನಿಮ್ಮ ಬುಕಿಂಗ್ ವಿವರಕ್ಕೆ ತಕ್ಕಂತೆ ಕಾರಿನ VIN (ವಾಹನ ಗುರುತಿನ ಸಂಖ್ಯೆ) ತಿಂಗಳನ್ನು ಪರಿಶೀಲಿಸಿ. ಬ್ರೋಷರ್‌ನಲ್ಲಿರುವ ಫೀಚರ್‌ಗಳನ್ನು ಹಾಗೂ ಇಂದಿನ ಆನ್-ರೋಡ್ ಬಿಲ್ ವಿವರಗಳನ್ನು ಕ್ರಾಸ್ ಚಾಕ್ ಮಾಡಿ. ಹಬ್ಬದ ರಶ್‌ನಲ್ಲಿ ಭಾರತ್ NCAP ರೇಟಿಂಗ್‌ಗಳು ಅಪ್‌ಡೇಟ್ ಆಗುತ್ತಿರುತ್ತವೆ, ಹೀಗಾಗಿ ಹೊಸ ಮಾಹಿತಿ ಮೇಲೆಯೂ ಕಣ್ಣಿಡಿ.